Meri im Elisabeh

Jānwōde 2–8

Matu 1; Luk 1

“En Pād Ippa Āinwōt Aṃ In Naan”

M̦okta jān am̧ riiti kakobaba in kein jipan̄ ko jet, riiti im kejōkļo̧kjeņ kōn Matu 1 im Luk 1, im je im̧we ko an jetōb ko am̧. Kōtļo̧k bwe Jetōb eo en tōl m̧aanjabpopo eo am̧. Innām etaļe ļōmņak ko ilo unin tōl in im ilo Itok, Ļoor Eō—N̄an Kajjojo Armej im Baam̧le Ko.

pija ej bōk jikin kwaļo̧k

Kajjitōk bwe ren Kwaļo̧k

Unleplep eo an Matu, Luk, im rijeje ro jet an Gospel eo raar n̄an kam̧ool bwe Jisōs Kraist ej Nejin Anij. Leļo̧k n̄an ro uwaan kūlaaj eo jejjo minit ko n̄an etale Matu 1 ak Luk 1 im kwaļo̧k juon eoon eo me ej kalōk tōmak eo aer lo Jisōs Kraist. Elmakote n̄an kūlaaj eo bwe ilo aer ekkatak Kallim̧ur Ekāāl iiō in, remaron̄ kōm̧m̧ane juon laajrak in eoon ko me rej kam̧ool bwe Jisōs Kraist ej Nejin Anij. Em̧ool kom̧ maron̄ kōm̧m̧ane laajrak in juon kūlaaj.

pija eo ej bōk jikin katakin

Katakin Katak eo

Matu 1:18–25; Luk 1:5–80

Jemedwōj Ilan̄ ej jerbal kōn ajri ro Nejin ajri ro Nejin retiljek n̄an kadedeļo̧k jibadbad ko An.

• Ro uwaan kūlaaj eo emaron̄ wōr ippāer en̄jake ko eļap meļeļeier ilo aer ekkatak Kallim̧ur Ekāāl ilo iiō in eļan̄n̄e rej ekkatak men ko jān en̄jake ko an armej ro rej riit kake er. N̄an jipan̄ er menin, kwomaron̄ je āt ko etan armej ro ilo Matu 1 im Luk 1 ioon boot eo, ippānļo̧k eoon in jipan̄ ko kōn rein kajjojo, āinwōt kein:

  • Meri (Luk 1:26–56)

  • Josep (Matu 1:18–25)

  • Elisabet (Luk 1:5–7, 24–25, 40–45, 57–60)

  • Zakeraias (Luk 1:5–23, 59–64)

  Ta eo jemaron̄ ekkatak jān bwebwenato kein me renaaj jipan̄ kōj raninin?

• N̄an jipan̄ ro uwaan kūlaaj eo kam̧wilaļļo̧k aer ļōmņak kōn Meri im jerbal eo an ilo karōk eo an Jemed, kwomaron̄ kwaļo̧k pija in alooj ko “An Angel Foretells Christ’s Birth to Mary” im “Mary im Elisabeth Rejoice Together” (ChurchofJesusChrist.org). Ak kwom̧ maron̄ riiti ippān doon Luk 1:26–38, 46–56, kappukōt men ko Mary ekar ba me rej kwaļo̧k juon men kōn m̧wil eo m̧wilin. Ta eo jej bar ekkatak jān Meri?

Luk 1:5–25

Kōjeraam̧m̧an ko an Anij rej itok ilo iien eo An make.

• Emaron̄ wōr armej ro ilo kūlaaj eo am̧ me, rej āinwōt Elisabet im Zakeraias, rej mour jimwe im n̄an kiiō rejjan̄in bōk juon kōjatdikdik kōn kōjeraam̧m̧an. Ļōmņak in kajjitōk ippān kūlaaj eo n̄an etale Luk 1:5–25, kappukōt katak ko remaron̄ ekkatak jān Elisabeth im Zakeraias kōn kōttar Irooj. Ta waanjon̄ak ko jet an kōttar iien eo an Irooj emaron̄ jipan̄ ro uwaan kūlaaj eo kwaļo̧k jān mour ko aer make ak jān bwebwenato ko ilo jeje ko rekwojarjar? Ta eo jej ekkatak jān waanjon̄ak kein? Ro uwaan kūlaaj eo remaron̄ barāinwōt ekōnono kōn naan ilo “Kein Jipan̄ ko Jet.”

