te mau ta’ata i roto i te ao vārua

Tē ’ite nei Iosepha i tōna metua tāne, te metua vahine, ’e te taea’e i roto i te bāsileia tiretiera (Te ’ōrama a Iosepha Semita nō te bāsileia tiretiera, Robert Barrett).

29 nō Novema–5 nō Tītema

Te Parau Ha’api’ira’a ʼe te mau Parau Fafau 137–138

« Te ’ōrama nō te fa’aorara’a i te feiā pohe »

’Ua ha’api’i te peresideni Dallin H. Oaks : « E nehenehe tātou pā’āto’a e uiui i roto ia tātou iho nō ni’a i te huru i roto i te ao vārua… ’Eiaha tātou e ha’api’i ’aore rā, e fa’a’ohipa ’ei ha’api’ira’a tumu mana i te mau mea ’aita e tū’ati i te mau ture o te ha’api’ira’a tumu mana » (« Trust in the Lord », Ensign ’e ’aore rā Liahona, Novema 2019, 28). ’A ha’apāpū ē, ’ua ha’amauhia tā ’outou ’āparaura’a i ni’a i te mau pāpa’ira’a mo’a ’e te mau parau a te mau peropheta.

Pāpa’i i te mau mana’o e tae mai

’ītona fa’a’itera’a

Tītau i te mana’o

E rave rahi parau mau ha’api’ira’a tumu fa’auruhia e ’itehia i roto i Te Parau Ha’api’ira’a ’e te mau Parau Fafau 137–38. ’A ani i te mau pīahi ’ia tāpura mai i te tahi o te reira. I muri iho, e nehenehe ’oe e rave i te tahi tau minuti nō te hi’o i tā rātou mau tāpura ’ei piha ha’api’ira’a, ’e nō te paraparau nō ni’a i te tumu i riro ai teie mau parau mau ’ei mea faufa’a nō rātou. ’Ua ha’api’i mai ānei te tahi mau ta’ata i te hō’ē mea i roto i teie mau tuha’a, ’o tā rātou ho’i i ’ore i māramarama nā mua a’e ?

’ītona ha’api’ira’a

Ha’api’i i te ha’api’ira’a tumu

Te Parau Ha’api’ira’a ’e te mau Parau Fafau 137 ; 138:32–37

E fāri’i te mau vārua ato’a i te rāve’a ’ia mā’iti i te hanahana tiretiera.

• E rave rahi o tātou tei ’ite i te mau ta’ata ’aita i fāna’o i te fāri’i i te ’evanelia i roto i teie orara’a—tae noa atu i te feiā ’o tei pohe i te tamari’ira’a. ’A ani i te mau pīahi ’ia fa’a’ite mai i te hō’ē parau mau tei ’itehia ia rātou i roto i te tuha’a 137 ’o tē tauturu ia rātou ’ia māramarama i te fa’anahora’a a te Atua nō teie mau ta’ata. E aha te mau parau mau tā tātou e ’ite i roto i Te Parau Ha’api’ira’a ’e te mau Parau Fafau 138:32–37 ’o tē fa’arahi atu ā i tō tātou māramaramara’a i te fa’anahora’a a te Atua ? E nehenehe te mau melo nō te piha ha’api’ira’a ’e fa’a’ite mai e aha te mau mana’o tā teie mau parau mau e fa’atupu i roto ia rātou nō ni’a i te Metua i te ao ra, tāna fa’anahora’a nō te fa’aorara’a, ’e te tāra’ehara a Iesu Mesia. E nehenehe te fa’ahitira’a parau i roto i « Te tahi atu mau rāve’a tauturu » e tauturu i tā ’outou ’āparaura’a.

Te Parau Ha’api’ira’a ’e te mau Parau Fafau 138:1–11, 25–30

E fa’aineine te tai’ora’a ’e te feruri-hōhonu-ra’a i te mau pāpa’ira’a ia tātou nō te fāri’i i te heheura’a.

• Te ’itera’a tā Joseph F. Smith i fa’ata’a mai i roto i Te Parau Ha’api’ira’a ’e te mau Parau Fafau 138: 1–11, 25–30 e tauturu te reira ia tātou ’ia hāro’aro’a ē, nāhea e nehenehe ai ia tātou ’ia fa’aineine ia tātou iho nō te fāri’i i te heheura’a. E nehenehe paha te mau pīahi e rave ’āmui nō te fa’ata’a i te mea tā rātou i ha’api’i mai nō ni’a i te heheura’a i roto i teie mau ’īrava. E nehenehe ’oe e ani i te mau pīahi ’ia fa’a’ite mai e mea nāhea te tai’ora’a ’e te feruri-hōhonu-ra’a i te mau pāpa’ira’a mo’a i te fa’aineinera’a ia rātou nō te fāri’i i te heheura’a (hi’o ato’a Iosepha Semita—’Ā’amu 1:11–12).

• Tē fa’ata’a nei te a’ora’a a te peresideni M. Russell Ballard « Te ’ōrama nō ni’a i te fa’aorara’a i te feiā pohe » (Ensign ’e ’aore rā Liahona, Novema 2018, 71–74) i te « orara’a fa’aineinera’a o Joseph F. Smith nō te fāri’i i teie heheura’a fa’ahiahia [Te Parau Ha’api’ira’a ’e te mau Parau Fafau 138] ». Mai te mea ’ua tai’o te mau melo o tā ’oe piha ha’api’ira’a i te parau poro’i a te peresideni Ballard i teie hepetoma, ’a fa’aitoito ia rātou ’ia fa’a’ite mai i te hō’ē mea tei ha’aputapū ia rātou. ’E ’aore rā, e nehenehe te piha ha’api’ira’a e tai’o i te tahi mau tuha’a o te a’ora’a. E aha te mea tā tātou e fa’ahiahia nei nō ni’a i te orara’a o te peresideni Smith ’e tōna huru ta’ata ? E aha tā tātou e nehenehe e ’apo mai i roto i tōna hi’ora’a ?

  hōho’a pēni nō Joseph F. Smith

  Joseph F. Smith, nā Albert E. Salzbrenner.

Te Parau Ha’api’ira’a ’e te mau Parau Fafau 138:12–60

E tāmau noa te ’ohipa nō te fa’aorara’a i muri a’e i te pohe.

• Nō te tauturu i te mau pīahi ’ia ’ite i te mau parau mau i roto i Te Parau Ha’api’ira’a ’e te mau Parau Fafau 138:12–60, e nehenehe ’oe e hōro’a ia rātou e rave rahi uira’a nō ni’a i te ao vārua tei pāhonohia i roto i teie mau ’īrava. ’Ei hi’ora’a : E aha tā te Fa’aora i rave ’a vai ai ’oia i roto i te ao vārua ? ’O vai te mau ve’a a te Fatu, ’e e aha tā rātou parau poro’i ? E nehenehe te mau melo nō te piha ha’api’ira’a e mā’iti i te hō’ē ’aore rā, hau atu, o teie mau uira’a ’e ’ia ha’a ’ei mau pupu na’ina’i nō te ’imi i te mau pāhonora’a. I muri iho, e nehenehe rātou e fa’a’ite mai i te tahi ’e te tahi i te mau parau mau tei ’itehia ia rātou. E aha te mau ta’a-’ē-ra’a tā teie mau parau mau e fa’atupu i roto i tō tātou orara’a ?

• E aha tā tātou e parau i te hō’ē ta’ata ’o tē ani mai ē, « E aha te tupu ’ia pohe ana’e tātou ? » E aha tā tātou e fa’a’ite i roto i Te Parau Ha’api’ira’a ’e te mau Parau Fafau 138:12– 60 ’o tē nehenehe e pāhono i teie uira’a ? (hi’o ato’a Alama 40:11–15).

’ītona nō te tahi atu mau rāve’a tauturu

Tē tahi atu mau rāve’a tauturu

Tē hōro’a nei te fa’anahora’a a te Atua i te hō’ē rāve’a nō tāna mau tamari’i pā’āto’a ’ia fāri’i i te ’evanelia.

’Ua ha’api’i te peresideni Henry B. Eyring ē :

« ’O te tahi noa nūmera iti o te mau tamariʼi a te Atua e noaʼa ia rātou, i roto i teie oraraʼa, te hōʼē ʼiteraʼa mau nō te ʼōpuaraʼa a te Atua, ’e tae noa atu nō te mau ʼōroʼa ʼe te mau fafauraʼa o te autahu’ara’a ’o tei ʼohipa hope roa i te mana tāraʼehara a te Fa’aora i roto i tō tātou oraraʼa…

« E faʼariro paha te tahi i te reira ʼei mea tano ʼore. E rave atoʼa paha rātou i te reira ʼei fa’a’itera’a ē ʼaore e ʼōpuaraʼa, ʼaore e mau tītauraʼa taʼa ʼē nō te faʼaoraraʼa—ma te manaʼo ē eʼita te hōʼē Atua parautiʼa ʼe te aroha e haʼamau i te hōʼē ʼōpuaraʼa e roaʼa noa i te tahi tufaʼa iti o tāna mau tamariʼi. E faʼaoti paha te tahi ē ’ua faʼaoti ātea te Atua ʼo vai tāna mau tamariʼi tāna e faʼaora ma te hōroʼa atu i te ʼevanelia ia rātou, te tahi tei ʼore roa atu i faʼaroʼo i te ʼevanelia ’aita ïa rātou i ‘mā’itihia’.

« ’Ua ʼite rā ʼoutou ʼe ʼo vau nei, maoti te mau parau mau tei faʼahoʼihia mai nā roto i te peropheta Iosepha Semita, e mea hau atu te here ʼe te tiʼa i roto i te ʼōpuaraʼa a te Atua. E hinaʼaro rahi tō tō tātou Metua i te Ao ra i te haʼaputuputu ʼe i te haʼamaitaʼi i te tāʼātoʼaraʼa o tōna ʼutuāfare. Noa atu ’ua ʼite ʼoia ē eʼita te tāʼātoʼaraʼa e māʼiti ’ia haʼaputuputuhia rātou, e hōroʼa tāna ʼōpuaraʼa i tāna mau tamariʼi tātaʼitahi i te rāveʼa nō te fāriʼi ʼaore rā nō te pātoʼi i tāna aniraʼa » (« Ha’aputuputura’a i te ’utuāfare o te Atua », Ensign ’e ’aore rā Liahona, Mē 2017, 20–21).

Ha’amaita’ira’a i tā tātou ha’api’ira’a

’A fa’a’ohipa i te mau parau a te mau peropheta. « Te mau pāpa’ira’a mo’a ’e te mau parau a te mau peropheta nō te ’anotau hope’a nei ’e te mau ’āpōsetolo, ’o te puna ïa nō te mau parau mau tā tātou e ha’api’i. I te mau taime ato’a, ’a fa’auru i te feiā tā ’outou e ha’api’i nei ’ia fāriu atu i ni’a i te parau a te Atua nō te arata’ira’a » (Ha’api’ira’a mai tā te Fa’aora, 21).