“24–30 Epril. Jon 7–10: ‘Mi Nao, Mi Olsem Gudfala Man Ya blong Lukaot Long Sipsip,’” Kam Folem Mi—Blong Sandei Skul: Niu Testeman 2023 (2022)
“24–30 Epril. Jon 7–10,” Kam Folem Mi—Blong Sandei Skul: 2023
Mi Tu, Bae Mi No Panisim Yu, i kam long Eva Koleva Timothy
24–30 Epril
Jon 7–10
“Mi Nao, Mi Olsem Gudfala Man Ya blong Lukaot Long Sipsip”
Yu mo ol memba blong klas blong yu bae yufala i lanem ol niu samting taem bae yufala i rid long Jon 7–10 long wik ia. Tingbaot, ol tingting insaed long aotlaen ia oli blong sapotem be i no blong riplesem insperesen we yu kasem tru long stadi blong ol skripja.
Invaetem Ol Memba blong Serem Wanem Oli Gat
Rimaenem ol memba blong klas abaot hamas i impoten blong mekem hom blong olgeta i kam namba wan ples blong lanem gospel. Askem olgeta blong serem wanem Tabu Spirit i tijim olgeta long hem taem oli stadi long Jon 7–10 long hom, olgetawan o wetem famli blong olgeta.
Stap Tijim Doktrin
Jisas Kraes i Sevya blong wol.
-
Truaot Jon 7–10, Sevya i bin mekem sam toksave we i save helpem ol memba blong klas oli andastanem gud misin blong Hem, mo kam moa kolosap long Hem. Tingting blong invaetem ol memba blong klas blong ridim ol ves blong skripja ia mo serem wanem oli tijim abaot tabu misin blong Sevya. ?Olsem wanem nao Kraes i mekem i hapen ol wok ia insaed long laef blong yumi?
-
Jon 7:37–39: Stamba blong “wota we i gat laef”
-
Jon 9:8–10, 35–38: “Pikinini blong God”
-
Jon 10:7–9: “Doa”
-
Jon 10:11–14: “Gudfala man blong lukaot long sipsip”
-
Laet blong wol, i kam long Howard Lyon
Taem yumi laef folem ol tijing blong Jisas Kraes, bae yumi kam blong save se oli tru.
-
Long sam wei, blong kasem wan testemoni i olsem blong stap lanem wan skil—tugeta, i nidim , praktis mo eksperiens. Blong soem hemia, yu save invaetem ol memba blong klas we oli gat sam skil, olsem plei long wan tul blong miusik, o save plei gud long wan gem, blong eksplenem olsem wanem oli developem ol skil ia. ?From wanem i no inaf blong rid abaot skil o wajem wan i mekem nomo? Olsem wan klas, tokbaot olsem wanem wokhad blong praktisim wan skil i semmak long paten long saed blong spirit we Sevya i eksplenem long Jon 7:14–17. ?Wanem nao i defren?
-
Maet ol memba blong klas oli save serem ol eksperiens blong olgeta blong taem we oli laef folem wan trutok blong gospel, i helpem olgeta blong kasem wan testemoni blong trutok ia. Givim taem long ol memba blong klas blong tingting long wan prinsipol blong gospel we oli wantem blong kasem wan strong testemoni long hem, mo afta leftemap tingting blong olgeta blong setemap sam stret gol blong laef folem ol prinsipol ia fulwan.
Sore blong Sevya i stap go long evriwan we oli stap sakem sin.
-
Olgeta we oli tok agensem olgeta from sin blong olgeta, stori blong Sevya we i givim sore mo fasin blong sakem sin long woman we oli tekem hem from adaltri i save leftemap tingting blong olgeta. O, sapos ol memba blong klas oli filim se oli wantem tok agensem wan we i komitim sin, stori ia bae i stap olsem wan woning long olgeta. Yu save invaetem ol memba blong klas blong ridim Jon 8:1–11, mo lukaotem ansa blong ol kwestin olsem olgeta ia: ?Wanem nao stori ia i tijim abaot sore blong Sevya? ?Olsem wanem taem yumi kasem sore blong Hem taem yumi sin i helpem yumi taem yumi filim temtesen blong jajem ol narawan? (luk long Alma 29:9–10).
-
Blong helpem ol memba blong klas faenem sam samting we wanwan long olgeta i save konek long hem long Jon 8:1–11, seraotem klas long tri grup—wan blong lukluk nomo long toktok mo ol aksen blong ol Farisi, wan blong lukluk nomo long toktok mo aksen blong Sevya, mo wan blong lukluk nomo long toktok mo aksen blong woman. Oli save hemia taem oli ridim stori o wajem vidio ia “Go and Sin No More” (ChurchofJesusChrist.org). Invaetem wanwan grup blong mekem wan lis blong ol trutok long saed blong spirit we oli lanem taem oli ridim wanwan pat blong stori.
-
Samtaem yumi no save ol wei we yumi stap jajem ol narawan. Hemia wan aktiviti blong helpem ol memba blong klas blong kamaot long fasin ia: Askem klas blong helpem yu krietem wan lis blong ol wei we yumi stap jajem ol pipol long hem (folem lukluk blong olgeta, fasin blong olgeta, ples we oli kam long hem, mo sam moa). Givim long ol memba blong klas ol pis pepa we oli oli katem finis folem sep blong wan ston, mo askem olgeta blong selektem wan wei blong jajem man we oli filim se oli gilti long hem mo raetem long wan pepa ston ia. ?Wanem yumi lanem long toktok blong Sevya long ol Farisi long Jon 8:1–11? Invaetem ol memba blong klas blong raet long baksaed blong pepa ston blong olgeta, wan samting we bae i rimaenem olgeta blong no jaj (maet wan toktok we i stap long Jon 8).
Taem yumi kam blong save Jisas Kraes, yumi kam blong save Papa.
-
?Wanem toktok blong Sevya long Jon 8:18–19, 26–29 we i tij abaot koneksen bitwin Hem mo Papa blong Hem? Afta riding mo toktok raon blong ol ves ia ol memba oli save listim long bod sam samting we Jisas i bin mekem, talem, o tijim. ?Wanem yumi lanem abaot God Papa long ol samting ia?
Stap Kam Antap long Fasin blong Yumi blong Stap Tij
Laef long wan laef we i klin inaf blong Spirit i save lidim yumi. Taem yu laef folem gospel ia, yu kam klin inaf blong gat Spirit olsem kompanion blong yu. Taem yu stap lukaotem blong Hem i lidim yu, bae Hem i givim ol tingting mo ol filing blong olsem wanem blong ansa long ol nid blong olgeta we yu stap tijim. (Luk long Teaching in the Savior’s Way,5