Emma Smith

Marso 8–14

Doktrina ken Katulagan 23–26

“Papigsaen ti Simbaan”

Sakbay ti panagbasa iti daytoy a balabala, basaen ti Doktrina ken Katulagan 23–26 ket utoben dagiti pagbatayan a mariknam a mangpapigsanto kadagiti miembro ti klasem. Kalpasanna ibilang no ania dagiti resources a mangtulongto kenka a mangisuro, agraman dagiti naisingasing iti daytoy a balabala.

Isuratmo dagiti Impresionmo

icon iti panagbibinninglay

Yawis ti Panagbibinninglay

Ania dagiti bendision a napadasantayo no “ipaay[tayo] ti panawen[tayo] a mangadal kadagiti nasantuan a kasuratan”? (Doktrina ken Katulagan 26:1). Kasano a nariknatayo ti Espiritu kadagiti pagtaengantayo? Mabalin nga ibinglay dagiti miembro ti klase no kasano a naparmekda dagiti tubeng wenno makasinga tapno ipaay ti panawen iti bukod ken sangapamilaan a panagadal iti nasantuan a kasuratan.

icon iti panangisuro

Isuro ti Doktrina

Doktrina ken Katulagan 23–26

Mabalintayo amin a papigsaen ti Simbaan.

• Mabalin a kayatmo ti mangsukisok a kaduam dagiti miembro ti klase no ania ti kayat a sawen ti “mangigunamgunam iti simbaan” (Doktrina ken Katulagan 25:7). Mabalin nga ibinglay ti maysa a tao dagiti kaipapanan iti diksionario ti igunamgunam wenno dagiti pagarigan ti panangigunamgunam a nakitadan. Ania dagiti gundaway nga adda kadatayo tapno mangigunamgunam iti tunggal maysa? Kasano a mangpapigsa daytoy iti Simbaan? Ania pay ti masursurotayo iti Doktrina ken Katulagan 23–26 a makatulong kadatayo a mangpapigsa iti Simbaan? Mabalinmo pay nga ilawlawag no kasano a mayaplikar dagitoy a pagbatayan iti panangpapigsa kadagiti pagtaengantayo. Tapno mayaplikar dagitoy a pagbatayan kadagiti panagkagumaantayo iti ministering, mabalinmo nga irebyu dagiti paset ti mensahe ni Sister Bonnie H. Cordon a “Becoming a Shepherd” (Ensign wenno Liahona, Nob. 2018, 74–76).

Doktrina ken Katulagan 24

Mabalin ti Mangisalakan nga “itag-aynatayo kadagiti rigrigat[tayo].”

• Naited ti paltiing iti Doktrina ken Katulagan 24 tapno “mangpapigsa, mangparegta, ken mangiturong” kada Joseph ken Oliver iti panawen ti pannubok (Doktrina ken Katulagan 24, paulo ti benneg; kitaen met iti Saints, 1:94–96). Mabalinmo nga awisen ti klase a mangsukisok iti daytoy a benneg para kadagiti pakakitaan nga ammo ti Apo ni Joseph ken ti kasasaadna. Kasano a pinatgan ti Apo dagiti kasapulan ni Joseph? Kasano nga aramidenna ti isu met laeng para kadatayo iti agdama? Ibilang ti panangidawat kadagiti miembro ti klase a mangibinglay kadagiti padas idi nariknada nga ammo ti Apo dagiti bukod a kasasaadda ket intag-ayna ida ti panawen dagiti rigrigatda.

  Ni Jesucristo a mangag-agas kadagiti tao

  Inagasanna ti Adu a Nadumaduma a Sakit, ni J. Kirk Richards

Doktrina ken Katulagan 25

Ni Emma Smith ti “napili a babai.”

• Tapno matulongan dagiti miembro ti klase a mangsapul iti bukod a pakainaigan iti paltiing ti Apo ken ni Emma Smith, ibilang daytoy nga aktibidad: Idawat iti kagudua ti klase a mangsukisok iti benneg 25 kadagiti banag nga indawat ti Apo ken ni Emma nga aramidenna, ket idawat iti sabali pay a kagudua ti klase a mangsukisok kadagiti banag nga inkarina nga aramidenna. Allukoyem ida a mangilista no ania ti masarakanda ken ibinglay daytoy iti tunggal maysa. Mabalin nga ibinglay ti sumagmamano a miembro ti klase dagiti pagbatayan a naipangpangruna a napnuan kaipapanan kadakuada.

