pamilia a kadua dagiti kapuonan iti lubong dagiti espiritu

Kaduatayo Ida ken Kaduadatayo, ni Caitlin Connolly

Nobiembre 1–7

Doktrina ken Katulagan 125–128

“Naragsak a Timek para kadagiti Sibibiag ken kadagiti Natay”

Utobem dagitoy a balikas ni Elder Ulisses Soares: “Ti kalaingan a mannursuro isu ti nasayaat a pagulidanan iti pagrebbengan. Ti panangisuro iti maysa a banag a pudno nga ibibiagtayo ket makaaramid iti pagdumaan iti puspuso dagiti sursuruantayo” (“How Can I Understand?” Ensign wenno Liahona, Mayo 2019, 7).

Isuratmo dagiti Impresionmo

icon iti panagbibinninglay

Yawis ti Panagbibinninglay

Mabalin nga isurat dagiti miembro ti klase iti pisarra dagiti ragup ti balikas manipud iti Doktrina ken Katulagan 125–28 a makaawis iti imatangda. Paibinglaymo kadakuada dagiti kapanunotanda maipapan kadagita a ragup ti balikas. Kasano a maimpluensiaan ti panagadal kadagitoy a kinapudno kadagiti aramidda iti daytoy a lawas?

icon iti panangisuro

Isuro ti Doktrina

Doktrina ken Katulagan 126

“Aywanam a naipangpangruna ti pamiliam.”

• Dagiti awag nga inawat ni Brigham Young nga agserbi iti Simbaan naidawat kenkuana ken ti pamiliana nga agaramid kadagiti dadakkel a sakripisio; makaparegta dagiti balikas ti Apo ken ni Brigham iti benneg 126 iti maysa a panaglilinnawag iti klase maipapan iti no apay a no dadduma idawat ti Apo kadatayo nga agsakripisio iti serbisiotayo. Kasano a tinulongannatayo ti Apo a mangipatungpal kadagiti pagrebbengantayo iti pagtaengan, kadagiti takemtayo iti Simbaan, ken iti dadduma pay nga aspeto ti biag?

Doktrina ken Katulagan 127:2–4

Makapagpannuraytayo iti Apo kabayatan dagiti narigat a panawen.

• Kasano a makatulong ti Doktrina ken Katulagan 127:2–4 kadagiti miembro ti klase a makarikna a, kas ken ni Joseph Smith, aglanglangoyda iti “adalem a danum”? Mabalinmo nga awisen dagiti miembro ti klase a mangbasa kadagitoy a bersikulo ket ibinglayda no kasano a nagupgopda ti ugali ni Joseph kadagiti karit a nakaipasanguanna. Ania dagiti ragup ti balikas manipud kadagitoy a bersikulo a mangtulong iti maysa a tao nga agkarkarigatan? Kasano a nagpannuray ni Joseph iti Apo kabayatan dagiti pannubokna? Kasano a masurottayo ti pagwadanna?

Doktrina ken Katulagan 128

Ti pannakaisalakan dagiti kapuonantayo ket napateg iti pannakaisalakantayo.

• Ibilang no kasano a maparegtam dagiti miembro ti klase a makiraman iti templo ken aramid iti family history. Ti Doktrina ken Katulagan 128:15–18 makatulong kadakuada a mangrikna iti panagkasapulan unay daytoy nga aramid; mabalinmo nga awisen ida a mangsukisok kadagitoy a bersikulo para iti maysa a banag a mangpadakkel iti tarigagayda nga agaramid kadagiti panagbuniag para kadagiti pimmusayen a kapuonanda. Mabalin a makatulong kadakuada dagiti saludsod a kas kadagitoy a mangutob kadagitoy a bersikulo: Apay a “saantayo a makapagbalin a naan-anay no awan dagiti minataytayo”? (bersikulo 15). Apay nga awagan ni Joseph Smith ti panangbuniag para kadagiti natay a “kadayagan kadagiti amin a topiko iti agnanayon nga ebanghelio”? (bersikulo 17; kitaen met iti adaw iti “Dagiti Nainayon a Resources”). Iti ania a kaipapanan a mabalin a mailunod ti daga no awan ti “mamagtugmok … iti nagbaetan dagiti amma ken dagiti annak”? (bersikulo 18). No kasapulan dagiti miembro ti klase ti tulong iti panangrugi iti aramid a family history, mabalinmo nga awisen ti lider iti templo ken family history iti ward a mangyam-ammo kadakuada iti FamilySearch.org.

