Նրա դեմքի լույսը փայլեց նրանց վրա, Գարի Լ. Քապ

Սեպտեմբերի 28-ից հոկտեմբերի 11-ը

3 Նեփի 17-19

Ահա, իմ ցնծությունը լիակատար է

Ուսուցանելու համար ձեր նախապատրաստությունը պետք է սկսվի սուրբ գրքերի անհատական ուսումնասիրությամբ: Եկ, հետևիր ինձ. Անհատների և ընտանիքների համար բաժինը կարող է օգնել ձեր ուսումնասիրությանը, իսկ այս համառոտ շարադրանքը կարող է ձեզ մտքեր տալ՝ օգնելով նախապատրաստվել:

Գրի առեք ձեր տպավորությունները

Հրավիրեք կիսվել

3 Նեփի 17.1–3-ում Փրկիչը հրավիրեց ժողովրդին վերադառնալ իրենց տները և «պատրաստել [իրենց] մտքերը»՝ նախքան ուսուցանվելու համար կրկին վերադառնալը: Կարող հարցնել ձեր ուսանողներին, թե ինչպե՞ս են պատրաստվել այսօրվա քննարկմանը և ինչի՞ շուրջ են խորհել:

Ուսուցանեք վարդապետությունը

3 Նեփի 17, 18.24–25, 28–32

Փրկիչը սպասավորության մեր կատարյալ օրինակն է

• Մենք բոլորս հնարավորություններ ունենք սպասավորել ուրիշներին, և բոլորս կարող ենք ավելի լավ անել դա: Փրկիչի սպասավորման օրինակից սովորելու համար պարզապես դասարանով կարդացեք 3 Նեփի 17 գլուխը և հրավիրեք դասարանի անդամներին մեկնաբանել իրենց գտած որևէ բան, որն ուսուցանում է սպասավորման մասին: Ի՞նչ ենք սովորում Փրկիչի բնավորության մասին, որը Նրան սպասավորման հիանալի օրինակ դարձրեց: Ի՞նչ ճշմարտություններ ենք սովորում սպասավորման մասին Փրկիչի օրինակից: Դուք կարող եք նաև փնտրել լրացուցիչ գաղափարներ 3 Նեփի 18.24–25-ում և 28–32-ում: Այնուհետև դասարանի անդամները կարող են քննարկել որոշակի բաներ, որոնք նրանք ոգեշնչված են զգում անել՝ Փրկիչի սպասավորման օրինակին հետևելու համար:

  

  Նայեք ձեր փոքրիկներին, Գարի Լ. Քապ

3 Նեփի 17.13–22, 18.15–25, 19.6–9, 15–36

Փրկիչն ուսուցանել է մեզ, թե ինչպես աղոթենք:

• Որպեսզի օգնեք դասարանի անդամներին սովորել աղոթքի մասին այն շատ օրինակներից և ուսմունքներից, որոնք պարունակվում են 3 Նեփի 17–19-ում, կարող եք գրատախտակին գրել Ո՞վ Ինչպե՞ս: Ե՞րբ և Ինչո՞ւ և հրավիրել դասարանին փնտրել պատասխաններ այս հարցերին, որոնք կապված են աղոթքի հետ հետևյալ հատվածներում. 3 Նեփի 17.13–22, 18.15–25, և 19.6–9, 15–36: Ի՞նչ այլ գաղափարներ են դասարանի անդամները ձեռք բերում, երբ կարդում են այս հատվածները: «Լրացուցիչ աղբյուրներում» տրված Երեց Ռիչարդ Գ. Սքոթի խոսքերը կարող են լրացնել այդ քննարկումը: Դուք կարող եք նաև հրավիրել դասարանի անդամներին կիսվել, թե նրանք ինչ են անում իրենց անձնական և ընտանեկան աղոթքները ավելի իմաստալից դարձնելու համար (տես 3 Նեփի 18.18–21):

• Այս շաբաթվա համառոտ շարադրանքը Եկ, հետևիր Ինձ. Անհատների և ընտանիքների համար բաժնից առաջարկում է աղոթքի վերաբերյալ խորհելու հարցեր, երբ կարդաք այս հատվածները: Կարող եք խնդրել դասարանի անդամներին կիսվել այս հարցերի վերաբերյալ իրենց ունեցած մտքերով: Կամ կարող եք խնդրել դասարանի մի քանի անդամների դասարան գալ պատրաստված՝ քննարկելու որևէ բան, որ իրենք սովորել են աղոթքի մասին 3 Նեփի 17–19 հատվածներից: Ի՞նչ ոգեշնչվեցին նրանք անել` իրենց աղոթքներն ավելի իմաստալից դարձնելու համար:

