mau misiōnare mātāmua o te ’Ēkalesia

5 nō ’Ēperēra–11 nō ’Ēperēra

Te Parau Ha’api’ira’a ʼe te mau Parau Fafau 30–36

« ’Ua parauhia atu ’oe ’ia a’o atu i tā’u nei ’evanelia »

’Ia tai’o ’outou i Te Parau Ha’api’ira’a ʼe te mau Parau Fafau 30–36, e aha te mau parau poro’i maita’i nō te feiā tā ’outou e ha’api’i nei ? E aha te mea e tauturu ia rātou ’ia fa’a’ite i te ’evanelia ia vetahi ’ē ?

Pāpa’i i te mau mana’o e tae mai

ītona fa’a’itera’a

Tītau i te mana’o

E nehenehe paha te mau melo o te piha ha’api’ira’a e fa’a’ite i te hō’ē mea tā rātou i tai’o i roto i Te Parau Ha’api’ira’a ʼe te mau Parau Fafau 30–36 ’o tē fa’auru ia rātou ’ia fa’a’ite i te ’evanelia.

ītona ha’api’ira’a

Ha’api’i i te ha’api’ira’a tumu

Te Parau Ha’api’ira’a ʼe te mau Parau Fafau 30–36

’Ua pi’ihia tātou ’ia a’o i te ’evanelia a Iesu Mesia.

• Tē parau nei te arata’i nō teie hepetoma i roto i te Mai, pe’e mai—nō te ta’ata hō’ē ’e te ’utuāfare ’ia ’imi i Te Parau Ha’api’ira’a ʼe te mau Parau Fafau 30–36 e aha tā te Fatu i ani i tāna mau misiōnare ’e e aha tāna i fafau ia rātou. E nehenehe te mau melo o te piha ha’api’ira’a e fa’a’ite mai i te mea tei ’itehia ia rātou. (’Ei hi’ora’a, hi’o Te Parau Ha’api’ira’a ʼe te mau Parau Fafau 30:8 ; 31:3–5 ; 32:1, 5 ; 35:24.) E nehenehe paha ’outou e ani ia rātou ’ia pāpa’i i te hō’ē rata i te hō’ē ta’ata e tāvini nei i teienei, ’aore rā, e fa’aineine ra nō te tāvini i te hō’ē misiōni ’e ’ia tu’u atu i te tahi mau arata’ira’a ’e te tahi mau fafaura’a a te Fatu.

• Tē ha’api’i ra ānei ’outou i te feiā ’āpī e fa’aineine ra ’ia riro ’ei mau misiōnare ? Mai te mea ’o te reira ihoā, e nehenehe ’outou e ani i te melo tāta’itahi o te piha ha’api’ira’a ’ia ’imi i te hō’ē tuha’a i roto i Te Parau Ha’api’ira’a ʼe te mau Parau Fafau 30–36 ’e ’ia ’ite mai i te tahi mea ’o tē fa’auru ia rātou ’ia tāvini. E nehenehe ’outou e fa’a’ite ē, te mau misiōnare i fa’a’itehia i roto i teie mau tuha’a, e mau misiōnare ’āpī ïa ’e te ’ite ’ore i roto i te ’Ēkālesia. E aha te mea i fa’ata’ahia ai rātou ’ia fa’a’ite i te ’evanelia ? E aha tā teie mau video e parau nei nō ni’a i te tumu tātou e tāvini ai ’ei misiōnare e nāhea tātou i te fa’aineine ia tātou ?

• E ’ere te mau ta’ata ato’a ’o tē nehenehe e tāvini i te hō’ē misiōni rave tāmau, e nehenehe rā tātou pā’āto’a e ani manihini ia vetahi ’ē ’ia haere mai i te Mesia ra ’e ’ia fa’aro’o i te parau poro’i o te fa’aho’i-fa’ahou-ra’a mai. E nehenehe te mau melo nō te piha ha’api’ira’a e hāmani i te hō’ē tāpura nō te mau rāve’a ta’a ’ē e nehenehe ai rātou « e hāmama i tō [rātou] vaha » (Te Parau Ha’api’ira’a ʼe te mau Parau Fafau 33:8–10). E aha te tahi mau rāve’a ’ōhie tā tātou nō te fa’a’ite i tō tātou mau ti’aturira’a ia vetahi ’ē ? E aha te a’o i roto i Te Parau Ha’api’ira’a ʼe te mau Parau Fafau 30–36 e tano nō te fa’a’ite i te ’evanelia i roto i teie mau rāve’a ? E ani i te tahi mau melo nō te piha ha’api’ira’a tei fāri’i i te mau ’itera’a maita’i i te fa’a’itera’a i te ’evanelia ’ia fa’a’ite mai i tō rātou mau mana’o ’e ’ia pāhono i te mau uira’a a te piha ha’api’ira’a.

• ’Ua fafau mai te Fatu ia Ezra Thayer ’e ia Northrop Sweet ē, mai te mea ē, e hāmama rāua i tō rāua vaha nō te fa’a’ite i te ’evanelia, « e riro ïa ’ōrua mai ia Nephi i te tau tahito ra » (Te Parau Ha’api’ira’a ʼe te mau Parau Fafau 33:8). E aha te huru o Nephi ’o te nehenehe e tū’ati i ni’a i te fa’a’itera’a i te ’evanelia ? (hi’o, ’ei hi’ora’a, 1 Nephi 3:7 ; 4:6 ; 10:17 ; 17:15 ; 2 Nephi 1:27–28). Nāhea teie mau huru i te tauturu ia tātou i roto i tā tātou mau tauto’ora’a nō te fa’a’ite i te ’evanelia ?

  mau misiōnare e ha’api’i nei

  Tē ani nei te Fatu ia tātou ’ia poro i te ’evanelia i tō tātou nei ’anotau mai te au i te ’Ēkālesia i te mātāmua ra.

