“20–26 ni Janueri. 1 Nifai 11–15: ‘Vakaiyaragi ena iValavala Dodonu kei na Kaukauwa ni Kalou,’” Lako Mai, Mo Muri Au—Baleta na Matawilivola ni Sigatabu: iVola i Momani 2020 (2020)

“20–26 ni Janueri. 1 Nifai 11–15,” Lako Mai, Mo Muri Au—Baleta na Matawilivola ni Sigatabu: 2020

iVakatakilakila

era kania tiko na tamata na vuanikau ni bula

Kamikamica Cake mai na Veika Kamikamica Kece, mai vei Miguel Ángel González Romero

20–26 ni Janueri.

1 Nifai 11–15

“Vakaiyaragi ena iValavala Dodonu kei na Kaukauwa ni Kalou”

Tekivuna nomu vakavakarau ena nomu wilika na 1 Nifai 11–15. Vola na nomu vakanananu kei na vakasama baleta na itukutuku kei na ivakavuvuli mo vakayaloqaqataki ira kina na kalasi mera veivosaki kina. Na veivakasama oqo e ra na rawa ni veivuke.

Vola na Veika o Uqeti Kina

iVakatakilakila

ivakatakilakila ni veiwasei

Sureta na Veiwasei

Era umani tu ena veiwase oqo na ivakavuvuli era rawa ni vinakata na lewe ni kalasi mera nanuma ni ra wasea na kosipeli vei ira na tamata. Navuca mo vola na taro vakaoqo ena papa ka sureta na kalasi mera wasea na veika era sa wilika ena macawa oqo ka na vukea me sauma na veitaro oqo:

Na cava na Vukitani kei na Veivakalesui Mai?
Na cava e gadrevi kina na iVola i Momani?
Meu kila vakacava vakataki au na veika dina ni Kalou?

iVakatakilakila

ivakatakilakila ni veivakavulici

Vakavulica na iVunau

1 Nifai 11:1–5, 13–33

A talai Jisu Karisito mai na Kalou me ivakaraitaki ni Nona loloma.

Ea vakaraitaka vei Nifai e dua na agilosi na veika ena yaco ena bula ni iVakabula ka vakaraitaka na loloma ni Kalou. O na rawa ni raica ni na veivuke na kena dikevi vakalasi na ivakatakilakila kei na veika e yaco ka me veivosakitaki e vakaraitaka vakacava na loloma ni Kalou vei keda. E tiko beka eso na iyaloyalo, vidio, se ivakaraitaki tale eso o na rawa ni vakaraitaka ni tukuna tiko eso na ka ea yaco ena veitikina oqo? (raica, me ivakaraitaki, biblevideos.ChurchofJesusChrist.org). Ena vukei iko vakacava na bula kei na Veisorovaki ni iVakabula mo kila vinaka kina na loloma ni Kalou vei iko?

1 Nifai 12–15

Ena vukei keda na Kalou meda vorata rawa na revurevu nei Setani.

Eso na gauna era na vakasama na kalasi me vakataki ira na tamata ena raivotu nei Nifai era a lakosese ena kabu ni butobuto se ra vakalialiai mai vei ira era tiko ena vale levu cecere. Sa rawa mo taroga na kalasi na vuna sa ivakatakarakara vinaka kina ni veitemaki na kabu ni butobuto (raica na 1 Nifai 12:17) kei na vuna sa ivakatakarakara vinaka kina ni vakasama tawayaga kei na dokadoka vakavuravura na vale levu cecere (raica na 1 Nifai 12:18). Mo qai wasea na wase 12–15 vei ira na lewe ni kalasi ka sureta mera vakasaqara na veitikina eso e vakavulica ni na vukei keda na Kalou meda vorata rawa na veitemaki, veika tawayaga, kei na dokadoka (raica, me vakataka na, 1 Nifai 13:34–40; 14:14).
O na vukei ira vakacava nomu kalasi me ra kila vinaka cake na kaukauwa e vu mai na vosa ni Kalou? (raica na 1 Nifai 15:24). Sa rawa mo sureti ira mera veivosakitaka na taro me vakaoqo: Na cava a vulica o Nifai baleta na kaukauwa ni vosa ni Kalou? E dau tovolea vakacava o Setani me vakatanitaka na vosa ni Kalou? (raica na 1 Nifai 13:26–29). Na cava sa cakava na Turaga kei ira Nona parofita me taqomaki kina na Nona vosa? Me tiki ni nomuni veivosaki, mo kerea e vica na lewe ni kalasi mera wasea na sala era sa vulica tiko kina na ivolanikalou ka ra sa cakava tiko vakacava me tiki ni nodra bula e veisiga na vosa ni Kalou.

1 Nifai 13

A vakarautaka na Kalou na sala ni kena Vakalesui Mai na nona Lotu.

Ena rairai veivuke ki na kalasi e dua na gauna tuvai mera kila vinaka na kalasi na raivotu nei Nifai baleta na cakacaka ni Vakalesui Mai. Sa rawa mo vukea na kalasi mera cakava e dua ena papa, ena kena cakacaka era kunea ena 1 Nifai 13. Na cakacaka cava vei ira oqo sa caka oti? Na kena e cava sa yaco tiko nikua? Sa rawa mo wasea na itukutuku e tiko ena “iKuri ni iVurevure” mai vei George Washington, na imatai ni peresitedi kei Amerika, e vakaraitaka tiko ni kila tu o koya na veivakauqeti ni Kalou ena Gauna Vou kei Amerika, na gauna me vakarautaki kina na Vakalesui Mai.
Era na vakayagataka vakacava na lewe ni kalasi na 1 Nifai 13 me vakamacalataka vua e dua e sega ni lewenilotu na vuna e gadrevi kina na Vakalesui Mai? (kena ivakaraitaki, raica na 1 Nifai 13:26–29, 35–42). Na ivolanikalou cava tale e rawa ni ra vakayagataka na lewe ni kalasi me ra vukei kina eso me ra kila na vuna a gadrevi kina na Veivakalesui Mai? (baleta eso na kena ivakaraitaki, raica na iDusidusi Vakaiulutaga, “Vakalesui mai ni Kosipeli”). Ena yaga sara ki na kalasi mera dramataka na sala era na vakamacalataka kina vua e dua na kena gadrevi na Vakalesui Mai kei na kena sa vakalougatataki ira kina.

1 Nifai 13:20–41

E vakatavulica na iVola i Momani na dina e matata vinaka ka talei.

Ena rawa me veivuke na 1 Nifai13:20–41 me tekivu na veivosaki baleta na vuna eda gadreva kina na iVola i Momani. Sa rawa ki na kalasi mera vola eso na “tikina macala vinaka ka talei sara” a yali mai na iVola Tabu ka vakalesui mai ena iVola i Momani (me vakataka, raica na tikina e 26 kei na 39 se na kena ena “iKuri ni iVurevure”). Sa rawa talega mo sureta na kalasi mera wasea na kena sa vukei ira “na tikina macala vinaka ka talei sara” mera toro voleka kina vua na Kalou.

iVakatakilakila
era wili ivolanikalou tiko na matavuvale

Ena vukei keda na Yalo meda kunea rawa vakai keda na “tikina macala vinaka ka talei sara.”
Sa rawa mo vakaraitaka na vidio “The Book of Mormon—a Book from God” (ChurchofJesusChrist.org), ka sureta na kalasi mera wasea na cava sa vakatavulica na vidio oqo baleta na vuna eda gadreva kina na iVola i Momani. Se sureta e dua na lewe ni kalasi me droinitaka ena papa na ivakaraitaki e tukuni tiko ena vosa nei Elder Tad R. Callister ena “iKuri ni iVurevure.” Mera qai wasea na kalasi na kena sa vukei ira vakacava na iVola i Momani mera kila vinaka cake kina na kosipeli i Jisu Karisito.

iVakatakilakila

ivakatakilakila ni vuli

Vakayaloqaqataka na Vuli e Vale

Ni gadrevi mera vakayaloqaqataki na kalasi mera wilika na 1 Nifai 16–22 ena loma ni macawa mai oqo, mo tukuna vei ira ni tiko kina e dua na itukutuku e rawa ni uqeti ira ka vukei ira mera cakava e dua na ka e vaka me dredre toka.

iVakatakilakila

ivakatakilakila ni ivurevure

iKuri ni iVurevure

Vidio ni iVola i Momani

Vaqara na vidio e tukuna tiko na ka e yaco mai na 1 Nifai 11–15 era tiko ena Vidio ni iVola i Momani ena ChurchofJesusChrist.org se ena app ni Gospel Library.

