iti ruar ti Pagbaludan iti Carthage

Pagbaludan iti Carthage

Nobiembre 22–28

Doktrina ken Katulagan 135–136

Isu “Pinaneknekanna ti Misionna ken dagiti Aramidna babaen ti Bukodna a Dara”

Bayat ti panangbasam kadagiti benneg 135–36, mabalin nga ikkannaka ti Espiritu Santo kadagiti nalawag a pannakaammo ken pannakaawat a mabalin a makatulong kadagiti miembro ti klasem. Dagiti kapanunotan iti daytoy a balabala ti mabalin pay a mangparayray kadagiti kapanunotan nga usarem bayat ti panangisurom.

Isuratmo dagiti Impresionmo

icon iti panagbibinninglay

Yawis ti Panagbibinninglay

Adtoy ti maysa a wagas a pangawis kadagiti mIembro ti klase a mangibinglay kadagiti kapanunotanda maipapan kadagiti benneg 135–36. Awisem ida a mangipapan a mabalinda a kasarita ti maysa a miembro ti Simbaan manipud idi 1844, maysa a tao a naburiboran maipapan iti ipapatay ni Joseph Smith ken nagdanag maipapan no ania ti mabalin a kaipapananna para iti Simbaan. Ania ti mabalin nga ibinglaytayo manipud kadagitoy a benneg a mabalin a makatulong iti daytoy a tao?

icon iti panangisuro

Isuro ti Doktrina

Doktrina ken Katulagan 135; 136:37–39

Inserra da Joseph ken Hyrum dagiti pammaneknekda babaen iti darada.

• Kasano a “nangiserra” dagiti sakripisio da Joseph ken Hyrum Smith kadagiti pammaneknekda? Mabalin nga utoben dagiti miembro ti klase daytoy a saludsod bayat ti panangrebyuda iti Doktrina ken Katulagan 135; 136:37–39. Kalpasanna mabalinda nga ibinglay dagiti ania man a nalawag a pannakaammo ken pannakaawat nga awatenda. Mabalinda pay nga ibinglay dagiti riknada maipapan iti kinatallugod da Joseph ken Hyrum a mangted iti biagda para iti kinapudno. Idinto a mabalin a saan a maidawat kadatayo a matay para iti kinapudno, kasano a makapagbalin ti biagtayo a kas “pangserra” kadagiti pammaneknektayo?

Doktrina ken Katulagan 135:3

Ni Joseph Smith ad-adu ti naaramidna para iti pannakaisalakantayo ngem iti asino man malaksid ken ni Jesucristo.

• Kasano a matulongam dagiti miembro ti klase a maawatanda no ania ti naaramiden ni Joseph Smith para iti pannakaisalakanda? Mabalinmo nga isurat iti pisarra Gapu iti impalgak ti Apo babaen ken ni Joseph Smith, Siak … ket kalpasanna awisem dagiti miembro ti klase a mangpanunot kadagiti wagas a mangileppas iti daytoy a binatog. Mabalinda a rugian babaen ti panangsukisok iti Doktrina ken Katulagan 135:3 kadagiti banag nga inaramid ni Joseph Smith a makatulong kadatayo a manggun-od iti pannakaisalakan. Ibilang ti panangawis kadagiti miembro ti klase a mangibinglay kadagiti riknada maipapan ken ni Joseph Smith ken no ania ti impalgak ti Apo babaen kenkuana.

• Sabali pay a wagas a makatulong kadagiti miembro ti klase a mangpanunot maipapan iti mision ni Joseph Smith ket panangawis kadakuada a mangisurat iti ababa nga obituario wenno eulohia para kenkuana. Mabalin a kayatmo nga ilawlawag dagiti napapateg a pasamak wenno naileppas manipud iti biagna a mabalinda nga iraman. Ania ti masarakanda iti Doktrina ken Katulagan 135 a mabalinda a dakamaten? Ania koma ti mabalin nga isaoda iti eulohiada a makatulong kadagiti dadduma a mangpapigsa iti pammatida iti nadiosan a mision ni Joseph Smith?

