“10–16 Epril. Matiu 15–17; Mak 7–9: ‘Yu Yu Mesaea Ya,’” Kam Folem Mi—Blong Sandei Skul: Niu Testeman 2023 (2022)
“10–16 Epril. Matiu 15–17; Mak 7–9,” Kam Folem Mi—Blong Sandei Skul: 2023
Jenis I Kam Niu, i kam long Carl Heinrich Bloch
10–16 Epril
Matiu 15–17; Mak 7–9
“Yu Yu Mesaea Ya”
Wan long ol stamba wok blong yu olsem tija i blong helpem ol narawan blong bildim fet blong olgeta long Jisas Kraes. Tingting long hemia oltaem long maen blong yu taem yu stadi long ol skripja long wik ia. ?Wanem nao yu faenem we i save helpem ol memba blong klas oli bilif long Hem i go dip moa?
Invaetem Ol Memba blong Serem Wanem Oli Gat
Wan wei yu save leftemap tingting blong ol memba blong stadi long ol skripja blong olgeta i blong invaetem olgeta blong serem evri wik, olsem wanem stadi blong olgeta long skripja i helpem olgeta kasem revelesen mo i blesem laef blong olgeta. Eksampol: ?olsem wanem nao stadi blong yufala long ol japta ia i lidim ol joes we yufala i mekem long wik ia?
Stap Tijim Doktrin
Testemoni abaot Jisas Kraes i kam tru long revelesen.
-
I gat eni memba blong klas blong yu i mas eksplenem long wan olsem wanem oli save abaot gospel i tru? Long Matiu 16:13–17, ?wanem Sevya i bin tijim abaot olsem wanem yumi kasem wan testemoni? Yu save serem olsem wanem Alma i kasem testemoni blong hem (luk long Alma 5:45–46) o wanem Lod i bin tijim Oliva Kaodri abaot revelesen (luk long Doktrin mo Ol Kavenan 6:14–15, 22–23; 8:2–3). ?Wanem nao yu ting se Pita o Alma o Oliva Kaodri oli maet talem sapos sam man oli askem olgeta olsem wanem oli save gospel i tru?
-
Maet i gat ol pipol insaed long klas blong yu we oli stap prea from revelesen be oli no save olsem wanem blong luksave taem i kam. Long HearHim.ChurchofJesusChrist.org, yu save faenem ol vidio we ol Jos lida oli serem olsem wanem, oli harem save voes blong Lod. Maet yu save wajem wan o moa long ol vidio ia wetem klas, mo tokbaot wanem vidio i tijim abaot kasem revelesen. ?Wanem nara tijing o skripja we klas blong yu i save tingting long hem we bae i save helpem wan blong kasem revelesen blong hem, hemwan? (Olsem eksampol, luk long 1 King 19:11–12; Galesia 5:22–23; Inos 1:1–8; Doktrin mo Ol Kavenan 6:22–24; 8:2–3; 9:7–9.)
Ol ki blong prishud oli impoten long fasin blong sevem man blong yumi.
-
Blong statem wan storian abaot ol ki blong prishud, yu save raetem ol skripja ia long bod: Matiu 16:19; Doktrin mo Ol Kavenan 107:18–20; 128:8–11; 132:18–19, 59; Josef Smit—Histri 1:72; mo “Ki blong Prishud, Ol” long Gaed blong Skripja (ChurchofJesusChrist.org). Afta invaetem ol memba blong klas blong ridim wan o moa long ol ves ia mo serem wanem oli lanem abaot ol ki blong prishud. ?From wanem yumi nidim ol ki blong prishud?
-
Blong helpem ol memba blong klas oli mekem testemoni abaot, kambak blong ol ki blong prishud long ol las dei ia, yu save askem haf blong klas blong stadi Matiu 17:1–9 mo nara haf blong stadi Doktrin mo Ol Kavenan 110. Afta bae oli serem wetem wanwan long olgeta wanem oli lanem mo tokbaot tu wanem i semmak long tugeta skripja ia. Vidio ia “Priesthood Keys: The Restoration of Priesthood Keys” (ChurchofJesusChrist.org) i save help.
Ol ki blong prishud oli ol atoriti blong lidim wok blong prishud.
Taem yumi lukaotem fet we i moa bigwan, yumi stat wetem fet we yumi gat.
-
Elda Jeffrey R. Holland i yusum wan stori blong wan papa we i stap lukaotem blong hilim boe blong hem blong tijim olsem wanem yumi save go long Lod taem yumi filim se fet blong yumi i no inaf (luk long “Lord, I Believe,” Liahona, May 2013, 93–95). Afta we klas i ridim Mak 9:14–30, yufala i save toktok raon long tri samting we Elda Holland i bin tokbaot (luk long “Sam Moa Risos”).
Sam Moa Risos
Tri tingting blong helpem yumi gat moa fet.
Afta we i talem stori ia bakegen, we i stap insaed long Mak 9:14–29, Elda Jeffrey R. Holland i bin tijim:
“Tingting nambawan folem storian ia, taem jalenj blong fet i kam, papa i soemaot paoa blong hem smol taem mo luksave se i no save mekem. Hem i talemaot stret mo i no gat wan samting i holem bak hem: ‘Lod, mi bilif.’ Mi wantem talem long evriwan we wantem moa fet, !tingbaot man ia! Long taem blong fraet o tu tingting o taem blong trabol, holemtaet fet we yu gat finis i stap iven sapos fet ia i smol nomo. …
“Tingting nambatu i no semmak long faswan. Taem problem i kam mo kwestin i kam antap, yu no stat blong lukaotem fet wetem tingting olsem hamas yu no gat, we i lidim yu blong tingting se yu no gat ‘bilif.’ … Mi no askem yu blong priten long fet we yu nogat. Mi stap askem yu blong stap tru long fet we yu gat. …
“Nambatri tingting: taem tu tingting o hadtaem i kam, yu no fraet blong askem help. Sapos yumi wantem wetem tingting we i stap daon mo wetem onesti olsem we papa ia i mekem, yumi save kasem” (“Lord, I Believe,” Liahona, May 2013, 93–94).
Stap Kam Antap long Fasin blong Yumi Blong Stap Tij
Askem ol kwestin we i invaetem wan blong serem testemoni. Blong stap askem ol kwestin we i leftemap tingting blong olgeta we oli stap lan blong talem testemoni blong olgeta, i wan gudfala wei blong stap invaetem Spirit. Eksampol, taem yumi toktok raon long Matiu 16:13–17, yu save askem, “?Wanem yufala i bin lanem abaot Sevya we i bin mekem testemoni blong yufala i kam strong long Hem olsem Sevya?” (Luk long Teaching in the Savior’s Way,32