“Tuun 7–13. Reirei ao Berita aika Tabu 63: ‘Bwa Are e Roko Mai Eta E Bon Tabu,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Tuun 7–13. Reirei ao Berita aika Tabu 63,” Nakomai, Iriirai—Ibukin te Reirei n Tabati: 2021
Springhill, Daviess County, Missouri, iroun Garth Robinson Oborn
Tuun 7–13
Reirei ao Berita aika Tabu 63
“Bwa Are e Roko Mai Eta E Bon Tabu”
Korei mwiin am namakin ake ko karekei ngkai ko kamatebwaia Reirei ao Berita aika Tabu 63. Te namakin are ko rootaki iai e taraa ni uarereke, ma kanga ai aron te koraa, e kona n rikirake nakon te bwai ae rangi ni kakaawaki ao ni mari ngkai ko teimatoa n ukeuke ao n iango.
Korei Am Namakin
Kaungaa te Tibwatibwa
Ni buoka kabotoan am marooro iaon rongorongo ake a kunei kaain te kiraati bwa a rangi ni kakaawaki, ko kona ni kaoiia bwa a na korei iaon mwakorokoro ni beeba tabeua kiibu man te mwakoro 63 are a tangiria ni kan marooroakin. Ngkanne ko kona n rikoi taian beeba ao waaki marooroakin kiibu are a kaotiango iai kaain te kiraati aika mwaiti. Tuangiia bwa a na tibwauaia bwa bukin tera ngkai a rinei kiibu akanne.
Reirei te Reirei
Reirei ao Berita aika Tabu 63:7–12
Kanikinaa aika a kaoti man te onimaki ao ana kaantaninga te Atua.
-
Ni moana te marooro iaon tua ake a taekinaki n Reirei ao Berita aika Tabu 63:7–12, e na ibuobuoki n rinanoi tabeua katooto inanon booki aika tabu ibukiia aomata ake a kakoauai kainikinaa ma taian kakai. A konaa kaain te kiraati n iangoi banna ni katooto n aia onimaki aomata ake a kakorakoraaki man te kanikinaa (taraa, n aron te katooto, Ruka 1:5–20, 59–64) ke aomata ake a nanokokoraki riki imwiin kakoauan te kanikina (taraa, n aron te katooto, 1 Nibwaaii 3:27–31; Aramwa 30:43–56). A kona kaain te kiraati ni kabonganai bwaai ake a reiakin n Reirei ao Berita aika Tabu 63:7–12 ni kabwarabwarai mwakuri aika kakaokoro aikai nakon taian kanikinaa. Ke ko kona n rinanoi tabeua rongorongo man booki aika tabu ibukin kanikinaa, n aron akana a koreaki ni karinanaki iaan “Kanikinaa” inanon Kairi nakon Booki aika Tabu (scriptures.ChurchofJesusChrist.org). Ti kanga ni kakoaua bwa ti aki ukoukora ke ni katan iaon taian kanikinaa bwa aan ara onimaki?
Reirei ao Berita aika Tabu 63:13–16
Te itiaki bon kawakinan ara iango ao ara mwakuri bwa a na itiaki.
-
E ngae ngke angiin Reirei ao Berita aika Tabu 63:13–16 e marooro ni kaonoti iaon te wenenibure, reirei ake a taekinaki a kona ni kakaawaki nakon uruakan tuan te itiaki. Iangoia ni kaoiia kaain te kiraati bwa a na atai mwiina aika a na riki ake a kabwarabwaraaki n Reirei ao Berita aika Tabu 63:13–16. A kona naba ni karaoa “tarataraingkami” (te kibu 15) bwa te kauring ibukin kanikinaa ake anga te kauring ni mwiina aika a na riki. A kona naba ni marooroakinna n aia iango tera ae nanonaki bwa bon mai mwiina aika a na riki. N aron te katooto, bukin tera ngkai uruakan tuan te itiaki e kairiiri nakon motika taekan temanna “bwa te bwai ni kamwane” (te kibu 15)? Bukin tera ngkai e reireiniira te Uea bwa ti na “waekoa n rairi nanora” (te kibu 15) te bure n te wenenibure? (taraa ana rongorongo Titita Linda S. Reeves inanon “Bwaai n Ibuobuoki Riki Tabeua”).
