Mpangilio wa Kufundisha

Katika nyenzo hii, utakuta mpangilio ufuatao umerudiwa katika kila muhtasari: alika kushiriki, fundisha mafundisho, na himiza kujifunza nyumbani. Katika hali nyingi, unapofundisha, msingi wa mpangilio huu unaweza kuingiliana au kutokea katika taratibu tofauti. Kwa mfano, fikiria kwamba kushiriki ni nafasi ya kufundisha mafundisho, na kufundisha mafundisho kutahusisha mialiko ya kushiriki. Kadhalika, kuhimiza kujifunza nyumbani kunaweza kutokea kote katika mazungumzo ya darasa. Ruhusu kuingiliana huku kutokee kwa uhalisi, kufuatana na vishawishi vya Roho kukidhi mahitaji ya watu unaowafundisha.

Alika Kushiriki

Kama sehemu ya kila darasa, waalike washiriki wa darasa washiriki umaizi na uzoefu waliokuwa nao wiki nzima iliyopita walipojifundisha maandiko kama watu binafsi na familia na kutumia kile walichojifunza. Wasaidie washiriki wa darasa waone kwamba kujifunza kwao binafsi nje ya darasa ni muhimu. Kuongoka kwao binafsi kutakuja sio tu kupitia mafunzo ya Jumapili bali pia kupitia uzoefu wao wa kila siku. Wakati washiriki wa darasa wanaposikia uzoefu wa wenzao, kuna uwezekano mkubwa wa kupata mwongozo wa kutafuta uzoefu kama huo wao wenyewe.

Sio kila mmoja atakuwa ameshasoma sura za kila somo, na hata baadhi wale waliosoma wanaweza kuhisi hofu katika kushiriki. Hakikisha washiriki wote wa darasa wanahisi kuwa sehemu ya thamani ya darasa, kama kitu fulani cha kushiriki au la.

Fundisha Mafundisho

Wewe na washiriki wa darasa wako mnapaswa kulenga kwenye mafundisho—kweli za milele za injili—zinazopatikana katika vifungu vya maandiko vilivyopangwa. Unapojadili mafundisho kutoka kwenye maandiko, ni aya gani, dondoo gani, uzoefu, maswali, na nyenzo za ziada unazoweza kushiriki? Unawezaje kutumia nyenzo hizi kuwasaidia washiriki wa darasa kugundua na kuelewa kanuni za injili? Unaweza kufanya nini kuwahimiza washiriki wa darasa kuandika na kufanyia kazi mawazo na vishawishi wanavyopokea?

Himiza Kujifunza Nyumbani

Mwishoni mwa somo, chukua muda mfupi kupitia kwa kifupi mazungumzo ya wiki ijayo. Fikiria jinsi ya kuwapa mwongozo washiriki wa darasa kuendelea kujifunza kutoka katika Agano Jipya nyumbani, yote kibinafsi na pamoja na familia zao.