vodo kameli e tolu na tamata

Meda Rokovi Koya, mai vei Dana Mario Wood

9–15 ni Janueri

Maciu 2; Luke 2

Eda Sa Lako Mai meda Qaravi Koya

Ni bera ni ko wilika na vakasama ena ituvatuva oqo, vulica na Maciu 2 kei na Luke 2, ka vola na nomu vakauqeti vakayalo. Oqo ena vukea mo ciqoma na ivakatakila mo sotava vinaka kina na nodra gagadre na nomu kalasi.

ivakatakilakila ni veiwasei

Sureta na Veiwasei

O na vakayaloqaqataki ira vakacava na lewe ni kalasi mera wasea na veivakararamataki kei na veika era sotava ni ra vulica na ivolanikalou oqo vakai ira vata kei na nodra matavuvale? Dina ni ra kila tu na italanoa ni nona sucu na iVakabula ena Maciu 2 kei na Luke 2, e rawa mera na dau vakararamataki vou vakayalo. Sureta e vica na lewe ni kalasi mera wasea e dua na itukutuku era kunea ni vakauqeti ira ena dua na sala vou.

ivakatakilakila ni veivakavulici

Vakavulica na iVunau

Maciu 2:1–12; Luke 2:1–38

E levu tu na ivakadinadina ki na sucu i Karisito.

• Na kedra itukutuku na dausokalou ena Maciu 2:1–12 kei na Luke 2:1–38 e rawa ni vukei ira na lewe ni kalasi mera vakasamataka vakatitobu na sala mera vakaraitaka kina na nodra lomana na iVakabula. Taleva na ivolakabi ni ivakadinadina ni sucu i Karisito ena ituvatuva ni macawa oqo ena Lako Mai, Mo Muri Au—Baleta na Tamata Yadua kei na Matavuvale. Eso ena nomu kalasi era na rawa ni veivakararamataki mai na itaviqaravi oqo, se mo cakava vakalasi na itaviqaravi oqo. Na cava e bibi kina mera lako mai na vakadinadinataki Karisito ena ituvaki ni bula duidui? Eda na muria vakacava na nodra ivakaraitaki?

  na ivakatawa kei na sipi

  O iratou na ivakatawa a so vei ira na imatai ni vakadinadinataka na sucu ni iVakabula.

• Ni bera ni ra mai sokalou na ivakadinadina vua na gone na Karisito, era a vakasaqarai Koya taumada. Ni gadrevi mera vulica na kalasi na nodra ivakaraitaki, mo vola ena vava ni volavola na ulutaga oqo: iVakatawa,, Ana,, Simioni, kei iratou na Tamata Vuku. Mo qai sureta na lewe ni kalasi mera vakasaqara ena Maciu 2 kei na Luke 2 ka vola ena vava ni volavola era a vakasaqara vakacava o ira oqo na iVakabula. Na cava e vakatura na itukutuku oqo baleta na sala eso meda vakasaqara kina na Karisito?

Maciu 2:13–23

E rawa ni ra ciqoma na itubutubu na ivakatakila me taqomaka na nodra vuvale.

• Me tekivuna e dua na veivosaki ena nona dusimaki Josefa kei Meri na Tamada Vakalomalagi ena nodrau itavi vaka itubutubu ni iVakabula, sa rawa mo sureta na lewe ni kalasi mera vola ena vava ni volavola eso na veika rerevaki eda sotava tiko nikua. Na cava eda vulica mai na Maciu 2:13–23 baleta na sala meda kunea kina na veitaqomaki mai na veika rerevaki oqo? E sa vukei keda vakacava na noda ivakatakila meda taqomaka kina na noda matavuvale se noda daulomani mai na veika rerevaki? Na ivakasala cava era sa solia na parofita kei na iapositolo me vukea noda kunea na veitaqomaki vakayalo?

Luke 2:40–52

Ena gauna madaga vakaitabagone, a vakanamata tu o Jisu me vakayacora na lewa i Tamana.

• Na italanoa ni nona veivakavulici o Jisu ena valetabu ni se qai yabaki 12 ena rawa ni mana sara vei ira na itabagone era vakasamataka tiko na cau mera na cakava ki na cakacaka ni Kalou. Sa rawa mera veisa na kalasi ka wilika Luke 2:40–52 vata (raica na veivakararamataki ena iVakadewa i Josefa Simici ena Luke 2:46, ivakamacala era c ). Me rau veiwasei ena vica na miniti na veisa yadua na veika rau sa vakauqeti kina baleta na itukutuku oqo. Na madigi cava meda na taura meda wasea kina na ka eda sa kila tu baleta na kosipeli? Na veika cava eda sotava e rawa meda wasea?

• Na cava e vakavulica vei keda na Luke 2:40–52 baleta na itovo i Jisu ni a se itabagone kina? Na ivakarau ni tubu ni tamata yadua e vakaturi tiko ena Luke 2:52 ena vakauqeta me veivosakitaki na cava eda sa cakava tiko meda vakataka vakalevu kina na Karisito. Mo vakatura ki na lewe ni kalasi mera vakasamataka vakatitobu na nodra sa tubu cake tiko ena vuku (kila), ituvaki (vakayago), taleitaka na Kalou (vakayalo), ka taleitaka na tamata (veimaliwai). Sa rawa mera lalawataka e dua se so na ituvaki oqo. Kevaka o gadreva mo tomana e dua na veivosaki me baleta na noda yaco me vakataki Karisito ena veivanua oqo, vakabibi kevaka o vakavulici ira na itabagone, navuca mo vakayagataka na itukutuku ena “iKuri ni iVurevure.”

ivakatakilakila ni ivurevure

iKuri ni iVurevure

Me ra vukei na gone kei na itabagone me ra “tubu cake ko e na vuku kei na yagona talega, a sa vinakati koya vakalevu cake tikoga na Kalou kei ira talega na tamata.”

E vakamacalataka vaqo o Peresitedi Steven J. Lund na parokaramu ni Gonelalai kei na iTabagone, ka yavutaki e dua na tikina ena Luke 2:52:

“Na Gonelalai kei na iTabagone sa iyaya me vukea na gone yadua ena Lalai kei na iTabagone mera tubu vakatisaipeli ka rawata na rai ni vakabauta ena irairai ni bulamarau. Sa rawa mera na nanamaki ka gadreva na kedra vanua kei na ivakatakilakila ena salatu ni veiyalayalati, me kauti ira mera na papitaiso ka vakadeitaki ena isolisoli ni Yalo Tabu ka ra na taukeni ena kuoramu kei na kalasi ni Goneyalewa, era na vakila kina na reki ni vukei ira eso ena rawati ni bula veiqaravi sa Vakarisito. Era na tuva na takete, lelevu ka lalai, ka na veiraurau ki na nodra bula ni ra sa yaco mera vakataka cake na iVakabula” (“Kune Reki vei Karisito,” Liaona, Nove. 2020, 36–37).

Vakatorocaketaki ni Noda Veivakavulici

Okati ira na vuli era sega ni vuli ivolanikalou tiko e vale. Dina ga ni so na lewe ni kalasi era a sega ni wilika mai na Maciu 2 kei na Luke 2 ni se bera na kalasi, se rawa tikoga ni ra wasea eso na veika vakaibalebale ena kalasi. Raica me soli na madigi ki na kalasi taucoko mera vakaitavi ka cau ena veivosaki.