« ថ្ងៃទី ៣០ ខែ សីហា–ថ្ងៃទី ៥ ខែ កញ្ញា ។ គោលលទ្ធិ និង សេចក្តីសញ្ញា ៩៤–៩៧ ៖ ‹ សម្រាប់សេចក្ដីសង្គ្រោះនៃស៊ីយ៉ូន › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ២០២១ ( ឆ្នាំ ២០២០ )

« ថ្ងៃទី ៣០ ខែ សីហា–ថ្ងៃទី ៥ ខែ កញ្ញា ។ គោលលទ្ធិ និង សេចក្តីសញ្ញា ៩៤–៩៧ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១

ព្រះវិហារបរិសុទ្ធខឺតឡង់ ដោយ អាល រ៉ោនស៍

ថ្ងៃទី ៣០ ខែ សីហា–ថ្ងៃទី ៥ ខែ កញ្ញា

គោលលទ្ធិ និង សេចក្តីសញ្ញា ៩៤–៩៧

« សម្រាប់សេចក្ដីសង្គ្រោះនៃស៊ីយ៉ូន »

តើអ្នកអាចជួយសិស្សក្នុងថ្នាក់បានយ៉ាងល្អបំផុត ដើម្បីឲ្យមានបំណងទទួលបានពរជ័យដែលបានសន្យានៅក្នុង គោលលទ្ធិ និងសេចក្ដីសញ្ញា ៩៤–៩៧ ដោយរបៀបណា ?

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

ប្រហែលជាសិស្សអាចចែកចាយអ្វីមួយដែលពួកគេបានរកឃើញនៅក្នុង គោលលទ្ធិ និង សេចក្ដីសញ្ញា ៩៤–៩៧ ដែលបំផុសគំនិតពួកគេឲ្យទៅកាន់ព្រះវិហារបរិសុទ្ធកាន់តែញឹកញាប់ ។ ឬពួកគេអាចចែកចាយសារលិខិតផ្សេងទៀត ដែលបានបំផុសគំនិតពួកគេ កាលពួកគេបានអានកណ្ឌទាំងនេះ ។

បង្រៀនគោលលទ្ធិ

គោលលទ្ធិ និង សេចក្ដីសញ្ញា ៩៥:៨; ៩៧:១០–១៧

នៅក្នុងព្រះវិហារបរិសុទ្ធ ព្រះប្រទានពរដល់រាស្ដ្ររបស់ទ្រង់ ។

តើអ្នកអាចប្រើសេចក្ដីពិតដែលបានបង្រៀននៅក្នុង គោលលទ្ធិ និង សេចក្តីសញ្ញា ៩៥ និង ៩៧ ដើម្បីបំផុសគំនិតដល់សិស្សក្នុងថ្នាក់ឲ្យកាន់តែឧស្សាហ៍ស្វែងរកពរជ័យនៃព្រះវិហារបរិសុទ្ធដោយរបៀបណា ? របៀបមួយគឺ ការដាក់រូបភាពព្រះវិហារបរិសុទ្ធនៅចំកណ្ដាលក្ដារខៀន ហើយសួរសិស្សក្នុងថ្នាក់ពីមូលហេតុដែលពួកគេគិតថា ហេតុអ្វីព្រះអម្ចាស់ណែនាំពួកបរិសុទ្ធរបស់ទ្រង់ឲ្យកសាងព្រះវិហារបរិសុទ្ធ ។ សិស្សក្នុងថ្នាក់អាចរកមើលចម្លើយពីរបីនៅក្នុង គោលលទ្ធិ និង សេចក្ដីសញ្ញា ៩៥:៨; ៩៧:១០–១៧ ហើយសរសេរអ្វីដែលពួកគេរកឃើញដាក់នៅលើក្ដារខៀនជុំវិញរូបភាពព្រះវិហារបរិសុទ្ធនោះ ។ ( ពួកគេអាចរកឃើញចម្លើយបន្ថែមទៀតនៅក្នុង « Why Latter-day Saints Build Temples » [ នៅលើគេហទំព័រ temples.ChurchofJesusChrist.org ] ) ។ តើគោលបំណងទាំងនេះត្រូវបានបំពេញនៅក្នុងជីវិតរបស់យើងដោយរបៀបណា ? តើយើងអាចធ្វើឲ្យព្រះវិហារបរិសុទ្ធជាផ្នែកមួយដ៏កាន់តែសំខាន់ក្នុងជីវិតរបស់យើងដោយរបៀបណា ?
សាសនាចក្រផ្តល់នូវធនធានជាច្រើនដែលបង្រៀនអំពីព្រះវិហារបរិសុទ្ធ ។ សូមពិចារណាពីរបៀបដែលអ្នកអាចប្រើធនធានទាំងនេះខ្លះដើម្បីពង្រីកការពិភាក្សាក្នុងថ្នាក់អំពី គោលលទ្ធិ និង សេចក្តីសញ្ញា ៩៥ និង ៩៧ ហើយបំផុសគំនិតដល់សិស្សក្នុងថ្នាក់ឲ្យស្វែងរកពរជ័យនៃព្រះវិហារបរិសុទ្ធកាន់តែឧស្សាហ៍ឡើង ។ ឧទាហរណ៍ ពីមុនបង្រៀន អ្នកអាចអញ្ជើញសិស្សក្នុងថ្នាក់ពីរបីនាក់ឲ្យពិនិត្យមើលធនធាននានានៅលើគេហទំព័រ temples.ChurchofJesusChrist.org ឬ Temples of The Church of Jesus Christ of Latter-day Saints ( លេខចេញផ្សាយពិសេសរបស់ Ensign ឬ Liahona ខែ តុលា ឆ្នាំ ២០១០ ) ។ សូមឲ្យសិស្សក្នុងថ្នាក់ទាំងនេះមករៀនដោយបានរៀបចំខ្លួន ដើម្បីចែកចាយអ្វីមួយដែលពួកគេបានរៀន ដែលគាំទ្រដល់ការបង្រៀននៅក្នុង កណ្ឌទី ៩៥ និង ៩៧ ។