• Adu a kinapudno maipapan ken ni Jesucristo ken ti Pannubbotna ti naipalgak babaen ken ni Joseph Smith—dagiti kinapudno a nakatulong iti pannakaisalakan ti amin a lallaki ken babbai. Tapno matulongan dagiti miembro ti klase a mangilasin kadagitoy a kontribusion, mabalinmo nga i-display ti maysa a ladawan ni Jesucristo ket idawat iti sumagmamano a miembro ti klase a mangibinglay iti paggugusto a bersikulo maipapan ken ni Jesucristo manipud kadagiti nasantuan a kasuratan a naipalgak babaen ken ni Joseph Smith: ti Libro ni Mormon, Doktrina ken Katulagan, ken Perlas a Kapatgan. Kasano a tulongandatayo dagitoy a nasantuan a kasuratan a makaawat ken mayas-asidegtayo iti Mangisalakan? Kasano a makatulong dagitoy a kinapudno iti pannakaisalakantayo?

Doktrina ken Katulagan 136

Maipatungpaltayo ti pagayatan ti Apo no surotentayo ti balakadna.

• Ti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia mangisingasing a sapulen dagiti miembro ti klase ti balakad iti Doktrina ken Katulagan 136 a makatulong kadakuada a mangpabalin ti maysa a pannubok iti maysa a naespirituan a padas. Mabalinmo nga idawat kadagiti miembro ti klase a mangibinglay iti ania man a balakad a nasarakanda. Mabalinmo pay nga idawat kadakuada a mangsukisok iti daytoy a benneg a mangsapsapul iti balakad a makatulong kadatayo a mangipatungpal iti pagayatan ti Apo iti aldawtayo, kas met laeng iti panangtulong daytoy kadagiti Santo kadagiti “panangdaliasatda iti Laud” (bersikulo 1).

  Winter Quarters

  Winter Quarters, ni Greg Olsen

• Mabalin a maay-ayo ti klasem nga agaramid iti maysa a poster kas kadagiti masarakan kadagiti magasin iti Simbaan maipapan iti maysa kadagiti bersikulo iti benneg 136. Ti panagtrabaho iti kada paris wenno saggaysa, mabalin a rugian dagiti miembro ti klase babaen ti panangsukisok kadagiti bersikulo iti maysa a kinapudno a napateg kadakuada. Kalpasanna mabalinda ti agaramid iti simple a poster a mangipakita no kasano a daytoy a kinapudno, a naisuro idi 1847, makatulong pay laeng kadatayo iti agdama.

dagiti nainayon a resources icon

Dagiti Nainayon a Resources

Mainaig a Musika

Ti panangkanta kadagiti sumaganad a himno wenno panangbuya kadagiti video mabalin a makaawis iti Espiritu Santo wenno mangparegta iti panaglilinnawag maipapan iti aramid ni Propeta Joseph Smith ken dagiti sakripisio dagiti Santo a nagtuloy kalpasan kenkuana.

“A Poor Wayfaring Man of Grief” (Hymns, no. 29). Bayat ti kaaddana iti Pagbaludan iti Carthage, indawat ni Joseph Smith ken ni John Taylor a kantaenna daytoy a himno.

“Praise to the Man” (Hymns, no. 27; video, www.thetabernaclechoir.org/videos/praise-to-the-man-mormon-tabernacle-choir). Naisurat ti teksto daytoy a himno kas pamadayaw ken ni Joseph Smith.

“Come, Come, Ye Saints” (Hymns, no. 30; video, www.thetabernaclechoir.org/videos/come-come-ye-saints-mormon-tabernacle-choir).

“Faith in Every Footstep” (video, www.thetabernaclechoir.org/videos/faith-in-every-footstep).

Panangpadur-as iti Panangisurotayo

Paneknekan maipapan ti pudno a doktrina. Mabalinmo nga ibinglay ti pammaneknekmo maipapan kadagiti kinapudno ti doktrina iti unos ti adalen, saan laeng nga iti gibus. Kabayatan ti panangaramidmo, ipatalgedto ti Espiritu Santo ti kinapudno ti doktrina iti puspuso dagiti sursuruam. (Kitaen iti Panangisuro iti Wagas ti Mangisalakan,21.)