Templo iti Kirtland

Ti Templo iti Kirtland, ni Al Rounds

Agosto 30–Septiembre 5

Doktrina ken Katulagan 94–97

“Para iti Pannakaisalakan ti Zion”

Kasano ti kasayaatan a pakatulongam kadagiti miembro ti klase nga agtarigagay nga umawat kadagiti bendision a naikari iti Doktrina ken Katulagan 94–97?

Isuratmo dagiti Impresionmo

icon iti panagbibinninglay

Yawis ti Panagbibinninglay

Nalabit a makaibinglay dagiti miembro ti klase iti maysa a banag a nasarakanda iti Doktrina ken Katulagan 94–97 a mangparegta kadakuada nga ad-adda a sansanenda ti mapan iti templo. Wenno mabalinda nga ibinglay dagiti dadduma pay a mensahe a nangparegta kadakuada bayat ti panangbasada kadagitoy a benneg.

icon iti panangisuro

Isuro ti Doktrina

Doktrina ken Katulagan 95:8; 97:10–17

Iti templo bendisionan ti Dios dagiti taona.

• Kasano a mausarmo dagiti kinapudno a naisuro iti Doktrina ken Katulagan 95 ken 97 tapno mangparegta kadagiti miembro ti klase nga agkalikagum a manggun-od kadagiti bendision ti templo a napaspasnek? Maysa a wagas ti panangipan iti maysa a ladawan ti templo iti sentro ti pisarra ket idawat kadagiti miembro ti klase no apay iti panagkunada a bilinen ti Apo dagiti Santona a mangbangon kadagiti templo. Mabalin a sapulen dagiti miembro ti klase ti sumagmamano a sungbat iti Doktrina ken Katulagan 95:8; 97:10–17 ket isurat no ania ti masarakanda iti pisarra iti lawlawa ti ladawan ti templo. (Mabalinda a sapulen dagiti nayon a sungbat iti “Why Latter-day Saints Build Temples” [temples.ChurchofJesusChrist.org].) Kasano a naipatungpal dagitoy a panggep iti biagtayo? Kasano a mapagbalintayo ti templo a napatpateg a paset ti biagtayo?

• Mangted ti Simbaan iti adu a resources a mangisuro maipapan kadagiti templo. Ibilangmo no kasano a mausarmo ti sumagmamano kadagitoy a mangpabaknang iti panaglilinnawag iti klase maipapan iti Doktrina ken Katulagan 95 ken 97 tapno mangparegta kadagiti miembro ti klase nga agkalikagum a manggun-od kadagiti bendision ti templo a napaspasnek. kas pagarigan, sakbay ti klase, mabalinmo nga awisen ti sumagmamano a miembro ti klase a mangrebyu kadagiti resources iti temples.ChurchofJesusChrist.org wenno Temples of The Church of Jesus Christ of Latter-day Saints (espesial nga isyu ti Ensign wenno Liahona, Okt. 2010). Idawat kadagitoy a miembro ti klase nga umay a nakasagana a mangibinglay iti maysa a banag a nasursuroda a mangsuporta kadagiti pannursuro iti dagiti benneg 95 ken 97.

  No mangisursuroka kadagiti agtutubo, mabalinmo nga awisen ida a mangbasa iti “Making the Temple a Part of Your Life” (iti Temples of The Church of Jesus Christ of Latter-day Saints, 77–78) ken ibinglay no kasano nga aramidenda ti templo a maysa a prioridad iti biagda.

  Dagiti video a “Two Apostles Lead a Virtual Tour of the Rome Italy Temple” ken “Temples” (ChurchofJesusChrist.org) ket makatulong kadagiti agsagsagana a mapan iti templo.

  Mabalinyo pay ti aggigiddan a mangkanta iti maysa a himno maipapan kadagiti templo ken paglilinnawagan no ania ti isuro daytoy (kitaen iti topics index iti Hymns).

Doktrina ken Katulagan 97:8–9

Mabalin nga awatennatayo ti Apo.