ប្រសិនបើអ្នកបង្រៀនយុវវ័យ អ្នកអាចអញ្ជើញពួកគេឲ្យអាន « Making the Temple a Part of Your Life » ( នៅក្នុង Temples of The Church of Jesus Christ of Latter-day Saints ទំព័រ ៧៧–៧៨ ) ហើយចែកចាយពីរបៀបដែលពួកគេធ្វើឲ្យព្រះវិហារបរិសុទ្ធជាអាទិភាពក្នុងជីវិតរបស់ពួកគេ ។

វីដេអូ « Two Apostles Lead a Virtual Tour of the Rome Italy Temple » និង « Temples » ( នៅលើគេហទំព័រ ChurchofJesusChrist.org ) អាចជួយអស់អ្នកដែលកំពុងរៀបចំខ្លួនដើម្បីទៅកាន់ព្រះវិហារបរិសុទ្ធបាន ។

អ្នកក៏អាចច្រៀងទំនុកតម្កើងមួយរួមគ្នាអំពីព្រះវិហារបរិសុទ្ធ ហើយពិភាក្សាពីអ្វីដែលបទនេះបង្រៀន ( សូមមើលលិបិក្រមប្រធានបទនៅក្នុងសៀវភៅទំនុកតម្កើង ) ។

គោលលទ្ធិ និង សេចក្ដីសញ្ញា ៩៧:៨–៩

យើងអាចត្រូវបានទទួលយកដោយព្រះអម្ចាស់ ។

តើយើងរៀនបានអ្វីខ្លះមកពី គោលលទ្ធិ និង សេចក្ដីសញ្ញា ៩៧:៨ អំពីអត្ថន័យនៃការត្រូវបានទទួលយកដោយព្រះអម្ចាស់ ? តើការណ៍នោះខុសគ្នាពីរបៀបដែលយើងស្វែងរកការទទួលយកពីពិភពលោកនេះនាពេលខ្លះយ៉ាងដូចម្ដេច ? តើមានពរជ័យអ្វីខ្លះដែលបានសន្យានៅក្នុង ខទី ៩ ដល់អស់អ្នកដែលត្រូវបានព្រះអម្ចាស់ទទួកយក ? សិស្សក្នុងថ្នាក់ក៏អាចរំឭកសារលិខិតរបស់អែលឌើរ អ៊ីរិច ដបុលយូ កូពីសឆ្កេរ « ការទទួលយកដោយព្រះអម្ចាស់ » ( Ensign ឬ Liahona ខែ ឧសភា ឆ្នាំ ២០១២ ទំព័រ ១០៤–១០៦ ) ហើយចែកចាយរបៀបដែលវាជួយពួកគេឲ្យយល់ពីខគម្ពីរទាំងនេះផងដែរ ។ សេចក្ដីថ្លែងការណ៍នៅក្នុង « ធនធានបន្ថែមទាំងឡាយ » រួមមាននូវការអញ្ជើញរបស់អែលឌើរ កូពីសឆ្កេរ ឲ្យស្វែងរកការទទួលយករបស់ព្រះអម្ចាស់នៅក្នុងជីវិតរបស់យើង ។

