“Tebetembwa 20–26. Reirei ao Berita aika Tabu 106–108: ‘Bwa E na Kaukaki Karawa,’” Nakomai, Iriirai—Ibukin te Reirei n Tabati: Reirei ao Berita aika TabuTabu 2021 (2020)
“Tebetembwa 20–26. Reirei ao Berita aika Tabu 106–108,” Nakomai, Iriirai—Ibukin te Reirei n Tabati: 2021
Tebetembwa 20–26
Reirei ao Berita aika Tabu 106–108
“Bwa E na Kaukaki Karawa”
Ngkai ko kamatebwaia Reirei ao Berita aika Tabu 106–8, tarai atatai aika tabu ake e reke irouia kaain te kiraati man aia kamatebwai ni mwakoro aikai. Ngkai ko katauraoi ni reireinia, e kona ni ibuobuoki kakaeana bwa tera ae a kunea bwa e uaana imwain te kiraati.
Korei Am Namakin
Kaungaa te Tibwatibwa
Kaoia kaain te kiraati n tibwaua te kibu man mwakoro aikai are e anga te reirei ae kona ni kakorakora temanna n aia mwakuri ni ibuobuoki n te Ekaretia.
Reirei te Reirei
Reirei ao Berita aika Tabu 106; 108
Te Uea e kaetiia, kaungaiia, ao e boutokaia naake E weteia nakon te beku.
-
Ngkai kaain te kiraati a kamatebwaia Reirei ao Berita aika Tabu 106 ao 108 n te wiki aei,, a kona ni kunei taeka are kona ni buokiia naake a beku n nakoa n te Ekaretia (taraa te kamataata n te wiiki aei n Nakomai, ,Iriirai—Ibukiia Aomata n Tatabemaniia ao Utu). Iangoa anganakia kaain te kiraati te tai ni korei taeka ake a kunei ni mwakoro aikai iaon te burakibooti ao n tuangiaa bwa a na tibwauai aia nonoori. Tera atatai are reke irouia ae irekereke ke a kaoti taeka aikai?
Reirei ao Berita aika Tabu 107
Te Uea e kaira Ana Ekaretia rinanon ana kariaia te nakoanibonga.
-
Ko kona ni waakina te marooro n te koaua aei ibukin aobiti n te nakoanibonga ma ni kaoan temanna kaain te kiraati bwa e na koreia ni karinani oin bukina ngkai te Uea e anganira burabeti, abotoro, ao taan kairiiri n te Ekaretia ake tabeman. Tao a kona kaain te kiraati ni karini riki kanoan te rinan anne imwin warekan Reirei ao Berita aika Tabu 107:18–20. Ngkanne ko kona ni kabanea am tai ni manga tarai taabe are e anga te Uea nakoia naake a mena n aobiti aikai: te Moan Beretitentii (kiibu 9, 21–22, 65–66, 91–92), Abotoro ake Tengaun ma Uoman (kiibu 23–24, 33–35, 38, 58), itingaun (kiibu 25–26, 34, 93–97), ao bitiobi (kiibu 13–17, 68–76, 87–88). Tera ae ti kona ni karaoia ni kamatoaia ara taan kairiiri man ara “aki nanokokoraki, onimaki, tataro [nako]”? (kibu 22).
-
Tera ara kaeka nakon raora ae tiaki kaain ara aro ngkana e titiraki ae, “Tera te nakoanibonga?” ke “Tera kiingin te nakoanibonga?” A kanga reirei n “Bwaai ni Ibuobuoki riki Tabeua” n roota ara kaeka? Tao a kona naba kaain te kiraati n kunei nonoori aika ibuobuoki n Reirei ao Berita aika Tabu 107:1–4, 18–20 (taraa naba Koaua nakon te Onimaki, 124–28). E kanga n buokira te nakoanibonga ni karekea “bwain abanuean karawa aika raba” ao “ni kauka karawa [nakoira]”? E kanga ni buokiira ni “kimwareirei n te reitaki ao kaotin te Atua te Tama, ao Iesu”? (kibu 19).
