wasea na kosipeli e dua na marama ena ikelekele ni sitimanivanua

16–22 ni Janueri

Joni 1

Keitou sa Kunea na Mesaia

Ni o wilika ka vakasamataka vakatitobu Joni 1, masuta na veidusimaki vakayalo ena nomu itavi mo vakavulica na ivakadinadina nei Joni. Vola na veivakasama o ciqoma. Lako Mai, Mo Muri Au—Me Baleta na Tamata Yadua kei na Matavuvale kei na vakasama oqo ena vukea mo vakauqeta na nomu kalasi mera kila vinaka ka vakayagataki ni vunau ena wase oqo.

ivakatakilakila ni veiwasei

Sureta na Veiwasei

Me vukea na nodra wasea na lewe ni kalasi na ka era sa vulica, sa rawa mo kerea mera vola na taro, nanuma, se veivakararamataki mai na nodra wiliwili ena tiki ni pepa ka biuta ena dua na koniteina. Tara mai na veitiki ni pepa mai na koniteina mera veivosakitaka na kalasi.

ivakatakilakila ni veivakavulici

Vakavulica na iVunau

Joni 1:1–5

O Jisu Karisito e a tiko ena “ivakatekivu vata kei na Kalou.”

• Na cava e vakavulica o Joni me baleta na bula taumada i Karisito? Na cava e bibi kina meda kila na ilesilesi taumada i Karisito? Ena veivuke beka mo vola na veitaro oqo ena vava ni volavola ka kerei ira na lewe ni kalasi me ra vakasaqara na kena isau ena Joni 1:1–5 (raica talega na iVakadewa i Josefa Simici, Joni 1:1–5 [ena Bible appendix]; Moses 1:32–33; Topical Guide, “O Jisu Karisito, Mai na Bula Taumada nei”). Sa rawa mera wasea talega na lewe ni kalasi na veika era sa vulica baleta na itavi taumada i Karisito mai na “Se Bula na Karisito: Nodra iVakadinadina na iApositolo” (ChurchofJesusChrist.org).

• Ke o gadreva me veivosakitaki na veitikina oqo me baleta nona veibuli na Turaga, sa rawa me wiliki na Joni 1:3ka vakaraitaka na iyaloyalo ni veika totoka ni vuravura oqo. Sa rawa mo vakaraitaka na vidio “Our Home” (ChurchofJesusChrist.org). Sureta na lewe ni kalasi mera wasea na sala a veivuke kina na iVakabula mera vakila na Nona loloma.

Joni 1:1–14

O Jisu Karisito na Rarama.

• Sa rawa mo kerei ira na lewe ni kalasi me ra raica mai na veigauna kece e basika kina na vosa rarama ena Joni 1:1–14. Cava na vuna e vosa vinaka kina na rarama me vakamacalataki Jisu Karisito? Sa rawa mera wasea na lewe ni kalasi na sala e vakarautaka kina na iVakabula kei na Nona kosipeli na rarama vakayalo ki na nodra bula. Me tiki ni veivosaki oqo, e rawa mo sureti ira na lewe ni kalasi me ra wilika tale vakalevu na Rarama i Karisito ena Vunau kei na Veiyalayalati 84:45–46; 88:11–13, se mera raica na “Rarama i Karisito” ena iVolanivosa ni iVola Tabu. E rawa vakacava ni da wasea na nona rarama na iVakabula vei ira tale eso?

  na rarama ni siga ena veivatu e baravi

  Rau sa vakarautaka na iVakabula kei na Nona kosipeli na rarama vakayalo.

• Me vukei ira na lewe ni kalasi me ra raitayaloyalotaka na veika e vakavulica na iVakabula ena Joni 1, e rawa ni o vakaraitaka e vica na iyaloyalo (oka kina na kena ena ituvatuva ni macawa oqo ena Lako Mai, Mo Muri Au—Baleta na Tamata Yadua kei na Matavuvale) e vakaraitaka na ituvaki ni bula kei na ilesilesi vakalou i Jisu Karisito. Sa rawa vei ira na lewe ni kalasi mera vakasaqara ena Joni 1:1–14, na vosa kei na malanivosa eso e rawa ni ra ulutaga ni veiyaloyalo oqo.

Joni 1:35–51

Eda rawa ni vakadinadinataka na iVakabula vakai keda yadua ka sureta eso mera “lako mai ka raica.”

• Na veisureti ena Joni 1, mo “lako mai ka raica” e kunei vakarua (raica na tikina e 39, 46). Eda na sega beka ni raica vakayago na iVakabula me vakataki Adriu kei Nacanieli, ia eda rawa ni vakaio ki na veisureti vata o ya. Na cava beka na kena ibalebale me da “lako mai ka raica” ena noda gauna oqo?

• Sa rawa mera wilika na lewe ni kalasi na Joni 1:35–51 ka wasea na veika era sa vulica mai na veitikina oqo me baleta na nodra sureti na tani mera vulica na veika baleti Karisito (raica talega na “iKuri ni iVurevure” se na vidio “Sureti Ira Eso Tale mera ‘Lako Mai ka Raica’” ena ChurchofJesusChrist.org). Sa rawa talega mera wasea na sala era sa kunea kina na sala rawarawa ka matau mera sureti kina na tamata mera “lako mai ka raica.”

ivakatakilakila ni ivurevure

iKuri ni iVurevure

Eda rawa ni sureti ira mai eso mera “lako mai ka raica.”

E vakavulica o Elder Neil L. Andersen:

“Sa vakavulica vei keda na iVakabula na sala meda wasea kina na kosipeli. Au taleitaka na italanoa kei Adriu, ni a taroga, ‘Rapai, ko sa tiko mai vei?’ [Joni 1:38.]. A rawa sara ga vei Jisu me tukuna na vanua e vakaitikotiko kina. Ia a mani kaya ga yani vei Adriu, ‘Lako mai ka raica’ [Joni 1:39]. Au nanuma kina ni sa tukuna tiko na iVakabula, ‘Lako mai ka raica sega walega ni noqu itikotiko ia na ivakarau ni noqu bula. Lako mai ka raica o cei koi au. Lako mai mo vakila na Yalo.’ Eda sega ni kila na veika kece me baleta na siga ko ya, ia eda sa kila ni gauna a rai yani o Adriu me raici tacina o Saimoni, a kaya, ‘Keitou sa kunea … na Karisito’ [Joni 1:41].

“Kivei ira era taleitaka na noda veivosaki, eda sa rawa ni muria na ivakaraitaki ni iVakabula ena noda sureti ira me ra ‘lako mai ka raica.’ Eso era na ciqoma na noda veisureti, ka so ena sega. Eda kila taucoko e dua sa sureti oti vakavica ni bera ni ciqoma e dua na veisureti me ‘lako mai ka raica’” (“E Dua na Cakamana,” Liaona, Me 2013, 79).

Vakatorocaketaki ni Noda Veivakavulici

Vukei ira na vuli me ra vakatauvatana na ivolanikalou vei ira. Na veisureti vata ga i Karisito vei iratou na Nona tisaipeli—mera lako mai ka raica—ena vukei ira o vakavulica mera gadreva na muria na iVakabula. Vakayaloqaqataki ira era vuli tiko mera vakayagataka na ivakavuvuli e tiko ena ivolanikalou ki na nodra dui bula ka sureta eso mera cakava vakakina. (Raica na 1 Nifai 19:23; Veivakavulici ena iVakarau ni iVakabula,21