aiga ma tuaa i le lalolagi o agaga.

Oi Tatou ma Latou ma Latou ma Tatou, saunia e Caitlin Connolly

1–7 Novema

Mataupu Faavae ma Feagaiga 125–128

“Tala Fiafia ma Mamalu mo e o Ola ma e ua Maliliu”

Mafaufau i nei upu a Elder Ulisses Soares: “O le faiaoga silisili lava o se tagata o faataitaiga lelei. O le aoao atu o se mea o loo tatou ola moni ai lava e mafai ona faia ai se eseesega i loto o i latou tatou te aoaoina” (“E Mafai Faapefea ona Ou Malamalama?” Ensign po o le Liahona, Me 2019, 7).

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

E mafai e tagata o le vasega ona tusi i le laupapa fuaitau mai le Mataupu Faavae ma Feagaiga 125–28 e uunaia ai i latou. Tuu atu ia i latou e faasoa mai o latou manatu i na fuaitau. Na faapefea e le aoaoina o nei upumoni ona faatosina ai a latou filifiliga i lenei vaiaso?

aikona o le aoao atu

Aoao Atu le Aoaoga Faavae

Mataupu Faavae ma Feagaiga 126

“Tausi faapitoa lelei lou aiga.”

• O valaauga na maua e Polika Iaga e auauna atu ai i le Ekalesia na manaomia ai o ia ma lona aiga ia faia ni osigataulaga maoae; o upu a le Alii ia Polika i le vaega 126 e mafai ona uunaia ai se talanoaga a le vasega pe aisea e finagalo ai i nisi taimi le Alii ia ositaulaga i la tatou auaunaga. Ua faapefea ona fesoasoani le Alii ia i tatou e faataunuu o tatou tiutetauave i le aiga, i valaauga i le Ekalesia, ma isi vaega o le olaga?

Mataupu Faavae ma Feagaiga 127:2–4

E mafai ona tatou faalagolago i le Alii i taimi faigata.

• E ono mafai faapefea ona fesoasoani le Mataupu Faavae ma Feagaiga 127:2–4 i tagata o le vasega e lagona faapea, e pei o Iosefa Samita, o loo latou aau i le “vai loloto”? E mafai ona e valaaulia tagata o le vasega e faitau nei fuaiupu ma faasoa mai le ala latou te otooto ai uiga faaalia o Iosefa i ona luitau. O a fuaitau i nei fuaiupu o le a fesoasoani i se tasi o loo tauivi? Na faapefea ona falagolago Iosefa i le Alii i ona taimi o puapuaga? E mafai faapefea ona tatou mulimuli i lana faataitaiga?

Mataupu Faavae ma Feagaiga 128

O le faaolataga o o tatou tuaa e taua i lo tatou faaolataga.

• Mafaufau pe faapefea ona e ono uunaia tagata o le vasega ia auai i le malumalu ma galuega o talafaasolopito o aiga. E mafai ona fesoasoani le Mataupu Faavae ma Feagaiga 128:15–18) ia i latou e lagona le faanatinati o lenei galuega; e mafai ona e valaaulia i latou e suesue nei fuaiupu mo se mea e faateleina ai lo latou manao e fai papatisoga mo o latou tuaa ua maliliu. O fesili faapea e mafai ona fesoasoani ia i latou e mafaufau ai i nei fuaiupu: Aisea e le mafai ai “ona faaatoatoaina i tatou e aunoa ma o tatou tagata maliliu”?fuaiupu 15). Aisea e ta’ua ai e Iosefa le papatisoga mo e ua maliliu o le “mataupu sili ona mamalu o mataupu uma o le talalelei tumau-faavavau”?fuaiupu 17; tagai foi i le upusii i le “Punaoa Faaopoopo”). I le a le itu e ono fetuuina ai le laueleele pe afai e leai se “sooga mau … i le va o tamā ma fanau”? (fuaiupu 18). Afai e manaomia e tagata o le vasega le fesoasoani e amata ai galuega o le talafaasolopito o aiga, e mafai ona e valaaulia le taitai o malumalu ma talafaaoslopito o aiga a le uarota e faailoa atu i latou i le FamilySearch.org.

  E mafai foi ona e uunaia i latou i nei fuaiupu e uunaia le olioli o galuega o le malumalu ma talafaasolopito o aiga, e pei o le Mataupu Faavae ma Feagaiga 128:19–23). E mafai e tagata o le vasega ona faitau i nei fuaiupu ma sue fuaitau e faaalia ai lagona o Iosefa Samita i le faaolataga o e ua maliliu. Ona mafai lea ona e fai atu ia i latou e faasoa mai ni aafiaga pe afai na latou maua foi ia lava lagona i lenei galuega. O le faaalia o se tasi o vitio i le “Punaoa Faaopoopo” e mafai foi ona uunaia i latou.

• Ona e tulagaese le faaolataga o e ua maliliu i Le Ekalesia a Iesu Keriso o le Au Paia o Aso e Gata Ai, e mafai ona tatou maua avanoa e faamatala ai lenei aoaoga faavae i tagata e lei faalogo lava i ai muamua. E mafai e tagata ona suesue le Mataupu Faavae ma Feagaiga 128 mo se mea latou te mafai ona faasoa atu i se tasi e fesili e uiga i papatisoga mo e ua maliliu. O le a le mea ua aoao mai e lenei aoaoga faavae ia te i tatou e uiga i le Tama Faalelagi ma Iesu Keriso? Tuu atu i tagata o le vasega e faatino mea o le a latou fai mai ai.

  alii talavou ma kata o igoa o le aiga

  O le faia o auaunaga i le malumalu mo o tatou tuaa e sosoo ai o tatou loto ia i latou.

aikona o punaoa faaopoopo

Punaoa Faaopoopo

O vitio e faatatau i galuega o talafaasolopito o aiga (ChurchofJesusChrist.org).

“E le Mafai Ona Ou Faamatalaina le Lagona”

“Afai Tatou te Tuu le Atua e Faamuamua”

“O le Faaolaina o e Maliliu na Faaolaina ai A’u”

“O Se Asiasiga mai le Tama”

“Fesootai i Aiga e Faavavau”

“O E Faapotopotoina i le Malo”

“E Aofia ai A’u”

“Pe i ai Se Mea e Faigata Tele i le Alii?”

“O se Meaalofa Mamana ma Ofoofogia.”

Na saunoa mai Peresitene Gordon B. Hinckley:

“O le Togiola a Iesu mo tagata uma o se faatusa o se taulaga sui maoae. Na Ia faataatia le mamanu lea na avea ai o Ia o se sui mo tagata uma. O lenei mamanu e mafai ai e se tagata ona faatino mo se isi e faia i sauniga o le maota o le Alii. O iinei tatou te auauna atu ai mo i latou ua maliliu e aunoa ma se malamalama o le talalelei. Ua saoloto i latou e talia pe teena le sauniga ua faatinoina. Ua tuuina i latou i se tulaga tutusa ma i latou o loo savavali i le fogaeleele. E tuuina atu foi i e ua oti le avanoa lava e tasi e pei o e o ola. Ma, e maeu le mamalu ma le matagofie o lenei tulaga ua faia e le Silisili Ese e ala i Lana faaaliga i Lana Perofeta” (“O Mea Sili ua Faaalia Mai e le Atua,” Ensign po o le Liahona, Me 2005, 82–83).

Faaleleia o Lo Tatou Aoao Atu

Tatalo mo tagata o lau vasega. Tatalo e ala atu i igoa o i latou e te aoaoina, ma saili ia malamalama i o latou manaoga faapitoa. Ao e faia, e mafai e le Tama Faalelagi ona fesoasoani ia te oe e iloa mea e aoao atu ina ia fesoasoani ai i na manaoga. (Tagai Aoao Atu i le Ala a le Faaola,6.)