kōrā eo ej kwaļo̧k gospel eo ilo juon jikin iuwe im to an tūrein

Jānwōde 16–22

Jon 1

Kōm Kar Lo Messaia eo

Ilo am̧ riiti im kejōkļo̧kjeņ kōn John 1, jar kōn tōl eo ilo jetōb ilo eddo eo am̧ n̄an katakin kōn naan in kam̧ool eo an Jon. Rekoote imwe ko am̧ kwoj būki. Itok, Ļoor Eō—N̄an Kajjojo Armej im Baam̧le Ko im ļōmņak ko ilo unin tōl in remaron̄ jipan̄ eok im̧we armej or ilo kūlaaj eo am̧ meļeļe im kōjerbal katak keo ilo jepta in.

pija ej bōk jikin kwaļo̧k

Kajjitōk bwe ren Kwaļo̧k

N̄an jipan̄ ro uwaan kūlaaj eo kwaļo̧k ta eo rej ekkatak, kwomaron̄ kajjitōk ippāer n̄an je kajjitōk ko, kakobaba ko, ak kōļmenļo̧kjeņ ko jān aer riiti peba ewaidikdik ko im likūt er ilowaan juon nine. Kanōktok peba ewaidikdik ko jān nine eo n̄an ekōnono kaki āinwōt juon kūlaaj.

pija eo ej bōk jikin katakin

Katakin Katak eo

Jon 1:1–5

Jisōs Kraist ekar pād “ilo jinoin ippān Anij.”

• Ta eo Jon ekar katakin kōn Kraist ilo mour eo m̧okta? Etke ej aorōk n̄an jeļā kōn jerbal ko an Kraist eo ilo mour eo m̧okta? Emaron̄ in jipan̄ n̄an je kajjitōk kein ioon boot eo im kajjitōk ippān ro uwaan kūlaaj eo n̄an kappukōt uwaak ko ilo Jon 1:1–5 (lael bar Josep Smith Ukok, Jon 1:1–5 [ilo Bible appendix eo]; Moses 1:32–33; Topical Guide, “Jesus Christ, Antemortal Existence of”). Ro uwaan kūlaaj eo remaron̄ barāinwōt kwaļo̧k ta eo rej ekkaktak kōn jerbal ko an Kraist ilo mour eo m̧okta jān “Kraist Eo Emour: Nan in Kamol an Dri Jilōk ro” (ChurchofJesusChrist.org).

• Eļan̄n̄e kwoj kōņaan kōjerbal eoon kein n̄an kōnono kōn kōm̧anm̧an ko an Irooj, kwomaron̄ riiti Jon 1:3 im kwaļo̧k pija ko me rej jutak kōn aiboojoj eo an laļ in. Kwomaron̄ kwaļo̧k pija in alooj eo “Our Home” (ChurchofJesusChrist.org). Kajjitōk ippān ro uwaan kūlaaj eo n̄an kwaļo̧k kōm̧anm̧an ko an Rilo̧mo̧o̧r eo ejipan̄ er en̄jake iakwe eo An.

Jon 1:1–14

Jisōs Kraist ej Meram eo.

• Ļōmņak in kajjitōk ippān ro uwaan kūlaaj eo n̄an pukōt aolep waanjon̄ak ko kōn naan eo meram ilo Jon 1:1–14. Etke meram juon naan em̧m̧an n̄an kwaļo̧k kadkad in Jisōs Kraist? Ro uwaan kūlaaj eo remaron̄ kwaļo̧k ekōjkan an Rilo̧mo̧o̧r eo im gospel eo An letok meram in jetōb eo n̄an mour ko ad. Ejja m̧ōttan wōt iien ekōnono in, kwomaron̄ kajjitōk ippān ro uwaan kūlaaj eo n̄an riit eļapļo̧k kōn Meram eo an Kraist ilo Katak im Bujen Ko 84:45–46; 88:11–13, ak kwomaron̄ ba ren etal n̄an “Light of Christ” ilo Bible Dictionary eo. Ekōjkan ad maron̄ kwaļo̧k meram eo an Rilo̧mo̧o̧r eo ippān ro jet?

  meram in aļ ilo karōkan ļāā ko ilo bok

  Rilo̧mo̧o̧r eo im gospel eo An rej letok meram ilo jetōb.

