E tucake tu o Jisu ena loma ni o

Be Not Afraid,, mai vei Michael Malm

13–19 ni Maji

Maciu 11–12; Luke 11

“Au na Vakacegui Kemudou”

Wilika na Maciu 11–12 kei na Luke 11 ena loma ni macawa ni bera ni o veivakavulici. Oqo ena solia vei iko na gauna mo vakasamataka vakatitobu ka ciqoma na ivakatakila me baleta na veika mo vakanamata kina ena kalasi.

ivakatakilakila ni veiwasei

Sureta na Veiwasei

Na vakayagataki ni ivakavuvuli eda kunea ena ivolanikalou ki na noda bula sa dua na sala bibi meda vakila kina na mana ni vosa ni Kalou. Vakayaloqaqataki ira na lewe ni kalasi me ra wasea na veika era sa kunea ena nodra vulica na ivolanikalou ena macawa oqo e rawa ni ra vakayagataka ena nodra bula. Nomu wasea e dua na ivakaraitaki ni ivakarau o vakayagataka kina na ivolanikalou ena rawa ni vakauqeti ira na lewe ni kalasi me ra wasea na nodra ivakaraitaki.

ivakatakilakila ni veivakavulici

Vakavulica na iVunau

Maciu 11:28–30

Ena vakacegui keda o Jisu Karisito ni da vakararavi Vua.

• Ena Maciu 11:28–30, e vakavulica kina na iVakabula ni na vukei keda o Koya meda colata na noda icolacola bibi kevaka eda ciqoma na Nona veisureti “Vakataqara vei kemudou na noqu ivua” (tikina e 29). Me vukei ira na lewe ni kalasi me ra kila vakavinaka cake na yalayala oqo, e rawa ni o vakaraitaka e dua na iyaloyalo ni ivua (raica na ituvatuva ni macawa oqo ena Lako Mai, Mo Muri Au—Baleta na Tamata Yadua kei na Matavuvale) ka wasea na veika dina vakaoqo: na ivua e caka me vukei ira na manumanu me ra colata na icolacola bibi se me caka kina na cakacaka, ka dau vakarautaki me rauti ira vakavinaka na manumanu Na cava era vakuria na veika lalai oqo meda kila vinaka kina na Maciu 11: 28–30? Na veisureti cava eda kunea ena veitikina oqo? Na veivakalougatataki cava sa yalataki tu vei keda? Sa rawa talega mo wasea na yalayala nei Peresitedi Russell M. Nelson ena “iKuri ni iVurevure.”

• E tu kece vei keda na icolacola e rawa ni vakamamadataki ena kaukauwa i Jisu Karisito. Me vakauqeta na veivosaki me baleta na ka oqo, sa rawa mo sureti ira na lewe ni kalasi mera wilika ka veivosakitaka na Maciu 11:28–30 vata kei na dua tale ena kalasi. E rawa ni ra okata na taro vakaoqo ena nodra veivosaki: Na cava eso na ivakaraitaki ni icolacola e rawa ni colata e dua na tamata? Na cava eda gadreva meda cakava meda rawa ni lako mai vei Karisito? Na cava na kena ibalebale me da vakataqara vei keda na nona ivua na iVakabula? O sa vakila vakacava ni sa vakamamadataka na nomu icolacola na iVakabula ni o vuki Vua? E rawa ni ra kunea na lewe ni kalasi na ikuri ni veivakararamataki ena itukutuku nei Elder David A. Bednar “Rawarawa Nodra Colata Nodra iVua” (Liaona, Me 2014, 87–90).

era raici ira sobu na tisaipeli ko ira na tamata ni ra sa lako voli ena loga ni witi

O Ira na Tisaipeli era Kania na Witi ena Siga ni Vakacecegu, mai vei James Tissot

Maciu 12: 1–13

Na Siga ni Vakacecegu e siga ni caka vinaka.