Te Parau Ha’api’ira’a ʼe te mau Parau Fafau 32–33 ; 35

E fa’aineine te Fatu ia tātou nō te ’ohipa tāna e hina’aro ’ia rave tātou.

• Nāhea te Fatu i te tauturu ia tātou ’ia rave i tāna ’ohipa ? E nehenehe te ’āparaura’a nō ni’a i te orara’a o te mau ta’ata i fa’a’itehia i roto i Te Parau Ha’api’ira’a ʼe te mau Parau Fafau 32–33, 35 e riro ’ei vāhi ha’amatara’a maita’i nō te feruri i teie mau ’ohipa i tupu. ’Ei hi’ora’a, e nehenehe ’outou e fa’a’ite i te piha ha’api’ira’a i te ’ā’amu nō te ’ōrama o Ezra Thayer i roto i te « mau rāve’a tauturu hau atu » ’e i muri iho, e ani i te mau melo o te piha ha’api’ira’a ’ia tai’o i Te Parau Ha’api’ira’a ʼe te mau Parau Fafau 33:1–13, ’o tē hō’ē ïa tuha’a nō te hō’ē heheura’a o Ezra Thayer. Nāhea tō te Fatu fa’aineinera’a ia Ezra nō te ’ohipa tā te Fatu i hina’aro ’ia rave ’oia ? (hi’o Te Parau Ha’api’ira’a ʼe te mau Parau Fafau 33:2). E nehenehe ato’a ’outou e ani i te hō’ē melo o te piha ha’api’ira’a ’ia fa’a’ite mai i te tahi mau ha’amāramaramara’a nō ni’a i te aura’a i rotopū ia Parley P.Pratt rāua o Sidney Rigdon (hi’o « Te mau reo nō te fa’aho’i-fa’ahou-ra’a mai : Te mau ’itera’a pāpū o te feiā fa’afāriu mātāmua » i roto i te Mai, pe’e mai—nō te ta’ata hō’ē ’e te ’utuāfare). Nāhea teie aura’a i te ha’amaita’i i te ’Ēkālesia ? E aha te fa’a’itera’a tā tātou e ’ite nei ē, tei roto te rima o te Fatu i te orara’a o teie mau ta’ata ? E nehenehe paha te mau melo nō te piha ha’api’ira’a e fa’a’ite mai i te mau ’itera’a tei tauturu ia rātou ’ia ’ite ē, mai te reira ato’a tō te Fatu ’itera’a ia rātou.

ītona mau rāve’a tauturu hau atu

Mau rāve’a tauturu hau atu

Te ’ōrama o Ezra Thayer.

’Ua pāpa’i o Ezra Thayer ē, i te hō’ē taime hou ’oia ’a bāpetizohia ai, ’ua fāri’i ’oia i te hō’ē ’ōrama ’o teie « ’ua haere mai te hō’ē ta’ata e hōpoi mai i te hō’ē peperu ’api parau ’e hōro’a mai ra iā’u, ’e tae noa atu i te hō’ē pū ’e ’ua parau mai ra iā’u [’ia fa’ata’i] i te reira. ’Ua ’āparau atura vau iāna ē, aitā vau i [ha’uti] a’e nei i te reira i roto i tō’u orara’a. ’Ua parau mai ra ’oia e nehenehe ’oe e [ha’uti ] i te reira, ’a tāmata… ’Ua hōro’a mai te reira i te ta’i nehenehe roa a’e ’aita vau i fa’aro’o a’e nei » « Heheura’a, Atopa 1830–B, heheura’a Buka 1, « ’ōmuara’a ’ā’amu , josephsmithpapers.org). I muri a’e, i te fāri’ira’a Iosepha Semita i te hō’ē heheura’a nā Ezra Thayer ’e nā Northrop Sweet, tei pāpa’ihia i teienei Te Parau Ha’api’ira’a ʼe te mau Parau Fafau 33, ’ua tātara o Ezra i te reira heheura’a te peperu ’api parau i roto i tāna ’ōrama.

Ha’amaita’ira’a i tā tātou ha’api’ira’a

E fa’aitoito ’ia vai te tura i roto i te piha ha’apira’a « E tauturu i tā ’outou mau pīahi ’ia māramarama ē, ’o rātou tāta’itahi ’o tē nehenehe e fa’ataui i te vārua i roto i te piha. E fa’aitoito ia rātou ’ia tauturu mai ia ’outou i te ha’amaura’a i te hō’ē vāhi e nehenehe te ta’ata ato’a e fa’a’ite i tō rātou mau mana’o, e ’itehia te here ’e te fa’atura, ’ia ti’a ho’i i te mau ta’ata ato’a ’ia fa’a’ite i te ’ohipa i tupu ia rātou, tā rātou mau uira’a ’e tō rātou ’itera’a pāpū » (Ha’api’ira’a mai tā te Fa’a’ora, 15).