mga balud nga mihapak sa dagkong mga bato

Agosto 17–23

Helaman 1–6

“Ang Lig-on nga Sukaranan sa Atong Manunubos”

Ikaw ba nakaila gayud sa imong klase? Paningkamot nga mas makaila og usa ka sakop sa klase matag semana. Samtang buhaton nimo, mas makahunahuna ka sa ilang mga panginahanglan samtang nag-andam ka sa pagtudlo.

Irekord ang Imong mga Impresyon

pagpaambit nga icon

Dapita ang Pagpaambit

Ikonsiderar ang pagdapit sa mga sakop sa klase nga moabut sa klase nga andam sa pagpaambit og usa ka butang nga tingali ilang gamiton aron sa pagtudlo kabahin sa usa ka baruganan nga ilang nakat-unan niini nga mga kapitulo. Unsa ang ubang mga paagi nga atong matudlo kini nga mga baruganan ngadto sa uban?

pagtudlo nga icon

Itudlo ang Doktrina

Helaman 1–6

Ang garbo mopahimulag kanato gikan sa Espiritu ug kalig-on sa Ginoo.

• Ang latid karong semanaha sa Dali, Sunod Kanako—Alang sa mga Indibidwal ug mga Pamilya naghulagway sa “sikulo sa garbo” nga maoy padayon nga problema sa mga Nephite. Tingali anaay usa diha sa klase nga makadayagram niini nga sikulo diha sa pisara. Ang mga sakop sa klase mahimo dayon nga mangita og mga bersikulo diha sa Helaman 1–6 nga ilang gibati nga naghulagway sa lain-lain nga bahin sa sikulo ug isulat kini tupad sa may kalabutan nga mga bahin diha sa dayagram. (Kon ang mga sakop sa klase nagkinahanglan og tabang, mahimo ka nga mosugyot nila nga ilang susihon ang Helaman 3:24–36; 4:11–26.) Sa unsa nga paagi nga kita usahay sama sa mga Nephite? Unsaon nato nga makalikay sa ilang purohan paingon sa garbo? Mahimo usab ka nga mopaambit og kabahin sa “Kapitulo 18: Maglikay sa Garbo” (Mga Pagtulun-an sa mga Presidente sa Simbahan: Ezra Taft Benson [2014], 277–89).

  ang sikulo sa garbo

  Ang “sikulo sa garbo.”

• Siguro imong dapiton ang mga sakop sa klase sa pagbasa sa Helaman 4:13 ug 24–26 ug mangita og himno nga nagtudlo kabahin sa atong pagdepende sa Dios, sama sa “Nagkinahanglan Ko Nimo sa Matag Takna [I Need Thee Every Hour]” (Hymns [Mga Himno], nu. 98). Nganong ang garbo makapahimulag nato gikan sa Dios? Unsaon man nato sa pag-ila sa atong pagdepende ngadto sa Dios? Ang mga sakop sa klase mahimong mopaambit kon sa unsang paagi nga sila napalig-on pinaagi sa Espiritu ug gahum sa Ginoo tungod kay sila nagmapainubsanon.

• Ang mga sakop sa Simbahan nga gihulagway diha sa Helaman 3:33–34 migukod sa ilang kaubanan nga mga miyembro sa Simbahan. Tungod sa ilang garbo, ilang gidaug-daog ang mga kabus ug nakahimo og tanan nga klase sa uban pang mga sala (tan-awa sa Helaman 4:11–13). Ikonsiderar ang pagbasa og dungan sa Helaman 3:33–34 ug 4:11–13 ug paghangyo sa mga sakop sa klase sa paghisgut og mga paagi nga kita makapakita og mas dako nga kaluoy ug respeto ngadto sa uban, lakip na ang atong kaubanan nga mga miyembro sa Simbahan nga tingali lahi kanato. Mahimo usab nimong dapiton ang mga sakop sa klase sa paghunahuna og usa ka tawo nga ilang nailhan kinsa tingali nag-antus tungod sa dili maayo nga binuhatan sa uban ug sa pagpamalandong kon unsaon nila sa pagtabang nga mapalig-on ug maawhag kana nga tawo.

Helaman 3:33–35

Ang pagbalaan moabut pinaagi sa pagtugyan sa atong mga kasingkasing ngadto sa Dios.

