“Meei 3–9. Reirei ao Berita aika Tabu 46–48: ‘Ukoukorii Bwaai n Tituaraoi aika Moan te Raraoi,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Meei 3–9. Reirei ao Berita aika Tabu 46–48,” Nakomai, Iriirai—Ibukin te Reirei n Tabati: 2021
Te Bootaki ni Kaembwa, iroun Worthington Whittredge
Meei 3–9
Reirei ao Berita aika Tabu 46–48
“Ukoukorii Bwaai n Tituaraoi aika Moan te Raraoi”
Ngkai ko wareka Reirei ao Berita aika Tabu 46–48, te Tamnei ae Raoiroi e na kaota koauan taian koaua aika inanon mwakoro aikai. Tauan mwiin ao manga rinanoan taian namakin a kona ni buokiko ni kakaai kawai are e na buokiia kaain te kiraati ni kunei koaua aika ai aron naba aikai.
Korei Am Namakin
Kaungaa te Tibwatibwa
E na taraa n ibuobuoki ngkana a tibwatibwa kaain te kiraati, man te tai teuana ma teuana, e kanga aron waakin aia kamatebwai ni booki aika tabu i bon irouia ao n aia utu. N aron te katooto, ngkana kaain te kiraati a tibwaui aia nonoori iaon te bwai teuana are a kunea kaain te utu inanon te wiiki aei, ko kona n titirakiniia bwa tera ae a karaoia n tain aia kamatebwai are e kaungai nonoori akanne.
Reirei te Reirei
Reirei ao Berita aika Tabu 46:1–7
Ti riai ni butimwaeiia aomata ni kabane nakon ana Ekaretia Iesu Kristo.
-
Ibukiia aika mwaiti, aron ao baike a namakin inanon taian bootaki n taromauri a kona ni kaungaaki iai nakon aia waaki ni kakukurei n te Ekaretia. Ana kaetieti te Uea inanon Reirei ao Berita aika Tabu 46:1–7 e kona ni buokiia kaain am uoote ni kaoa te roroko, karekean taneiai ibukin bootaki n taromauri aika a uaana i bon imarenaia ao ibukiia iruwa. A kona kaain te kiraati ni ukori kiibu aikai, n tarai reirei ake a irekereke nakon ana bootaki te Ekaretia ao ni korei ni karinani iaon te burakibooti bwaai ake a kunei. Ibukin bwaai n tatabeua ake a koreaki ni karinanaki, a kona kaain te kiraati ni marooroakinna a na aekakira aron te reirei anne ngkana e maiuakinaki.
-
E kanga ana kaetieti te Uea n Reirei ao Berita aika Tabu 46 ni buokiia kaain te kiraati n tarai bootakin te Ekaretia bwa te tai ae raka n namakina te Tamnei ae Raoiroi? Ko kona ni kaoiia kaain te kiraati bwa a na ukeuke inanon Reirei ao Berita aika Tabu 46:2 ao ni marooroakinna ngke a tia n nooria taan kairiiri ni kairi bootaki mairoun te Tamnei ae Raoiroi. Tera tabeia naake a irii bootaki? Iangoia ni kaoiia kaain te kiraati bwa a na tibwauai taai ngke a namakinnna bwa te bootaki e baireaki ao ni kairaki iroun te Tamnei ae Raoiroi.
-
Tao ko kona ni kaoiia tabeman kaain te kiraati bwa a na tibwauai bwaai ake a tia n rinanona ngke a moan ira bootakin Ana Ekaretia Iesu Kristo ibukiia Aika Itiaki ni Boong aika Kaitira. Tera ae buokiia bwa a namakina te butimwaeaki? Tera taeka n reirei ae a na anganiia ake tabeman kaain te aro ni karaoa ae ara bootaki n te Ekaretia e na korakora riki kan kakawarana? Ti na kanga ni maiuakina ana reirei te Uea are e kuneaki n Reirei ao Berita aika Tabu 46:1–7? Anganiia kaain te kiraati bwa a na kataneiaia ni karaoa te bwai are a na taekinna ngkana a noora te ianena bwa e nakonako inanon te umwantabu ngkai ai bon tibwa ana moan tai.