• Հիսուսն ուսուցանեց, թե մենք ինչո՞ւ պետք է միշտ աղոթենք (տես 3 Նեփի 18.15–18): Առարկայական դասը կարող է օգնել ձեր դասարանին հասկանալ, թե Նա ի՞նչ ուսուցանեց: Օրինակ, դուք կարող եք ջրով լցնել մի աման` ներկայացնելով սատանայի ազդեցությունը: Զգուշորեն ամրացրեք թղթե անձեռոցիկը (որը ներկայացնում է մեզ) բաժակի հատակին (որը ներկայացնում է միշտ աղոթելը): Գլխիվայր շրջեք բաժակը և հրեք այն ուղիղ դեպի ջրով ամանի հատակը: Անձեռոցիկը պետք է չոր մնա բաժակի հատակին, չնայած այն շրջապատված է ջրով: Այս առարկայական դասը և 3 Նեփի 18.15–18 հատվածներն ի՞նչ են ուսուցանում մեզ աղոթքի մասին (տես նաև ՎՈւ 10.5): Ի՞նչ է նշանակում՝ «միշտ աղոթեք»: Ինչպե՞ս կարող է աղոթքն օգնել մեզ դիմադրել սատանայի ազդեցությանը: Դասարանի անդամներին տվեք մի քանի րոպե, որպեսզի գրի առնեն, թե ինչ հուշումներ են ստացել իրենց աղոթքները բարելավելու համար:

3 Նեփի 18․1-12

Մենք կարող ենք հոգևորապես լցված լինել, երբ ճաշակում ենք հաղորդությունը:

• Հաղորդության վերաբեյալ 3 Նեփի 18 գլխում Փրկիչի ուսմունքների շուրջ քննարկում ծավալելու համար կարող եք դասարանը բաժանել խմբերի և յուրաքանչյուր խմբի հանձնարարել կարդալ և քննարկել հետևյալ սուրբ գրություններից մեկը. Մատթեոս 26.26–28-ը, 3 Նեփի 18.1–12-ը, և Վարդապետություն և Ուխտեր 20,75–79-ը, 27.1–4-ը: Իրենց հանձնարարված հատվածը կարդալուց հետո յուրաքանչյուր խումբ կարող է մտածել մեկ կամ երկու հարց հաղորդության վերաբերյալ, որոնց պատասխանը տրված է իրենց կարդացած հատվածներում, և գրեք նրանց հարցերը գրատախտակին: Ապա դասարանի մնացած մասը կարող է հետազոտել սուրբ գրությունները` հարցերի պատասխանները գտնելու համար: Դասարանի անդամները կարող են նաև քննարկել, թե ինչպես կարող են ունենալ ավելի իմաստալից փորձառություն, երբ ընդունում են հաղորդությունը:

• Ի՞նչ է նշանակում «լցված» լինել, երբ ճաշակում ենք հաղորդությունը (տես 3 Նեփի 18.4–5, 9, 20.9): Հրավիրեք դասարանի անդամներին զույգերով քննարկել այդ հարցը, մինչ կկարդան 3 Նեփի 18․1-12 հատվածները։ Դուք կարող եք նաև հրավիրել դասարանի անդամներին խորհել, թե վերջին անգամ երբ են զգացել հոգևորապես «լցված», երբ ճաշակել են հաղորդությունը: Գուցե նրանք քննարկեն բաներ, որոնք կխանգարեն կամ կշեղեն մեզ «լցված» լինել հաղորդությունով, և կիսվեն գաղափարներով, թե ինչպես հաղթահարել այդ խոչընդոտները:

3 Նեփի 19․9-15, 20–22

Հիսուս Քրիստոսի աշակերտները ձգտում են ունենալ Սուրբ Հոգու պարգևը:

• Չմոռանաք խնդրել դասարանի անդամներին մտածել մի բանի մասին, որն իրենք խորապես ցանկանում են: Նրանք ի՞նչ են պատրաստ անելայն ստանալու համար: Սա կարող է հանգեցնելքննարկման այն մասին, թե տասներկու աշակերտները ինչ էին «ամենաշատը փափագում», ինչպես նկարագրվում է 3 Նեփի 19.9–15-ում և 20–22-ում: Ինչո՞ւ էր սա այդքան կարևոր նրանց համար: Ինչո՞ւ է դա կարևոր մեզ համար: Համաձայն այդ հատվածների, մենք ինչպե՞ս կարող ենք ջանասիրաբար ձգտել Սուրբ Հոգու ընկերակցությանը:

Խրախուսեք տնային ուսումնասիրությունը

Տերն ասաց. «Մեծ են Եսայիայի խոսքերը» (3 Նեփի 23․1)։ Որպեսզի խրախուսեք դասարանի անդամներին կարդալ 3 Նեփի 20-26 գլուխները, կարող եք ասել նրանց, որ այս գլուխներում Հիսուսը բացատրեց Եսայիայի «մեծ» խոսքերից մի քանիսը: Հրավիրեք դասարանի անդամներին խորհել, թե ինչո՞ւ էին Եսայիայի այդ խոսքերը մեծ: Խրախուսեք նրանց պատրաստ գալ հաջորդ կիրակի` կիսվելու իրենց սովորածով:

Լրացուցիչ աղբյուրներ

Աղոթքի արժեքը

Երեց Ռիչարդ Գ. Սքոթը վկայել է աղոթքի արժեքի մասին․

«Մենք աղոթում ենք մեր Երկնային Հորը, Իր սիրելի Որդու` Հիսուս Քրիստոսի անունով։ Աղոթքը շատ արդյունավետ է, երբ մենք աշխատում ենք լինել մաքուր և հնազանդ, արժանի դրդապատճառներով և պատրաստ ենք կատարել այն, ինչ Նա խնդրում է: Խոնարհ, վստահելի աղոթքը բերում է ուղղորդում և խաղաղություն:

Մի անհանգստացեք անհմուտ կերպով արտահայտած ձեր զգացմունքների մասին: Ուղղակի խոսեք ձեր գթառատ, հասկացող Հոր հետ: Դուք Նրա թանկագին զավակն եք, ում Նա սիրում է կատարելապես և ցանկանում է օգնել: Երբ աղոթում եք, հասկացեք, որ Երկնային Հայրը մոտ է, և Նա լսում է ձեզ:

Բարելավված աղոթքի բանալին է՝ սովորել ճիշտ հարցեր ուղղել: , Դադարեք խնդրել այն, ինչ դուք եք կամենում և ազնվորեն ձգտեք նրան, ինչ Նա է կամենում ձեզ համար: Այնուհետև, երբ դուք իմանաք Նրա կամքը, աղոթեք, որ առաջնորդվեք` այն կատարելու ուժ ունենալու համար:

Եթե երբևէ հեռացած զգաք մեր Հորից, դա կարող է լինել շատ պատճառներով: Ինչպիսին էլ լինի պատճառը, երբ դուք շարունակեք աղերսել օգնության համար, Նա կառաջնորդի ձեզ անել այն, ինչը կվերականգնի ձեր վստահությունը, որ Նա մոտիկ է: Աղոթեք, նույնիսկ, երբ ցանկություն չունեք աղոթելու: Երբեմն, երեխայի նման, դուք գուցե ձեզ վատ եք պահել և զգացել եք, որ չեք կարող մոտենալ ձեր Հորը որևէ խնդրով: Ահա, ամենաշատը այդ ժամանակ դուք կարիք ունեք աղոթելու: Երբեք մի համարեք, որ դուք խիստ անարժան եք աղոթելու համար:

Կարծում եմ, մենք չենք կարող երբևէ իրականում խորամուխ լինել աղոթքի անսահման զորության մեջ, մինչև չհանդիպենք ընկճող, հրատապ խնդրի, և գիտակցենք, որ մենք անզոր ենք լուծել այն: Այդ ժամանակ մենք կդիմենք մեր Հորը՝ խոնահաբար ընդունելով մեր լիակատար կախվածությունը Նրանից: Օգտակար է գտնել մի առանձնացված վայր, որտեղ մեր զգացմունքները կարելի է բարձրաձայն արտահայտել, այնքան երկար և այնքան ուժեղ, որքան անհրաժեշտ է» («Օգտագործելով աղոթքի երկնային պարգևը», Ensign կամ Լիահոնա, մայիս 2007, 8)։

Բարելավել մեր ուսուցումը

Ձգտեք ունենալ Քրիստոսանման սեր։ Եթե կա դասարանի մի անդամ, ով կարիք ունի ընկերակցության, մտածեք, թե ինչպես կարող եք օգնել նրան՝ իրեն զգալ դասարանի մի մասը: Օրինակ, դուք կարող եք հրավիրել դասարանի մեկ այլ անդամի նստել այդ անձի կողքին և ընկերանալ նրա հետ: