Tuha’a ’oire nō Daviess, Missouri

14–20 nō Tiunu

Te Parau Ha’api’ira’a ’e te mau Parau Fafau 64–66

« Tē tītau nei te Fatu i te ’ā’au ’e te mana’o ’ana’anatae »

I roto i tā ’outou tuatapaparaa i teie hepetoma, ma te pure ’a feruri e aha te mau parau tumu nō roto mai i Te Parau Ha’api’ira’a ’e te mau Parau Fafau 64–66 tei ha’amara’a i te fa’aro’o ’e te ’ite o te mau melo o tā ’outou piha.

Pāpa’i i te mau mana’o e tae mai

Tītau i te mana’o

Nō te fa’aitoito i te mau melo o te piha ’ia fa’a’ite mai i te tahi mea tā rātou i ’ite mai e mea faufa’a i roto i tā rātou tuatāpapara’a i te pāpa’ira’a mo’a i teie hepetoma, ’e e ani ’outou ia rātou ’ia feruri i te mau tāmatara’a tā tātou e fa’aruru nei i teie mahana. I muri iho e ani ia rātou ’ia fa’a’ite mai i te hō’ē ’īrava nō roto mai i Te Parau Ha’api’ira’a ’e te mau Parau Fafau 64–66 ’o tā rātou i mana’o e nehenehe e tauturu i te hō’ē o teie mau tāmatara’a.

Ha’api’i i te ha’api’ira’a tumu

Te Parau Ha’api’ira’a ’e te mau Parau Fafau 64:1–11

’Ua tītauhia ia tātou e fa’a’ore i te hapa a te mau ta’ata ato’a.

• Penei a’e e ’ohipa maita’i nō te mau pīahi ’ia fa’ata’a mai nō te aha te fa’a’orera’a i te hapa a vetahi ’ē e mea fifi roa—’e nāhea rātou ’ia upo’oti’a i ni’a i teie mau fifi. E nehenehe rātou e ’imi Te Parau Ha’api’ira’a ’e te mau Parau Fafau 64:1–11 nō te mau parau tumu ’e te mau parau mau ’o te fa’auru ia rātou ’ia fa’a’ore atu ā i te hapa. E aha tā tātou i ha’api’i mai nō ni’a i te Fa’aora nā roto mai i teie mau ’īrava ? Nō te fa’ahōho’a i te mau ha’amaita’ira’a nō te fa’a’orera’a hara, e nehenehe ’outou e fa’ati’a i te ’ā’amu ’o Morrell Bowen i roto i te parau poro’i a Elder Jeffrey R. Holland « Te tāvinira’a fa’afaitera’a » (Ensign ’aore rā Liahona, Novema 2018, 77–79) ’aore rā, te video « Forgiveness: My Burden Was Made Light » (ChurchofJesusChrist.org). ’Aore rā, e ineine paha hō’ē melo o te piha nō te fa’ati’a mai i tōna iho ’ā’amu nō te hōro’ara’a ’aore rā te fāri’ira’a i te fa’a’orera’a hara. Nāhea te mau ta’ata i roto i teie mau hi’ora’a i te ha’amaita’ihia e te mana nō te fa’a’orera’a hara ?

Te Parau Ha’api’ira’a ’e te mau Parau Fafau 64:31–34

Tē ani mai nei te Fatu i tō tātou « ’ā’au ’e te mana’o ’ana’anatae »

• ’Aita te Fatu e hina’aro ia tātou ’ia « rohirohi », teie rā ’ua mātauhia e te mau ta’ata ’o tē rave nei i te mea maita’i a’e—tei roto paha te tahi mau ta’ata i tā ’outou piha—’ua « rohirohi i roto i te ’ohipa maita’i ». Nō te aha teie rohirohi e tupu ai ? E aha te a’o tā tātou e ’ite mai i roto i Te Parau Ha’api’ira’a ’e te mau Parau Fafau 64:31–34 ’o tē nehenehe e tauturu ia tātou ’ia fa’aruru ana’e tātou i teie mau huru mana’o ?

• Nō te fa’ananea atu ā tā ’outou ’āparaura’a, e nehenehe ’outou e fa’a’ite i te mau hōho’a nō te hō’ē ’ohipa rahi ’e te fa’ahiahia ’o tei hāmanihia e mea maoro i teienei nā roto « i te mau mea ’iti »—mai te hō’ē hōho’a hu’ahu’a i ha’aputuputuhia ’aore rā te fare patu ’ōfa’i ’ārae’a. E aha te tahi mau hi’ora’a nō te « ’ohipa rahi » tā te Fatu i hōro’a mai ia tātou ? E aha te mau mea iti tā tātou e nehenehe e rave i teienei nō te ha’amau i te niu nō taua ’ohipa ra ?