-
Warekan Reirei ao Berita aika Tabu 63:16 e na kaira aron te marooro n aron te anainano man tamnei aika tangako inanon ara tabo are ti maeka iai. E kanga kauring n te kibu 16 n irekereke ma te kouru aei? (E ngae ngke e kaineti te kaotioti aei nakoia mwaane ake a kaibwabwaruia aine, kauring aikai a kaineti nakoia aomata ni kabane.) Tera ae ti kona ni karaoia ni kataniira ma ara utu aika a tangiraki man tamnei aika tangako? A na kona n anganano kaain te kiraati n anga taekan reirei i bon imarenaia. Te webutiaite AddressingPornography.ChurchofJesusChrist.org e kona n anga te kaantaninga ao te buoka nakon ane e rootaki n tamnei aika tangako.
Tamneite mwaane ao te aine irarikin te temboraTi kakabwaiaaki ngkana ti kawakina tuan te itiaki.
Reirei ao Berita aika Tabu 63:58–64
Bwaai aika tabu a na riai n taraaki raoi ma te karinerine.
-
Ngkoe ma kaain am kiraati kam ma maroroakina Reirei ao Berita aika Tabu 63:58–64 bwa te kauring ibukin te bakanrerei nakon aran te Atua, ao tabeua bwaai n ibuobuoki inanon Atuun rongorongo ibukin te Euangkerio ae atuunaki “Profanity” (topics.ChurchofJesusChrist.org) e kona ni katamaroa te maarooro n aron anne. Ko kona naba ni buokiia kaain te kiraati ni maiuakin kiibu aikai n ae raababa riki. N aron te katooto, ko kona ni maroroakina te kibu n taeka “n akea te kariaiakaki” (te kibu 62) e karakaa ara atatai ibukin te rongorongo. A kona naba kaain te kiraati ni korei tabeua bwaai aika tabu ake a roko “mai ieta,” ke mai iroun te Atua. Tera nanon ae a na taekinaki bwaai aikai “ma te karaurau”? (te kibu 64).
Bwaai n Ibuobuoki Riki Tabeua
Te itiaki e katauiira ibukin ana iraorao te Tamnei ae Raoiroi.
E taku Titita Linda S. Reeves, kaain te Beretitentii ngkoa n te Bootaki n Ataeinnaine:
“I ataia bwa akea te bwai ae ti kona n tau iai ibukin teimatoan ana iraorao te Tamnei ae Raoiroi n aron ae na mwaiti te tamaroa. …
“Ngkana ti irekereke ni mamataku, ni wareware, ke n rinanon bwaai nako ake a aki mena iaan ana kainibaire Tamara are i Karawa, e bon kamamaaraira. N aki tabe ma ara ririki ni maiu, ngkana tao te bwai ae ti taraia, ni warekia, n ongoraekinna, ke n rineia ni karaoia n aki bootau ma ana kainibaire te Uea inanon Ibukin Kakorakoraia te Roronrikirake, tiringnga, kabueekia, karenakoa, ao kaina te mataroa. …
“… I kakoaua bwa ngkana ti uringnga ni katoa tai ao n ataa mwaitin ana tangira ara Tia Kamaiu ibukira, ti na tauraoi ni karaoi bwaai nako bwa ti na kona ni manga oki nakon mweengaia, n ramwaneaki n Aia tangira ae akea tokina” (“Worthy of Our Promised Blessings,” Ensign ke Riaona, Nobembwa 2015, 10–11).
Kanakoraoan Ara Anga Reirei
Kabonganai katangitang aika tabu. Rongorongo inanon te kuna n taromauri ao anene man Aia Boki n Anene Ataei e kona ni kamatoaa te tua are ko kamatebwai inanon booki aika tabu. N aron te katooto, anenean te kuna ibukin kamoamoaakin aran te Atua, n aron “Glory to God on High” (Kuna n Taromauri, nambwa 67), e kona ni kamatoaa te rongorongo inanon Reirei ao Berita aika Tabu 63:58–64.