li Jesus naxk‘ojob‘ laj Pedro

6–12 marzo

Mateo 9–10; Markos 5; Lukas 9

“Eb‘ li kab‘laju a‘in ke‘taqlaak xb‘aan li Jesus”

Naq yooqat chirilb‘al Mateo 9–10; Markos 5; ut Lukas 9, sik‘ xb‘eresihom li Santil Musiq‘ej chirix li rajomeb‘ ru li komon nakatzoleb‘. Wi nakatz‘iib‘a li na‘leb‘ nakak‘ul sa‘ aak‘a‘uxl, tatxtenq‘a chixkawresinkil aawib‘ re xk‘ulb‘al aamusiq‘ankil li tatrosob‘tesi laa‘at ut eb‘ li komon.

reetalil li wotzok

Xkanab‘ankileb‘ chi wotzok

Naru nakapatz‘ reheb‘ li komon naq te‘xtz‘iib‘a chiru jun ch‘ina hu jun li na‘leb‘ xe‘xtzol sa‘eb‘ li loq‘laj hu chiru li xamaan a‘in, rik‘in li raqal natawman wi‘. Chirix naq taach‘utub‘eb‘ li kok‘ hu, sik‘eb‘ ru junjunq re rilb‘al sa‘ li tzoleb‘aal. Chan ru naru neke‘qak‘e chi k‘anjelak li na‘leb‘ a‘an sa‘ li qayu‘am?

reetalil li k‘utuk

Xk‘utb‘al li tzol‘leb‘

Mateo 9

Wan xwankil li Kristo re qak‘irtesinkil sa‘ tib‘elej jo‘ ajwi‘ sa‘ musiq‘ej.

• Naab‘al reheb‘ li sachb‘a-ch‘oolejil k‘irtesink kixb‘aanu li Kolonel neke‘xk‘ut ajwi‘ musiq‘ejil yaal. Re xtenq‘ankileb‘ li komon chixtawb‘al ru a‘in, naru nakak‘eheb‘ sa‘ kaahib‘ chi ch‘uut ut taak‘e reheb‘ li junjunq chi ch‘uut jun reheb‘ li raqal a‘in: Mateo 9:2–8; Mateo 9:18–19, 23–26; Mateo 9:20–22; ut Mateo 9:27–31. Patz‘ reheb‘ li ch‘uut naq te‘xtzol li sachb‘a-ch‘oolej li natawman sa‘ li raqal xe‘tz‘aq ut naq te‘xwotz chi k‘osb‘il ru. K‘a‘ru li musiq‘ejil yaal naqatzol sa‘eb‘ li sachb‘a-ch‘oolej a‘an?

jun ixq naxch‘e‘ lix b‘ataal li Jesus

Kanab‘ aawib‘ chiru li Qaawa‘, xb‘aan li xLiz Lemon Swindle

Mateo 10

Li Qaawa’ naxk’e reheb’ lix moos li wankilal re xb’aanunkil lix k’anjel.

• Li k’a’ru kixtaqla li Kolonel reheb’ lix tzolom naru nokoxtenq’a sa’ li k’a’ru teneb’anb’il sa’ qab’een laa’o. Maare ak wan li na‘leb‘ xe‘xtzol li komon chirix a‘in naq xe‘tzolok xjuneseb‘; jo‘ jun eetalil, wan jun k‘anjel chirix li na‘leb‘ a‘in sa‘ Kim, Taaqehin—Choq‘ reheb‘ li komon ut li junkab‘al. Kanab’eb’ chixwotzb’al li k’a’ru xe’xtzol, malaj naru texk’anjelaq sa’ kok’ ch’uut re xb’aanunkil li k’anjel a’in sa’ li tzoleb’aal. Kanab’eb’ li komon chixwotzb’al chan ru naq xe’reek’a lix wankil li Kolonel naq xe’xb’aanu lix b’oqb’aleb’.

• Chan ru naq li tzolok chirix lix taqlankileb’ li apostol li kixk’e li Kristo sa’ Mateo 10naru chixtenq’ankileb’ li komon sa’ laa tzoleb’aal chixtawb’al ru lix k’anjeleb’ li profeet ut li apostol sa’eb’ li kutan a’in? Maare us raj rilb‘al chan ru naq lix taqlankileb‘ li kab‘laju li kixk‘e li Kolonel najter chanchaneb‘ lix taqlankileb‘ lix Molameb‘ li Kab‘laju chi Apostol sa‘ xtiklajik li jun k‘ojlajik a‘in, li natawman sa‘ “Xkomon chik li k‘anjeleb‘aal.” Eb‘ li komon naru neke‘xwotz chan ru naq lix k‘anjeleb‘ li yo‘yookil profeet ut apostol naxtoch‘ xyu‘ameb‘. Ch’olob’ lix nawom aach’ool chirix naq b’oqb’ileb’ xb’aan li Dios li yo’yookil apostol ut profeet, ut kanab’eb’ li komon sa’ li tzoleb’aal chixyeeb’al xnawomeb’ xch’ool a’an.

