“1–7 Mei. Luk 12–17; Jon 11: ‘Yufala I Glad Wetem Mi From Mi Mi Faenem Sipsip Ia blong Mi we I Lus,’” Kam Folem Mi—Blong Sandei Skul: Niu Testeman 2023 (2022)
“1–7 Mei. Luk 12–17; Jon 11,” Kam Folem Mi—Blong Sandei Skul: 2023
Yang Boe We I Lusum Rod, i kam long Liz Lemon Swindle
1–7 Mei
Luk 12–17; Jon 11
“Yufala I Glad Wetem Mi From Mi Mi Faenem Sipsip Ia blong Mi we I Lus”
Prea mo stadi long Luk 12–17 mo Jon 11 blong statem mo rere long lesen blong yu. Long klas blong yu wanem i minim “sipsip we i lus”? Yusum Kam Folem Mi—Blong Wanwan Man, Woman mo Famli mo aotlaen ia taem yu stap lukaotem blong Lod i lidim yu blong olsem wanem blong save mitim gud ol nid blong ol memba blong klas, iven sapos oli no stap atendem klas.
Invaetem Ol Memba blong Serem Wanem Oli Gat
Blong putum wanem yu lanem long praktis, i wan impoten pat blong lanem samting, invaetem ol memba blong klas blong serem olsem wanem oli jusum blong laef folem wanem oli lanem long ol skripja long wik ia.
Stap Tijim Doktrin
I no gat eskius we i naf blong sakemaot gospel ia.
-
Blong helpem ol memba blong klas blong stadi long parabol blong bigfala kakae, maet yu save invaetem olgeta long wan pati we yu tingting long hem nomo, we yu bae yu mekem. Letem olgeta i serem sam risen from wanem bae oli atendem o no atendem. Ridim Luk 14:15–24 tugeta, mo toktok raon long ol eskius ol pipol long parabol oli mekem taem oli invaetem olgeta blong atendem bigfala kakae ia we i ripresentem ol blesing blong gospel ia. ?Wanem ol eskius pipol oli mekem tedei we i blokem olgeta blong save akseptem invitesen blong Sevya blong kasem ol blesing blong Papa long Heven? Maet ol memba blong klas oli save serem ol blesing we oli kasem taem oli mekem ol sakrifaes, we i nid blong laef folem sam prinsipol blong gospel.
Yumi save lukaotem olgeta we oli lus mo glad wetem Papa taem oli kambak.
-
?Olsem wanem bae yu givim janis long ol memba blong klas blong serem wanem oli lanem abaot trifala parabol we i stap long Luk 15? Tingting blong givim wok long wanwan memba blong klas, wan long ol parabol ia, blong hem i luklukbak long hem. ?Oli lukaotem mo fanem ol ansa blong ol kwestin we i olsem olgeta ia: ?Wanem toktok insaed long parabol i rivilim olsem wanem Papa long Heven i filim abaot olgeta we oli lus? ?Wanem nao ol parabol ia oli talem abaot olsem wanem yumi go mo givhan long evri pikinini blong God? Ol memba blong klas oli save serem olsem wanem Sevya i bin faenem olgeta taem oli filim se oli lus.
-
Singsing “Dear to the Heart of the Shepherd” (Hymns, no. 221) tugeta, maet i wan nara tijing blong ademap long ol parabol ia.
-
Taem yufala i luklukbak long parabol blong yangfala boe we i lus, ol memba blong klas oli save lanem moa samting sapos oli lukluk moa long ol toktok, ol aksen, mo bilif blong wanwan long olgeta we oli stap long parabol. ?Yumi lanem wanem long wanwan man ia? Maet ol memba blong klas oli save raetem wan narafala en blong parabol we i no semmak long hemia we i stap abaot fasin blong bigfala brata long smol brata i defren. ?Kaonsel blong Papa long parabol i tijim wanem long yumi abaot olsem wanem yumi filim abaot olgeta we oli lus mo olgeta we oli kambak long gospel? (Luk tu long Elda Jeffrey R. Holland toktok long “Sam Moa Risos.”) O yu save askem ol memba blong klas blong oli pikjarem olgeta long ples blong papa long parabol ia. ?Wanem sam kaonsel we i gud blong givim long bigfala brata blong helpem hem blong stap glad long progres o sakses blong ol narawan?
Blong stap talem tangkyu from ol blesing, bae i karem mi i go moa kolosap long God.
-
Invaetem ol memba blong klas blong serem wanem oli lanem abaot fasin blong talem tangkyu long wanem oli stadi long hem long Luk 17:11–19 mo vidio ia “Presiden Russell M. Nelson the Healing Power of Gratitude” (ChurchofJesusChrist.org). ?Olsem wanem man we i kasem leprosi i kasem blesing taem hem i talemaot tangkyu blong hem? ?Olsem wanem nao yumi kasem blesing taem yumi gat fasin ia blong stap talem tangkyu? Ol memba blong klas oli save talem ol wei we yumi save soem fasin blong talem tangkyu long God mo ol narawan man.
Jisas Kraes Hem i Resereksen mo Laef ia.
-
Wan wei blong stadi gud long Jon 11:1–46 hem i blong askem ol memba blong klas blong ridim ol ves ia, wan afta wan, mo invaetem olgeta blong stop mo tokbaot, evri taem oli faenem wan pruf blong fet long Jisas Kraes. Yu save askem tu ol memba blong tingting long lukluk blong ol man we oli tekem pat—Sevya, ol Aposol, Mata, Meri, mo Lasaros. ?Wanem nao yumi lanem long wanwan long olgeta? Maet ol memba blong klas oli serem eksperiens blong olgeta taem fet blong olgeta i kam strong long taem blong wan hadtaem.
Sam Moa Risos
Lanem samting aot long narafala boe we i lusum rod.
Elda Jeffrey R. Holland i givim lukluk ia abaot bigfala brata blong boe ia we i lusum rod: “Boe ia i no kros tumas se narawan i kam long haos, olsem we i kros from se papa mo mama blong hem tufala i hapi tumas abaot boe ia. … Hem i no faenem yet lav mo sore, hem i nid yet blong developem bigfala lav ia blong kam blong luksave. Hemia i brata blong hem. Taem papa blong hem i stap talem long hem blong luksave, se, hem i wan we i bin ded mo naoia hem i laef. It is one who was lost and now is found” (“The Other Prodigal,” Ensign, May 2002, 63).
Kam Antap long Fasin blong Yumi blong Stap Tij
Go Toktok o Helpem Wan Olsem man blong lukaot long sipsip long parabol blong Sevya (luk long Luk 15:4), “Yu save go aot mo faenem olgeta we oli aot long klas blong yu. Ol janis blong yu blong tij mo leftemap tingting blong ol memba blong klas mo helpem olgeta i kam long Kraes, i go moa yet bitim klasrum mo olgeta we oli stap kam long lesen blong yu evri taem” (Teaching in the Savior’s Way, 8).