Iesu ngke e tei n te rereua

Nako Inanon te Rereua, iroun Eva Koleva Timothy

Tianuare 30–Beberuare 5

Mataio 4; Ruka 4–5

“E Mena Tamnein te Uea I Aou”

Ngkana ko kamatebwaia Mataio 4 ao Ruka 4–5, taui rongorongon ana kairiiri te tamnei nakoim. Aio e na konaa ni kaira am iango n ataakin bwaai ake a rangi ni kainnanoaki irouia kaain am kiraati. Ko kona naba ni kabonganaa Nakomai, Iriirai—Ibukiia n Tatabemaniia ao Utu n raonaki ma te kamataata aei ni karekean am iango riki tabeua.

te aikaon ibukin te tibwatibwa

Kaunga te Tibwatibwa

Te wareware ibukin te wiiki aei e taekinaki iai: “Ao a miimi n ana reirei: bwa e mwaaka ana taetae” (Ruka 4:32; taraa naba Mareko 1:22). Tuangiia kaain am kiraati bwa a na tibwauai kiibu man Mataio 4 ao Ruka 4–5 are buokiia bwa a na namakina mwaakan te reirei bon ibukiia.

te aikaon ibukin te anga reirei

Reirei te Reirei

Mataio 4:1–11; Ruka 4:1–13

E a tia Tamara are I Karawa n anganiira te korakora ni kaitarai kariirii.

• Rongorongon kariiriakin Te Tia Kamaiu iroun Taatan e na kona ni buokiia kaain te kiraati bwa a na kinai a na aanga ni kariiri Taatan nakoia. A kona kaain te kiraati n rinea teuana te kariirii are maneweaki ni Mataio 4:1–11 ke Ruka 4:1–13 ao iangoa te karirii ae irekereke ma taai aikai (e rongorongo inanon “Bwaai n Ibuobuoki Riki Tabeua” e na kona n ibuobuoki). Tera bukina ngkai e na rang n ibuobuoki ataakin ae kariiri ake e kaitara ma ngaai te Tia Kamaiu bon titebo ma ake ti aitara mangaai ni boong aikai? Tera bukina ngkai e kona ni kaitarai kariiri Kristo aikai? Ibukin katoto riki man booki aika tabu iaon taekaia riki ake a kaitaraa ana kariiri Taatan, taraa Karikani Bwaai 39:7–20; 2 Nibwaai 4:16–35; ao Mote 1:10–22.

• Tera ae kona ni buokiia kaain te kiraati bwa a na kona ni kaitarai karirii? Ko kona n tuangiia bwa a na rinanon Mataio 4:1–11 ke Ruka 4:1–13 n reiakinna bwa e kanga ana atatai iaon booki aika tabu te Tia Kamaiu ni Buokia ni kaekaa Taatan, n aron Are E karaoia ngke kangai, “E a tia ni koreaki.” Anganiia kaain te kiraati bwa a na noria iaan “Temptation” inanon te Topical Guide ibukin koroboki aika tabu are e kona ni kateimatoaia ao ni kakorakoraia ngkana a namakina te kariiri.

Ruka 4:16–32

Iesu Kristo bon te Metia are e a kaman taetae ni burabetiaki.

• Ibukin buokaia kaain am kiraati bwa ana ota n te rongorongo are koreaki n Ruka 4:16–32, ko kona ni kabwarabwaraa ae taeka aika te Metia ao te Kristo a kaai n nanona “teuare e katabuaki.” Inanon aia tai kaain te kiraati ni wareka Ruka 4:18–21, tuangiia bwa a na iangoia bwa tera ae nanonaki ngkana e taekinaki ae Iesu bon te Kristo, te Metia, ke Teuare e Katabuaki. A kona naba ni karekea buokaia man warekan “Anointed One” inanon te Bible Dictionary. E kanga ni kaotia Iesu bwa bon Ngaia te Metia ni boong aikai? A kona kaain te kiraati n tibwauaa aron kinaakin Iesu Kristo bwa bon aia Tia Kamaiu.