• Ni gadrevi me vakatabui na Siga ni Vakacecegu, era a bulia na Farisi na lawa kaukauwa kei na ivakarau vaka-tamata, ka sa laki yaco me buwawa kina nodra kila vinaka na inaki dina ni Siga ni Vakacecegu. Me tekivutaki e dua na veivosaki me baleta na vuna e solia kina vei keda na Turaga na Siga ni Vakacecegu, sa rawa mo sureti ira na lewe ni kalasi me ra railesuva na Maciu 12:1–13 kei na iVakadewa nei Josefa Simici, Marika 2:26–27 (ena Bible appendix). Na cava e vakavulica na itukutuku oqo baleta na bibi ni iVola i Momani? Na ikuri ni veivakararamataki cava eda na taura mai na Lako Yani 31:16–17; Aisea 58:13–14; kei na Vunau kei na Veiyalayalati 59:9–13? Sa veisau vakacava na noda veiwekani kei na iVakabula ni da tovolea me vakatabuya na Nona siga?

• Ni ra vakamacalataka na Farisi na lawa matailalai ni Siga ni Vakacecegu, a vakavulica na iVakabula e dua na ivakavuvuli rawarawa: “O koya gona oqo sa tara kina me caka na ka vinaka e na siga ni vakacecegu” (Maciu 12:12 Na ivakavuvuli cava tale e vukei keda meda vakatabuya kina na Siga ni Vakacecegu? (raica na itukutuku nei Peresitedi Russell M. Nelson ena “iKuri ni iVurevure”). Na cava na vuna e mana cake kina na ivakavuvuli mai na lawa tuvai ni da segata me da tara cake na bula rawati koya vakayalo?

• Na itukutuku nei Peresitedi Russell M. Nelson “Me Ka e Rekitaki na Siga ni Vakacecegu” (Liaona, Me 2015, 129–32) kei na vidio vata kei na ivakasala nei Elder Jeffrey R. Holland ena “iKuri ni iVurevure,” ena rawa me ikuri ni veivosaki baleta na Siga ni Vakacecegu.

ivakatakilakila ni ivurevure

iKuri ni iVurevure

Ivua vata kei Jisu Karisito.

E vakavulica o Peresitedi Russell M. Nelson: “O lako mai vei Karisito mo vakaivuataki vata kei Koya ena Nona kaukauwa, me kakua kina ni o dreta duadua na icolacola ni bula. O sa dreta tiko na icolacola ni bula vata kei na iVakabula kei na Dauveivueti ni vuravura, ka vakasauri na nomu leqa, se cava ga na bibi ni nomu bula, sa yaco me mamada cake” (“ Na Kaulotu kei na Veiqaravi ni iVakabula: E Dua na Veivosaki keiElder Russell M. Nelson,” Ensign, June 2005, 18).

“Na ivakatakilakila cava au vinakata meu solia vua na Kalou?”

Ni gauna meu vakatulewa kina se vinaka se ca e dua na itavi ena Siga ni Vakacecegu, au sa tarogi au ga, ‘Na ivakatakilakila cava meu vakaraitaka vua na Kalou?’ Na taro o ya e vakamatatataka vakavinaka na noqu digidigi baleta na Siga ni Vakacecegu” (“Me Ka e Rekitaki na Siga ni Vakacecegu,” Liaona, Me 2015, 130).

Na veivakalougatataki ni vakatabuya na Siga ni Vakacecegu.

Ena tolu na vidio, e vakavulica kina o Elder Jeffrey R. Holland na veivakalougatataki ni vakatabui na Siga ni Vakacecegu: “Ena Noqu Siga Tabu—Toro Voleka Vua na Kalou,” “Ena Noqu Siga Tabu—Vakarokorokotaka na Siga ni Vakacecegu,” kei na “Ena Noqu Siga Tabu—Vakacegu kei na Veivakavoui” (ChurchofJesusChrist.org

Vakatorocaketaki Noda Veivakavulici

Vakayaloqaqataka na Veiwasei “O ira yadua ena nomu kalasi era ivurevure ni ivakadinadina, raititobu, kei na veika sotavi ena bulataki ni kosipeli. Sureti ira mera veiwasei ka veilaveti cake vakai ira” (Veivakavulici ena iVakarau ni iVakabula,,5).