“Aokati 10-16. Aramwa 53–63: ‘A Kawakinaki ni Mwaakana ae Moan te Kamimi’” Nakomai, Iriirai—Ibukin te Reirei n Tabati: Ana Boki Moomon 2020 (2020)
“Aokati 10-16. Aramwa 53–63,” Nakomai, Iriirai—Ibukin te Reirei n Tabati: 2020
Uangaa Kairake n Ataeinmwaane aika Taani Buaka, iroun Arnold Friberg
Aokati 10-16
Aramwa 53:63
“A Kawakinaki ni Mwaakana ae Moan te Kamimi”
N am tai n rinanon taian iango ibukin te anga reirei n te kabwarabwara iaona, iangoia bwa tera ae e na mwakuri n am kiraati, ao kabongana ke biti tabeua waaki ni kakukurei nakon are e na kaineti ma kainnanoia kaain te kiraati.
Korea Am Namakin
Kaungaa te Tibwatibwa
Ni kaungaia kaain te kiraati n tibwaua te bwai are a reiakinna man Aramwa 53–63, tao ko na tuangiia bwa a na tarai nako taian mwakoro ao n ukerii kibu ake a na konaa ni tibwauaia ma temanna are e kaitaraki ma taian kakaewenako. Kaoiia bwa a na tibwai kiibu aikai ma temanna are tiaki kaain te kiraati.
Reirei te Reirei
Aramwa 53:17–21; 56:43–48, 55–56; 57:20–27; 58:39–40
N ara tai ni kamwakura te onimaki ao ni kakoaua iroun te Atua, E na kakorakoraira.
-
Ko na konaa n reita nakoraoin te marooro n am kiraati iaoia ana taan buaka Ereman man taekinan baike a tia n reiakinna kaain te kiraati ni mweengaia. Teuana te kawai ni karaoan aei bwa tao ni kaoiia kaain te kiraati bwa a na tibwaua anuaia taan buaka aika ninikoria are e bwaka nanoia iai (tabeua aikai a konaa n kuneaki n Aramwa 53:17–21; 56:45–48; 57:20–21, 26–27; 58:40). A kangaa anua aikai ni buokiia taan buaka aika ninikoria n aia tai ni buaka? A na kangaa ni buokiira inanon ara tai ni buaka n te tamnei? Kaain te kiraati a kona n tibwauai karakinaia tabeman n bong aikai ake “taan buaka aika ninikoria.”
-
Kaaro n am kiraati tao a na bae n tangiriia natiia bwa e na rikirake aia onimaki n aroia ana taan buaka Ereman aika kairake. Ni buokiia kaaro ao naake a na riki bwa kaaro rimwi ake n am kiraati n reiakinaki man aia karaki, ko konaa ni katea te komete ae rawata kaina are a konaa n tibwai iango ibukin karikiraken te koaua inanoia ataei. Tuangiia kaain te komete bwa a na wareka Aramwa 56:47–48 ao 57:20–27 imwain te tai ao n tauraoi n tibwaua are a noria n te bwai are e buokiia ni karikirakea aia onimaki taan buaka ake a ninikoria. Anganiia tabeua te tai kaain te kiraati n tibwaua aia nonoori inanon aia tai kaain te komete n anga aia iango. Tabeua bwaai ni ibuobuoki ake a konaa ni karababa te marooro ni ikotaki ma ana taeka Titita Joy D. Jones n “Bwaai n Ibuobuoki Riki Tabeua” ao ana rongorongo Beretitenti Russell M. Nelson “Te Bubuti nakoia Mwaaneu” (Ensign ke Riaona, Nobembwa. 2015, 95–97). N tokin te marooro, ko konaa ni anganiia kaain te kiraati tabeua te miniti n iangoi titiraki n aron aikai: Antai ae e na kabanea nanona n am koaua? Tera ae ko na taekina ao ni karaoia ni kakorakoraia?
Aika Ninikoria (A Reiakinaki irouia Tinaia), iroun Liz Lemon Swindle
Ti konaa n rineia ni iangoa raoiroia tabeman ao n aki kamamaeaki.