• N̄an jipan̄ ro uwaan pijaikļo̧k ta eo kar katakin kōn Rilo̧mo̧o̧r eo ilo Jon 1, kwomaron̄ kwaļo̧k jejjo pija ko (ekoba juon eo jān laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko) me ej bōk jikin jekjek ko an mour eo an Jisōs Kraist im mijen eo ekwojarjar. Ro uwaan kūlaaj eo remaron̄ etale Jon 1:1–14, kappukōt naan ko ak eoon ko me maron̄ kōjerbali āinwōt taitōļ ko n̄an pija ko.

Jon 1:35–51

Jemaron̄ bōk kam̧ool eo ad make kōn Rilo̧mo̧o̧r eo innām kajjitōk ippān ro jet n̄an “itok im kom̧ naaj loe.”

• Ilo Jon 1, kūr eo n̄an “itok im kom̧ naaj loe” ej waļo̧k ruo alen (lale eoon 39, 46). Emaron̄ ejjeļo̧k ad iien n̄an lo Rilo̧mo̧o̧r eo ilo kanniōk āinwōt wāween eo Andrew im Nathanael raar, bōtaab jemaron̄ uwaake ejja kūr in wōt. Ta eo emaron̄ meļeļe in n̄an “itok im kom̧ naaj loe” ilo tōre in ad?

• Ro uwaan kūlaaj eo remaron̄ riiti Jon 1:35–51 im kwaļo̧k ta eo rej ekkatak jān eoon kein kōn kūr ro jet n̄an ekkatak kōn Kraist (lale barāinwōt “Kein Jipan̄ ko Jet” ak pija in alooj eo “Inviting Others to ‘Come and See’” ilo ChurchofJesusChrist.org). Remaron̄ barāinwōt kwaļo̧k ekōjkan aer kar lo wāween ko reļem waan im rej make waļo̧k n̄an kūr ro jet n̄an “itok im kom̧ naaj loe.”

pija ej bōk jikin kein jipan̄ ko

Kein Jipan̄ ko jet

Jemaron̄ kūr ro jet n̄an “itok im kom̧ naaj loe”

Elder Neil L. Andersen ekar katakin:

“Rilo̧mo̧o̧r ar katakin kōj ekōjkan kwaļo̧k gospel eo. Em̧m̧an ippa bwebwenato eo an Andrew, eo ar kajjitōk, ‘Rabbai, Kwoj pād ia?’ [Jon 1:38]. Jisōs emaron̄ kar uwaak kōn ijo Ej pād ie. Ak ijoke Eaar ba n̄an Andrew, ‘Itok im kom̧ naaj loe’ [Jon 1:39]. Ikōņaan ļōmņak bwe Rilo̧mo̧o̧r eaar ba, ‘tok im jab loe wōt ijo ij pād ie ak ekōjkan ijo ij pād ie. Itok im lo wōn N̄a. Itok im en̄jake Jetōb.’ Jejjab jeļā aolep men kōn tōre eo, ak jejeļā bwe ke Andrew ar lo eo jein Simon, eaar ba, ‘kōm̧ ar lo … Kraist’ [Jon 1:41].

“N̄an ro rej kwaļo̧k juon itok limo ilo bwebwenato ko ad, jemaron̄ ļoor waanjon̄ak eo an Rilo̧mo̧o̧r n̄an kūr tok er n̄an ‘itok im loe.’ Jet remaron̄ bōk kūr in ad, im ro jet reban. Jej aolep jeļā bwe juon emaron̄ bōk iien n̄an bōk kūr in n̄an ‘itok im lale’” (“Ej juon Kabwilōn̄lōn̄,” Liaona, Māe 2013, 79).

Kōkōm̧anm̧anļo̧k Ad Katakin

Jipan̄ rikkatak keidi jeje ko rekwojarjar n̄an er make. Ejja kūr in wōt Kraist ekar leļo̧k n̄an rikaļoor ro An—n̄an itok im kom̧ naaj loe—emaron̄ jipan̄ ro kwoj katakin ikdeelel n̄an ļoor Rilo̧mo̧o̧r eo. Kōketak rūkkatak ko n̄an kōjerbal pedped in katak ko loi ilo jeje ko rekwojarjar n̄an mour ko aer make im kajjitōk ippān ro jet n̄an kōm̧m̧ane āindein. (Lale 1 Nipai 19:23; Teaching in the Savior’s Way, 21.)