• Ang Helaman 3:33–35 mahimong makahupay kaayo ngadto niadtong naa sa imong klase kinsa tingali nakasinati og “mga pagpanggukod … [o] dako nga kasakitan” (bersikulo 34). Tingali imong dapiton ang mga sakop sa klase sa pagsiksik niini nga mga bersikulo aron sa pagpangita og tambag nga mahimo nilang ihatag ngadto sa usa ka tawo kinsa gigukod. O tingali ang mga sakop sa klase makapaambit giunsa nila pagkakita og “hingpit nga kalipay ug kahupayan” sa panahon sa pag-antus pinaagi sa paghimo sa mga butang nga gihulagway diha sa bersikulo 35.

• Ikonsiderar ang pagdapit sa klase sa pagtuon sa Helaman 3:33–35 ug sa mga pamahayag ug mga pakisayran kabahin sa pagkahimo nga balaan diha sa “Dugang nga mga Kapanguhaan.” Unsa ang gitudlo niini nga mga bersikulo ug mga pamahayag kabahin sa pagbalaan? Sa unsang paagi nga ang pagpuasa ug pag-ampo magdala sa mga panalangin nga gihulagway diha sa Helaman 3:35? Giunsa nato sa pagtugyan sa atong mga kasingkasing ngadto sa Dios (tan-awa sa Helaman 3:35). Sa unsang paagi nga kini nakatabang nato nga mabalaan? Mahimo usab ka nga mag-andam ug manghatag og mga ginunting nga papel nga adunay usa sa mga pamahayag o mga pakisayran gikan sa “Dugang nga mga Kapanguhaan” nga giprinta diha niini ug dapita ang mga sakop sa klase nga magpili og usa nga tun-an. Dayon mahimo sila nga mopaambit sa usag usa kon unsa ang ilang nakat-unan kabahin sa pagbalaan.

Helaman 5:12

Kon himoon nato si Jesukristo nga atong tukuranan, dili kita mapukan.

• Si Satanas nagpadala sa iyang “mapintas nga mga hangin” diha sa tanan natong mga kinabuhi. Daghang tawo diha sa imong klase ang nakasinati na niini, ug dugang pa nga mga unos ang sigurado nga masinati pa sa umaabut. Unsa ang imong mahimo aron matabangan ang imong mga sakop sa klase nga makaandam alang niini nga mga unos pinaagi sa pagtukod sa ilang mga kinabuhi diha ni Jesukristo?

  Mahimo ka nga magsugod og hisgutanan pinaagi sa pagpakita og mga hulagway sa mga templo o uban pang mga gambalay [building] ug pagkumparar sa atong mga kinabuhi ngadto sa gambalay. Unsa nga mga pagpili ang kinahanglang himoon sa tigtukod? Unsa nga mga pagpili ang atong gihimo nga nakaapekto kon sa unsang paagi natukod ang atong mga kinabuhi? Dayon mahimo ninyong basahon og dungan ang Helaman 5:12 ug hisgutan kon unsa ang buot ipasabut sa pagtukod sa atong mga kinabuhi diha ni Jesukristo. Sa unsang paagi nga ang paghimo Niya nga atong tukuranan nakaimpluwensya sa ubang mga pagpili nga atong gihimo samtang atong gitukod ang atong mga kinabuhi?

  Ang mga sakop sa klase mahimong mopaambit kon sa unsang paagi nga ang paghimo sa Manluluwas nga ilang tukuranan nakatabang nila nga makalahutay sa mga unos sa kinabuhi. Hatagi ang mga sakop sa klase og higayon sa pagpamalandong sa klase sa kinabuhi nga ilang gitukod ug unsaon nila sa pagsiguro nga sila lig-on nga natukod diha ni Kristo. Ang sugilanon kabahin sa Templo sa Salt Lake diha sa “Dugang nga mga Kapanguhaan” makatabang sa inyong panaghisgutan.

Helaman 5:14–50

Ang atong pagtuo mapalig-on pinaagi sa “ka dako sa mga kamatuoran [nga atong] nadawat.”

• Usa sa mga panalangin sa pagpundok diha sa Sunday School mao ang kahigayunan sa paglig-on sa pagtuo sa usag usa—sama sa gihimo sa mga Lamanite diha sa Helaman 5:50. Tingali inyong basahon og dungan ang Helaman 5:50 ug hangyoa ang klase sa pagtino “sa mga butang nga [ang mga Lamanite] nakadungog ug nakakita” diha sa mga bersikulo 20–49. Ang mga sakop sa klase mahimo dayon nga mopaambit sa usag usa og pipila ka espirituhanong kasinatian nga nakaagni kanila nga ang ebanghelyo tinuod—bisan kon sila wala makakita og mga anghel o dako nga mga gilis sa kalayo. Unsa nga makapaagni nga pagpamatuod ang ilang nakita sa gipahiuli nga ebanghelyo ni Jesukristo?

pagkat-on nga icon

Awhaga ang Pagkat-on diha sa Panimalay

Ang Helaman 7–12 naghulagway kon giunsa pag-angkon ni Nephi ang pagsalig sa Ginoo ug nahatagan og dako nga gahum. Mahimo ka nga mosugyot sa imong klase nga pinaagi sa pagbasa niini nga mga kapitulo, sila makakat-on unsaon sa pagdawat og dugang sa pagsalig sa Dios diha sa ilang mga kinabuhi.

mga kapanguhaan nga icon

Dugang nga mga Kapanguhaan

Mahimong balaan pinaagi ni Jesukristo.

• Ang pagbalaan mao “ang paagi nga mahimo nga gawasnon gikan sa sala, pagkaputli, pagkalimpyo, ug pagkabalaan pinaagi sa Pag-ula ni Jesukristo” (Giya ngadto sa mga Kasulatan, “Pagbalaan,” scriptures.ChurchofJesusChrist.org).

• “Sa higayon nga nakahinulsol na kita sa tinuoray nga paagi, si Kristo mokuha sa kabug-at sa kahasol tungod sa atong mga sala. Masayud kita sa atong mga kaugalingon nga napasaylo na kita ug nahimo na nga limpyo. Ang Espiritu Santo mopanghimatuod niini ngari kanato; Siya mao ang Tigbalaan. Walay pagpamatuod sa pagpasaylo nga mas labaw pa” (Dieter F. Uchtdorf, “Punto sa Luwas nga Pagbalik,” Liahona, Mayo 2007, 101).

• “Aron pagasantoson pinaagi sa dugo ni Kristo mao ang pagkahimong limpyo, putli, ug balaan. Kon ang kapaangayan mokuha sa silot alang sa miaging sala, nan ang pagasantoson mokuha sa lama o epekto sa sala” (D. Todd Christofferson, “Justification and Sanctification,” Ensign, Hunyo 2001, 22).

• “Kon ang kabubut-on, mga gipangandoy ug mga pagbati sa usa ka tawo hingpit nga mopaubos sa Dios ug sa iyang mga panginahanglanon, kana nga tawo gibalaan” (Brigham Young, “Discourse,” Deseret News, Sept. 7, 1854, 1).

• Kita gibalaan pinaagi sa gahum sa Espiritu Santo tungod sa Pag-ula ni Jesukristo (tan-awa sa Mga Hebreohanon 13:12; Alma 13:10–12; 3 Nephi 27:19–20; Moroni 10:32–33; D&P 76:40–42).

• Bisan human na kita mabalaan, posible gihapon nga mahulog gikan sa balaan nga grasya (tan-awa sa D&P 20:30–34).

Usa ka sigurado nga tukuranan.

Atol sa pagtukod sa Templo sa Salt Lake, dagko nga mga liki ang nakita sa tukuranan nga mga bato. Bisan tuod og mikabat na og halos siyam ka tuig aron moabut na sa ingon ana ka layo ang pagtukod, si Presidente Brigham Young mimando nga ang nangliki nga tukuranan nga mga bato tangtangon ug ilisan og mga bato nga mas maayo og kalidad. Miabut og dugang nga lima ka tuig aron sa pagtangtang sa depektibo nga tukuranan nga mga bato ug pagtukod og usab hangtud sa lebel sa yuta. “Gusto ko nga makakita nga matukod kana nga templo,” miingon si Presidente Young, “sa paagi nga kini molahutay hangtud sa milenyum” (“Remarks,” Deseret News, Oct. 14, 1863, 97).

Pagpalambo sa Atong Pagtudlo

Paghatag og pagpamatuod bahin ni Jesukristo. Si Aminadab tingali wala mobati nga mao ang pinakaangayan nga tawo nga motudlo sa mga Lamanite nga maghinulsol ug magbaton og pagtuo ni Kristo (tan-awa sa Helaman 5:35–41). Apan iyang gipaambit kon unsay iyang nahibaw-an, ug ang iyang pagpamatuod adunay mahangturong impluwensya. Unsay imong nakat-unan gikan niini nga ehemplo?