-
Aron Ereman ae e karaoia ngke e aki karekea te buoka nakoia ana taan buaka e konaa n riki bwa te katooto ae korakora ibukira ngkana e aki karaoaki te bwai ae aki eti nakoira. Ni kaunga te marooro iaon te katooto aio, ko konaa n tuanga temanna kaain te kiraati bwa e na katauraoia imwain rokona ao n taekina te bwai are e riki nakon Ereman ao tera bukin ae te tautaeka e aki buoka aron kainnanona (taraa Aramwa 58:1–9, 30–37; 61:2–8). Ko konaa ni koroia n te burakibooti Ana kaeka Ereman ao Tabeua riki kaeka. Ngkanne kaoa te kiraati ni kakaea n Aramwa 58:1–12 ao 30–37 ao korei iaan atun kabwarabwarakiia bwa tera ae e iangoia Ereman, n taekinna, ao n tia ni karaoia n kaekaa te bwai are e riki nakoina ao, ni kaitarana, tera ae tao e na iangoia, taekina, ke karaoia. Tera ae ti na karaoia n ira ana katooto Ereman ngkana ti namakina ae e aki raoiroi te bwai ae karaoaki nakoira ke n aki tabeakinaki?
-
Ngke e taetae n aki akaka Moronaai nakon Bwaoraan n Aramwa 60, e konaa Bwaoraan n rineia bwa e na namakina te maraki nnano. Ibukin anne e kaeka ao e taku bwa “e aki uun”ao “e [kimwareirei] n aron korakoran nanon [Moronaai]” (Aramwa 61 9). Ni buokiia kaain te kiraati n reiakina ana katooto Bwaoraan, ko konaa ni tuangiia bwa a na iangoia ae aongkoa a tia n tuangaki bwa a na korea te rongorongo ibukin ana maekatin te Ekaretia are e kamanenaaki iaon ana katooto Bwaoraan n Aramwa 61 n reireia aron te aki mama mai irouia tabeman. Ko konaa ngkane n tibwaa te kiraati nakon uoua te kurubu ao tuangiia bwa a na wareka Aramwa 61: 3–14 ao ni karinani tabeua iango ake a na karinii n aia rongorongo. Ana reirei Unimwaane David A. Bednar inanon “Bwaai n Ibuobuoki Riki Tabeua” e kona n ibuobuoki naba.
Iai tabera ni boutokaiia te koraki ake a mena irarikira.
-
E koreia Moronaai bwa te Atua e na katuaea Bwaoraan ngke arona bwa e bon ataia ae e aki tabe ma kainnanoia aia taan ni buaka Nibwaite. Iangoia ni kaoia kaain te kiraati bwa a na wareka Aramwa 60:7–14 nikabane, ao tuangiia bwa a na iangoa temanna ae a ataia ae tao e tangira buokana ao e namakina ae e aki mutiakinaki. Tera ae ti na karaoia bwa ti aonga n ataa kainnanoia ao aron naba buokaia tabeman? E kangaa n tia ni buokaki kainanora mai irouia tabeman, ni ikotaki ma taari ao titita ake taan ibuobuoki?
Ti riai n uringa te Uea inanon taai ni karawawata ao ni kaubwai.
-
Aroia Nibwaite are a karaoia inanon taai ni kaangaanga ao taai ni kaubwai (taraa Aramwa 62:39–41, 48–51) e kaotia bwa ti konaa n rineia bwa ti na nanorinano e ngae ngke ti rinanon te karawawataki ke te kaubwai. Ko konaa ni kaoia kaain te kiraati bwa a na wareki kiibu aikai ao n tibwauaia bwa tera ae e ringa nanoia. Tao ko na kaoiia bwa a na marororoakin baike a namakinii imarenaia ni kakauoman imwain ae ko tuangiia tabeman ni tibwatibwa nakon te kiraati.
Kaungaa te Kamatebwai n te Mweenga
Ni karekea ungan nanoia inanon Ereman 1–6, ko konaa ni kabwarabwara bwa n te mwakoro aei Nibwaite a moana ni buakaka, ao Reimwanaite a riki n raoiroi. Te aekaki ni bibitaki n aroaro aio e karekea te reirei ae bongana ibukira inanon taai ni kakamaku ni bong aikai.
Bwaai n Ibuobuoki Riki Tabeua
Karaoia ara ataei ni konaa riki n tuuka te bure.
Titita Joy D. Jones, te Beretitenti ni Kabuta n te Moanrinan, e tibwai kawai are a boboto n aron karikirakean “rooro n aomata ake a kona n tuuka te bure”:
“Ni moanakina, … ti na riai ni buokiia [ara ataei] n ataia n akean aia titiraki bwa bon ngaiia nati mwaane ao aine iroun Tamaia are i Karawa ae tangira ao iai Ana kaantaninga ae rietaata ibukiia.
“Te kauoua, ataakin raoi te reirei iaon te rairanano bwa e bon riai ibukin karikara bwa ti na tuuka karaoan te bure. N riki bwa te tia tuuka karaoan te bure e aki nanonaki ae bon aakea am bure, ma e nanonaki n ae te reitinako ni katoatai n rairannano, n tatauraoi, ao n tau. Tao n riki bwa te tia tuuka karaoan te bure e reke bwa te kakabwaia man kaokiokan tuukan te bure. …
“… Te katenua ni kawai ni buokiia ataei n tuuka karaoan te bure e moanaki man moan rikiraken te ataei ao ni kaairia n te tangira ma n reireiniia aan reirei n te euangkerio—man koroboki aika tabu, te Reirein te Onimaki, te boki Ibukin Kakorakorakia te Roronrikirake anenen te Moanrinan, anene n taromauri, ao oin ara koaua—ake a na kairiia ataei nakon te Tia Kamaiu. …
“… Buokia ataei ni kamaatatai, karaoa, ao kawakin berita aika tabu bon teuana naba te kawai. … Reiakinaia ataei ni kawakin berita aika bebete ma ngke a uarereke e na bon kakorakoraia ni kawakinii berita aika tabu rimwi inanon maiuia” (“A Sin-Resistant Generation,” Ensign ke Riaona, Meei 2017, 88–89).
Ti na kangaa n totokoa ae ti na aki maraki man kaitarakira.
N ana marooro “And Nothing Shall Offend Them” (Ensign ke Riaona, Nobembwa. 2006, 89–92), Unimwaane David A. Bednar e anga te reirei aio:
-
Ataakina bwa te kamarakaki bon te rinerine. “Ni kakoauaa bwa temanna ke te bwai teuana e konaa ni karika ae ti a tia ni kamarakaki, kaunaki, ke n riribai e kakerikaaka arora ae e riai n ara rinerine ao e bitiira nakon bwaai aika a na mwakuriaki. Ibukina bwa iai a na konaa n rinerine, ngaia are, ngkoe ao ngai iai korakorara n rineia bwa ti na kangaa ni kaeka nakon te kamarakaki ke anga ni karawawataaki.”
-
Taraa te Tia Kamaiu. “Bon te banna ni katooto te Tia Kamaiu n arora bwa ti na kangaa ni kaitaraa reken te anga ke kawai are ti kamarakaki iai” [taraa 1 Nibwaai 19:9].
-
Ataa raoi kabwakaia tabeman. “Teuana mai ibuakon korakoran kaotakin arora n rikirake n te maiu n tamnei e bon oti man arora ni kaeka nakon te buakaka, akean te atatai, ao aanga ni mwakuri ake ti rootaki iai mai irouia tabeman.”
-
Reitaki raoi nakon temanna. “Ngkana temanna e taekina ke e karaoa te bwai are ti taku bwa e kamarakiira iai, te moan bwai ae ti riai ni karaoia ti na bon aki karikia bwa e na kauna nanora ao imwiina reitaki n ti ngkami, n te nano ae raoiroi, ao ni bon nakon te aomata anne. Te kawai anne e kaoa te kairi mai iroun te Tamnei ae Raoiroi ao ni kamataatai bwaai ake aki koaua ao te nano ae koaua ni kan kaota nanom raoi.”
Kanakoraoan Ara Anga reirei
Karaoa aron are ko reiakinna man mweengam. Ngkai te mweenga bon te tabo are e boboto reiakinakinan iai te eungkerio, taraia bwa e na kangaa bwaike a karaoaki n am kiratirum ni kaoi bwaai ake a karaoaki ikekei. Tao n aron aio, bwa ko konaa ni katamaroai taian waaki ni kakukurei n Nakomai, Iriirai—Ibukiia Aomata n Tatabemaniia ao Utu ni kabongana n am kiraati ni kakorakora aron aia kamatebwai kaain te kiraati i bon irouia ke n te utu.