Jisas i stap stanap long waelples

Go long Waelples, i kam long Eva Koleva Timothy

30 Jenuware–5 Febwari

Matiu 4; Luk 4–5

“Paoa blong Spirit blong Lod I Kam Fulap Mi”

Taem yu stadi long Matiu 4 mo Luk 4–5, raetemdaon ol tingting mo filing blong yu long saed blong spirit. Hemia bae i invaetem insperesen blong olsem wanem bae yu save gud wanem ol memba blong klas blong yu oli nidim. Maet yu save tingting blong yusum Kam Folem Mi—Blong Wanwan Man, Woman mo Famli mo tu aotlaen ia blong faenem moa aedia.

serem pikja aekon

Invaetem Ol Memba blong Serem Wanem Oli Gat

Riding blong wik ia i kam wetem sot toktok ia: “Oli sapraes long Hem, from we tok blong hem i gat paoa” (Luk 4:32; luk tu long Mak 1:22). Invaetem ol memba blong klas blong serem ol ves long Matiu 4 mo Luk 4–5 we i helpem olgeta blong filim paoa blong doktrin ia long laef blong olgeta.

tijing aekon

Stap Tijim Doktrin

Matiu 4:1–11; Luk 4:1–13

Papa long Heven i givim long yumi paoa mo ol wei blong stanap strong agensem temtesen.

• Storian blong Sevya we i stanap strong agensem Setan i save helpem ol memba blong klas blong luksave ol wei we Setan i yusum blong temtem olgeta. Ol memba blong klas oli save jusum wan long temtesen long Matiu 4:1–11 o Luk 4:1–13 mo tingting long wan temtesen blong dei blong tedei, we i go wetem temtesen ia (sot toktok we i stap long “Sam Moa Risos” maet i save help). ?From wanem save ia se Sevya i fesem ol semmak temtesen we yumi stap fesem, i save helpem yumi fesem olgeta we yumi stap fesem tedei? ?From wanem Kraes i save olsem wanem blong stopem temtesen? Blong folem ol narafala eksampol blong ol pipol we oli stanap agensem temtesen blong Setan insaed long skripja, luk long Jenesis 39:7–20; 2 Nifae 4:16–35; mo Moses 1:10–22.

• ?Wanem i save helpem ol memba blong klas blong stanap agensem temtesen? Yu save askem olgeta blong luklukbak long Matiu 4:1–11 o Luk 4:1–13 blong lanem olsem wanem save blong Sevya long ol skripja i bin helpem Hem blong ansarem Setan, taem Hem i talem, “Baebol i talem se.” Givim taem long ol memba blong klas blong luk andanit long toktok ia “Temtesen” long churchofjesuschrist.org blong faenem ol skripja we oli save givim paoa long olgeta taem oli fesem temtesen.

Luk 4:16–32

Jisas Kraes i Mesaea ia we oli talem se bae i kam.

• Blong helpem ol memba blong klas blong andastanem gud stori ia we i stap long Luk 4:16–32, yu maet eksplenem se taetol ia Mesaea mo Kraes tugeta i minim “hem we God i bin jusum.” Taem klas i rid long Luk 4:18–21, askem olgeta blong tingbaot wanem i minim blong talem se Jisas Hem i Kraes, Mesaea, o Hem We God I Bin Jusum. Blong moa help oli save rid tu long “Hem we God I Bin Jusum” long https://www.churchofjesuschrist.org/study/scriptures/gs/anointed-one?lang=bis. ?Olsem wanem nao Jisas i talemaot se Hem i Mesaea ia tedei? Ol memba blong klas oli save serem olsem wanem oli bin kam blong save olgetawan se ol revelesen ia oli tru.

• Maet i gat sam gudfala lesen we i save help blong lanem taem yumi rid abaot, from wanem ol pipol blong Nasaret oli no akseptem Jisas olsem Mesaea ia we profesi i talem se bae i kam. Olsem eksampol, ?wanem ol risen nao oli talem long Luk 4:22–24? Ol memba blong klas oli save komperem ol fasin ia wetem hemia blong wido blong Jarefat mo Neman long OlTesteman, pipol ia oli no blong Isrel (luk long Luk 4:25–27). Yu save kontaktem sam long ol memba blong klas blong stap rere fastaem blong kam mo serem ol sot storian blong ol skripja we oli stap ia (luk long 1 King 17:8–24; 2 King 5:1–17; Luk 4:16–30). ?Wanem nao ol storian ia oli tijim yumi long saed blong gat fet long Jisas Kraes? ?Yumi faenem eni mesej we i blong yumi insaed long ol toktok blong Hem i go long ol pipol blong Nasaret?

Matiu 4:18–22; Luk 5:1–11

Blong folem Kraes i minim blong lego wanem yumi wantem mo akseptem wanem Hem i wantem.

• Samtaem Lod i stap givim ol daereksen we i no gat mining long yumi long fas ples. Ol memba blong klas oli save rid insaed long Luk 5:1–11, lukaotem wanem Sevya i askem long Pita mo from wanem Pita i maet gat tu (2) tingting long wanem Hem i askem. ?Olsem wanem nao eksperiens ia i jenisim filing blong Pita abaot Sevya, mo abaot hemwan? Yu save invaetem ol memba blong klas blong serem ol eksperiens blong olgeta abaot wan taem we oli bin soemaot fet blong olgeta, folem wanem we heven i lidim olgeta long hem nomata oli no gat wan andastaning we i fulwan. ?Wanem risal nao i kam taem oli praktisim fet blong olgeta?

  Jisas i singaotem Pita mo Andru kolosap long solwota

  “Yutufala i kam man blong mi, mo bae mi mekem yutufala man blong pulum man” (Matiu 4:19).

• Semmak olsem ol man blong pulum fis, oli “lego evri samting” blong folem Jisas Kraes (Luk 5:11), i gat ol samting we yumi nid blong lego blong kam olsem ol disaepol blong Hem. ?Wanem nao yumi lanem long Matiu 4:18–22 abaot fasin mo fet blong Pita, Andru, Jemes, mo Jon? I maet help blong karem net blong kasem fis i kam long klas. Afta askem ol memba blong klas blong raetemdaon ol samting we oli glad mo wantem lego, o oli lego finis blong folem Kraes mo putum olgeta long net. Tingting blong invaetem sam memba blong serem olsem wanem laef blong olgeta i bin jenis taem oli lego evri samting blong folem Sevya.

risos pikja bokis

Sam Moa Risos

Ol defdefren temtesen.

Afta we hem i tokbaot ol temtesen we Sevya i bin fesem long waelples, Presiden David O. McKay i bin talemaot tri kaen temtesen:

“(1) Temtesen blong wanem bodi i wantem;

“(2) Temtesen blong gat hae tingting, stap flas;

“(3) Wantem blong gat ol rij samting blong wol ia o paoa mo raet ova long graon, o wanem man i gat long wol ia” (Teachings of Presidents of the Church: David O. McKay [2003], 82).

Stap Kam Antap long Fasin blong Yumi blong Stap Tij

Talem tangkyu long olgeta long klas blong yu we oli stap lanem samting. “Yu no mas kam blong yu lus insaed long lesen mekem se yu fogetem olgeta long klas we oli stap lanem samting, blong talem tangkyu long olgeta blong save tekpat long klas. Oli nidim blong save se yu laekem we oli stap glad blong serem ol niu tingting blong olgeta, mo tu, ol testemoni blong olgeta (Teaching in the Savior’s Way,33