Ni Jesus a nakatakder iti tengnga dagiti ulap

Dikayo agbuteng, ni Michael Malm

Marso 13–19

Mateo 11–12; Lucas 11

“Ta Paginanaenkayto”

Basaen ti Mateo 11–12 ken Lucas 11 iti daytoy a lawas sakbay ti panangisurom. Daytoy ti mangipaayto kenka iti panawen a mangutob ken mangawat iti paltiing maipapan no ania ti ipamaysam iti klase.

icon iti panagbibinninglay

Yawis ti Panagbibinninglay

Ti panangyaplikar iti biagtayo kadagiti pagbatayan a makitatayo iti nasantuan a kasuratan ket maysa a napateg a wagas tapno mapadasan ti bileg ti sao ti Dios. Allukoyen dagiti miembro ti klase nga iburayda ti nasarakanda bayat ti panagadalda iti nasantuan a kasuratan itoy a lawas a mabalin a yaplikarda iti panagbiagda. Ti panangibinglay iti maysa a pagwadan no kasano a nayaplikarmo dagiti nasantuan a kasuratan ket makatulong a mangparegta kadagiti miembro ti klase a mangibinglay kadagiti bukodda a pagwadan.

icon iti panangisuro

Isuro ti Doktrina

Mateo 11:28–30

Paginanaennatayonto ni Jesucristo no agtalektayo Kenkuana.

• Iti Mateo 11:28–30, insuro ti Mangisalakan a tulongannatayo a mangibaklay kadagiti dagensentayo no awatentayo ti awisna nga “Alaenyo ti sangolko kadakayo” (bersikulo 29). Tapno matulongan a maawatan a nasaysayaat dagiti miembro ti klase daytoy a kari, mabalinmo nga ipakita ti ladawan ti maysa a sangol (kitaen iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia) ken ibinglay dagiti kinapudno kas kadagitoy: maaramid ti sangol a mangtulong kadagiti ayup a mangbaklay kadagiti nadadagsen nga awit wenno tapno maileppas dagiti trabaho, ken masansan a nairanta a naaramid nga usaren ti ayup dagitoy a sangol. Ania ti inayon dagitoy a detalye iti pannakaawattayo iti Mateo 11:28–30? Ania dagiti awis a masarakantayo kadagitoy a bersikulo? Ania dagiti bendision a naikari kadatayo? Mabalinmo nga ibinglay ti kari manipud ken ni Presidente Russell M. Nelson a masapulan iti “Dagiti Nainayon a Resources.”

• Addaantayo amin iti dagensen a mabalin a lumag-an babaen iti bileg ni Jesucristo. Tapno maparegta ti panaglilinnawag maipapan iti daytoy, mabalinmo nga awisen dagiti miembro ti klase a basaen ken pagsasaritaan ti Mateo 11:28–30 a kadua ti maysa a miembro iti klase. Mabalinda nga iraman dagitoy a saludsod iti panaglilinnawagda: Ania dagiti sumagmamano a pagarigan a dagensen a mabalin a mapadpadasan ti maysa a tao? Ania ti kasapulantayo nga aramiden nga umasideg ken ni Cristo? Ania ti kayat a sawen ti panangawat ti sangol ti Mangisalakan iti bagbagitayo? Kasano a nariknam a pinalag-an ti Mangisalakan dagiti dagensenmo bayat ti yaasidegmo Kenkuana? Mabalin a masarakan dagiti miembro ti klase dagiti dadduma pay a nalawag a pannakaammo ken pannakaawat iti mensahe ni Elder David A. Bednar “Bear Up Their Burdens with Ease” (Liahona, Mayo 2014, 87–90).

dagiti lallaki a kumitkita kadagiti disipulo a magmagna iti kataltalonan ti trigo

Dagiti Disipulo a Mangmangan iti Trigo iti Aldaw ti Sabbath, ni James Tissot

Mateo 12:1–13

Ti Sabbath ti aldaw nga agaramid iti nasayaat.