Mateo 10:17–20

Naq wanko sa‘ lix k‘anjel li Qaawa‘, a‘an tooxmusiq‘a chixnawb‘al li tento taqaye.

• Wankeb’ li neke’chal xxiw naq neke’k’utuk malaj naq neke’aatinak rik’ineb’ li jun ch’ol chik chirix li evangelio. A’ut li Qaawa’ kixye reheb’ li tzolom naq a’an tixtenq’aheb’ chixnawb’al k’a’ru te’xye. K’a’ru tento taqab’aanu re taqak’ul qajunes li qatenq’ankil li yeechi’inb’il xb’aan li Qaawa’? Patz‘ reheb‘ li komon naq te‘ril Mateo 10:19–20; Tzol‘leb‘ ut Sumwank 84:85; ut Tzol‘leb‘ ut Sumwank 100:5–8 re xtawb‘al xsumenkil li patz‘om a‘in. Jo’q’e naq xatxtenq’a li Santil Musiq’ej chixnawb’al k’a’ru taaye? Naru taaye li k’a’ru xak’ul, ut taakanab’eb’ li komon sa’ li tzoleb’aal chixwotzb’al li k’a’ru xe’xk’ul eb’ a’an.

reetalil li k‘anjeleb‘aal

Xkomon chik li k‘anjeleb‘aal

Jun xtaqlankileb’ li apostol sa’ roso’jikeb’ li kutan.

Naq ke’b’oqe’ junjunq reheb’ li xb’een komon re lix Molameb’ li Kab’laju chi Apostol sa’ li jun k’ojlajik a’in, laj Oliver Cowdery kixk’e jun xtaqlankileb’, chanchan li kixk’e li Jesukristo sa’ Mateo 10. A‘an kixye:

““Taa’ajmanq ru naq teeyal eeru rik’in lix kawil xjolomeb’ chixjunileb’ li tenamit. … Chi jo’kan, nekexintij naq teek’uula xnimal li tuulanil, xb’aan naq ninnaw ru lix q’etq’etil xch’ooleb’ li winq. Cheril eerib’, maare anchal taqsinb’ilaqex xb’aaneb’ laj sahob’resihom ch’oolej re li ruchich’och’. Chek’e reetal, mare anchal taak’ame’q eech’ool xb’aan li k’a’aq re ru re li ruchich’och’. Chiwanq lee taqlanb’il k’anjel chi xb’een b’een. … Aajel ru naq eejunes teek‘ul jun xnawom eech‘ool li chalenaq chaq sa‘ choxa, re texruuq chixch‘olob‘ankil xyaalal li yaal. …

“ “… Tento naq teek‘am li esilal a‘in rik‘ineb‘ li neke‘xk‘oxla rib‘ naq ninqeb‘ xna‘leb‘. Naru naq texrahob’tesiiq xb’aan xkomoneb’ a’an; naru ajwi’ naq teesik’ eeyu’am. Laj xik’ ilonel junelik naxsik’ xyu’ameb’ lix moos li Dios. Chi jo‘kan, rajlal tento sa‘ eeb‘een naq kawresinb‘ilaqex chixmayejankil eeyu‘am, wi li Dios taaraj re xtiikisinkil chi uub‘ej ut re xwaklesinkil lix k‘anjel. …

“Chirix a’an kixchap li junjunq chi ruq’ ut kixye, “Ma rik’in tz’aqal x’anchalil aach’ool nakak’ul aana’aj sa’ li k’anjel a’in, re xjultikankil li evangelio chi yalb’il tz’aqal aaq’e aawochb’eeneb’ laa komon a’in, jo’ chanru lix yaalalil ut li rajb’al laa taqlankil li xak’ul?“ Chixjunileb‘ ke‘sumen chi chaab‘il” (sa‘ “Minutes and Blessings, 21 febrero 1835,” Minute Book 1, 159–161, 164, josephsmithpapers.org).

Xkawresinkil qib‘ jo‘ aj k‘utunel

Ch‘olob‘ xyaalaleb‘ li osob‘tesihom. Naq naqab’oqeb’ li tzolb’ileb’ aab’aan chixb’aanunkil k’a’ruhaq, ch’olob’ chiruheb’ naq te’xk’ul li osob’tesink yeechi’inb’il xb’aan li Dios wi te’xk’anjela li paab’aal chirix li k’a’ru kixk’ut a’an. Ink’a’ us wi yal re xk’ulb’al li osob’tesink naq naqapaab’eb’ li chaq’rab’, a’ut li qaChoxahil Yuwa’ naraj rosob’tesinkil chixjunileb’ li ralal xk’ajol. (Chi‘ilmanq Li k‘utuk jo‘ li Kolonel35