“Maati 9-15. Iakobwa 1–4: ‘Raoiakiningkami nakon Nanon te Atua rinanon ana Mwakuri ni Kamaiu Kristo,’” Nakomai, Iriirai—Ibukin te Reirei n Tabati: Ana Boki Moomon 2020 (2020)
“Maati 9-15. Iakobwa 1–4,” Nakomai, Iriirai—Ibukin te Reirei n Tabati: 2020
E kabwaraaki ana bure iroun Greg K. Olsen
Maati 9–15
Iakobwa 1–4
Raoiakiningkami nakon Nanon te Atua rinanon ana Mwakuri ni Kamaiu Kristo
Iakobwa 1–4 kanoana bon taian reirei ake a kaineti nakon ara bong. Ngkai ko wareki mwakoro aikai, iangoia bwa ko na kanga ni buokiia naake ko reireiniia ni maiuakina te reirei are e reireia Iakobwa.
Korei Am Namakin
Kaungaa te Tibwatibwa
Ni buokiia kaain te kiraati bwa a na tibwauai taian atatai mairoun Iakobwa 1–4, ko kona ni kabuti mwakorokoro ni beebwa ao kaoiia kainkaain te kiraati bwa a na korei taeka man booki aika tabu man mwakoro ake a kunea bwa a kakawaki ibukiia. Nnei mwakorokoro ni beebwa inanon te kaonteina, anai tabeua, ao kaoiia aomata bwa a na korei taekan kiibu n tibwauai aia atatai.
Reirei te Reirei
Iakobwa 1:6–8, 15–19; 2:1–11; 4:18
Taan kairiiri aika a raoiroi a mwakuri ma te botumwaaka ibukin mweeraoia aomata.
-
Ko na bae ni moana am kabwarabwara ibukin ana botumwaaka ni mwakuri Iakobwa ibuakoia ana aomata ni butiia kaain te kiraati bwa a na tibwauai bwaai ake a rinanona ngke a kakabwaiaaki man ana ibuobuoki te tia kairiiri n te Ekaretia. Ke iangoia n titirakina te tia kairiiri n te Ekaretia—are ngkoa ao ngkai—ni marooakina te tai ngke e namakina teuanne ke neienne te kaungaaki bwa e na beku ibukin temanna. A kona kaain te kiraati ni kakaei taeka ao kibuntaeka inanon Iakobwa 1:6–8, 15–19; 2:1–11; ao 4:18 are e buokiira ni kamatataira bwa e na kanga ana namakin Iakobwa n nakoana ao aomata ake e beku ibukiia. Ti kanga n nooriia ara taan kairiiri ni kakaraoa raoi nakoaia? Tera ae taekinaki ni kiibu aikai aron te kawai are ti riai ni kamatoaia iai ara taan kairiiri?
N aron Iakobwa, taan kairiiri n te bong aei “a kakaraoa [nakoaia] nakon te Uea.”
Ti ria ini katoka te kamoamoa ao ni buokiia te koraki ake a kainnanoa buokaia.
-
E korakora ana kauring te Uea nakoia Nibwaite ibukin te kamoamoa. Ni buoka moanakin te marooro iaon atuun te reirei aei, ko kona ni moantaai n reitaki ma tabeman kaain te kiraati ao ni butiia bwa a na tarai kawai ake e katanoatai teuare buakaka n tangiran te kaubwai n ara aonaaba n te bong aei. Ngkanne kaoiia bwa a na tibwauai ma kaain te kiraati bwaai ake a noori. A kona kaain te kiraati ni mwakuri ni kakauoman ni wareka Iakobwa 2:12–21 ao ni kakaea te bwai are e taekinna te Uea bwa ti na kanga n taraa te kaubwai iaon bwaai. A kona ni karaoa ao n tibwaua te boutita are e kaungaa te reirei anne. Karekea aia tai kaain te kiraati ni iango temanna ma temanna bwa tera ae a kona ni karaoia ni maiuakina are a reiakinna man ana rongorongo Iakobwa.
-
A kona kaain am kiraati ni manga taraa Iakobwa 2:12–21 ao ni korei oin aia titiraki n reitia ma rinanin taeka are e karaoia Unimwaane Perry. Tera ana taeka Unimwaane Perry inanon “Bwaai n Ibuobuoki Riki Tabeua ae karakaa riki ara atatai n ana reirei Iakobwa?
E kukurei te Uea n te itiaki.
-
Unimwaane David A. Bednar e reirei bwa ti na maeka “n te aonaaba are e rikirake iai bwainikirinakin tabun karikan te aomata ao ni kamemeerea aron kakawakin maiun te aomata” (“Ti Kakoaua bwa ti Riai n Itiaki,” Ensign ke Riaona, Meei 2013, 41–44). Ko na kanga ni buokiia kaain te kiraati ni kabongana Iakobwa 2:23–35 ni mwakuri ni kaitara ana rongorongo te aonaaba ibukin te itiaki? Teuana te kawai ae e na koreaki iaon te burakibooti E kanga ana namakin te Uea ibukin te itiaki? ao ni kaoiia kaain te kiraati bwa a na kakaea kaekaan te titiraki. Tabeman mai ibuakoia a kona ni kakaea n Iakobwa 2:23–35, ao tabeman a kona ni kakaea taekan ana marooro Unimwaane Bednar ane ieta. A kona ni korei ni karinani iaon te burakibooti kaeka ake a kunei. Ni marooakin kainibaire ao kakabwaia ake a irekereke ma maiuakinan tuan te itiaki, ko na manga taraa “Itiaki man te Wenenibure” (Ibukin Kakorakoraia Kairake, 35–37) ke kaota teuana te tamnei mai buakon ake a karinanaki inanon “Bwaai n Ibuobuoki Riki Tabeua.” Tera kakabwaia man maiuakinan te maiu ae itiaki?
Nibwaite a kakoaua Iesu Kristo.
-
E tangiria Iakobwa bwa ti na ataia bwa e ngae ngke ngaia ma ana aomata a maeka tebubua te ririki imwain ana mwakuri te Tia Kamaiu, a kinaa ao a taraia ibukin te kamaiuaki. Ni kaineti ma Iakobwa 4:4–5, bukin tera Nibwaite a kaawakina ana tua Mote? Tera ae ti karekei inanon ara bong are a kaineta tamneira nakon te Tia Kamaiu? Tera kanikinaa aika ti te arona ake e kabonganai Iakobwa n reireia taekan Iesu Kristo? (taraa naba Karikani Bwaai 22:1–13).
I kona n totokoa te mataki n tamnei ni kabanea nanou iaon te Tia Kamaiu.
-
Iai kaain am kiraati ae a tia n tuoaki mataia iroun te taokita? Ngkana ngaia anne, ko na bae ni butiia te aomata aei bwa e na kabwarabwaraa bwa e kanga te taokita n tuoa ana taratara teuanne ke neienne. A kona kaain te kiraati n tibwaua te bwai are e nanonaki n te mataki n tamnei. E kanga te mataki n te tamnei n titebo ma te matakii n rabwata? Kaoiia kaain te kiraati bwa a na iangoi kawai ake ti kona n tuoira ngkana arona bwa ti mataki n te tamnei. A kona naba n manga taraa Iakobwa 4:8–18 ao n iangoi tabeua bwaai ake ti kona ni karaoi ao ni karikirakea ara konabwai n “noori” bwaai n te tamnei.
-
Unimwaane Quentin L. Cook e kamatatai kawai aika aua ike a na bae n taraia aomata “e riaon riki te tia” inanon ara bong (taraa “Bwaai n Ibuobuoki Riki Tabeua”). Tera ana taeka are e karakaa iai ara atatai ibukin Iakobwa 4:13–15? Tera ae nanonaki n taraa are e riaon riki te tia? Ti na kanga n totokoa taraakin are e riaon riki te tia?
Kaungaa te Kamatebwai n te Mweenga
Ni kaungaia kaain te kiraati bwa a na wareka Iakobwa 5–7, tuangiia bwa a na kakaea reken te titiraki n Iakobwa 4:17 ngkai a tataromwaaka ni wareki teniua mwakoro ake imwiina.
Bwaai n Ibuobuoki Riki Tabeua
Anuara nakon te kaubwai iaon bwaai
Okiran Iakobwa 2:13–19, Unimwaane L. Tom Perry e reirei: “Ti kainnanoia ni karina ana reirei Iakobwa inanora. Ti riai ni wareka te koroboki ae tabu aei n aron ae kanga e koreaki ni kamatataaki raoi ibukira inanon boong aikai, ibukina ngkai boni ngaia. Ana taeka e karika ae ti na bon titirakiniira i bon iroura bwa a uara ara iango ma ara namakin ibukin maiura. A barongaaki bwaai aika a eti inanon maiura? Ti moanbwai, bwaai aika a rangi ni moan kakawaki, n akea tokiia n aron tein tarakiia? Ti a tia ni karekea te nonoori ae akea tokina? Ke ti a tia ni kairua ni moanibwaia moa bwain te aonaaba aei ao ngkanne ti a mwaninga taekan te Uea?” (“United in Building the Kingdom of God,” Ensign, Meei 1987, 34).
Tamnei ibukin te Itiaki (ChurchofJesusChrist.org)
-
“I Rineia bwa N na Itiaki”
-
“Te Itiaki: Baikara Taian Tia?”
-
“Tuan te Itiaki”
N taraa are e riaon riki te tia
Unimwaane Quentin L. Cook e reirei bwa ti na kanga n taraa are e “riaon riki te tia”:
“N oneamwiin aia rabakau aomata ibukin ana koaua te euangkerio”
“Tabeman aomata a taraa ni maama man bebeten ana rongorongo te Tia Kamaiu. A tangiria ni kauataoa te kaangaanga ao ni karooa te koaua n te aro bwa e na kaangaanga riki ke ni katitebooa ma rikiraken ao keerikakin reirei aika ngkai. … Ti taraa are e riaon riki te tia ngkana ti aki butimwaea ana koaua te euangkerio aika a bebete n taraia bwa aekakira.”
“Ana Nonoori te Euangkerio”
“Ti taraa are e riaon riki te tia ngkana ti karietaa teuana te reirei, n aki tabe bwa aekakira bonganana, n ae rangi n ataaki are e kamemeerea ara motinnano nakon reirei tabeua aika kakawaki riki ke ngkana ti kamatoa iaon te bwai are e kaitara ma aia reirei Taari.”
“Namakin ma naano n ninikoria a riki bwa oneanimwiin te motinnano ae koaua ae katoa bong”
“Tabeman kaain te aro a kaotia bwa a karaoa aia motinnano ni bon nakoia ma te ungannano ngkana a anganaki tabeua nakoa aika a kakawaki, ma a aki kunea kakawakin te reirei n te mweenga ao te kakawari n reirei [ae e aranaki ngkai bwa te mwakuri n ibuobuoki] bwa a manena ke n riki bwa te ninikoria ae tau ibukin kamatoaan aia konabwai.”
“Karietaan taian tua iaon te reirei”
“Te koraki ake a karaoa aia motinnano bwa a na irii taian tua n aki kainetia ma te reirei ao te tua a kakoauaki bwa a ” (“Taraa are e riaon riki te Tia,” Ensign ke Riaona, Maati. 2003, 42–44).