• Iti kinaregtada a ngilinen ti Sabbath, nangipatungpal dagiti Fariseo kadagiti naiget a pagannurotan ken tradision nga inaramid ti tao, nga idi agangay nangpatikaw iti pannakaawatda iti pudno a panggep ti Sabbath. Tapno mairugi ti panaglilinnawag no apay a nangipaay ti Apo iti aldaw ti Sabbath, mabalinmo nga awisen dagiti miembro ti klase a mangrebyu iti Mateo 12:1–13 ken Patarus ni Joseph Smith, Marcos 2:26–27 (iti Bible appendix). Ania ti isuro dagitoy a pakaammuan maipapan iti panggep ti Sabbath? Ania dagiti mainayon a nalawag a pannakaammo ken pannakaawat [insights] maipapan iti Sabbath a magun-odtayo manipud iti Exodo 31:16–17; Isaias 58:13–14; ken Doktrina ken Katulagan 59:9–13? Kasano a nabalbaliwan ti relasiontayo iti Mangisalakan bayat ti panangngilintayo a nasantuan ti aldawna?

• Indinto nga inyunay-unay dagiti Fariseo ti adu a detaliado a pagannurotan maipapan iti Sabbath, insuro ti Mangisalakan ti simple a pagbatayan: “Nainkalintegan ti agaramid iti nasayaat iti sabbath” (Mateo 12:12). Ania dagiti dadduma a pagbatayan a makatulong kadatayo iti panangngilin a nasantuan iti aldaw ti Sabbath? (kitaen ti palawag ni Presidente Russell M. Nelson iti “Dagiti Nainayon a Resources”). Apay nga ad-adda nga epektibo dagiti pagbatayan ngem dagiti listaan dagiti paglintegan iti panangikagumaantayo a mangpatanor iti naespirituan a panagtalektayo iti bukodtayo a kabaelan?

• Ti mensahe ni Presidente Russell M. Nelson “The Sabbath Is a Delight”” (Liahona, Mayo 2015, 129–32) ken dagiti video ti balakad ni Elder Jeffrey R. Holland iti “Dagiti Nainayon a Resources” ket mabalin a mangnayon iti panaglilinnawag maipapan iti aldaw ti Sabbath.

resources icon

Dagiti Nainayon a Resources

Naisangol ken ni Jesucristo.

Insuro ni Presidente Russell M. Nelson: “Umayka ken ni Cristo a maisangol Kenkuana ken iti bilegna, tapno saanka nga agmaymaysa a mangguyod iti awit ti biag. Guyguyodem ti karit ti biag a naikaysa iti Mangisalakan ken Mannubbot ti lubong, ket iti di mabayag, dagiti parikut nga uray kasano ti kinadagsenda ket lumag-an” (“The Mission and Ministry of the Savior: A Discussion with Elder Russell M. Nelson,” Ensign, Hunio 2005, 18).

“Ania ti pagilasinan a kayatko nga ited iti Dios?”

Insuro ni Presidente Russell M. Nelson: “No nasken nga agaramidak iti maysa a pangngeddeng no ti maysa nga aktibidad maitutop man wenno saan para iti aldaw ti Sabbath, simple laeng a saludsodek nukua iti bagik, ‘Ania a pagilasinan ti kayatko nga ited iti Dios?’ Dayta a saludsod ti nangaramid kadagiti pilik maipapan iti aldaw ti Sabbath a nakalawlawag” (“The Sabbath Is a Delight,” Liahona, Mayo 2015, 130).

Dagiti bendision ti panangngilin iti aldaw ti Sabbath.

Iti maysa a serye dagiti tallo a video, insuro ni Elder Jeffrey R. Holland maipapan kadagiti bendision ti panagtungpal iti aldaw ti Sabbath: “Upon My Holy Day—Getting Closer to God,” “Upon My Holy Day—Honoring the Sabbath,” and “Upon My Holy Day—Rest and Renewal” (ChurchofJesusChrist.org).

Panangpadur-as iti Panangisurotayo

Yallukoy ti panagbibinninglay. “Tunggal tao iti klasem ket nabaknang a paggapuan ti pammaneknek, nalawag a pannakaammo ken pannakaawat, ken padpadas iti panagbiag iti ebanghelio. Awisem ida nga agbibinninglay ken agpipinnaregta iti tunggal maysa” (Panangisuro iti Wagas ti Mangisalakan, 5).