“Tebetembwa 13–19. Reirei ao Berita aika Tabu 102–105: ‘Imwin te Karawawata ae Mwaiti … E Roko te Kakabwaia,’” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Tebetembwa 13–19. Reirei ao Berita aika Tabu 102–105,” Nakomai, Iriirai—Ibukin te Reirei n Tabati: 2021
C. C. A. Christensen (1831–1912), Zion’s Camp, c. 1878, tempera on muslin, 78 × 114 inti. Brigham Young University Museum of Art, aia bwaintangira tibun C. C. A. Christensen, 1970
Tebetembwa 13–19
Reirei ao Berita aika Tabu 102–105
“Imwin te Karawawata ae Mwaiti … E Roko te Kakabwaia”
Ngkai ko katauraoi n anga reirei Reirei ao Berita aika Tabu 102–5, kakauongo nakon ana wirikiriki te Tamnei. E kona ni kairiko nakon reirei aika aki mwaneweaki n te kabwarabwara aio are e na kakabwaiaia aomata ake ko reireinia.
Korei Am Namakin
Kaungaa te Tibwatibwa
Kaain te kiraati a kona ni korea teuana te kibu ke uoua man Reirei ao Berita aika Tabu 102–5 are a kunea bwa e kaeineti nakoia. Imwina a kona ni kabibiti aia kibu ma tabeman kaain te kiraati ao n marooro imarenaia bwa tera ae a reiakinna man kiibu akanne.
Reirei te Reirei
Reirei ao Berita aika Tabu 103; 105
Karawawataara a reireinira reirei aika kakaawaki ao n anganira te atatai.
-
Ngkai kaain te kiraati a kamatebwaia mwakoro 103 ao 105 n te wiki aei, tao a tia ni kunei reirei ake a kona ni buokiira inanon taai ni karawawata ke ni kakaitara, angania te tai bwa a na tibwatibwa. Ke ko kona ni kaoia bwa a na kakaei reirei akanne n Reirei ao Berita aika Tabu 103:5–7, 12, 36; 105:5–6, 9–12, 18–19 (taraa naba “Bwaai ni Ibuobuoki riki Tabeua”). Tera ae a taekinna reirei aikai bwa tera ae ti na karaoia ngkana ti kaitara ma te karawawata ke te nakobuaka? Kaain te kiraati a kona n tauraoi n tibwauai atatai ike a roko kakabwaia “imwin te karawawata ae mwaiti” (Reirei ao Berita aika Tabu 103:12).
-
Ngkana ko namakinna bwa tabeua rongorongon ke rongorongo aika onoti ibukin Ana Kaembwa Tion e na bongana, ko kona ni kaoa temanna ni wareka teuana mai buakon boki aikai imwain te kiraati ao n tibwatibwa n ae kimototo n baike a reiakin: Aika Itiaki, 1:194–206; “The Acceptable Offering of Zion’s Camp” (Revelations in Context, 213–18); ke “Voices of the Restoration: Zion’s Camp” (n te kabwarabwara n te wiki aei Nakomai, Iriirai—Ibukiia Aomata n Tatabemaniia ao Utu). Ngkana ti kona n karoko n taai ake ngkoa ao n marooro nakoia Ana Kaembwa Tion, tera ae ti kona n taekinna ni kaungaia? Tera ae a kona n taekinna ni kaungaira?
Tamneite karaanga ae uarerekeAna Kaembwa Tion a tiku i etan te Karaanga ae Little Fishing, n aron tamneina ikai.
Reirei ao Berita aika Tabu 104:11–18
Ngaira n tatabeman bon “taan tararua iaon kakabwaia n te aonaba.”
