Ua faaali atu Moronae ia Iosefa Samita

Na Ia Valaau Mai A’u i Lo’u Igoa, saunia e Michael Malm

11–17 Ianuari

Mataupu Faavae ma Feagaiga 2; Iosefa Samita—Talafaasolopito 1:27–65

“O le a Liliu Atu Loto o Fanau i o Latou Tama”

A e e te lei faitauina manatu o i lenei otootoga, suesue le Mataupu Faavae ma Feagaiga 2 ma le Iosefa Samita—Talafaasolopito 1:27-65, ma tusifaamaumau ou lagona uunai.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Ina ia uunaia tagata o le vasega e faasoa mai manatu ma aafiaga na latou maua ao latou suesue i nei mau, e mafai ona e fai atu ia i latou e faasoa mai se fuaiupu na uunaia i latou e mafaufau loloto atili nai lo se isi lava taimi. O le a le mea na uunaia ai i latou i lena fuaiupu?

aikona o le aoao atu

Aoao Atu le Aoaoga Faavae

Iosefa Samita—Talafaasolopito 1:27–65

Na valaauina Iosefa Samita e le Atua e fai Lana galuega.

• Mata o le a manuia lau vasega i le iloiloina o le tala i le Iosefa Samita—Talafaasolopito 1:27–65? E mafai ona e valaaulia se tagata o le vasega e aotele mai, pe faamatala foi e se tasi o le vasega le tala i le isi i ni paga po o vaega toalaiti. Fautuaina i latou e faaaofia ai le tele o faamatalaga latou te manatua. E faapefea e lenei tala ona faamalosia a tatou molimau i le valaauga paia o Iosefa Samita? O a lesona tatou te aoao mai lenei tala e uiga i le ala e fai ai e le Atua Lana galuega?

• Mafaufau e faaali atu ni mea faitino po o ni ata e fesootai i le galuega na valaaulia Iosefa Samita e fai, e pei o le Tusi a Mamona po o se ata o se malumalu. E mafai e tagata o le vasega ona sue fuaiupu i le Iosefa Samita—Talafaasolopito 1:33–42 o loo aoao mai e uiga i nei vaaiga i le misiona a le Perofeta. E faapefea ona fesootai le galuega a le Atua mo Iosefa Samita i le galuega a le Atua mo i tatou? O a mea ua aoao mai i tatou e perofeta soifua e faatatau i lenei galuega?

Mataupu Faavae ma Feagaiga 2

Na sau Elia e liliu o tatou loto i o tatou tama.

• Mata o le a aoga i tagata o lau vasega se talanoaga po o ai Elia ma le mana o faamauga na ia toefuatai mai? E mafai e tagata o le vasega ona faitau ia Elia i le Bible Dictionary po o Taiala i Tusitusiga Paia pe iloilo se tala mai lona soifuaga (tagai 1 Tupu 17-18). O le a se mea ua faaopoopo e lenei faamatalaga i lo tatou malamalama i le Mataupu Faavae ma Feagaiga 2? E mafai foi ona e talanoa e uiga i le uiga o le faamauina o se mea. Atonu e mafai e ni mea faitino ona fesoasoani, e pei o se apa meaai, se tagapepa iila ma se sipi e loka ai, po o se faamau e faamaonia ai se pepa o faamatalaga. E fesoasoani faapefea nei mea tatou te malamalama ai i le uiga o le faamau faatasi o aiga? E fesoasoani faapefea lenei mana e faataunuu le mafuaaga o le foafoaga o le fogaeleele? (Tagai i le Mataupu Faavae ma Feagaiga 138:47–48) ma le saunoaga a Russell M. Nelson i le “Punaoa Faaopoopo”). Ina ia fesoasoani i tagata o le vasega ia iloa le ala na faataunuuina ai le valoaga i le Mataupu Faavae ma Feagaiga 2 e mafai ona talanoaina le Mataupu Faavae ma Feagaiga 110:13–16.

• Masalo o le aoao e uiga i “folafolaga na faia i tama” (Mataupu Faavae ma Feagaiga 2:2) o le a fesoasoani ia i latou e te aoaoina ia malamalama atili i le mana o le perisitua lea na auina mai Elia e toefuatai. O ai “tama”? (tagai i le Mataupu Faavae ma Feagaiga 27:9,-10). O a folafolaga na faia e le Alii ma Aperaamo, Isaako, ma Iakopo? (tagai i le Kenese 17:1–8; 22:16–18; 26:1–5, 24; 28:11–15; Aperaamo 2:8–11). O le a le uiga o le “toto” o nei folafolaga i o tatou loto? E fesoasoani faapefea lenei mea ia i tatou e liliu ai o tatou loto i o tatou tama?

Malumalu o Palamaira Niu Ioka

Malumalu o Palamaira Niu Ioka

• Ina ia uunaia tagata o le vasega e liliu atu o latou loto i o latou tuaa, e mafai ona e valaaulia ni nai tagata e taitaia se talanoaga i lea mataupu. Mafaufau e faaaofia le faufautua mo malumalu ma talafaasolopito o aiga a le uarota. E mafai ona e amata e ala i le faitauina o le Mataupu Faavae ma Feagaiga 2:2–3 ma le valaaulia o taitai o talanoaga e faasoa aafiaga na liua ai o latou loto i o latou tama. O le a se mea sa tupu i o latou olaga na fesoasoani ia i latou e fia aoao e uiga i le talafaasolopito o latou aiga? O a ni fautuaga e mafai ona latou aumaia e fesoasoani i isi tagata o le vasega ia auai i talafaasolopito o aiga ma le auaunaga i le malumalu? O le faamatalaga a Peresitene Dallin H. Oaks i le “Punaoa Faaopoopo” ma vitio “The Promised Blessings of Family History” ma le “If We Put God First” (ChurchofJesusChrist.org) e mafai foi ona fesoasoani e musuia tagata o le vasega. E mafai foi ona e faasino tagata i le FamilySearch.org mo ni manatu.

aikona o punaoa faaopoopo

Punaoa Faaopoopo

O Le faamoemoega o le Foafoaga.

Na aoao mai Peresitene Russell M. Nelson:

“O le ola e Faavavau, e maua i le Togiola, o le faamoemoega maualuga lea o le Foafoaga. Ina ia faaupuina lena fuaitau i se tulaga le lelei, afai e le faamauina aiga i malumalu paia, o le a faaumatia uma le lalolagi atoa lava.

“O faamoemoega o le Foafoaga, le Pau, ma le Togiola e faatatau uma lava i le galuega paia e faia i totonu o malumalu o le Ekalesia a Iesu Keriso o le Au Paia o Aso e Gata Ai” (“O le Togiola,” Ensign, Nov. 1996, 35). Tagai foi i le Mose 1:39.

E mafai e tagata uma ona faia se mea.

Na aoao mai Peresitene Dallin H. Oaks: “I le galuega o le faaolaina o e ua maliliu e tele galuega e tatau ona fai. … O la tatou taumafaiga e le o le faamalosia o tagata uma e fai mea uma, ae ia uunaia tagata uma e fai se mea” (“Family History: ‘In Wisdom and in Order,’” Ensign, June 1989, 6).

Faaleleia o Lo Tatou Aoao Atu

Faaaofia ai le au a’oa’o o e le’i suesueina mau i le fale. Ia mautinoa e lagona e tagata uma o le vasega le fiafia e auai ma faasoa mai i le talanoaga, e oo lava ia i latou atonu e lei faitau i le fale.