fam blong Martin Haris

Fam blong Martin Harris, i kam long Al Rounds

22–28 Febwari

Doktrin mo Ol Kavenan 18–19

“Praes blong Wan Sol I Bigwan”

Hem i tru long Tabu Spirit nomo we hat blong wan i save jenis. Presiden Henry B. Eyring i bin tijim: “Sapos yu stap tijim ol prinsipol blong doktrin, bambae Tabu Spirit i kam” (“Storian wetem Elda Richard G. Scott mo Elda Henry B. Eyring” [Jos Edukesen Sistem satelaet trening, 11 Ogis 2003]).

Raetemdaon Ol Filing mo Tingting blong Yu

serem pikja bokis

Invaetem Ol Man blong Serem Wanem Oli Gat

Blong mekem se ol memba blong klas oli serem ol eksperiens blong olgeta wetem ol skripja, tugeta, ridim Doktrin mo Ol Kavenan 18:34–36. Afta, askem ol memba blong klas blong oli serem wan ves we oli ridim long wik ia, we insaed long hem, oli bin haremsave voes blong Lod.

tijing pikja bokis

Stap Tijim Doktrin

Doktrin mo Ol Kavenan 18:10–16; 19:15–20, 39–41

Lod i stap glad taem yumi sakem sin.

• Plante pipol oli tekem se fasin blong sakem sin i go wetem ol nogud filing. ?Olsem wanem nao ol toktok blong Lod we oli stap insaed long Doktrin mo Ol Kavenan 18 mo 19 i helpem ol memba blong klas blong luk fasin blong sakem sin olsem wan samting we i save mekem man i glad? Yu save raetem antap long bod: Fasin blong sakem sin hem i  mo askem ol memba blong klas blong oli givim sam tingting blong finisim sentens ia, folem wanem we oli bin ridim aot long ol seksen 18 mo 19. (Tingting blong luklukbak long Doktrin mo Ol Kavenan 18:10–16; 19:15–20, 39–41 insaed long klas.)

• ?Hem i minim wanem blong “taltalemaot long ol pipol ia blong oli sakem sin”? (Doktrin mo Ol Kavenan 18:14). Maet ol memba blong klas oli save lukluk long kwestin ia taem oli stap rid long Doktrin mo Ol Kavenan 18:10–16. ?From wanem nao samtaem ol pipol oli jusum blong oli no sakem sin? ?Olsem wanem nao yumi save givim insperesen long olgeta we yumi lavem blong kam long Sevya mo kasem fogivnes? Leftemap tingting blong ol memba blong klas blong oli lukaotem wan samting insaed long Doktrin mo Ol Kavenan 18:10–16 o 19:15–20 we i save help.

Doktrin mo Ol Kavenan 18:10–16

“Praes blong wan sol i bigwan long ae blong God.”

• ?Olsem wanem nao yu save helpem ol memba blong klas blong andastanem se praes blong yumi wanwan i bigwan tumas long ae blong God? Mebi oli save ridim Doktrin mo Ol Kavenan 18:10–16 mo serem ol eksperiens ia we oli kam blong andastanem hamas oli impoten tumas long God. ?Olsem wanem ol ves ia oli jenisim wei we yumi stap lukluk yumiwan bakegen? ?o wei we yumi lukluk ol nara pipol? ?Olsem wanem nao God i soem se praes blong yumi i bigwan long ae blong Hem?

  Jisas i stap holem wan smol boe

  Praes blong Wan Sol, i kam long Liz Lemon Swindle

Doktrin mo Ol Kavenan 19:15–19

Jisas Kraes i bin safa from evri kaen man.

• ?Olsem wanem yu save helpem ol memba blong klas blong oli filim witnes blong Tabu Spirit taem oli stap tingting hevi long hao Sevya i tokbaot safaring blong Hemwan bakegen blong pem praes from ol sin blong man. (Doktrin mo Ol Kavenan 19:15–19). Maet yu save invaetem wan blong singsing wan fevret hym abaot Sevya. Mo tu, yu save soem wan pikja blong Sevya mo invaetem ol memba blong klas blong ridim ol ves 15–19; afta, oli save raetemdaon ol tingting mo ol filing blong olgeta. (Ol toktok blong Elda D. Todd Christofferson we oli stap long “Sam Moa Risos” oli save mekem ol memba blong klas oli gat moa bigfala tangkyu from safaring blong Sevya.) Sapos yu putum wan sentens olsem antap long bod, bae i save helpem ol memba blong klas blong tingting hevi: Mi mi talem tangkyu tumas from Atonmen blong Jisas Kraes from se … Bae sam memba blong klas oli glad blong save serem wanem we oli bin raetem mo oli save talem testemoni blong olgeta abaot Jisas Kraes.

Doktrin mo Ol Kavenan 19:16–26, 34–41

Blong mekem tingting blong God, plante taem i nidim sakrifaes.

• Taem we ol memba blong klas oli fesem ol situesen we oli mas mekem ol sakrifaes from gospel, bae i save givim insperesen long olgeta blong oli lanem abaot sakrifaes we Martin Haris i bin mekem blong mekem se oli bin save pablisim Buk blong Momon. Mebi yu save invaetem wan blong i kam long klas, we hem i rere blong talem desisen blong Martin blong putum fam blong hem olsem sekiuriti blong pem mane blong printim Buk blong Momon (luk long Ol Sent 1:76–78). ?Wanem ves nao we i kamaot long seksen 19 we i bin helpem hem blong mekem desisen ia? Yu save invaetem ol memba blong klas blong oli serem olsem Buk blong Momon i bin blesem olgeta, mo hamas oli talem tangkyu from sakrifaes blong Martin Haris mo ol narawan we oli bin mekem sakrifaes blong mekem se oli save pablisim buk ia.

• Maet i gat wan long klas we i save serem wan sakrifaes we oli bin mekem blong Lod. Hemia i save lidim ol memba blong klas blong oli tingting abaot stret tingting blong olgeta blong stap glad blong mekem sakrifaes. Leftemap tingting blong olgeta blong serem eni samting we oli faenem insaed long Doktrin mo Ol Kavenan 19 we i bin givim olgeta insperesen blong oli mekem ol sakrifaes blong save mekem tingting blong God (speseli, luk long ol ves 16–26, 34–41).

sam moa risos pikja bokis

Sam Moa Risos

Praes blong lav blong God.

Taem hem i stap tokbaot Doktrin mo Ol Kavenan 19:18, Elda D. Todd Christofferson i bin talem: “Bae yumi tingting gud long praes blong bigfala lav blong God. … Bigfala harem nogud blong Hem long Getsemane, mo antap long kros, i bigwan moa bitim eni samting we wan long wol ia i save tekem. Be, from lav we Hem i gat long Papa blong Hem mo yumi, Hem i gotru long bigfala harem nogud ia, mo olsem risal blong hemia, Hem i save givim yumi wan bodi we i nomo save ded mo laef we i no save finis.” (“Sapos Yufala I Stap Obei long Ol Tok blong Mi Bambae Mi Lavem Yufala Olwe,” Ensign o https://www.churchofjesuschrist.org/study/general-conference/2016/10/abide-in-my-love?lang=bis, Okt 2016).

Stap Kam Antap long Fasin blong Yumi blong Stap Tij

Krietem wan ples we i stap invaetem Spirit. I gat plante wei we yu save invaetem Spirit i kam insaed long klas blong yu. Smol miusik bifo long klas i save invaetem evriwan blong stap kwaet mo gat respek. Taem wan i talemaot lav mo testemoni blong hem, i save mekem se i gat wan ples we filing i kwaet mo oli save filim Spirit. (Luk long Teaching in the Savior’s Way, 15.)