Luk 1:26–38

“Ippān Anij ejjeļo̧k men en epen.”

• Ro uwaan kūlaaj eo maron̄ jet iien ļōmņak—āinwōt kar Meri—ekōjkan an karōk ko an Anij n̄an er ak kallim̧ur ko n̄an er remaron̄ in kūrm̧ool. N̄an jipan̄ ro uwaan kūlaaj eo meļeļe bwe kōn kajoor eo an Anij aolep men repidodo, kwomaron̄ kwaļo̧k pija eo Kōjjeļā Eo: Enjeļ Gabriel Ej waļo̧k n̄an Meri (Bok in Gospel Pija, nōmba. 28) im kajjitōk ippāer n̄an riiti ippān doon Luk 1:26–38. Ta eo jemaron̄ ekkatak jān anjo̧ ioon men eo āinwōt epen kōn ekkatak naan ko im jerbal ko an Meri? Kajjitōk ippān ro uwaan kūlaaj eo n̄an kwaļo̧k en̄jake ko me Anij ekar jipan̄ er kadedeļok juon men eo raar ļōmņak epen.

pija ej bōk jikin kein jipan̄ ko

Kein Jipan̄ ko Jet

Kōttar wōt Irooj.

Kile bwe elōn̄ iaad jej kajjitōk etke jej aikuj in kōttar kōjeraam̧m̧an ko an Anij, Elder Jeffrey R. Holland eaar ba:

“Uwaak eo n̄an kajjitōk rōt in ej ‘Aaet, Anij emaron̄ letok kabwilōn̄lōn̄ ko ilo juon wōt iien, ak ejjab to jān kiiō ak tokālik jej ekkatak bwe iien ko im season ko ilo iaļ in mour in ad ilo mour in rej An im An make n̄an kōjebwebweik.’ … Tōmak meļeļein lōke Anij ilo iien ko rem̧m̧an im ko renana, men̄e menin ekitbuuj jet en̄taan m̧ae jenaaj lo an kwaļok Pein. …

“… Ro rej ‘kōttare Irooj renaaj kōkāāl aer kajoor [im] renaaj jepeḷālōn̄ḷọk kōn peir āinwōt igōl ko; renaaj ettōr im jab ṃōk; … renaaj etetal im jab parōk’ [Aiseia 40:31; eoon eo kar kobaitok]. Ij jar bwe ‘jān im jān’—kiiō ak tokālik—kōjeraam̧m̧an ko renaaj itok n̄an aolepāmi kajjojo ro rej kappukot jipan̄ jān inepata ko im anjo̧ jān am̧ būrom̧ōj. Ij kwaļo̧k aō kam̧ool kōn iakwe an Anij im Jepļaaktok eo an gospel eo An eaiboojoj, eo ej juon wāween ak uwaak eo n̄an aolep jorrāān ko jej iooni ilo mour” (“Kōttare Wōt Irooj,” Liaona, Nob. 2020, 116–17).

Kōkōm̧anm̧anļo̧k Ad Katakin

Kōketak ro uwaan kūlaaj n̄an ekkatak jeje ko rekwojarjar ilo m̧weo. Juon wāween kwomaron̄ kōketak ekkatak jeje ko rekwojarjar ilo m̧weo ej n̄an iien n̄an ro uwaan kūlaaj eo n̄an kwaļo̧k men loi im kōļmenļo̧kjeņ ko jān ekkatak eo aer make im baam̧le (lale Teaching in the Savior’s Way, 29).