• Ania dagiti balikas ken ragup ti balikas iti benneg 25 a mangsuporta iti panangibaga ti Apo ken ni Emma Smith, “Sika ti napili a babai”? (bersikulo 3). Mabalin pay a paglilinnawagan dagiti miembro ti klase no kasano a tinungpal ni Emma dagiti pagbatayan iti daytoy a paltiing. Mairaman kadagiti makatulong a resources ti video “An Elect Lady” (ChurchofJesusChrist.org), “Thou Art an Elect Lady” (Revelations in Context, 33–39), ken “Voices of the Restoration” iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia.

• Segun iti Doktrina ken Katulagan 25:11–12, kasano ti rikna ti Apo maipapan iti sagrado a musika? Mabalin a paglilinnawagan ti klase dagiti wagas a pakausaran dagiti himno tapno mangawis iti Espiritu kadagiti pagtaenganda.

Doktrina ken Katulagan 25:5, 14

Nasken a agkalikagumtayo a maadddaan iti “espiritu ti kinaemma.”

• Binalakadan ti Apo ni Emma nga “agtultuloy ti espiritu ti kinaemma” (Doktrina ken Katulagan 25:14; kitaen met iti bersikulo 5). Tapno masukisok no ania ti mabalin a kayat a sawen daytoy, mabalinmo nga isurat ti Kinaemma iti pisarra ket awisem dagiti miembro ti klase a mangisurat iti abay daytoy no ania ti mapampanunotda iti dayta a balikas. Kalpasanna mabalinda a sukisoken iti benneg 25 para kadagiti balikas ken ragup ti balikas a mariknada nga adda pakainaiganna iti kinaemma ken kalpasanna ibinglayda no ania ti masarakanda. Ibilangmo ti panangibinglay iti palawag ni Elder David A. Bednar iti “Dagiti Nainayon a Resources.” Apay a napateg ti agbalin a naemma?

Doktrina ken Katulagan 25:10, 13

Nasken a kalikagumantayo a gun-oden dagiti banag ti maysa a nasaysayaat a lubong.

• Tapno matulongan dagiti miembro ti klase a mangyaplikar iti balakad ti Apo nga “iwaksi dagiti banag a nailubongan, ken sapulen dagiti banag a nasaysayaat” (Doktrina ken Katulagan 25:10), mabalinmo nga idawat kadakuada a mangilista kadagiti pagarigan dagiti “nailubongan a banag” ken pagarigan dagiti “banag ti nasaysayaat a [lubong].” Ania ti balakad a maibinglaytayo iti tunggal maysa a makatulong kadatayo nga agpokus kadagiti agnanayon a banag? Kasano a mainaig ti balakad iti bersikulo 13 iti daytoy a panggep a tun-oyen?

dagiti nainayon a resources icon

Dagiti Nainayon a Resources

Ti kinaemma ket pigsa.

Inlawlawag ni Elder David A. Bednar: “Ti kababalin a kinaemma a kas ken ni Cristo ket masansan a saan a maawatan iti kapanawen a lubongtayo. Ti kinaemma ket napigsa, saan a nakapuy; aktibo, saan a nasukir; natured, saan a managbabain; managteppel, saan a napalalo; disente, saan a napalangguad; ken managparabur, saan a nasabrak. Ti naemma a tao ket saan a nalaka nga agpungtot, saan a managinkukuna, wenno saan a dominante ken nakasagana a mangbigbig kadagiti naileppas dagiti dadduma” (“Meek and Lowly of Heart,” Ensign wenno Liahona, Mayo 2018, 32).

Panangpadur-as iti Panangisurotayo

Ipaneknek maipapan kadagiti naikari a bendision. No awisem dagiti miembro ti klase nga agtignay no ania ti nasursuroda, paneknekam dagiti bendision nga inkari ti Dios (kitaen iti Panangisuro iti Wagas ti Mangisalakan, 35).