Forgiven, mai vei Greg K. Olsen

9–15 ni Maji

Jekope 1–4

Dou Veivakaduavatataki Mada Kei na Kalou ena Vuku ni Veisorovaki i Karisito

E tiko enaJekope 1–4 e vuqa na ivakavuvuli ka yaco ena noda gauna oqo. Ni ko wilika na wase oqo, mo raica na sala mo vukei ira ko vakavulica mera bulataka na vunau a vakavulica o Jekope.

Vola na Veika o Uqeti Kina

Sureta na Veiwasei

Me vukei ira na lewe ni kalasi veiwasei raikiloma eso ena Jekope1–4, mo solia yani na tikini pepa eso ka sureta mera vola e dua na tikini ivolanikalou mai na veiwase oqo era raica ni vakaibalebale vakalevu. Biuti ira na tikini pepa oqo ena dua na koniteina, tomika mai e vica, ka sureti ira era a vola na tikina o ya mera wasea na nodra raikiloma eso.

Vakavulica na iVunau

Jekope 1:6–8, 15–19; 2:1–11; 4:18

Era dau cakacaka vagumatua na iliuliu yalododonu me baleta na bula ni tamata.

• Sa rawa mo tekivuna na veivosaki baleta na cakacaka gumatua nei Jekope vei ira na nona tamata ena nomu kerea na kalasi mera wasea na gauna era a vakalougatataki kina ena nona veiqaravi e dua na iliuliu ni Lotu. Se mo kerea e dua na nomudou iliuliu ni Lotu—e liu se ena gauna oqo—me talanoataka na gauna a uqeti kina me qarava e dua na tamata. Mera qai vakasaqara na kalasi na vosa kei na malanivosa ena Jekope 1:6–8, 15–19; 2:1–11; kei na 4:18 ena vukea noda kila vinaka na sala a raica kina o Jekope na nona veikacivi kei ira ea qarava. Eda sa raici ira vakacava na noda iliuliu mera vakalevutaka na nodra veikacivi? Na cava era vakatututaka tiko na veitikina oqo baleta na sala meda tokoni ira kina na noda iliuliu?

Me vakataki Jekope, o ira na iliuliu ni Lotu nikua era sa “vakarabailevutaka na [nodra] ilesilesi vua na Turaga.”

Jekope 2:12–21

Meda levea naa dokadoka ka dolele yani vei ira na vakaleqai.

• Sa veivakaroti vakaukauwa na Turaga vei ira na Nifai baleta na dokadoka. Me vukea na tekivu ni veivosakitaki ni ulutaga oqo, mo kerea taumada e vica na lewe ni kalasi mera raica na sala eso sa dau vakacerecerea kina o vunica na kena domoni na iyau ena noda vuravura nikua. Ka sureti ira mera wasea ki na kalasi na veika era sa raica. Mera veisa yarua na kalasi ka wilika na Jekope 2:12–21 ka raica na veika sa vakavulica na Turaga baleta na sala meda raica kina na iyau vakavuravura. Mera na qai cakava ka wasea e dua na posita e vakacerecerea na ivakavuvuli o ya. Solia na gauna ki na kalasi mera vakasamataka vakatitobu na cava era rawa ni cakava mera bulataka kina na veika era sa vulica mai na itukutuku nei Jekope.

• Sa rawa ki na kalasi mera raica na Jekope 2:12–21 ka vola na nodra dui taro me ikuri ki na lisi nei Elder Perry. Na cava e vakuria na itukutuku nei Elder Perry ena “iKuri ni iVurevure” meda kila vinaka kina na ivakavuvuli nei Jekope?

Jekope 2:23–35

Sa marautaka na Turaga na tiko savasava.

• E vakatavulica o Elder David A. Bednar ni da bula tiko “ena dua na vuravura sa dau torocake tikoga na nona vakalialia na bibi kei na savasava ni vakatubukawa ka dau vakalolovirataka talega na bibi ni tamata” (“Eda Vakabauta na Tiko Savasava,” Ensignse Liaona, Me 2013, 41–44). O na vukea vakacava na kalasi mera vakayagataka na Jekope 2:23–35 mera vorata kina na itukutuku kei vuravura baleta na tiko savasava? E dua na sala o ya me volai ena papa Na cava e nanuma na Turaga baleta na tiko savasava? ka sureta na kalasi mera vakasaqara na isau ni taro oqo. Eso mera vakasaqara ena Jekope 2:23–35, kei ira na kena vo mera vakasaqara ena vosa nei Elder Bednar e cake. Sa rawa mera vola ena papa na isaunitaro era sa raica. Me veivosakitaki na ivakatagedegede kei na kalougata e semati ki na bulataki na lawa ni tiko savasava, e rawani ko railesuva na “Bulasavasava ni Veiyacovi” (Me iSakisaki ni iTabagone, 35–37) se vakaraitaka e dua na vidio e tiko ena “iKuri ni iVurevure.” Na cava soti na veivakalougatataki ni bula savasava?

Jekope 4:4–11

Era vakabauti Jisu Karisito na Nifaiti

• A gadreva o Jekope meda kila ni dina ga ni o koya kei ira na nona tamata era a bula ena drau vaka drau na yabaki ni bera na veiqaravi vakatamata ni iVakabula, era a kilai Koya ka rai Vua me ra vakabulai. Me vaka e tukuni ena Jekope 4:4–5, cava na vuna era a muria kina na Nifaiti na lawa i Mosese? Na cava sa tu vei keda nikua e dusimaka tiko na yaloda vua na iVakabula? Na ivakatakarakara se ivakatautauvata cava a vakayagataka o Jekope me vakatavuvuli baleti Jisu Karisito? (raica talega na iVakatekivu 22:1–13).

Jekope 4:8–18

Au rawa ni lako tani mai na mataboko vakayalo niu raimatua vua na iVakabula.

• E dua beka ena kalasi e se qai dikevi walega oqo na matana? Ke vakakina, kerei koya me vakamacalataka ea dikeva vakacava o vuniwai na rai ni matana. Sa rawa ki na kalasi mera wasea nodra nanuma se cava sara mada na mataboko vakayalo. E tautauvata vakacava na mataboko vakayalo ki na mataboko vakayago? Sureta na kalasi mera tukuna na sala eso meda dikeva kina ke da sa mataboko tiko vakayalo. Sa rawa talega mera raica na Jekope 4:8–18 ka vakatura eso na ka eda rawa ni cakava me toro cake kina noda “raica” rawa na veika vakayalo.

• E tuva o Elder Quentin L. Cook e va na sala mera “raibaleta na maka” ni noda siga nikua (raica na “iKuri ni iVurevure”). Na cava e vakaikuritaka na nona vosa meda kila vinaka kina na Jekope 4:13–15? Na cava na ibalebale meda raibaleta na maka? Eda rawa ni levea vakacava na raibaleta na maka?

Vakayaloqaqataka na Vuli e Vale

Ni gadrevi mera wilika na kalasi na Jekope 5–7, tukuna ni ra na kunea na isau ni taro e tiko ena Jekope 4:17 ni ra masulaka ka wilika na tolu na wase e tarava.

iKuri ni iVurevure

Na noda itutuniyalo baleta na iyau qaqa

Ni vosabaleta na Jekope 2:13–19, e vakavulica o Elder L. Tom Perry: “E gadrevi me da tugana ki yaloda na ivakasala nei Jekope. E dodonu meda wilika na ivolanikalou oqo me vaka ga a volai sara tikoga vei keda ena siga nikua, baleta ni dina ga. Na nona vosa e dodonu me da vakadikevi keda kina vagumatua. Sa tudonu beka na veika e baleta na noda dui bula? Eda sa vakaiyau tiko beka, ena ka me vakaliuci ka bibi, o ya na veika sa tawamudu? Eda sa rai tiko beka ena veika tawamudu? Se da sa rawai beka ena icori ni vakaliuca na iyau ni vuravura ka guilecava na Turaga?”” (“Duavata ena Tara ni Matanitu ni Kalou,” Ensign, Me 1987, 34).

Vidio baleta na Tiko Savasava (ChurchofJesusChrist.org)

• “I Choose to Be Pure”

• “Chastity: What Are the Limits?”

• “Law of Chastity”

Rai ulabaleta na maka

E vakavuvulitaka o Elder Quentin L. Cook na sala eda na “raibaleta kina na maka”:

“Na veisosomitaki ni vuku vakatamata ki na dina ni kosipeli”

“Eso na tamata era dau madualaka na kena rawarawa tu ga na itukutuku ni iVakabula. Era vinakata me okati kina na veika bibi ka tawakilai ki na ka dina me rawa ni ibolebole tu vakavuku se veiraurau ki na vuku vakavuravura ena gauna oqo. … Eda raibaleta yani na maka ni da besetaka meda ciqoma na rawarawa ni dina ni kosipeli sa vakaituvakitaki tu kina.”

“Kosipeli kauvakatani”

“Eda sa raibaleta tiko na maka ena gauna eda laveta cake kina e dua na ivakavuvuli, se cava ga na kena yaga kilikili, ki na kena bibi cecere e yaco me vakaluluqataka noda dina ki na so tale na ivakavuvuli e bibi talega se noda taura e dua na ivakarau e veisaqasaqa ki na nodra ivakavuvuli na Veitokani.”

“Na imoimoi qaqa sa sosomitaka na dina tiko ena veisiga”

“Eso na lewenilotu era sa vakadeitaka ni ra na yalodina ka marautaka ke soli vei ira e dua na veikacivi cecere sara, ia era sega ni raica na tuberi se siko vuvale [sa vakatokai tiko nikua me veiqaravi] me kilikili yaga se qaqa me veiraurau ki na nodra sasaga me tokoni.”

“Vakacerecerei na lawa mai na ivunau”

“O ira sa yalodina mera muria na lawa ka sega ni raica vata na vunau kei na ivakavuvuli era sa na rawa ni rawai mera raibaleta yani na maka” (“Looking beyond the Mark,” Ensign se Liahona, Mar. 2003, 42–44).