26 Desanm–1 Janvye

Nou Responsab Pwòp Aprantisaj Nou

Pandan w ap li ak medite sou pasaj ekriti ki nan plan leson sa a, ekri enpresyon espirityèl ou resevwa yo. Sa ap envite Lespri a nan preparasyon w lan Vini, Suiv Mwen—Pou Moun yo ak Fanmi yo ak ide sa yo ka ede w enspire moun ki nan klas ou a pou yo etidye Nouvo Testaman an ane sa a.

Envite Pataj

Youn nan objektif ou yo kòm enstriktè se pou w ankouraje manm klas la pou yo aprann nan ekriti yo pou kont yo e avèk fanmi yo. Tande eksperyans lòt moun ka enspire yo pou yo chèche fè pwòp eksperyans pa yo. Konsa, nan kòmansman chak klas, mande manm klas la pou yo pataje ekriti yo te jwenn nan etid yo a ki te enspire yo oubyen enpresyone yo.

Anseye Doktrin nan

Aprann mande pou nou aji ak lafwa.

• Kijan w ka enspire manm klas ou a pou yo jwe yon wòl pi aktif nan aprantisaj yo a, olye pou yo plase tout responsablite a sou enstriktè a? Men yon ide. Voye yon bagay mou bay yon manm klas la ke ou te deja mande pou l pa fè efò pou l atrap li. Itilize aktivite sa a pou w kòmanse yon diskisyon sou wòl moun ki ap aprann yo ak enstriktè yo nan aprantisaj levanjil la. Antanke moun ki ap aprann, kijan nou “catch” sa yo anseye nan klas la? Deklarasyon nou jwenn nan “Resous Adisyonèl yo”” ta kapab ede nan diskisyon sa a.

• Tout manm klas la gen responsablite pou yo envite Lespri a nan klas la. Pou ede manm klas la konprann bagay sa a, mande yo pou yo li Alma 1:26 ak Doktrin ak Alyans 50:13–22; 88:122–23 epi pale de kisa enstriktè yo ak manm klas la ka fè pou envite Lespri a. Li tap itil pou yo ekri repons yo sou tablo a anba tit tankou sa yo: Sa enstriktè a ka fè ak Sa moun ki ap aprann yo ka fè. Manm klas la ta kapab kreye yon afich avèk repons yo ki ta kapab afiche pandan kèlke semèn ki gen pou vini yo?

Nou bezwen konnen verite a pou tèt pa nou.

• Anpil pasaj nan Nouvo Testaman an anseye prensip ki ka gide rechèch nou pou laverite. Pami egzanp yo genyen Lik 11:9–13; Jan 5:39; 7:14–17; ak 1 Korentyen 2:9–11. Ou ta ka envite manm klas ou a ki li pasaj sa yo nan etid pèsonèl yo pou yo pataje sa yo te aprann. Oubyen ou ta kapab li pasaj sa yo kòm yon klas epi envite manm klas la pou yo di kijan yo te jwenn temwayaj yo.

  

  Chèche aprann pa lafwa ap ede nou vin genyen pwòp temwayaj pèsonèl pa nou.

• Travay 17:10–12 dekri Sen ki te sonde ekriti yo e ki te jwenn pwòp temwayaj pa yo sou laverite. Pou ankouraje manm klas la suiv egzanp moun sa yo, li vèsè sa yo ansanm epi envite yo pou yo pataje pasaj ekriti ki ranfòse temwayaj yo sou levanjil la.

Kijan nou ka fè etid ekriti nou yo vin pi siyifikatif?

• Devlope abitid etid ekriti yo kapab difisil pou manm klas la ki santi yo pa gen ase tan, konpreyansyon oswa talan. Kisa w ka fè pou ede yo gen siksè? Pou ede manm klas la gen asirans pou yo etidye ekriti yo, ou ta kapab pataje enfòmasyon ki soti nan “Ide pou amelyore Etid Ekriti Pèsonèl ou” nan Vini, Suiv Mwen—Pou Moun yo ak Fanmi yo. Petèt oumenm oubyen lòt manm nan klas la ta kapab pataje eksperyans nou te fè lè nou te itilize kèk nan ide sa yo oubyen lòt eksperyans siyifikatif nou te fè pandan nou t ap etidye ekriti yo. Ou ta kapab seleksyone yon chapit nan Nouvo Testaman an tou, epi eseye etidye l kòm yon klas ki itilize kèk nan ide sa yo.

Resous adisyonèl

Reklame konesans espirityèl pou tèt pa nou.

Pwofèt Joseph Smith te anseye: “Bagay Bondye yo gen gwo enpòtans; epi se sèlman avèk tan, eksperyans, ak panse ki fèt avèk swen, ki ki soti nan meditasyon e ki solanèl ke moun ka dekoukri yo. Gade non, lòm! Si w vle pou espri w mennen nanm ou nan sali, espri w dwe detire pou l monte byen wo jis nan dènye bout syèl yo epi ou dwe chèche byen epi kontanple abim ki pi fè fwa a, ak etandi etènii ki pi gwo a—ou dwe antre an kominikasyon avèk Bondye. Panse Bondye yo konbyen fwa pi diy ak pi nòb ke vye imajinasyon kè lòm!” (Enseignements des Présidents de l’Église: Joseph Smith [2007], 267).

Èldè David A. Bednar te eksplike: Si tout sa noumenm oswa mwenmen konnen konsènan Jezikri ak levanjil retabli L la se sa lòt moun anseye oswa di nou, enben se sou sab fondasyon temwayaj nou konsènan Limenm ak travay gloriye L la nan Dènye jou yo bati. Nou pa kapab sèlman konte sou oswa prete limyè levanjil ak konesans lòt moun —menm si yo se nou renmen ak kwè” (“Prepare pou Jwenn Tout Sa W Bezwen,” Lyawona, Me 2019, 102).

Amelyore ansèyman Nou

Rete konsantre sou doktrin nan. Asire w ke diskisyon nan klas ou a rete santre sou ekriti yo ak ansèyman pwofèt yo. Ou ka fè sa lè w poze kesyon tankou sa yo: “Ki verite levanjil nou aprann nan komantè nou sot tande yo?” oubyen “Èske yon moun ka pataje yon ekriti ki gen rapò avèk sa nou sot diskite a?” (Gade nan Anseye nan Fason Sovè a, 20–21.)