• Nō te tauturu i te mau melo o te piha ’ia feruri hōhonu i ni’a i Te Parau Ha’api’ira’a ’e te mau Parau Fafau 64:34, e pāpa’i ’āau ’e mana’o ’ana’anatae i ni’a i te tāpura ’ere’ere. E fa’aineine te mau melo o te piha i te hō’ē tāpura i raro a’e i teie mau upo’o parau te mea tā rātou i mana’o ’o terā te aura’a, e hōro’a i tō tātou ’ā’au ’e hō’ē mana’o ’ana’anatae i te Fatu. Nō te hō’ē tātarara’a o teie mau parau, hi’o te mau parau a Elder Donald L. Hallstrom i roto i « Te tahi atu mau rāve’a tauturu ». E hōro’a ato’a mai te mau pāpa’ira’a mo’a mai teie i te mau fa’a’itera’a : Mosia 7:33; Etera 4:15; Te Parau Ha’api’ira’a ’e te mau Parau Fafau 43:34; Mose 7:18; Iosepha Semita—’Ā’amu 1:19.

Te Parau Ha’api’ira’a ’e te mau Parau Fafau 65

Tē fa’aineine nei te bāsileia o te Atua i ni’a i te fenua nei i te ho’ira’a mai o te Fa’aora.

• Te hōro’a nei Te Parau Ha’api’ira’a ’e te mau Parau Fafau 65 i te hō’ē tātarara’a fa’auruhia nō te misiōni a te ’Ēkālesia a te Fatu i te mau mahana hope’a nei. Nō te tauturu i te mau melo o te piha ’ia ’ite i tā rātou tuha’a i roto i teie misiōni, e ani ia rātou ’ia ’imi i te tuha’a 65 ’ia ’ite mai i te mau pāhonora’a i te mau uira’a mai teie : E aha tā te Fatu e hina’aro i tōna bāsileia ’ia fa’atupu i ni’a i te fenua nei ? E aha tāna e hina’aro ’ia rave au nō te tauturu ? E nehenehe ato’a ’outou e māta’ita’i i te video « Prepare Today for the Second Coming » (ChurchofJesusChrist.org) ’aore rā, e hi’o i te parau poro’i a te peresideni Dallin H. Oaks i roto i « Te tahi atu mau rāve’a tauturu ». E nehenehe te mau melo o te piha e fa’a’ite mai nāhea rātou i te pāhono i te mau uira’a a te peresideni Oaks.

Te tahi atu mau rāve’a tauturu

« Te ’ā’au ’e te mana’o ’ana’anatae »

’Ua hōro’a mai Elder Donald L. Hallstrom i teie aura’a e tano nō te parau « te ’ā’au ’e te mana’o ’ana’anatae » :

« Te ’ā’au e tāpa’o ïa nō te here ’e te tītaura’a. E rave tātou i te mau fa’atusiara’a ’e tē amo nei i te mau hōpoi’a nō te feiā tā tātou e here nei, ’o tā tātou e ’ore e fa’a’oroma’i nō te tahi ’ē atu tumu. Mai te mea ’aita e vai ra te here, e ’iti mai ïa tā tātou tītaura’a…

« Te roa’ara’a i ‘te hō’ē manao ’ana’anatae’ tei roto te hōro’ara’a i tā tātou tauto’ora’a maita’i a’e ’e tō tātou mana’o maita’i a’e ’e te ’imira’a i te pa’ari o te Atua. Tē parau nei te reira ē tā tātou tuatāpapara’a itoito a’e o tō tātou orara’a e ti’a ’ia hurihia i ni’a i te mau mea nō te nātura mure ’ore. Tē tātarara’a, tē vai nei ïa te hō’ē aura’a pāpū maita’i i rotopū i te fa’aro’ora’a i te parau a te Atua ’e te ha’apa’ora’a i te reira » (« The Heart and a Willing Mind », Ensign, Tiunu 2011, 31–32).

Fa’aineinera’a nō te tae-piti-ra’a mai.

« ’Āhani pai te mahana o te taera’a mai ’o [Iesu Mesia] e ananahi ? ’Āhani ’ua ’ite tātou ē e fārerei tātou i te Fatu ananahi—nā roto i tō tātou pohe ’oi’oi ’aore rā, nā roto i tōna taera’a mai ’ite-’ore-hia—e aha tā tātou e rave i teie mahana ? E aha te fā’ira’a tā tātou e rave ? E aha te mau rāvera’a tā tātou e fa’aea i te rave ? E aha te mau ’ohipa tā tātou e fa’aoti ? E aha te fa’a’orera’a hara tā tātou e fa’aroa atu ā ? E aha te mau ’itera’a pāpū tā tātou e fa’a’ite atu ? » (Dallin H. Oaks, « Fa’aineinera’a nō te tae-piti-ra’a mai. », Ensign ’aore rā Liahona, Mē 2004, 9).

Ha’amaita’i i tā tātou ha’api’ira’a

’A huti mai i te pūai nā roto mai i te Fa’aora. « I roto i tā ’outou tauto’ora’a ’ia ora ’e ’ia ha’api’i hau atu mai tā te Fa’aora, e’ita ’outou e manuia i te tahi taime. ’Eiaha e ha’aparuparu ; ’a vaiiho i tā ’outou mau hape ’e mau paruparu ’ia arata’i ia ’outou i te Metua i te Ao ra ’e i te Fa’aora » (Ha’api’ira’a mai tā te Fa’aora,14