Reirei ao Berita aika Tabu 107:27–31, 85
Te Uea E kaira Abanueana rinanon taian kauntira.
-
E taku Beretitenti M. Russell Ballard, “I ataia bwa taian kauntira bon ana kawai te Uea ao E kariki bwaai nako n te aonaba rinanon te kauntira i karawa” (“Family Councils,” Ensign ke Riaona, Meei 2016, 63). Ko na kanga ni buokiia naake ko reireniia ni kamataataia n aron te botaki n marooro n te mwenga ao te ekaretia? Tao ko kona n tuangiia tabeman kaain te kiraati bwa a na roko ao ni kaman tauraoi imwain te tai n tibwauai aia atatai n te ekaretia ke n te mwenga ike a karaoi iai nanon rreirei ibukin te kauntira n Reirei ao Berita aika Tabu 107:27–31, 85 (ke n ana marooro Beretitenti Ballard are mwaneweaki i eta). Iangoa kaoakiia kaain te kiraati i nanon te wiki bwa a na roko ao ni kaman tauraoi nakon te kiraati n tibwauai iango bwa tera ae e kaomwaaka te kauntira. Kaungaia kaain te kiraati bwa a na kinai reirei ake a reiakin man te marooro aei are na buokiia ni oomwaaka riki n aia tai n ira te kauntira n te mwenga ao n te ekaretia.
Tamneiaia boowi n kauntira taan reireiTe botaki ni marooro bon ana kawai te Uea ni kakoroa nanon ana mwakuri.
Bwaai n Ibuobuoki Riki Tabeua
Ana kariaia te nakoanibonga.
E reirei Beretitenti Dallin H. Oaks:
“Tiaki tataneiai n taekiniia aine bwa iai irouia ana kariaia te nakoanibong n nakoia n te Ekaretia, ma e na tera riki te kariaia anne? Ngkana te aine—ataei ke kara—e kamatoaki bwa e na tataekina te euangkerio n riki bwa te mitinare ae bwanin ana tai, e anganaki ana kariaia te nakoanibonga n karaoa te mwakuri n te nakoanibonga. E koaua naba aei n te tai are e kamatoaki te aine nakon te nakoa bwa te aobitia ke te tia reirei n botakin te Ekaretia iaan ana kairiiri temanna are taua kiingin te nakoanibonga. Bwa antai are e mwakuri n te aobiti ke te nakoa are karekea ma iroun teuare taua kiingin te nakoanibonga e kammwakura ana kariaia te nakoanibonga ni karaoan taben teuanne ke neienne” (“The Keys and Authority of the Priesthood,” Ensign ke Riaona, Meei 2014, 51).
E taku Beretitenti M. Russell Ballard:
“Tamara are i Karawa e akoi ma Mwaakana. Ni kabane mwaane ao aine a kona ni karekea te mwaaka aio ni buokiia inanon maiuia. Ni kabane ake a tia ni karaoi berita aika tabu ma te Uea ao a karinei berita akanne a kona ni karekei oin aia kaotioti, ni kakabwaiaki man aia ibuobuoki anera, n reitaki ma te Atua, ni karekea bwaninin te euangkerio, ao n tokina, n riki bwa taan bwaibwai irarikin Iesu Kristo n ana bwai Tamara are i Karawa” (“Men and Women and Priesthood Power,” New Era, Eberi. 2014, 4–5).
Kanakoraoan Ara Anga reirei
Buokiia taan kamatebwai bwa a na boutokaiia imarenaia. “Aomata nako inanon am kiraati bon bwaai ni kakoaua aika bongana, n aia atatai, ao iai aia taneiai ni maiuakinan te euangkerio. Kaoiia bwa a na tibwatibwa ao ni boutokaiia imarenaia” (Reirei n ana Kawai te Tia Kamaiu, 5).