• Iai reirei aika kona n ibuobuoki ni kakaean bukina bwa e aera kaain Natareta aaki kinaa Iesu ae ngaia te Metia are e a kaman taekinaki. Tera bukina, n te katoto, are taekinaki n Ruka 4:22–24? A kona ngkanne kaain te kiraati n noori kaokoron anua aikai ma te aine are akea buuna are kaain Tarebata ao Naaman are n te O Tetemanti, koraki ake tiaki kanoan Iteraera (taraa Ruka 4:25–27). Ko kona ni moantaai ni karekeia tabeman kaain am kiraati bwa a na karakin ni kakimototoi rongorongo aikai (taraa 1 Uea 17:8–24; 2 Uea 5:1–17; Ruka 4:16–30). Tera ae ti reiakin man rongorongo aikai iaon karekean te onimaki iroun Iesu Kristo? Iai te rongorongo ibukira are ti karekea man a na taetae te Tia Kamaiu nakoia kaain Natareta?

Mataio 4:18–22; Ruka 5:1–11

Irirakin Kristo e nanonaki iai arora ni katikui nanora ao ni kariaia Nanona.

• N tabetai ao koaki kona raoi n ota n te kawai are moan anganiira te Uea. A kona kaain te kiraati ni kamatebwaia Ruka 5:1–11, ni kakaea te bwai are e titiraki te Tia Kamaiu nakon Betero ao tera bukina ngke e a manga raraoma Betero n te bwai are tuangaki Irouna. E na kanga te taneiai aei n rota ana namakin Betero ibukin te Tia Kamaiu ao bon ibukina? Ko kona ni kaoia kaain te kiraati bwa a na tibwauai aia taneiai are a kabwarabwara iai aia onimaki n te kairiiri mai ieta n aki tabe ma aki taun otaia. Tera mwiina ngke a kamwakura aia onimaki?

  Iesu ngke e wetea Betero ao Anterea irarikin taari

  “Mai ri mwiu, ao N na karaoi ngkami ba taan akawa aika konami aomata” (Mataio 4:19).

• N aroia taan akawa ngke a “kitani bwaai ni kabane” n iriira Iesu Kristo (Ruka 5:11), iai bwaai aika ti riai ni kitan bwa ti aonga n riki bwa Ana reirei. Tera ae ti reiakinna man Mataio 4:18–22 ibukin anuaia ao aia onimaki Betero, Anterea, Iakobo, ao Ioane? E na rangi n ibuobuoki ngkana e uotaki te karaun nakoia kaain te kiraati. Tuangiia kaain te kiraati bwa a na korei bwaai ake a kariaia bwa a nang kitan ke n tia ni kitan ao n iriira Kristo ao ni katikui inanon te karaun. Karekeia tabeman kaain te kiraati bwa a na tibwauai waaki ake e a tia ni bitii aron maiuiia are a tia ni baireia iai bwa a nang kitan taekaia ao n iriira te Tia Kamaiu.

te aikaon ibukin bwaai n ibuobuoki

Bwaai n Ibuobuoki Riki Tabeua

Aekaki nako ni kariiri.

Imwiin ana taetae iaon kariiri ake e aitara mangaai te Tia Kamaiu inanon ana tai n te rereua, ao Beretitenti David O. McKay e karinanii tein kariiri aikai nakon teniua karinan:

“(1) Kariiriin te baki ke tangiran bwaai;;

“(2) Kairan nanora nakon te kainikatonga, te taraaki, ke te tinanikubeka;

“(3) Mataiakinakin kaubwain te aonaaba aei ke te korakora ao te kan tautaeka iaon aaba ke kaubwaia aomata nako” (Teachings of Presidents of the Church: David O. McKay [2003], 82).

Kanakoraoan Ara Anga reirei

Karabwaia ake ko reireiniia. “Tai rangi ni mwaninga nako ma te reirei n te aro are kona mwaninga iai ni karabwaia taan reiakinaki ibukin aia ibuobuoki ake a tia n anga. A riai n ataia bwa ko rangi ni kakaitau ibukin nanoia n tibwauaa aia nonoori ao aia koaua” (Anga Reirei n Ana Kawai te Tia Kamaiu, 33).