Jisas i stap tij long saedsaed blong solwota

Jisas I Stap Tijim Ol Pipol long Saedsaed blong Solwota, i kam long James Tissot

20–26 Febwari.

Matiu 6–7

Hem I Tijim Olgeta Olsem Wan we I Gat Paoa

Taem yu stap rere blong tij, rere long yuwan fastaem. Stadi long Matiu 6–7, mo raetemdaon ol tingting mo filing blong yu long saed blong spirit. Hemia bae i save helpem yu blong kasem revelesen blong olsem wanem yu save mitim ol nid blong klas blong yu. Afta, rid long aotlaen ia blong faenem sam aedia blong tij.

serem pikja aekon

Invaetem Ol Memba blong Serem Wanem Oli Gat

Invaetem ol memba blong klas blong serem wijwan long ol ves insaed long Toktok Antap long Hil, oli filim se i gat moa nid long hem tedei. Leftemap tingting blong ol memba blong klas blong oli sapsapotem ol tingting we oli gat.

tijing aekon

Stap Tijim Doktrin

Matiu 6–7

Sapos yumi harem mo wok folem ol tijing blong Lod, laef blong yumi bae i stanap long wan fandesen we i strong gud.

• ?Wanem stret tijing we i stap long Matiu 6–7 we bae i moa gud blong olgeta we yu stap tijim olgeta? Tingting blong raetem long bod sam long ol ves we i stap long Matiu 6–7 we i holem ol tijing ia. Ol memba blong klas oli save jusum wan long ol ves ia blong stadi long hem olgetawan, mo afta raetem long bod eni trutok long saed blong spirit we oli lanem. ?Olsem wanem ol tijing ia i lidim laef blong yumi?

• Sevya i endem toktok blong Hem wetem wan parabol we maet i save helpem klas blong yu i andastanem klia, from wanem i impoten blong laef folem ol tijing blong Sevya (luk long Matiu 7:24–27; luk tu long Hileman 5:12). Blong save luk parabol ia, ol memba blong klas oli save wok tugeta mo yusum ol blok, kap o nara materiol blong bildim wan strong fandesen mo afta testem ol fandesen blong olgeta. Maet bae oli talem nem blong ol bilding materiol blong olgeta wetem ol samting we oli save mekem blong yusum ol tijing blong Sevya. ?Olsem wanem nao taem yumi mekem ol samting ia i helpem yumi stanap agensem ol strong win blong laef?

Matiu 6:5–13

Sevya i tijim yumi olsem wanem blong prea.

• Stap stadi long Prea blong Lod i save helpem ol memba blong klas blong luksave olsem wanem oli save mekem prea blong olgetawan i kam moa gud taem oli folem eksampol blong Lod. Yu save invaetem olgeta blong raetem long bod ol sentens we i stap long Matiu 6:9–13 (o Luk 11:1–4) we i gat mining long olgeta. Taem yumi tingting hevi long ol toktok blong Sevya, ?wanem nao yumi lanem abaot prea? Bae i givim save long ol memba blong klas taem oli putum toktok blong olgetawan long ol toktok blong Sevya olsem ol samting we oli wantem talem long prea blong olgetawan. Olsem eksampol: “Givim kakae long mifala inaf long tedei,” yu save putum long toktok blong yuwan olsem “Plis helpem mi blong wok had blong lukluk long nid blong famli blong mi.”

• Afta ridim Matiu 6:5–13 olsem wan klas, yufala i save toktok raon long ol kwestin olsem hemia: ?Olsem wanem prea i mekem rilesensip blong yu wetem Papa long Heven i kam strong? ?Olsem wanem prea i helpem yu blong kam blong save tingting blong God?

Matiu 7:7–11

Papa long Heven i ansarem ol prea.

• Blong helpem ol memba blong klas blong mekem fet blong olgeta i strong se God bae i ansarem ol prea blong olgeta, yu save raetem askem, lukaotem, mo noknok long bod. Afta ol memba oli save lukaotem ol skripja ia we oli givim eksampol blong olgeta we oli “askem,” “lukaotem,” mo “noknok” (olsem eksampol, luk long 1 Nifae 11:1; Ita 2:18–3:6; Josef Smit—Histri 1:11–17). ?Wanem nao yumi lanem long ol eksampol ia abaot kasem ansa long ol prea blong yumi?

• Sam impoten toktok blong Matiu 7:7–11 yu save faenem long Josef Smit Translesen blong Matiu 7:12–17 (insaed long Bible appendix). Long ol ves ia, ol disaepol blong Jisas oli givim sam risen ol pipol oli maet givim blong no lukaotem trutok we i kam long Papa long Heven. Yu maet askem ol memba blong klas blong oli tingting se wan fren blong olgeta we i no gat tingting ia nomo blong lukaotem blong Lod i lidim o blesem hem. ?Wanem nao ol memba blong klas oli save talem blong leftemap tingting blong fren blong olgeta ia? ?Olsem wanem bae oli yusum ol toktok blong Sevya we i stap long Matiu 7:7–11?

Matiu 7:15–20

Yumi save talemaot huia oli ol tru mo giaman profet tru long frut blong laef blong olgeta.

• Maet ol memba blong klas blong yu oli krosem ol giaman tingting mo nara giaman trik blong Setan, we oli stap long intanet o long nara ples. Bae oli harem tu ol nara man oli tok agensem ol wokman blong Lod. ?Olsem wanem nao bae yu helpem olgeta i andastanem hao blong luksave ol giaman profet mo tijing blong olgeta aot long ol truwan? Yu save soemaot sam frut mo askem blong oli talem wanem kaen tri nao ol frut ia oli kamaot long hem. ?Olsem wanem nao eksasaes ia i helpem yumi andastanem Matiu 7:15–20? Yufala i save rid tugeta tu ol niufala mesej we i kam long ol profet we oli stap laef. ?Wanem “frut” o risal we i kam taem oli folem ol toktok blong olgeta i givimaot?

  frut

  Tru long ol wok blong olgeta, bae yumi save se oli ol tru profet.

• Matiu 7:15–20 i save mekem fet blong olgeta long misin blong Profet Josef Smit i kam antap. ?Wanem ol frut blong wok we Josef Smit i bin fufilim? Blong sam aedia, luk long mesej we i kam long Elda Neil L. Andersen “Joseph Smith” (Liahona, Nov. 2014, 28–31). ?Hao nao bae yumi yusum wanem we Sevya i tijim insaed long Matiu 7:15–20 blong talemaot testemoni blong yumi abaot Profet Josef long ol fren mo famli blong yumi?

Stap Kam Antap long Fasin blong Yumi blong Stap Tij

No fraet long ples we i kwaet we i no gat wan i toktok. “I nidim taem blong ansarem ol gudfala kwestin. Oli nidim man i tingting hevi, i lukaotem ansa, mo i kasem insperesen. Taem ia we yu spendem blong stap wet blong kasem ol ansa long wan kwestin, i save kam wan tabu taem blong stap tingting hevi. Stap longwe long temtesen ia blong katem taem ia eli tumas taem yuwan bakegen i givim ansa o yu muv i go long wan nara poen” (Teaching in the Savior’s Way,31