“Meei 18-24. Motiaea 25-28: A Aranaki Bwa Ana Botanaomata te Atua,’” ” Nakomai Iriirai—-Ibukin te Reirei n Tabati: Ana Boki Moomon 2020 (2020)
“Meei 18-24. Motiaea 25–28,” Nakomai, Iriirai—Ibukin te Reirei n Tabati: 2020
Rairakin Aramwa te Ataei, iroun Gary L. Kapp
Meei 18—-24
Motiaea 25-28
“A Aranaki Bwa Ana Botanaomata te Atua”
Te kawai ae te kabanea n tamaroa ni katauraoi ibukin reiakinan Motiaea 25-28 bon warekan mwakoro aikai ao ni maiuakini taian reirei ake a reirei iaona. Ni karaon aei, E na kaungako te Tamnei n reirei baika a rangi ni kakawaki ibukiia kain am kiraati.
Korea Am Namakin
Invite Sharing
Tabeman kain te kiraati tao iai aia kaangaanga n aia kekeiaki ni kamatebwaian booki aika tabu n te utu ao n ae onoti n te aro ae reitinako. E na ibuobuoki aia taneiai tabeman kain te kiraati? Tao ko kona ni waakina am kiraati man kaoaia kain te kiraati bwa a na tibwaua teuana te bwai ae a tia ni karaoia n oin aia kamatebwai ke aia kamatebwai n te utu ae e nakoraoi.
Reirei te Reirei
Te Atua E kabwarai aia bure naake a rairi nanoia.
-
Te Rairannano ao te kabwarabure bon boto ni iango aika a okioki ni mwakoro aikai. Ko kona ni kamatebwai boto ni iango aikai mani korean Rairanano ao Kabwarabure iaon te burakibooti ao n titirakiniia kain te kiraati bwa a na karinani iaan atuu akanne baike a roko n aia iango ngke a iangoi taeka aikai. Ngkanne a kona ni kamatebwaia Motiaea 26:22-24, 29-31; ao 27:23-37 ibukin taeka ao iango aika a reireiaki iai te rairannano ao te kabwarabure. A kona kain te kiraati n karini taeka ke iango aikai nakon te rinan are a mwakoro iaon te burakibooti. Tera ana namakin te Atua ibukiia naake a rairi nanoia ao ake a ukora te kabwarabure?
-
Tabeman tao a na tabeaianga ngkana e bon tau aia rairannano bwa e aonga ni kabwarai aia bure te Atua. Ni buoka tao temanna n am kiraati are anne ae kanga e namakinna, ko kona ni kaoiia kain te kiraati bwa a na katamneia bwa ai aongkoa are ngaiia Aramwa te ikawai ao temanna bwa kain te aro i Taraemera e tuangiia bwa e kanga aron karekean te kabwarabure ibukin ana bure teuanne ke neienne ( tao ko kona ni karaoa te kaotioti n te waaki aei). Tera ae reiakinna Aramwa mai iroun te Uea Motiaea 26: 15-31 ae e kona ni buoka kain te Ekaretia aei? (taara naba Moronai 6-8; R&B 58:42-43). Aio te rongorongo mairoun Beretitenti Henry B. Eyring are e kona naba ni ibuobuoki: “Ngkana ko a tia n namakina te Tamnei ae Raoiroi n te bong aio, ko kona n anaa anne bwa te kakoaua bwa e a mwakuri te Mwakuri ni Kamaiu inanon maium” (“Gifts of the Spirit for Hard Times,” Ensign, June 2007, 23).
E ongo ara tataro te Atua ao E na kaekai nakon oin Nanona.
-
Angiina mai iroura ti kona n namakina ana namakin Aramwa te ikawai, are natina e “kaitara te Atua” (Motiaea 27:11). Tao a kona kain te kiraati ni marooroakinna bwa a na kanga ni kabongana te karaki are ni Motiaea 27:8-24 n anga te kaantaniga nakon temanna ae iai kain ana utu ae e a bua kawaina. N ataia bwa ti aki kona ni kairoroa te kakai ke n anaa ana rinerine temanna, tera bwaai aika ti kona n tataroakin n te tai are e bua kawain temanna ae ti tangiria? (taraa naba Aramwa 6:6).