គោលលទ្ធិ និង សេចក្ដីសញ្ញា ៩៧:១៨–២៨

ស៊ីយ៉ូនគឺជា « អ្នកដែលមានចិត្តបរិសុទ្ធ » ។

ដើម្បីជួយសិស្សក្នុងថ្នាក់របស់អ្នកឲ្យគិតអំពីអត្ថន័យនៃពាក្យស៊ីយ៉ូន អ្នកអាចសរសេរនៅលើក្ដារខៀនថា តើស៊ីយ៉ូនគឺជាអ្វី ? ហើយអញ្ជើញពួកគេឲ្យរកមើលចម្លើយនៅក្នុង គោលលទ្ធិ និង សេចក្ដីសញ្ញា ៩៧:១៩ និង ២១ ( សូមមើលផងដែរ ម៉ូសេ ៧:១៨; Gospel Topics « Zion » នៅលើគេហទំព័រ topics.ChurchofJesusChrist.org ) ។ វាអាចមានប្រយោជន៍ដើម្បីពិភាក្សាពីរបៀបដែលព្រះអង្គសង្គ្រោះជួយយើងឲ្យក្លាយជាអ្នក « ដែលមានចិត្តបរិសុទ្ធ » ។ តើយើងមានអារម្មណ៍បំផុសគំនិតឲ្យធ្វើអ្វីខ្លះ ដើម្បីកសាងស៊ីយ៉ូននៅក្នុងជីវិតរបស់យើង ? ក្នុងវួដ ឬសាខារបស់យើង ? ក្នុងសហគមន៍របស់យើង ?

ការកសាងព្រះវិហារបរិសុទ្ធខឺតឡង់បានធ្វើឲ្យពួកបរិសុទ្ធកាន់តែមាន « ចិត្តបរិសុទ្ធ » ។
ព្រះអម្ចាស់បានបង្រៀនអំពីស៊ីយ៉ូន ក្រោយពីការត្រាស់បង្គាប់ដំបូងឲ្យពួកបរិសុទ្ធកសាងព្រះវិហារបរិសុទ្ធ « សម្រាប់សេចក្ដីសង្គ្រោះនៃស៊ីយ៉ូន » ( សូមមើល គោលលទ្ធិ និង សេចក្ដីសញ្ញា ៩៧:១២, ១៨–២៨ ) ។ ហេតុអ្វីបានជាព្រះវិហារបរិសុទ្ធគឺជាផ្នែកមួយដ៏សំខាន់នៃការកសាងស៊ីយ៉ូន ? តើការសន្យាទាំងឡាយដែលព្រះអម្ចាស់បានធ្វើទាក់ទងនឹងស៊ីយ៉ូននៅក្នុង ខទី ១៨–២៨ ត្រូវបានបំពេញនៅក្នុងជំនាន់របស់យើងតាមរបៀបណា ?

ធនធានបន្ថែមទាំងឡាយ

ការទទួលយកដោយព្រះអម្ចាស់ ។

ដោយសំដៅទៅលើ « គន្លងសាមញ្ញ » ដែលបានបង្រៀននៅក្នុង គោលលទ្ធិ និង សេចក្ដីសញ្ញា ៩៧:៨ នោះអែលឌើរ អ៊ីរិច ដបុលយូ កូពីសឆ្កេរ បានបង្រៀន ៖

« ការរក និងការទទួលបានការទទួលយកពីព្រះអម្ចាស់នឹងនាំទៅរកចំណេះដឹងថា យើងត្រូវបានជ្រើស ហើយបានពរជ័យមកពីទ្រង់ ។ យើងនឹងទទួលបានទំនុកចិត្តដ៏កើនឡើងថា ទ្រង់នឹងដឹកនាំយើង ហើយណែនាំយើងសម្រាប់សេចក្ដីល្អ ។ សេចក្ដីមេត្តាដ៏ទន់ភ្លន់របស់ទ្រង់នឹងកាន់តែច្បាស់ឡើងនៅក្នុងដួងចិត្ត ជីវិត និងក្រុមគ្រួសាររបស់យើង ។

ខ្ញុំសូមអញ្ជើញអ្នកដោយអស់ពីចិត្តរបស់ខ្ញុំឲ្យរកការទទួលយកនៃព្រះអម្ចាស់ ហើយរីករាយនឹងពរជ័យដែលទ្រង់បានសន្យា ។ កាលយើងធ្វើតាមគន្លងសាមញ្ញ ដែលព្រះអម្ចាស់បានដាក់ចេញមកនេះ នោះយើងនឹងយល់ដឹងថា យើងត្រូវបានទទួលយកដោយទ្រង់ មិនថាយើងមានតួនាទី ឋានៈ ឬកម្រិតផ្លូវកាយយ៉ាងណានោះទេ » ( « ការទទួលយកដោយព្រះអម្ចាស់ » Ensign ឬ Liahona ខែ ឧសភា ឆ្នាំ ២០១៣ ទំព័រ ១០៦ ) ។

ការកែលម្អការបង្រៀនរបស់យើង

ស្គាល់សិស្សរបស់អ្នក ។ សិស្សម្នាក់ៗដែលអ្នកបង្រៀនមានបទពិសោធន៍ ទស្សនវិស័យ និងទេពកោសល្យពិសេសខុសៗគ្នា ។ សូមអធិស្ឋានដើម្បីដឹងពីរបៀបដែលការរួមចំណែករបស់សិស្សម្នាក់ៗអាចជាពរជ័យដល់ថ្នាក់ទាំងមូលបាន ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះ ទំព័រ ៧ ) ។