“Aokati 30–Tebetembwa 5. Reirei ao Berita aika Tabu 94–97: ‘Ibukin Kamaiuan Tion,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Aokati 30–Tebetembwa 5. Reirei ao Berita aika Tabu 94–97,” Nakomai, Iriirai—Ibukin te Reirei n Tabati: 2021
Kirtland Tembora, iroun Al Rounds
Aokati 30–Tebetembwa 5
Reirei ao Berita aika Tabu 94–97
“Ibukin Kamaiuan Tion”
Ko na kanga n buokiia raoi kaain te kiraati n kareka te nano ni karekei kakabwaia ake a beritanaki n Reirei ao Berita aika Tabu 94–97?
Korei Am Namakin
Kaungaa te Tibwatibwa
Tao a kona kaain te kiraati n tibwaua te bwai teuana ae a kunea n Reirei ao Berita aika Tabu 94–97 are kaungaia bwa a na nanako riki n te tembora. Ke a kona n tibwauai rongorongo ake tabeua ake a kaungaia bwa a na wareki mwakoro aikai.
Reirei te Reirei
Reirei ao Berita aika Tabu 95:8; 97:10–17
N te tembora te Atua e kakabwaiaia Ana aomata.
-
Ko na kanga ni kabonganai koaua ake n Reirei ao Berita aika Tabu 95 ao 97 ni kaungaia kaain te kiraati bwa a na ukora ana kakabwaia te tembora ma te botumwaaka? Teuana te kawai bon kamenan tamnein te tembora i nuukan te burakibooti ao n titirakiniia kaain te kiraati bwa bukin tera te Uea e tuangiia Ana Aomata bwa a na katei tembora. A kona kaain te kiraati n kakaei tabeua reeke n Reirei ao Berita aika Tabu 95:8; 97:10–17 ao ni korei baike a kunei iaon te burakibooti ni katobibia tamnein te tembora. (A kona ni karekei reeke riki n “Why Latter-day Saints Build Temples” [temples.ChurchofJesusChrist.org].) A kanga ni kakoroaki nanon kantaninga aikai inanon maiura? Ti na kanga ni karaoa te tembora bwa mwakoron maiura ae kakaawaki?
-
E bati bwaai n ibuobuoki ae katauraoi te Ekaretia n reirei taekan tembora. Iangoia bwa ko na kanga ni kabonganai tabeua ni kanakoraoa te marooro n te kiraati iaon Reirei ao Berita aika Tabu 95 ao 97 ao ni kaungaia kaain te kiraati n botumwaaka riki n ukora ana kakabwaia te tembora. N aron te katooto, imwain te kiraati ko kona n kaoiia tabeman kaain te kiraati n tarai bwaai n ibuobuoki iaon temples.ChurchofJesusChrist.org ke Temples of The Church of Jesus Christ of Latter-day Saints (kaongora ae onoti n Ensign ke Riaona, Okitobwa. 2010). Tuangiia kaain te kiraati bwa a na roko n tauraoi n tibwaua te bwai teuana are a reiakinna are boutokai reirei n mwakoro 95 ao 97.
Ngkana ko reireinia te roronrikirake, kaoiia bwa a na wareka “Making the Temple a Part of Your Life” (in Temples of The Church of Jesus Christ of Latter-day Saints, 77–78) ao n tibwauaia bwa a na kanga ni karika te tembora bwa te moanbwai ni maiuia.
Witeo aika “Two Apostles Lead a Virtual Tour of the Rome Italy Temple” ao “Temples” (ChurchofJesusChrist.org) e kona ni buokiia naake a katauraoi n nakon te tembora.
Kam kona naba n botaki n anenea te anene n taromauri ibukin tembora ao maroroakinna bwa tera te reirei mai iai (taraa atuun te intekiti inanon n Anene n Taromauri).
Reirei ao Berita aika Tabu 97:8–9
Ti kona ni butimwaeaki iroun te Atua.
-
Tera ae ti reiakinna man Reirei ao Berita aika Tabu 97:8 bwa tera ae nanoaki n te butimwaeaki iroun te Uea? A kanga ni kaokoro akanne man kawai ake n tabetai ti ukora iai te butimwaeaki n te aonaba? Tera kakabwaia ae a beritanaki n kibu 9 nakoia naake a butimwaeaki iroun te Uea? A kona naba kaain te kiraati n wareka ana marooro Unimwaane Erich W. Kopischke “Te Butimwaeaki iroun te Uea” (Ensign ke Riaona, Meei 2013, 104–6) ao n tibwauaia bwa e kanga n buokiia n oota n kiibu aikai. Kibuntaeka ake inanon “Bwaai ni Ibuobuoki riki Tabeua” iai inanona ana kakao Unimwaane Kopischke n ukora ana butimwaei te Uea ni maiura.
Reirei ao Berita aika Tabu 97:18–28
Tion bon “te itiaki n nano.”
-
N buokiia kaain te kiraati n iangoia bwa tera Tion, ko kona ni korea iaon te burakibooti Tera Tion? ao kaoiia bwa a na kakaea rekena n Reirei ao Berita aika Tabu 97:19 ao 21 (tara naba Mote 7:18; Atuun Reirei n te Euangkerio, “Tion,” topics.ChurchofJesusChrist.org). E kona ni ibuobuoki marooroakinan bwa e kanga te Tia Kamaiu n buokira n riki n “itiaki n nano.” Tera ae ti kaungaaki bwa ti na karaoia ni katea Tion ni maiura? n ara uoote ke mwaanga? n ara kaawa?
TamneiTe Tembora are i KirtlandKatean te Kirtland Tembora e karikiia Aika Itiaki bwa a na “itiaki n nano.”
-
Te Uea e reirei taekan Tion imwin ana tua nakoia Aika Itiaki bwa a na katea te tembora “ibukin kamaiuan Tion” (tara Reirei ao Berita aika Tabu 97:12, 18–28). Bukin tera te tembora bon te mwakoro ae kakaawaki ni katean Tion? A kanga berita ake e karaoi te Uea ibukin Tion n kiibu 18–28 ni koro nanoia n ara bong?
Bwaai n Ibuobuoki Riki Tabeua
Te Butimwaeaki iroun te Uea.
Ni kaineti ma te “baaten ae bebete” are taekinaki n Reirei ao Berita aika Tabu 97:8, e reirei Unimwaane Erich W. Kopischke:
“Ukoukoran ao karean te butimwaeaki iroun te Uea e na kairiira nakon ataakina bwa ti rinea ao ti kakabwaiaaki Irouna. Ti na kareka te aki nanokokoraki ae raka bwa E na bon kairiira ao e na bweniira ibukin kabwaiara. Ana nanoanga aika tangira e ana kaoti i nanora, ni maiura, ao n ara utu nako.
“Ma nanou ni kabane I kaoi ngkami n ukora ana butimwaei te Uea ao ni kimwareirei n ana Kakabwaia ake e beritanii. Ngkai ti iriira te baaten are e kawenea te Uea, e na reke iroura te atatai are ti butimwaeaki Irouna, n aki taraa nakoara, arora, ke mamaraara n rabwata” (“Te Butimwaeaki iroun te Uea.,” Ensign ke Riaona, Meei 2013, 106).
Kanakoraoan Ara Anga reirei
Kinaia naake ko reireiniia. Aomata n tatabeman ake ko reireinia iai aia atatai, taratara, ao tarena aika a onoti. Tataro n ataia bwa a na kanga aia tibwatibwa aomata n tatabeman n riki bwa te kakabwaia nakon te kiraati ae bwanin. (Taraa Reirei n ana Kawai te Tia Kamaiu, 7.)