• Ania ti masursurotayo manipud iti Doktrina ken Katulagan 97:8 maipanggep no ania ti kaipapanan ti maawat iti Apo? Kasano a maigiddiat dayta manipud kadagiti wagas a no dadduma agkalikagumtayo iti pannakaawat iti lubong? Ania dagiti bendision a naikari iti bersikulo 9 kadagiti inawat ti Apo? Mabalin pay nga irebyu dagiti miembro ti klase ti mensahe ni Elder Erich W. Kopischke “Being Accepted of the Lord” (Ensign wenno Liahona, Mayo 2013, 104–6) ket ibinglay no kasano a matulongan daytoy ida a makaawat kadagitoy a bersikulo. Ti palawag iti “Dagiti Mainayon a Resources” mangiraman iti awis ni Elder Kopischke nga agkalikagum iti panangawat ti Apo iti biagtayo.

Doktrina ken Katulagan 97:18–28

Ti Zion ti “natarnaw ti panagpuspusona.”

• Tapno matulongan dagiti miembro ti klase nga agpanunot maipapan no ania ti Zion, mabalinmo nga isurat iti pisarra ti Ania ti Zion? ken awisem ida a mangsapul kadagiti sungbat iti Doktrina ken Katulagan 97:19 ken 21 (kitaen met iti Moises 7:18; Gospel Topics, “Zion,” topics.ChurchofJesusChrist.org). Mabalin a makatulong nga ilawlawag no kasano a tulongannatayo ti Mangisalakan nga agbalin a “natarnaw iti panagpuspuso.” Ania ti mariknatayo a nakaparegtaantayo nga aramiden a mangbangon iti Zion iti biagtayo? iti ward wenno branchtayo? iti komunidadtayo?

  Templo iti Kirtland

  Ti panangbangon iti Templo iti Kirtland ti namagbalin kadagiti Santo a “natarnaw iti panagpuspuso.”

• Insuro ti Apo maipapan iti Zion kalpasan ti umuna a panangbilinna kadagiti Santo a mangbangon iti templo “para iti Pannakaisalakan ti Zion” (kitaen iti Doktrina Ken Katulagan 97:12, 18–28). Apay a ti templo ket napateg a paset ti panangbangon iti Zion? Kasano a naipatungpal dagiti kari nga inaramid ti Apo maipapan iti Zion kadagiti bersikulo 18–28 iti aldawtayo?

dagiti nainayon a resources icon

Dagiti Nainayon a Resources

Panangawat ti Apo.

Maibasar iti “simple a pagtuladan” a naisuro iti Doktrina Ken Katulagan 97:8, Insuro ni Elder Erich W. Kopischke:

“Ti panagkalikagum ken panangawat iti panangakseptar ti Apo ket mangiturongto iti pannakaammo a datayo dagiti napili ken pinaraburanna. Magun-odtayonto ti napadakkel a panagtalek nga iturong ken iwanwannatayonto para iti pagsayaatan. Agbalinto dagiti nadungngo nga asina a pakakitaan iti puspusotayo, iti biagtayo, ket kadagiti pamiliatayo.

“Iti amin a pusok awisenkayo nga agkalikagum a manggun-od iti panangawat ti Apo ket agragsak kadagiti naikari a bendisionna. Bayat ti panagsurottayo iti simple a pagtuladan nga inkabil ti Apo, maammuantayonto a naawattayo Kenkuana, ania man ti posision, kasasaad, wenno mortal a limitasiontayo” (“Being Accepted of the Lord,” Ensign wenno Liahona, Mayo 2013, 106).

Panangpadur-as iti Panangisurotayo

Kaam-ammom dagiti sursuruam. Tunggal tao a sursuruam ket addaan kadagiti naidumduma a nagtaudan, pannirigan, ken kabaelan. Agkararag tapno maammuam no kasano a makapagbalin a bendision ti tunggal kontribusion ti tunggal tao iti sibubukel a klase. (Kitaen iti Panangisuro iti Wagas ti Mangisalakan,7