Ti panangpagungar ni Jesus iti lalaki manipud iti pagiddaan

Pebrero 27–Marso 5

Mateo 8; Marcos 2–4; Lucas 7

“Ti Pammatim Insalakannaka”

Mangrugi ti panagsaganam a mangisuro bayat ti nainkararagan a panagadalmo iti Mateo 8; Macos 2–4; ken Lucas 7. TiUmaykayo, Sumurot Kaniak—Para kadagiti Indibidual ken Pamilia ti mangpadur-as iti panagadalmo ken mangiparikna kadagiti kapanunotan iti panangisuro kas nayon kadagiti naidatag ditoy.

icon iti panagbibinninglay

Yawis ti Panagbibinninglay

Mabalin a nasarakan dagiti miembro ti klasem dagiti nalawag a pannakaammo ken pannakaawat [insights] bayat ti bukodda a panagadal kadagiti milagro kadagitoy a kapitulo (kitaen iti listaan dagiti panangagas ti Mangisalakan iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia). Ibilang ti panangawis kadagiti miembro ti klase tapno mangibinglay kadagiti nalawag a pannakaammo ken pannakaawatda [insights] iti maysa a kapareha wenno iti sibubukel a klase.

icon iti panangisuro

Isuro ti Doktrina

Mateo 8; Marcos 2; Lucas 7

Mapasamak dagiti milagro a mayannurot iti pagayatan ti Dios ken iti pammatitayo ken ni Jesucristo.

• Kasano a mausarmo dagiti pakaammuan maipapan dagiti milagro ti Mangisalakan a mangtulong kadagiti miembro ti klase a mangpadakkel iti pammatida Kenkuana? Mabalinmo nga awisen ida a mangilista iti pissara ti sumagmamano kadagiti namilagruan a panangagas manipud iti Mateo 8; Marcos 2; ken Lucas 7. Mabalin a paglilinnawagan dagiti miembro ti klase no kasano nga impakita dagiti tao a naagasan ti pammatida ken ni Cristo. Ania ti isuro kadatayo dagitoy a pakaammuan maipapan iti pammati ken dagiti milagro? Mabalin nga ibinglay dagiti miembro ti klase dagiti nainayon a kinapudno maipapan iti pammati ken dagiti milagro manipud iti Mormon 9:15–21; Ether 12:12–16; Moroni 7:27–37; ken Doktrina ken Katulagan 35:8 (kitaen met iti Bible Dictionary, “Miracles”). Kaano a nakakitatayon kadagiti milagro kabayatan ti panangipakitatayo iti pammati ken ni Jesucristo?

• Ti pakaammuan maipapan iti milagro iti Marcos 2:1–12 isurona, maibilang iti dadduma pay a banag, ti pateg ti panagkaykaysa iti panagtrabaho a mangtulong iti Mangisalakan iti panagminister kadagiti addaan iti naespirituan wenno pisikal a panagkasapulan. Ibilang ti panangawis kadagiti miembro ti klase a mangrebyu ti pakaammuan manipud iti nasantuan a kasuratan ken mangibinglay kadagiti nayon pay a nalawag a pannakaammo ken pannakaawat [insights] manipud iti mensahe ni Elder Chi Hong (Sam) Wong a “Rescue in Unity” (Liahona, Nob. 2014, 14–16; kitaen met iti “Dagiti Nainayon a Resources”). Ania ti masursurotayo manipud iti Marcos 2:1–12 maipapan iti pateg ti panagtrabaho a sangkamaysa nga agserbi kadagiti agkasapulan? (kitaen met iti Macos 3:24–25).

Marcos 4:35–41

Addaan iti bileg ni Jesucristo a mangisangbay iti kappia iti baet dagiti bagyo ti biag.

