“Meei 4–10. Motiaea 11–17: ‘Te Oota … Ae Aki Kona ni Karooaki,’” Nakomai, Iriirai—Ibukin te Reirei n Tabati: Ana Boki Moomon 2020 (2020)
“Meei 4–10. Motiaea 11–17,” Nakomai, Iriirai—Ibukin te Reirei n Tabati: 2020
Abinataai imatan te Uea ae Nooa, iroun Andrew Bosley
Meei 4–10
Motiaea 11–17
“Te Oota … Ae Aki Kona ni Karooaki”
Iangoa ana katooto Abinataai ibukin te anga reirei n te euangkerio. Tera ae ko kunea ni Motiaea 11–17 are e kona ni buokiko ni karikiko bwa te tia reirei ae nakoraoi?
Korea Am Namakin
Kaungaa te Tibwatibwa
Ni kariaia kain te kiraati bwa a na tibwauai baike a reiakin n aia kamatebwai i bon irouia ao n te utu, ko kona ni kaoiia bwa a na kabwanina te tiententi are imwiina: Ngka I rinea teuana te kibu man Motiaea 11–17 n tibwauaia ma temanna ae tangiraki, e na bae n ae .
Reirei te Reirei
Ti kona n tei ibukin te koaua, e ngae ngke ti tiku ni bon tii ngaira.
-
E ngae ngke e taraa n tiaki kain am kiraati ae a na kakamaakaki bwa a na mate ibukin aia koaua, a na bae ni kaitara ma totoko ibukin aia onimaki. Tao a na kona ni kunei taai aika riki ke karaki ni Motiaea 11–13 ao 17 are e kona n anganiia te ninikoria riki ae mwaiti n tei ibukin te koaua. Tera ae e angan Abinataai ao Aramwa te ninikoria ni bon onimakiniia? Ti na kanga n rangin nene ao ni matoatoa ni katanakin te koaua? Taeka ake inanon “Bwaai n Ibuobuoki Riki Tabeua” a kona ni katauraoi iango tabeua.
-
Ni buokiia kain am kiraati n reiakinaki man katooto tabeua ibukin te ninikoria ibukin katanakin te koaua, ko kona ni korea Aomata Ake a Tei ibukin te Koaua iaon te burakibooti. Ko na bae ni waaki ma maroroakinan Abinataai, kaoiia kain te kiraati bwa a na tibwauai tabeua bwaai ake a kaungaaki nanoia iai n rongorongon Abinataai ngkai a wareka rongorongona n te wiiki aio. Ngkanne a kona n atong araia tabeman mwaane ao aine—man booki aika tabu, aia utu, ke aia taneiai i bon irouia—ake a namakinna bwa bon katooto ngaiia n tei ibukin te koaua. Tera ara namakin n anaakin nanora bwa ti na karaoia ibukin taian katooto aikai?
Ngkana ti kamatebwaia ana taeka te Atua, ti riai ni maiuakinna inanora bwa e na mataata.
-
Ngkai a kamatebwaia Motiaea 12:19–37 n te wiiki aio, e bae n iai aia atatai kain te kiraati bwa tera nanon ae ti na maiuakina inanora ana taeka te Atua bwa e na mataata. Iangoia n titirakiniia tabeman ibuakoia bwa a na tibwauai aia iango. Ke ko kona ni kamanenai tabeua taai ni kakaei kiibu aikai ni kabane ao ni maroroakinna bwa tera ae a taekinna bwa ti na kanga ni kanakoraoa riki ara kamatebwai n te euangkerio. N aron te katooto, bukin tera e kakawaki baika uoua n ataakin ana tua te Atua ao ni “kawakinna”? (Motiaea 12:29).
-
Tera ae a kona n reiakinna kain am kiraati n taraakin bwaai aika titebo ao aika a kakaokoro imarenan katein ao aia mwakuri ana ibonga Nooa ma te kawai ae ti riai ni kamanena n ara kamatebwai ibukin te euangkerio? Kaoiia bwa a na wareka Motiaea 12:19–37, n taraa te bwai are e kabwarabwaraa Abinataai ibukin ribakiia ana ibonga Nooa. Tera ae e na taekinna Abinataai ibukin ara kamatebwai n te euangkerio n te bong aei? Butiia kain te kiraati bwa a na tibwaua te bwai are a karaoia are e buokiia ni maiuakinna inanoia bwa a na mataata ao n uaana riki nakon aia kamatebwai n te euangkerio.
Tamneite karo ao natina te mwaane a wareware ni booki aika tabuTe kamatebwai ae nakoraoi ibukin te euangkerio e irekereke ma maiuakinana inanora bwa ti na mataata.
Te kamaiuaki e roko rinanon Iesu Kristo ao Ana Mwakuri ni Kamaiu.
-
Anaakin nanoia aomata ibukin rokon te Mesia, iai te taetae ni burabeti ae e kaunganano ae e taekinna Abinataai man Itaia (taraa Motiaea 14). Iai tabeua kawai aika a na rinanona kain te kiraati n te mwakoro aio. A kona ni wareki tabeua kiibu inanon te tai ao ni maroroakin, ke ko kona ni bwenaua am kiraati nakon kurubu aika a uarereke ni maroroakin kiibu aika a uaana, n ikotaki ma taeka ma kabwarabwarakiia ake a oti inano, ni kunei atatai riki tabeua. Kaungaia bwa a na tibwauai baike a reiakin ibukin te Tia Kamaiu man te mwakoro aio.
-
A kona n oota kain am kiraati bwa tera nanon ae Iesu Kristo “e na kakoroa bukin te moti”? (Motiaea 15:9). Ni buokiia bwa a na karekea riki aia atatai ae tamaroa, ko kona ni waaki ni kaai ni wareka “Justice” ao “Merciful, Mercy” in Guide to the Scriptures (scriptures.ChurchofJesusChrist.org) ke “Justice” and “Mercy” at topics.ChurchofJesusChrist.org. E na bae n iai temanna ae kona n anganano ni kakimototoa ni korei nanon taeka akanne n tatabeua iaon te burakibooti. Ngkanne kam kona ni wareka Motiaea 15:1–9 ni kabane. E kanga Iesu Kristo ni kakoroa bukin te moti? E kanga n anga Ana nanoanga nakoira? E taekinaki n te witeo “Bwaai n Ibuobuoki Riki Tabeua” e kabonganai karaki ao taetae ni kabootau ni kabwarabwaraa ana nanoanga te Tia Kamaiu; matakuakinan teuana mai buakon witeo aikai a kona ni buokiia kain te kiraati n iangoi riki tabeua taetae ni kabootau ake a kaotia bwa e kanga Iesu Kristo ni kakoroa bukin te moti.
Motiaea 11; 12:33–37; 13:11–26
A riai ni koreaki tuua inanora.
-
Ko kona ni buokiia kain te kiraati n oota ni kakawakin karekean tuua “ni koreaki [i] nanora” n titirakiniia tera nanon te kibuntaeka aio irouia. Ngkanne kaoiia bwa a na kabootaua kaokoron tuua ake e taekin Abinataai ni Motiaea 12:33–37 ao 13:11–26 ma ana bure te Uea ae Nooa are e karaoia ma ana aomata (taraa Motiaea 11:1–7, 14–15). E kanga karekean tuua ni “koreaki [i] nanora” ni kaokoro man ae ti na tii kinai? (Motiaea 13:11). Ti na kanga n ataia ngkana a tia ni koreaki tuua inanora? Tera katooto ake ti ko na ni tibwauai?
Kaungaa te Kamatebwai n te Mweenga
A tia kain am kiraati n namakina ae aekakin naba ae e namakinna Abinataai—ae aia konabwai n tibwaua te euangkerio e matebuaka? Tuangiia bwa ni Motiaea 18–26 a na wareka rongorongon materaoin ana konabwai Abinataai.
Bwaai n Ibuobuoki Riki Tabeua
Te anga reirei n te taetae ni burabeti ibukin boutokaan te koaua.
E reirei Beretitenti Russell M. Nelson: “Ana reirei ni koaua Iesu Kristo iai nanoia ni kan kaotiia bwa a kaokokoro, a taetae ma te koaua, ao a tei ni kaokoro mairouia aomata n te aonaaba. … Akea te bwai ae aki bebete ke ni karina n riki n atonga ae ko na riki bwa ana reirei ae mwaakaroiroi. “Ara iango e riai ni bane iaon te Tia kamaiu ao Ana euangkerio. N iangoana raoi ti kataia ni kekeiaki n Taraia n ara iango ni kabane. Ma ngkana ti karaoia, ara nanououa ao mwaakura a mauna” (“Karekean Mwaakan Iesu Kristo nakon Maiura,” Ensign ke Riaona, Meei 2017, 40–41).
E taku Beretitenti Thomas S. Monson: “Ti bia teimatoa n ninikoria ao n tauraoi n tei ibukin te bwai ae ti onimakinna, ao ngkana e riai bwa ti na tei i bon iroura n te waaki, ti bia karaoia ma te ninikoria, ni kakorakoraki n te atatai are ni koauana ti aki kona n tiku n ti ngaira ngkana ti tei ma Tamara are i Karawa” (“Dare to Stand Alone,” Ensign ke Riaona, Nob. 2011, 67).
E reirei Beretitenti Gordon B. Hinckley: “E koroboki Bauro nakon Timoteo: ‘Ba e aki anganira te Atua te nano ae mamaku; ma E anganiira te nanoa ae korakora, ae tatangira te aba, ae kawanawana te aba. Ma ngaia ae ko na tai maama n taekina taekan ara Uea’ (2 Tim. 1:7–8). Au kantaninga bwa kain te ekaretia n tatabemaniia a na kawakin taeka akanne n taabo ake a noori iai ni katoa ingabong koraki ngkana a moan waakina aia bong. A na anganiira te ninikoria n taetae, a na anganiira te onimaki ni kakatai, a na kakorakora ara koaua ibukin te Uea Iesu Kristo” (Teachings of Presidents of the Church: Gordon B. Hinckley [2016], 338).
Tamnein te motiraoi ao te nanoanga iaon ChurchofJesusChrist.org.
-
“Handel’s Messiah: Debtor’s Prison”
-
“The Mediator”
-
“Ike e Bootaki te Motiraoi, te Tangira, ao te Nanoanga”