Mai, pe’e mai
17–23 nō tiunu. Mataio 27 ; Mareko 15 ; Luka 23; Ioane 19 : ‘’Ua oti’

« 17–23 nō tiunu. Mataio 27 ; Mareko 15 ; Luka 23 ; Ioane 19 : ‘’Ua Oti’ » Mai, pe’e mai—Nō te Ha’api’ira’a Sābati : Faufa’a ’Āpī 2019 (2019)

« 17–23 nō tiunu. Mataio 27 ; Mareko 15 ; Luka 23 ; Ioane 19 », Mai, pe’e mai—Nō te Ha’api’ira’a Sābati : 2019

Hōho’a
Te Mesia i mua ia Pilato

Ecce Homo, nā Antonio Ciseri

17–23 nō tiunu.

Mataio 27 ; Mareko 15 ; Luka 23 ; Ioane 19

« ’Ua oti »

’A ha’amata i tā ’outou fa’aineinera’a nō te ha’api’i nā roto i te tai’ora’a nā roto i te pure Mataio 27 ; Mareko 15 ; Luka 23 ; ’e Ioane 19. ’A ha’amana’o ē, ’e nehenehe ’outou e fa’a’ite i te ’itera’a pūai nō ni’a i te Fa’aora ’e tāna tāra’ehara ’a ora parau-ti’a ai ’outou i te Vārua.

’A pāpa’i i tō ’outou mana’o

Hōho’a
tāpa’o nō te fa’a’itera’a

’A ani ’ia fa’a’ite mai

E riro ’ei tauturu te pāpa’ira’a i ni’a i te tāpura te tahi mau parau ’e ’aore rā mau pereota nō te fa’aha’amana’o i te mau pīahi i te mau ’ohipa i tupu ’e tei fa’a’itehia i roto i te mau pene nō teie hepetoma. ’A ani i te mau pīahi ’ia pāpa’i i ni’a i te tāpura te tahi mau parau o te fa’a’ite mai i tō rātou mau mana’o ’a tai’o ai rātou i teie mau ’ohipa tei tupu. Nō te aha rātou i mana’o ai i te reira ?

Hōho’a
tāpa’o nō te ha’api’ira’a

Ha’api’i i te ha’api’ira’a tumu

Mataio 27 ; Mareko 15 ; Luka 23 ; Ioane 19

’Ua fa’a’ite mai te hina’aro ’ia māuiui ’o Iesu Mesia tōna here i te Metua ’e ia tātou pā’āto’a.

  • Nō te tauturu i te mau pīahi ’ia hāro’aro’a e nāhea te mau ’ā’amu nō te pohera’a ’o te Fa’aora i te fa’a’ite mai i tōna here, ’a tāmata i teie ’ohipara’a : ’A hōro’a atu i te pīahi tāta’itahi te hō’ē ’api parau mai te hōho’a o te māfatu, ’e ’a ani ia rātou ’ia pāpa’i i ni’a i tā rātou māfatu te hō’ē pereota nō roto mai i te 1 Korinetia 13:4–7 o tē fa’a’ite mai i te huru o te aroha. ’A ani ia rātou i muri iho ’ia ’imi i roto i te Mataio 27 ; Mareko 15 ; Luka 23 ; ’e ’aore rā Ioane 19 ’e ’ia pāpa’i i ni’a i te tahi pae o tā rātou māfatu te tahi mau ’īrava o tē fa’a’ite mai e nāhea tō te Fa’aora fa’a’itera’a i te aroha tei fa’a’itehia i roto i te pereota tā rātou i mā’iti. ’Ia fa’a’ite mai rātou e aha tā rātou i ’ite. E aha te mau mea tei tupu ia rātou tei tauturu i te mau pīahi ’ia ta’a maita’i i te here ’o te Fa’aora ?

    Hōho’a
    hei rā’au taratara

    ’Ua « ha’une ihora te mau faehau i te hō’ē hei rā’au taratara, ’e tu’u atura i ni’a iho i tāna upo’o » (Mareko 15:17).

  • E aha ïa tā ’outou e rave nō te fa’aitoito i te mau pīahi ’ia fa’a’ite i tō rātou ’itera’a pāpū nō te mau mea tā rātou i ha’api’i mai i teie hepetoma ? ’A feruri i te ani i te mau pīahi ’ia ’imi i te hō’ē hīmene o tē fa’a’ite ra i te mau mea tei tupu tā rātou i tai’o ’e ’aore rā, tō rātou mana’o nō ni’a i te mamae ’e te fa’asātaurora’a ’o te Fa’aora. ’A feruri i te hīmene ’āmui te hō’ē ’e aore rā hau atu o teie mau hīmene. Nāhea te tuatāpapara’a i te mau hora hope’a ’o te Fa’aora e fa’auru ai ia tātou ’ia ti’aturi ’e ’ia pe’e atu iāna ?

  • E nehenehe te mau hōho’a peni e tauturu i te mau pīahi ’ia hi’o i te tahi o te mau ’ohipa i tupu tā rātou i tai’o i teie hepetoma (’a hi’o « Te tahi atu mau rāve’a tauturu » nō te mau hōho’a). Penei a’e e nehenehe ia ’outou e tāpupu i te piha ’e ’ia hōro’a atu i te pupu tāta’itahi te hō’ē hōho’a. E nehenehe tā te mau pupu e tai’o ’āmui i te mau ’īrava o tē fa’a’ite ra i te mea e fa’a’itehia ra i roto i tā rātou hōho’a. E nehenehe tā rātou e tuatāpapa i te aura’a o te mau ’īrava ’e ’ia fa’a’ite mai e nāhea te hōho’a e tauturu ai ia rātou i ta’a maita’i atu ā i te mau ’īrava. E nehenehe tā te pupu tāta’itahi e fa’a’ite atu i te mau pīahi i tō rātou mana’o. E nehenehe ato’a ’outou e feruri e fa’a’ite atu i te mau video « ’Ua fa’ahapahia ’o Iesu i mua ia Pilato » ’e « ’Ua hāmani-ino-hia ’e ’ua fa’asātaurohia ’o Iesu » (LDS.org).

  • E’ita e noa’a ia ’outou i te tuatāpapa i te tā’āto’ara’a ’e te mau pīahi nō ni’a i te mau hora hope’a ’o te Fa’aora, tē vai ra rā te hō’ē ’ohipara’a o te nehenehe e tauturu ia ’outou ’ia tuatāpapa i te mau mea faufa’a rahi nō te mau pīahi. ’A ani i te pīahi tāta’itahi ’ia mā’iti i te hō’ē pene i roto i te tai’ora’a nō teie hepetoma ’e ’ia rave i te tahi nau minuti nō te hi’opo’a i te reira, nō te ’imi i te hō’ē parau, te hō’ē pereota, ’e ’aore rā te hō’ē ha’amāramaramara’a o tē ha’api’i mai ia rātou i te tahi mea faufa’a rahi nō ni’a i te Fa’aora ’e tāna misiōni. ’A hōro’a atu ia rātou te mau rāve’a ’ia fa’a’ite mai i te mea tā rātou i ’ite ’e ’ia tātara mai nō te aha ’e mea faufa’a te reira nō rātou.

Mataio 27:14–60

’Ua ’ite ātea te mau peropheta tahito i te mamae ’e te fa’asātaurora’a ’o te Fa’aora.

  • E nehenehe te fa’aro’o ’o te mau pīahi i te ha’apūaihia ’ia ’ite ana’e rātou ē ’ua tohu a’ena te mau peropheta tahito i te mau ’ohipa e rave rahi tei tupu i te mau hora hope’a ’o te Fa’aora. Te hō’ē rāve’a nō te tauturu i te mau pīahi ’ia hi’o fa’ahou i teie mau tohura’a ’e ’ia hi’o i te huru o tō rātou tupura’a, o te hōro’ara’a ïa i te pīahi tāta’itahi te hō’ē ’e ’aore rā hau atu o te mau pāpa’ira’a mo’a i roto i « Te tahi atu mau rāve’a tauturu » ’e ia ani ia rātou ’ia ’imi i te mau ’īrava i roto ia Mataio 27 o tē fa’a’ite mai i te huru o te tupura’a o te mau pāpa’ira’a mo’a. E nehenehe tā ’outou e hāmani i te hō’ē tāpura e tano i te mau tohura’a ’e tō rātou tupura’a. E nehenehe tā ’outou e parau i te mau pīahi ’ia pāpa’i i te mau ’īrava tē vai ra te mau tohura’a i te hiti o tā rātou mau pāpa’ira’a mo’a i roto Mataio 27. E aha tā tātou i ’apo mai nā roto mai i teie mau tohura’a ? Nāhea teie mau tohura’a i te ha’apūai i tō tātou fa’aro’o ia Iesu Mesia ?

Mataio 27:27–49 ; Mareko 15:16–32 ; Luka 23:11, 35–39 ; Ioane 19:1–5

E’ita e noa’a i te pae pāto’i ia tāpe’a i te ’ohipa ’a te Atua.

  • ’Ua fa’aruru paha te tahi o tā ’outou mau pīahi i te pāto’ira’a—mai te ha’avāhia ’e ’aore rā te vahavahahia—’a fa’a’ite ai rātou i tō rātou ti’aturira’a ’e ’aore rā ’a tāmata ai rātou ’ia ora i tō rātou fa’aro’o. ’A feruri i te ha’amata i tā’outou tau’ara’a parau ma te ani atu i te tahi mau pīahi ’ia fa’a’ite mai i tō rātou ’itera’a ’a tupu ai teie pāto’ira’a. Nāhea rātou i te pāhonora’a atu ? ’A ani i te mau pīahi ’ia tai’o i te tahi o teie mau ’īrava i roto ia Mataio 27 ; Mareko 15 ; Luka 23 ; ’e Ioane 19 o tē fa’a’ite ra i te hāmani-’ino-ra’a tā te Fa’aora i fa’aruru. E aha te mau huru pāto’ira’a tā te ’ohipa ’a te Atua e fa’aruru nei i teie mahana ? E aha tā tātou ’e nehenehe e ha’api’i mai nā roto mai i te mau pāhonora’a ’a te Fa’aora, o te nehenehe e tauturu ia tātou i mua i te pāto’ira’a i teie mahana ? Teie te tahi atu mau pāpa’ira’a mo’a o te nehenehe e tauturu ia tātou ’ia fa’aruru ana’e tātou i te pāto’ira’a Mataio 5:10 ; Roma 12:14 ; 2 Timoteo 3:10–12 ; Alama 1:19–28 ; ’e 3 Nephi 12:10–12. ’E aha tā tātou i ’apo mai nā roto mai i teie mau ’īrava ?

Luka 23:34–43

’Ua pūpū mai te Fa’aora ia tātou te ti’aturira’a ’e te fa’a’orera’a hara.

  • E tauturu ānei te reira i tā’outou mau pīahi ’ia tai’o i te ’ā’amu nō te anira’a te Fa’aora i te Metua ’ia fa’a’ore mai i te hara ’a te mau faehau ’e ’ia pūpū i te ti’aturira’a i te ta’ata ’eiā i ni’a i te sātauro ? ’A feruri i te vāhi i te piha i roto e piti pupu ’e ’ia fa’ata’a i te hō’ē pupu ’ia tai’o Luka 23:34–38 (e tae noa atu i te ’īrava 34, fa’ahorora’a c, o tē hōro’a mai i te ha’amāramaramara’a nō roto mai i te ’īritira’a ’a Iosepha Semita) ’e i te tahi pupu ’ia tai’o Luka 23:39–43. E nehenehe te mau pīahi nō te pupu tāta’itahi e tāu’aparau i te mea tā rātou i ’apo mai nō ni’a i te Fa’aora nā roto mai i teie mau ’īrava ’e ’ia fa’a’ite mai i tō rātou mana’o i te tā’āto’ara’a o te piha. Nāhea tātou i te pe’e i te hi‘ora’a maita’i ’o te Fa’aora ?

  • Nō te tauturu i te mau pīahi e fifi ra i te fa’a’ore i te hapa ’a vetahi ’ē mai tā Iesu i rave, ’a feruri i te fa’a’ite atu i te fa’ahitira’a ’a Elder Jeffrey R. Holland i roto « Te tahi atu mau rāve’a tauturu ».

Hōho’a
tāpa’o nō te ha’api’ira’a.

Fa’aitoito i te ha’api’ira’a mai i te fare

Nō te fa’aitoito i te mau pīahi ’ia tai’o Mataio 28 ; Mareko 16 ; Luka 24 ; ’e Ioane 20–21 i roto i te hepetoma i mua atu, ’a ani ia rātou ia feruri i te mea tā rātou e parau atu i te tahi ta’ata o te parau mai, « e ti’a iā’u ’ia ’ite mata hou ’a ti’aturi ai ». ʼA parau atu ia rātou ē{1478}ʼe

Hōho’a
tāpa’o nō te mau rāve’a tauturu

Te tahi atu mau rāve’a tauturu

Mataio 27 ; Mareko 15 ; Luka 23 ; Ioane 19

Te mau hōho’a nō te hāmani-’ino-ra’a, te mamae, ’e te pohera’a ’o Iesu.

Te mau tohura’a tahito nō ni’a i te tāmatara’a ’e te pohera’a ’o Iesu Mesia.

Te hi‘ora’a maita’i ’o te Fa’aora nō ni’a i te fa’a’orera’a hara.

’Ua ha’api’i mai ’o Elder Jeffrey R. Holland :

« Piri atu i tā tātou iho tītaura’a ’ia tātarahapa o te maita’i ïa ’ia vaiiho ia vetahi ’ē ’ia nā reira ato’a—e ti’a ia tātou ’ia fa’a’ore i te hara mai ia tātou i fa’a’orehia. Nō te reira, tē rave nei tātou i te tumu mau o te tāra’ehara a Iesu Mesia. E mea pāpū, te taime hanahana roa nō taua faraire ’oto ra, ’a rūrūtaina ai te natura ’e ’a mahae ai te pāruru o te hiero, o taua taime aroha ïa ’e ’ore roa e noa’a i te fa’ahitihia ’a parau ai te Mesia, ‘e ta’u Metua, ’e fa’a’ore mai i tā rātou hara, ’aore ho’i rātou i ’ite i tā rātou e rave nei’,’Ei arai nō tātou i mua i te Metua, tē tāparu noa ra ā ’oia i teie mahana—nō tātou ’e nō’u nei.

« I ’ō nei, e i roto i te mau mea ato’a, ’ua ha’amau Iesu i te fāito nō tātou ’ia pe’e. E mea poto roa te orara’a nō te ha’amau’a i te fa’atupura’a i te mana’o ’ino’ino… ’Aita tātou e hina’aro ’ia ha’amana’o te Atua i tā tātou mau hara, nō reira te vai nei te tahi mea hape roa i roto i tō tātou tāmatara’a i te ha’amana’o i te mau hara a vetahi ’ē » (« The Peaceable Things of the Kingdom », Ensign, Novema 1996, 83).

Ha’amaita’i i tā tātou ha’api’ira’a

’A huti mai i te pūai nō ō mai i te Fa’aora ra. « I roto i tā ’outou tauto’ora’a ’ia ora ’e ’ia ha’api’i mai tā te Fa’aora, e’ita ’outou e manuia roa i te tahi taime. ’Eiaha e ha’aparuparu ; ’a vaiiho rā i tā ’outou mau hape ’e mau paruparu ’ia fa’ahuri atu ia ’outou i te Metua i te Ao ra ’e i te Fa’aora ra » (Ha’api’ira’a mai tā te Fa’aora, 14).

Nene’i