“Ngaahi Maʻuʻanga Tokoni Kehé,” Haʻu, ʻo Muimui ʻIate Au—Maʻá e Lautohi Faka-Sāpaté: Tohi ʻa Molomoná 2020 (2020)
“Ngaahi Maʻuʻanga Tokoni Kehé,” Haʻu, ʻo Muimui ʻIate Au—Maʻá e Lautohi Faka-Sāpaté: 2020
Ngaahi Maʻuʻanga Tokoni Kehé
ʻE lava ke maʻu ʻa e ngaahi maʻuʻanga tokoni ko ʻení ʻi he Gospel Library mo e ChurchofJesusChrist.org.
Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí
Te ke lava ʻo filioʻi ha faʻahinga ʻekitivitī pē mei he maʻuʻanga tokoni ko ʻení ke fakaʻaongaʻi ʻi hoʻo kalasi Lautohi Faka-Sāpaté. Kapau kuo fakaʻaongaʻi ʻe he kau mēmipa ʻo e kalasí e ngaahi ʻekitivitī ko ʻení ʻi heʻenau ako folofola fakatāutahá pe fakafāmilí, poupouʻi kinautolu ke vahevahe ʻenau ngaahi aʻusiá mo e fakakaukaú.
Ngaahi Makasini ʻa e Siasí
ʻOku ʻomi ʻe he ngaahi makasini New Era, Ensign, mo e Liahoná ha ngaahi fakamatala pea mo ha ngaahi meʻa kehe ʻe lava ke ne tokoniʻi e ngaahi tefitoʻi moʻoni ʻokú ke akoʻi mei he Haʻu, ʻo Muimui ʻIate Au—Maʻá e Lautohi Faka-Sāpaté.
Ngaahi Himí mo e Tohi Hiva ʻa e Fānaú
ʻOku fakaafeʻi ʻe he hiva toputapú e Laumālié mo akoʻi e tokāteliné ʻi ha founga fakangalongataʻa. Makehe mei Ngaahi Himi mo e Tohi Hiva ʻa e Fānaú,, kuo pulusí, te ke ala maʻu ha ngaahi himi kuo hikitepi pea mo ha ngaahi hiva ʻa e fānaú ʻi he music.ChurchofJesusChrist.org pea ʻi he LDS Media Library app.
Laipeli Mītiá
ʻE lava ke tokoni ʻa e ngaahi ngāue fakaʻātí, ngaahi vitioó, mo ha ngaahi mītia kehe kiate kinautolu ʻokú ke akoʻí ke nau sioloto ki he tokāteline mo e ngaahi talanoa ʻi he Tohi ʻa Molomoná. ʻAlu ki he medialibrary.ChurchofJesusChrist.org ke ke vakai ki he ngaahi maʻuʻanga tokoni fakamītia ʻa e Siasí, kau ai e ngaahi vitiō ʻo e Tohi ʻa Molomoná, ʻoku nau fakafōtunga e ngaahi meʻa ne hoko ʻi he Tohi ʻa Molomoná. ʻOku toe maʻu foki ha ngaahi maʻuʻanga tokoni fakamītia ʻi he LDS Media Library app.
Fakatātā ʻo e Ongoongoleleí
ʻE lava ʻa e ngaahi fakatātaá ke tokoni kiate kinautolu ʻokú ke akoʻí ke nau sioloto ki he tokāteline mo e ngaahi talanoa ʻoku ʻi he Tohi ʻa Molomoná. ʻOku lahi ha ngaahi ʻīmisi te ke lava ʻo fakaʻaongaʻi ʻi he kalasí ʻoku maʻu ʻi he Tohi Fakatātā ‘o e Ongoongoleleí, ʻi he medialibrary.ChurchofJesusChrist.org, pea ‘i he LDS Music mo e LDS Media Library apps.
Ngaahi Tohi Lēsoni ʻo e Seminelí mo e ʻInisititiutí
ʻOku ʻomi ʻe he ngaahi tohi lēsoni ʻa e seminelí mo e ʻinisititiutí ha puipuituʻa fakahisitōlia mo ha fakamatala fakatokāteline ki he ngaahi tefitoʻi moʻoni ʻoku maʻu ʻi he folofolá. Te nau ala fakatupu foki ha ngaahi fakakaukau fakafaiako maʻá e ngaahi kalasi Lautohi Faka-Sāpaté.
Ngaahi Tefito ʻo e Ongoongoleleí
Te ke lava ʻo maʻu ʻi he topics.ChurchofJesusChrist.org ha ngaahi fakamatala fekauʻaki mo ha ngaahi tefito kehekehe ʻo e ongoongoleleí, fakataha mo ha ngaahi fehokotakiʻanga ki ha ngaahi maʻuʻanga tokoni, hangē ko ha ngaahi lea ʻoku felāveʻi mei he konifelenisi lahí, ngaahi fakamatala, potufolofola, mo ha ngaahi vitiō. Te ke toe lava foki ke maʻu ʻa e Gospel Topics Essays, ʻa ia ʻoku nau ʻomi ha ngaahi tali loloto ki he ngaahi fehuʻi fakatokāteline mo fakahisitōliá.
Tuʻu Maʻu ʻi he Tuí
ʻOku ʻomi ʻe he maʻuʻanga tokoni ko ʻení ha ngaahi fakamatala nounou ʻo e ngaahi tefito ʻo e ongoongoleleí, kuo hiki fakatatau mo e hokohoko fakamotuʻaleá.
Malanga ʻAki ʻEku Ongoongoleleí
ʻOku ʻomi ʻe he fakahinohino ko ʻeni ki he kau faifekaú ha vakai fakalūkufua ki he ngaahi tefitoʻi moʻoni ʻo e ongoongoleleí.
Ki Hono Fakamālohia ʻo e Toʻu Tupú
ʻOku fakamatalaʻi ʻe he mauʻanga tokoni ko ʻení e ngaahi tuʻunga moʻui ʻo e Siasí ʻe lava ʻo tokoni ke tau taau maʻu pē mo e ngaahi tāpuaki ʻa e ʻEikí. Fakakaukau ke faʻa fakaʻaongaʻi maʻu pē ia, tautautefito kapau ‘okú ke akoʻi ʻa e toʻu tupú.
Ko e Faiako ʻi he Founga ʻa e Fakamoʻuí
ʻE lava ke tokoni ʻa e maʻuʻanga tokoni ko ʻení ke ke ako mo fakaʻaongaʻi e ngaahi tefitoʻi moʻoni ʻo e faiako faka-Kalaisí. ʻOku aleaʻi mo akoako fakahoko ʻa e ngaahi tefitoʻi moʻoni ko ʻení ʻi he ngaahi fakataha alēlea fakafaiakó.