Ni Kabane mwaane ao aine a riai ni manga bungiaki.
-
Aikai titiraki tabeua ake a kona ni buokiia kain te kiraati n reiakina te manga bungiaki: Tera ae e nanonaki n te bungiaki kaua n te tamnei? (taraa te Rikitinare n te Bwaibwara, “Rairaki”). A na kanga arora nakoia tabeman n te tai are ti bungiaki kaua n te tamnei? Ni buokiia kain te kiraati ni kaekai titiraki aikai, ko kona ni kaoiia bwa a na kamatebwaia Motiaea 27:22–28:4 ibukin kanikinaa are a kaotia bwa a bungiaki kaua n te tamnei Aramwa ao natin Motiaea aika mwaane.
-
Ni kabane aomata iai rongorongon rairakiia, n aron are e taku Aramwa, “ni kabane botanaomata … a na bane ni manga bungiaki” (Motiaea 27:25; a rara korobokiaia). Tao tabeman kain te kiraati a kona n tibwauaia bwa a kanga n rairaki nakon ana euangkerio Iesu Kristo—Tao rinanon te waaki n namakinan te tamnei ae raoiroi n ae korakora n oin maiuia ke rinanon te keerake n teutana imwin teutana n te aro ae e iremwe are e kona n tii kinaaki imwin are ko a tia n rinanona. Ko kona naba n anganiia kain te kiraati bwa a na korei bwaai ake a rinanona. (Ngkana e aki tau te tai ibukin karaon aei n te kiraati, ko kona ni kaungaia bwa a kona ni karaoia ni mweengaia.) Ni kamataata bwa rairakira e riai n reitinako, ko kona ni kaungaia kain te kiraati bwa a na manga rinanon baike a korei n te tai teuana ma teuana ao ni karini riki tabeua bwaai aika a boou ake a rinanona.
-
Aramwa ao tabeman ni booki aika tabu a kabonganai kabotau ibukin te manga bungiaki ni kabwarabwaraa te bitaki are e riki inanon maiura man ana euangkerio Iesu Kristo. E kabotaua te bitaki aei Unimwaane David A. Bednar ma te kukambwa are e riki bwa te biiko (taraa “Bwaai n Ibuobuoki Riki Tabeua”). Ni buokiia kain te kiraati n iangoia bwa tera ae e reiakinaki ni kabotau aikai ibukin te rairaki, ko kona n uota te kukambwa ao te biiko nakon te kiraati. Ke ko kona n kaoa temanna bwa e na uota te ataei ao ni marooroakinna bwa e aera te bungiaki bon te kabotau ae tamaroa ibukin te bwai are e riki nakon Aramwa ao natin Motiaea aika mwaane. (Taara Motiaea 27:23-28:7.)
E Kimwareirei Tamana, iroun Walter Rane
Kaungaa te Kamatebwai n te Mweenga
Ni kaungaia kain te kiraati bwa a na wareka Motiaea 29-Aramwa 4 n te wiiki are imwina, ko kona n taekinna nakoia bwa inanon mwakoro aikai, a anganaki te kariaiakaki ana botannaomata Nibwaai bwa a na anga aia koaua ibukin aia tautaeka. Tera ae ti kona n reiakinna man bwaai ake a rinanona ngkai ti kataia ni kaungai nanoia kain ara kaawa nakon te tamaroa?
Bwaai n Ibuobuoki Riki Tabeua
Te Waaki ae reitinako ibukin maiura ni kabane.
E reirei Unimwaane D. Toodd Chrisofferson: “te Manga bungiaki, tiaki n ai aron bungiara n aomata, ma ibukina bwa bon te waaki ae reitinako ao tiaki te bwai ae riki n ti te taina. Ao n ira nanon te Waaki ae reitinako anne bon oin bukin te maiu ae mamate” (“Born Again,” Ensign ke Riaona, Meei 2008, 78).
Te Rairaki ao taian biiko.
Unimwaane David A. Bednar e tibwaua te kaikonaki ni kabotaua te manga bungiaki n te tamnei ma kukambwa aika aekakin nako te biiko:
“Te biiko bon te kukambwa ae e bitaki ni kaineti nakon te retibii ae onoti ao kawai aika a irekereke. Te moan mwaneka ibukin bitakin te kukambwa nakon te biiko bon katauraoana ao kaitiakana. …
“Kawai ake imwina ni waakin te bitaki bon kateboan ao kamaraakin taian kukambwa n te ran taoro n te tai ae maan. … A kona n riki kukambwa bwa taian biiko ngkana a kateboaki raoi n te ran taoro n te maan are e katauaki. Te waaki ibukin are e na teimaan bitakin tein te kukambwa ao e karika teina ae ootara ao kangkangina ae onoti ao anne ngkanne ai te biiko. E aki kona n reke te bitaki are tangiraki n tii kabururuana ke kateboteboana n te ran taoro n taai tabetai. Ma, n ae e reitinako, e teimatoa ao kateboana n ae bwanin e bon kainnanoaki bwa e na riki te bitaki are e tangiraki.
“Te kabanea ni kawai ibukin te waaki aei e kainnanoa kainan taian biiko akanne inanon taian turumwa ake a tia ni bwainaorakiaki ao ni kaitiakaki. A karinaki taian biiko inanon taian turuma, ma te ran taoro ae bue, ao ni kanoaaki manaorakiia n te kamwaa n ran ae bue. Ni kabane bareka a riai ni kanakoaki man taian biiko ao te bwatoro bwa aonga ni kamanoaki ao ni kawakinaki. …
“N ai aron are e riai ni katauraoaki ao ni kaitiakaki te kukambwa imwain ae e kona ni bitaki nakon te biiko, ti kona n tauraoi, ngkoe ao Ngai ma ‘taekan te onimaki ma taeka aika a raraoi’ (1 Timoteo 4:6) ao ni kaitiakaki moa rinanon taian otenanti ao berita aika a tabu aika a karaoaki n te kariaia n te Nakoanibonga ae te Aaron. …
N ai aron te kukambwa ae e bitaki nakon te biiko n te tai are e kateboaki ao e kamaraaki n te ran ae taoro, ti kona ni manga bungiaki, ngkoe ao Ngai naba n te tai are ti toomaki iroun ao inanon ana euangkerio Iesu Kristo. … Te mwakoro ibukin te bitaki aei e kainnanoa te tai, te teimatoa, ao te tataonaki n nano. …
“… Te ran are bue are e karika te biiko bwa e na kamanoaki ao ni kawakinaki n te tai ae e rangi ni maan. N te aro naba anne, ti rikirake ni kaitiakaki ao ni katabuaki n te tai are ngkoe ao Ngai ti tebokaki n raraan te Tiibu te Teei; ti a manga buangiaki ao, ni karekei otenanti ao ni karinei berita ake a karaoaki man ana kariaia te Nakoanibonga ae te Merekitereka” (“Ye Must Be Born Again,” Ensign ke Riaona, Meei 2007, 19–21).
Kanakoraoan ara Anga reirei
Katauraoi ma aomata n am iango. “N te tai are ko katauraoi, karika am atatai irouia aomata ake ko reireniia bwa kairam n am baaire. … Tia reirei aika a katotonga Kristo a aki tiku n aroia n anga reirei; ma a kabaeaki bwa a na buokiia aomata ni karikirakei aia onimaki iroun Iesu Kristo ao n riki n ai arona” (Reirei n Ana Kawai te Tia Kamaiu, 7).