Vaitafe o Susikuana

8–14 Fepuari

Mataupu Faavae ma Feagaiga 12–13;; Iosefa Samita—Talafaasolopito: 1:66-75

“I Luga o Oulua O’u Uso a Auauna e”

E pei lava ona faamalamalamaina e Ie Agaga Paia mafaufau o Iosefa Samita ma Oliva Kaotui e faatatau i tusitusiga paia, e mafai ona Ia uunaia oe ao e suesue ma le agaga tatalo le Mataupu Faavae ma Feagaiga 12–13 ma le Iosefa Samita—Talafaasolopito 1:66–75.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

O se tasi ala e uunaia ai le fefaasoaai o le fesili i tagata o le vasega pe faapefea ona latou suesueina ia tusitusiga paia. O a mea na latou faia ia maua ai ni manatu i tusitusiga paia i lenei vaiaso?

aikona o le aoao atu

Aoao Atu le Aoaoga Faavae

Mataupu Faavae ma Feagaiga 13

Na toefuatai mai e Ioane le Papatiso le Perisitua Arona.

• O se tasi o ala e talanoaina ai upumoni i le Mataupu Faavae ma Feagaiga 13 o le talanoaina lea e le vasega pe faapefea ona fesoasoani lenei vaega i le autalavou ia malamalama atili i le Perisitua Arona. O a mea ua aoao mai e le vaega 13 e uiga i le Perisitua Arona e tatau ona malamalama i ai alii ma tamaitai talavou? Ina ia tuu atu le avanoa i tagata uma e auai, e mafai ona e fai atu i tagata o le vasega e talanoaina lenei fesili i ni paga ona faasoa mai lea o mea na latou aoaoina mai le isi i le vasega.

• O leotootoga o lenei vaiaso i le Sau, Mulimuli Mai ia te A’u—Mo Tagata Taitoatasi ma Aiga ua fautuaina mai ai punaoa e mafai ona fesoasoani e faamatalaina nisi o fuaitau i le Mataupu Faavae ma Feagaiga 13. E mafai ona e fai i tagata o le vasega e faasoa mai ni mea sa latou aoaoina mai le suesueina o nei punaoa. Ina ia amata se talanoaga e uiga i ki o ta’ua i lenei vaega, e mafai ona e faaali atu se fuifui ki ma valaaulia tagata o le vasega e talanoaina mea e faatagaina i latou e ki e faia. O le faamatalaga a Sister Ruth ma Elder Dale G. Renlund i le “Punaoa Faaopoopo” e mafai foi ona fesoasoani. O a faamanuiaga ua tuuina mai e ki o le Perisitua Arona ia i tatou? Mata o le a se eseesega o o tatou olaga e aunoa ma nei faamanuiaga?

• O se vaega o le matagofie o le talalelei toefuataiina o le aafia lea o i tatou i le galuega lava lea e pei o alii ma tamaitai i tusitusiga paia: e fausia le malo o le Atua i le lalolagi. E avea ai i tatou, i se itu, “o uso a auauna” faatasi ma i latou. O le a le uiga o le avea ma uso a auauna i le galuega a le Alii? Mataio 3:13–17; Luka 1:13–17; 3:2–20 e mafai ona fesoasoani i tagata o le vasega e malamalama atili i le galuega na faia e Ioane le Papatiso.

  Iosefa Samita o loo papatisoina Oliva Kaotui

  Iosefa Samita o loo papatisoina Oliva Kaotui saunia e Del Parson

Iosefa Samita—Talafaasolopito 1:66–75

E tuuina mai e sauniga ia i tatou le mana o le Atua.

• Ina ia tuu atu i tagata o le vasega le avanoa e molimau ai i le isi e uiga i faamanuiaga e oo mai le mauaina o sauniga o le perisitua, e mafai ona e valaaulia i latou e iloilo le Iosefa Samita—Talafaasolopito 1:66-75, e aofia ai le faamatalaga i le fuaiupu 71, ma vaai mo faamanuiaga na maua e Iosefa ma Oliva ina ua papatisoina ma faauuina i le perisitua. E faapefea ona tuuina mai e sauniga le mana faaleagaga? Ona mafai lea e tagata o le vasega ona faasoa mai ni o latou aafiaga i se taimi na latou lagona ai le mana o le Atua lea na oo mai le mauaina o sauniga o le perisitua e pei o le papatisoga, faamanatuga, po o sauniga o le malumalu. E mafai foi ona e faaali atu le vitio “Blessings of the Priesthood” (ChurchofJesusChrist.org) o se vaega o le talanoaga.

• E mafai ona aoga mo tagata o le vasega le fatuina o se kata e faaalia ai faamanuiaga na oo mai sauniga o le perisitua. Mo se faataitaiga, e mafai ona e tusi i le laupapa ulutala Sauniga ma Faamanuiaga. E mafai e tagata o le vasega ona suesue tusitusiga paia e pei o nei e faauma ai le kata: Ioane 14:26; Galuega 2:38; Mataupu Faavae ma Feagaiga 84:19–22; 131:1–4; Iosefa Samita—Talafaasolopito 1:73–74. E mafai foi ona aofia ai isi faamanuiaga na latou mauaina ona o nei sauniga. Atonu latou te mafai ona faasoa mai ni aafiaga na latou lagonaina ai o sauniga na latou mauaina na maua ai le mana o le Faaola i o tatou olaga.

aikona o punaoa faaopoopo

Punaoa Faaopoopo

O a ki o le perisitua?

Na ofoina atu e Elder Dale G. Renlund ma lona faletua o Ruth, lenei faamatalaga e uiga i ki o le perisitua.

“O le faaupuga ki o le perisitua e faaaoga i ni auala se lua. O le muamua e faatatau i se aia tatau faapitoa po o le avanoa e tuuina atu i luga o e mauaina le Perisitua Arona po o le Perisitua Mekisateko. … Mo se faataitaiga, o e umia le Perisitua Arona e maua ki o le auaunaga a agelu ma ki o le talalelei sauniuni o le salamo, ma le papatisoga e ala i le faatofuina mo le faamagaloga o agasala (tagai i le Mataupu Faavae ma Feagaiga 13:1; 84:26–27). O e umia le Perisitua Mekisateko e maua ki o mealilo o le malo, le ki o le malamalama o le Atua, ma ki o faamanuiaga faaleagaga uma lava o le Ekalesia (tagai Mataupu Faavae ma Feagaiga 84:19; 107:18). …

“O le auala lona lua e faaaoga ai le faaupuga ki o le perisitua e faatatau i le taitaiga. E maua e taitai perisitua isi ki faaopoopo o le perisitua, le aia tatau e pulefaamalumalu ai i se faalapotopotoga o le Ekalesia po o se korama. I lenei tulaga, o ki o le perisitua o le pule ma le mana e faatonutonu ai, taitai ai, ma pulea le Ekalesia” (The Melchizedek Priesthood: Understanding the Doctrine, Living the Principles [2018], 26).

Faaleleia o Lo Tatou Aoao Atu

Tuu atu pea lava pea lau molimau. “O lau molimau faigofie, ma faamaoni o upumoni faaleagaga e mafai ona i ai se uunaiga mamana i luga o i latou e te aoaoina. … E le tatau ona aloaia pe umi tele”(Aoao Atu i le Ala a le Faaola, 11). Mafaufau e faasoa atu lau lava molimau patino i le Perisitua Arona a o outou talanoaina le Mataupu Faavae ma Feagaiga 13.