• Mabalin nga ammom ti sumagmamano a karit a pakaipaspasanguan dagiti miembro ti klasem. Gapu ta addaantayo amin iti pannubok no dadduma iti panagbiagtayo, ti panangrebyu iti pakaammuan iti Marcos 4:35–41 ket mabalin a mangbukel iti pammati dagiti miembro ti klase a makaisangbay ti Mangisalakan iti talna kadakuada. Ikkam ti tunggal tao iti maysa a papel, ket kiddawem kadakuada a mangisurat iti maysa a bangir ti maysa a pannubok a napadasandan. Iti sabali a bangir, kiddawem kadakuada a mangisurat iti maysa a banag manipud iti Marcos 4:35–41 a mangparegta kadakuada nga umasideg iti Mangisalakan kabayatan dagiti pannubokda. Allukoyem dagiti miembro ti klase a mangibinglay no ania ti insuratda, no mariknada a komportableda nga aramiden daytoy.

• Ti himno a “Master, the Tempest Is Raging” (Hymns, no.105) ket naibatay iti estoria iti Marcos 4:35–41. Nalabit a mabalin a sapulen dagiti miembro ti klase dagiti liriko iti himno a mainaig iti ragup ti balikas kadagiti nasantuan a kasuratan. Mabalinmo pay ti mangipakita iti maysa a ladawan a mangiparang iti buya (kitaen iti Libro ti Arte ti Ebanghelio, num. 40) ken paglilinnawagan no ania a kanito ti panangiladawan ti pintor. Ania dagiti dadduma pay a wagas a mabalinmo a matulongan dagiti miembro ti klase tapno maawatanda ti kaipapanan ken ti bileg daytoy a milagro?

Ni Jesus a nakalugan iti bilog a mangpaspasardeng iti bagyo

Manipud Panagbuteng nga agturong iti Pannamati, ni Howard Lyon

Lucas 7:36–50

Kabayatan ti pannakapakawantayo kadagiti basbasoltayo, umun-uneg met ti ayattayo iti Mangisalakan.

• Ania ti masursurotayo manipud iti pagwadan ti babai ken dagiti pannursuro ti Mangisalakan iti Lucas 7:36–50 bayat ti panagkiddawtayo iti pannakapakawan dagiti bukodtayo a basbasol? Kasano a makatulong kadatayo ti panagbabawi nga umas-asideg ken ni Jesucristo? Kasano a naimpluwensiaan daytoy a pakaammuan ti wagas a panangkitatayo kadagiti nagbasol?

resources icon

Dagiti Nainayon a Resources 

“Idi makita ni Jesus ti pammatida”

Imbinglay ni Elder Chi Hong (Sam) ti sumaganad a nalawag a pannakaammo ken pannakaawat maipapan iti salaysay iti Marcos 2:1–12:

“Ibinglayko man kadakayo ti maysa a nailemmeng a gameng a masarakan iti daytoy a pakaammuan iti nasantuan a kasuratan. Iti bersikulo 5: ‘Idi ngarud makita ni Jesus ti pammatida ’ (nainayon ti panangyunay-unay). Saanko a nadlaw daytoy iti napalabas ti—pammatida . …

“Asino dagitoy a tattao a dinakamat ni Jesus? Mabalin dagitoy a karaman dagiti uppat a nangbagkat iti maysa a lalaki a saan a makagunay, ti lalaki a mismo, dagiti tao a nangikarkararag kenkuana, ken kadagiti amin nga adda sadiay a dimdimngeg iti panangaskasaba ni Jesus ken ti siuulimek a panagragragsak iti puspusoda para iti asidegen a dumteng a milagro. Mabalin pay a karaman ti maysa nga asawa, maysa a naganak, maysa nga anak a lalaki wenno babai, maysa a misionario, maysa a quorum president, maysa a Relief Socierty president, maysa a bishop ken maysa a gayyem nga adda iti adayo. Makapagtitinnulongtayo iti amin. Masapul a siaaneptayo a makiraman iti panangispal kadagiti agkasapulan” (“Rescue in Unity,” Liahona, Nob. 2014, 16).

Panangpadur-as iti Panangisurotayo

Masansan a mangiburay iti pammaneknek. Ti simple, naimpusuan a pammaneknekmo maipapan kadagiti naespirituan a kinapudno ket nabileg a makaimpluensia kadagiti sursuruam. Saan a nasken a napintas wenno atiddog ti pammaneknekmo. Kas pagarigan, mabalin a simple a pammaneknek daytoy maipapan ti milagro ti kaadda ti ebanghelio iti biagmo.