-
Ni buokiia kaain te kiraati n kauaei reirei n Reirei ao Berita aika Tabu 104:11–18, ko kona ni kaoia bwa a na katamneia bwa aongkoa a na onimakina temanna bwa e na tararuaa te bwai ae kakaawaki. Tera ae a na taekinna nakon te aomata anne? Tera ae a kataningaia mairoun neienne ke teuanne? A kona ngkanne kaain te kiraati ni wareka Reirei ao Berita aika Tabu 104:11–18 n nooria bwa tera ae onimakinira iai te Uea ao tera ae kantaningaia mai iroura. A kanga kiibu aikai n roota arora ni iangoa te aonaba, ara kakabwaia, ke aomata ake a mena i rarikira?
-
N buokiia kaain te kiraati ni kamataataki riki n “te kawai are… te Uea [e] tua bwa e na katauraoi kainnanoia [Ana] aomata aika itiaki” (Reirei ao Berita aika Tabu 104:16), iangoa tibwauaakin te witeo ae “The Labor of His Hands” (ChurchofJesusChrist.org). Ni kaineti ma baike ti reiakin man te witeo aio ao Reirei ao Berita aika Tabu 104:11–18, tera ana kawai te Uea ni katauraoi kainnanoia Ana Aomata aika Itiaki? Ko kona naba n tibwaua te kibuntaeka aio iroun Beretitenti Marion G. Romney: “Te Uea … e kona n tabeakinia [aika kainnano] n akean ara ibuoubuoki ngkana bon ana kantaninga anne. … Ma ti kainnanoa te atatai aei; bwa bon ti rinanon reiakinara bwa ti na kanga n tabeakinara i bon imarenara are ti karikirakea iai i nanora ana tangira Kristo ao nanora ae riai n reke bwa ti aonga n tau ni okira mweengana ” (“Living Welfare Principles,” Ensign, Nobembwa. 1981, 92). Angania kaain te kiraati tabeua te miniti bwa a na korei aia namakin iaon aroia ni kona n ibuobuoki ni katauraoi kainnanoia tabeman n ana kawai te Uea.
Bwaai n Ibuobuoki Riki Tabeua
Mwaakan n kaitiaki te karawawata.
E reirei Uniimwaane Orson F. Whitney: “Akea te maraki ae ti maraki iai, akea te karawawata ae ti rinanona ae matebuaka. E ibuobuoki nakon reireiara, nakon karikirakean aroaro n aron te tataona n nano, te onimaki, te kakorakoraaki ao te nanorinano. Marakira ni kabanea ao baike ti rinanona, riki ngkana ti rinanona ma te tataona n nano, e anganira kateira, e kaitiaki nanora, e kabwabwaka tamneira, ao e anganira te nanoanga ma te tatangira, n tau riki n aranaki bwa natin te Atua … ao bon rinanon te rawawata ma te maraki, te mwakuri ao te rawawata, are ti karekea iai te reirei are ti roko ikai bwa ti na karekea ao are e na karikira riki n aron Tamara ao Tinara are i Karawa” (in Spencer W. Kimball, Faith Precedes the Miracle [1972], 98).
E taku Unimwaane David A. Bednar: “Teuana te tai inanon maiura, ti na kaoaki nakon te mwaati n oin ara Kaembwa i Tion. Tain taian kakao a na kakaokoro, ao te aeka ni kaangaanga ae ti kona ni kaitarai inanon te mwananga e na kaokoro. Ma ara kaeka ae reitinako ao n teimatoa nakon te wewete ae aki kona n totokoaki aei e na anga te kaeka nakon te titiraki ae “Antai ae mena n ana itera te Uea?”” (“On the Lord’s Side: Lessons from Zion’s Camp,” Ensign, Turai 2017, 35).
Kanakoraoan Ara Anga reirei
Uaia ni mwakuri ma kain te utu. Ibukina bwa te mweenga bon te tienta ni maiuakinan ao reiakinan te euangkerio, korakoram ni kamarurunga temanna kaain te kiraati e na oomwaka riki ngkana ko ikarekebai ma ana utu… [teuanne ke neienne]” (Reirei n ana Kawai te Tia Kamaiu, 8–9).