  Mabalinmo pay a paregtaen ida kadagiti bersikulo a mangipeksa iti rag-o ti templo ken aramid iti family history, kas iti Doktrina ken Katulagan 128:19–23. Mabalin a basaen dagiti miembro ti klase dagitoy a bersikulo ken mangsapul kadagiti ragup ti balikas a mangipakita no kasano ti rikna ni Joseph Smith maipapan iti pannakaisalakan dagiti natay. Kalpasanna mabalin nga idawatmo kadakuada a mangibinglay kadagiti padas idi addaanda iti isu met la a rikna maipapan itoy nga aramid. Ti panangipabuya iti maysa kadagiti video iti “Dagiti Nainayon a Resources” ket makaited pay kadakuada iti pammaregta.

• Gapu ta ti pannakaisalakan dagiti natay ket naisalsalumina iti Ti Simbaan ni Jesucristo dagiti Santo iti Ud-udina nga Aldaw, mabalin nga addaantayo kadagiti gundaway a mangilawlawag iti daytoy a doktrina kadagiti tao a di pay nakangngeg iti daytoy idi. Mabalin a sukisoken dagiti miembro ti klase ti Doktrina ken Katulagan 128 para iti maysa a banag a mabalinda nga ibinglay iti pannakisaritada iti maysa a tao nga agsaludsod maipapan iti panagbuniag para kadagiti natay. Ania ti isuro daytoy a doktrina kadatayo maipapan iti Nailangitan nga Ama ken ni Jesucristoo? Pagsanayen dagiti miembro ti klase no ania ti isaoda.

  agtutubo a lalaki nga addaan iti family name cards

  Ti panagaramid iti serbisio iti templo para kadagiti kapuonantayo ket mangbegkes iti puspusotayo kadakuada.

dagiti nainayon a resources icon

Dagiti Nainayon a Resources

Dagiti video maipapan iti aramid iti family history (ChurchofJesusChrist.org).

“I Couldn’t Explain the Feeling”

“If We Put God First”

“Redeeming the Dead Redeemed Me”

“A Visit from Father”

“Connected to Eternal Families”

“Gatherers in the Kingdom”

“Including Me”

“Is Anything Too Hard for the Lord?”

“A Glorious and Wonderful Provision.”

Kinuna ni Presidente Gordon B. Hinckley:

“Ti Pannubbot ni Jesus a maipaay iti amin ket mangibagi iti naindaklan a sakripisio a trabaho nga inaramid para iti sabali. Intudingna ti pagtuladan nga iti babaenna nagbalin Isuna a mangisaup [proxy] para iti amin a sangkataw-an. Daytoy a pagtuladan nga iti babaen ti panagtignay ti maysa a tao a maipaay iti sabali ket maisangbay kadagiti ordinansa iti balay ti Apo. Ditoy agserbitayo a maipaay kadagiti pimmusayen nga awanan iti pannakaammo iti ebanghelio. Adda pagpilianda nga awaten wenno supringenda ti ordinansa a maaramid. Mapalugodanda iti agpada a gundaway kas kadagiti nagnan iti daga. Naikkan dagiti natay iti isu met la a gundaway kas kadagiti sibibiag. Manen, anian a nagloriaan ken napintas a probision nga inaramid ti Mannakabalin babaen ti paltiingna iti Propetana” (“The Great Things Which God Has Revealed,” Ensign wenno Liahona, Mayo 2005, 82–83).

Panangpadur-as iti Panangisurotayo

Ikararagam dagiti miembro ti klasem. Ikararagam babaen iti nagan para kadagiti sursuruam, ken kalikagumam a maawatan dagiti naipangruna a kasapulanda. No aramidem daytoy, matulongannaka ti Nailangitan nga Ama a mangammo no ania ti isurom tapno matulongam a maipaay dagita a kasapulan. (Kitaen iti Panangisuro iti Wagas ti Mangisalakan,6.)