Na liga ni Kalou ena gauna Vou kei Amerika.

A kaya o George Washington: “Sa na tamata ca dina sara o koya e raica na cakacaka ni veigauna ni Gauna Vou kei Amerika ena yalo e sega ni vakavinavinaka rawa vei koya a Bulia na Lagilevu ka nona dautakoso vakalou e vakaraitaki wasoma ena vukuda” (Letter to Samuel Langdon, Sept. 28, 1789, founders.archives.gov/documents/Washington/05-04-02-0070).

E kaya o Peresitedi Russell M. Nelson ena nona lisi ni iVola i Momani.

Mai na “iVola i Momani: Ena Vakaivei na Nomu Bula Kevaka e Sega?Ensign se Liaona, Nove. 2017, 60–63).

Na iVola i Momani e saqata na vakasama:

E cava ga ena iVolatabu na ivakatakila.
E gadrevi na gonelalai me ra papitaiso.
E rawa ni kune na marau ena ivalavala ca.
Na vinaka ni tamata yadua sa na rawati kina na bula vakacerecerei (na cakacaka vakalotu kei na veiyalayalati e gadrevi).
Na Lutu nei Atama sa vakadukadukalitaka na kawatamata ena “ivalavala ca taumada.”

Na iVola i Momani e vakamatatataka na vakasama baleta:

Noda bula taumada.
Mate. E dua na tiki yaga sara ni nona ituvatuva cecere ni marau na Kalou.
Na bula ni sa oti na bula oqo, e tekivu e parataisi.
Na vakaturi cake ni yago, duavata kei na kena yalo, sa yaco me tamata tawamate rawa.
Na noda lewai mai vua na Turaga ena vakatau ena noda ivalavala kei na gagadre ni yaloda.
Na ivakarau e vakayacori kina vakadodonu na cakacaka vakalotu: me ivakaraitaki, na papitaiso, na sakaramede, na soli ni Yalo Tabu.
Na Veisorovaki nei Jisu Karisito
Na Tucaketale.
Na itavi bibi ni agilosi.
Na ivakarau tawamudu ni matabete.
E yavalati vakalevu vakacava na itovo ni tamata mai na mana ni vosa ka sega ena mana ni iseleiwau.

Eda gadreva na iVola i Momani.

E vakavuvulitaka o Elder Tad R. Callister:

“Na iVola Tabu sa dua na ivakadinadina i Jisu Karisito; ka sa vaka kina na iVola i Momani Na cava sa rui bibi kina na ikarua ni ivakadinadina oqo? E na veivuke kina na ivakaraitaki oqo: Ena vica na laini dodonu ko na rawa ni toqa kosova e dua bau na mata ena dua na tiki ni pepa? Na kena isau e tawayalani. Meda raica mada vakalekaleka, ni itoqa o ya e matataka tiko na iVolatabu ka drau sara na laini dodonu era volai mai na itoqa o ya e matataka na veimataqali ivakavakadewa ni iVola Tabu ka sai ira na ivakavakadewa oqori e matataka e dua na lotu duidui.

“Na cava ena yaco, e yasakadua, kevaka e tiko ena draunipepa o ya e dua tale na itoqa e matataka tiko na iVola i Momani? Ena vica beka na laini dodonu o na vola rawa ena kedrau maliwa na itoqa vakayavu oqo: na iVola Tabu kei na iVola i Momani? E dua walega. E dua ga na vakadewa ni ivunau i Karisito e bula tiko ena vuku ni nodrau ivakadinadina na lewe rua oqo” (“Na iVola i Momani—a iVola Mai Vua na Kalou,” Ensign se Liaona, Nove. 2011, 75).

Vakatorocaketaki Noda Veivakavulici

Liutaka na veivosaki e veivakauqeti Ena tiko vei ira yadudua na ka mera cau kina ena veivosaki ni kalasi, ia ena so na gauna e dau sega nodra gauna eso. Vakasaqara na sala me tosocake kina na nodra madigi na lewe ni kalasi mera wasea na nodra ivakadinadina. (Raica na Veivakavulici ena iVakarau ni iVakabula, 33.)