-
Te anene n aron “Tis Sweet to Sing the Matchless Love” (Anene n Taromauri, nambwa.176 ke 177) e kona ni buokiia kaain te kiraati n iangoa ao ni marooroakinna bwa ti na kanga ni karaoa bootakin te Ekaretia bwa e na kan kakawaraki riki man kaunganano. Tao a kona kaain te kiraati ni bane n anenea te anene n taromauri ao n tibwauai iango man mwanewen te kuna bwa a na kanga ni buokaki tabeman n namakina ana tangira te Atua n te taromauri.
Tamneikaain te aro n te taromauriE reirei te Uea bwa a bane ni butimwaeki aomata n Ana Ekaretia.
Reirei ao Berita aika Tabu 46:7–33
Tamara are i Karawa e anga bwai n tituaraoi ibukin kabwaiaia Natina.
-
Aika Itiaki n taai ake ngkoa e matoa aia kakoaua n ana kaotioti te Tamnei ae Raoiroi. Ko na kanga ni buokiia kaain ami kiraati ni katea aia onimaki bwa bwai n tituaraoi aikai a kona n oti inanon maiura n te bong aei? Ko kona ni waaki man kaoakiia kaain te kiraati bwa a na wareka Reirei ao Berita aika Tabu 46:7–33 n ikatoatoa ke ni kurubu aika uarereke. Tuangiia bwa a na kakaei tao nimaua bwai n tituaraoi n tamnei ao ni marooroakin kawai are a noori bwai n tituaraoi akanne n oti inanon maiuia ke ni maiun temanna are a kinaa—n raonaki ma aomata ake n am kiraati. Tera ae a kunea are a kona n tibwauaia ma kaain te kiraati ni katea aia onimaki ni bwai n tituaraoi aikai?
-
E taku te Uea bwa bwai n tituaraoi n Tamnei a reke nakoia naake a kakaonimaki ao “tiaki ibukin te kanikina” (te kibu 9). Tao a kona kaain te kiraati ni marooroakinna bwa a kanga bwai n tituaraoi n tamnei ni kakabwaiaki iai naake a kakaonimaki. A kanga bwai n tituaraoi aikai ni buokiia naake a tangiria ni karekea ke ni kakorakora aia koaua ibukin te euangkerio?
-
Tabeman aomata a tangira te Atua ao ni kataia ni kawakin Ana tua ma a tuai n namakina ana bwai n tituaraoi nako te Tamnei. E kanga te reirei n Reirei ao Berita 46:7–33 n ibuobuoki?
E kona ni kairiira te Tamnei ae Raoiroi ngkai ti kakoroi bukin nakoara.
-
A mwaiti aomata are a kona ni kairekerekeia ma te bwai are e namakinna John Whitmer ngkai e kan kakoaua bwa nakoana e bon roko mairoun te Atua. Tao a kona kaain te kiraati n tibwauai taneiai aika ti te arona ake a rinanona. Tera ae ti kunea n Reirei ao Berita aika Talbu 47 are e a tia n angan John Whitmer te onimaki inanon mwiokoana?
Kanakoraoan Ara Anga Reirei
Tabem ngkai te tia reirei. Te anga reirei e korakora riki nakon ae tii kaotakin te rongorongo are ko a tia ni katauraoia. Ibuakon bwaai riki tabeua, n raonaki ma karaoan te tabo are a na kona kaain te kiraati n reiakinaki ao ni kunei koaua i bon ibukiia ao n tibwauai bwaai ake a reiakin ma tabeman. N aron te katooto, ni banen te reirei, tuangiia kaain te kiraati bwaai ake a rinanona n aia kamatebwai ni booki aika tabu inanon mweengaia.