Na Kai Samaria Dauloloma,, mai vei Dan Burr

17–23 ni Epereli

Maciu 18; Luke 10

“A Cava Meu Kitaka Meu Rawata Kina na Bula Tawamudu?”

Wilika na Maciu 18 kei na Luke 10, ka vola na veivakauqeti vakayalo e yaco vei iko. Ni sa vakauqeti na yalomu, o na taroga beka, me vaka a kaya o Elder Richard G. Scott, “E tiko tale beka na ka meu kila?” Na Rawati ni Veidusimaki Vakayalo,” Liaona, Nove. 2009, 8).

Sureta na Veiwasei

Era umanaki tu ena wase oqo e vuqa na ivakaraitaki ni vakavulici ni kosipeli e duidui mai na kena e vakavulica vei keda o vuravura. Sa rawa vei ira na lewe ni kalasi me ra wasea eso na ivakaraitaki era sa kunea ena nodra wiliwili ena macawa oqo. Ena vakalougatataki keda vakacava na Turaga ni da bulataka na Nona ivakavuvuli?

Vakavulica na iVunau

Maciu 18:21–35

E dodonu meda veivosoti keda vinakata me vosoti keda na Turaga.

• O na vakayagataka vakacava na vosa vakatautauvata ni dauveiqaravi sega ni dauloloma me vakauqeta kina na lewe ni kalasi mera dauveivosoti? E rawa talega mo vola na taro vakaoqo ena vava ni volavola ka sureta na kalasi mera vakasamataka vakatitobu ena gauna e talanoataka tiko kina e dua na vosa vakatautauvata: O cei e matataka tiko na tui? O cei e matataka tiko na dauveiqaravi sega ni dauloloma? O cei e matataka tiko na itokani dauveiqaravi? Na cava era matataka na dinau? Sureti ira na lewe ni kalasi me ra vakasamataka na itukutuku cava e vakarautaka vei ira yadua na italanoa vakaibalebale. (Raica talega na “iKuri ni iVurevure.”)

• Sa rawa mo sureta na kalasi mera vakayagataka na vosa vakatautauvata ni dauveiqaravi sega ni dauloloma e vakavulica talega na lesoni ni veivosoti ena ituvaki ni gauna oqo kei na matailalai. (Me ra na cakacaka vakailawalawa ena kena oqo.) Veivosakitaka na kena saumi na taro nei Pita baleta na iwiliwili ni gauna me veivosoti kina.

A vakamacalataka o Jisu na ilavo kei na dinau me vakavulica kina na veivosoti.

Luke 10: 25–37

Ni gadrevi me rawati na bula tawamudu, e dodonu meda lomana na Kalou kei ira era tu volekati keda.

• Oqo e dua na vakasama vei ira na kalasi mera raica vou kina na vosa vakatautauvata ni kai Samaria dauloloma: Sureta mera raitayalotaka ni ra vakadikeva tiko e dua na kisi ni veimoku kei na butako ena gaunisala ena kedrau tadrua o Jeriko kei Jeruisalemi. Sureta e vica ena kalasi mera vakavakarau mai ki na kalasi mera matataki ira na duidui ni tamata ena vosa vakatautauvata ka vakamacalataka na nodra vakaitavi ena kisi oqo. Me ivakaraitaki, na cava beka eso na vuna erau sega ni cegu kina na bete kei Livai me rau vukea na tamata mavoa? Na cava a tu kina vakadua na kai Samaria? Na vakasama cava tale e rawa ni tomana o itaukei ni bure? Na cava beka e nanuma o koya a mavoa baleti rau yadua na kena vo? Raica na veivosaki me vakauqeta na kalasi mera na vakataka na kai Samaria kei itaukei ni bure ka kakua ni vakataki rau na bete kei na Livai.

• E sauma vakacava na taro me baleti Jisu na italanoa vakaibalebale ni kai Samaria daulolma ena Luke 10:25–29? Sureta na lewe ni kalasi me ra veivosakitaka na gauna era a vakila kina me vaka na “tamata yalodei” (tikina 30)) ka gadreva vakalevu na veivuke. A lako mai vakacava na veivuSarake? Eda na cakacaka vata vakacava na lewe ni tabanalevu meda veivuke yani, me vakataka na ka rau a cakava na kai Samaria dauloloma kei itaukei ni bure?

Luke 10:38–42

Eda digitaka na “tikina vinaka o ya” ena digidigi ena veisiga e mua yani ki na bula tawamudu.

• Ni wiliki oti vata na Luke 10:38–42 sa rawa mo taroga na kalasi na cava era na cakava ke sa vakasalataki ira na iVakabula me vaka ni o ira o Marica. Ena vakayaco-ka vakacava na ka oqo ena nodra idigidigi ni mataka? E rawa vakacava ni da kila na veika ena noda bula e dodonu me levu cake kina na gauna kei na noda kauwai? Sa rawa ki na lewe ni kalasi mera vakasaqara ena itukutuku nei Peresitedi Dallin H. Oaks “Vinaka, Vinaka Cake, Vinaka Sara” (Liaona, Nove. 2007, 104–8) mo kunea na ivakasala en rawa ni vukei ira.

iKuri ni iVurevure

Na dinau ena italanoa vakaibalebale ni dauveiqaravi sega ni dauloloma.

Ni vosa me baleta na dinau se bera tu ni saumi ena italanoa vakaibalebale ni dauveiqaravi sega ni dauloloma, a kaya o Jeffrey R. Holland:

E tiko eso na duidui ni vakasama vei ira na tamata vuli ena ivakatautauvata vakailavo ka tukuni eke, ia me fikataki vakarawarawa, ke sa, kaya mada, $100 ena noda gauna oqo na dinau e 100 na peni lailai ka tawavosoti ia na 10,000 na taledi dinautaki ka vosoti vakarawarawa sa rawa ni yacova na $1 bilioni—se levu cake!

Vaka e dua na dinau vakatamata, o ya sa dua na iwiliwili vakaitamera—sa tawayacova na noda vakasama. (E sega ni rawa ni dua e rawa ni vakasara oqori na levu ni volivoli e cakava!) Ia, me baleta na ibalebale ni vosa vakatautauvata oqo, e sa dodonu me kakua ni kilai matata; e sa dodonu me sega ni yacova na noda igu me vakasamataki, sega ni tukuni ni sa sega ni yacova na noda igu meda sauma. O ya baleta ni oqo sa sega ni italanoa ni rua na dauveiqaravi ka veiba voli ena Veiyalayalati Vou. E sa italanoa me baleti keda, na matavuvale vakatamata lutu—na daudinau vakayago, daucakacala, ka kaivesu kecega. Eda sa daudinau taucoko, ka sa itotogi meda bala taucoko ki valeniveivesu. E kea eda na tiko kece kina kevaka me a sega na loloma soliwale ni Dua na Tui ka sa vagalalataki keda baleta ni lomani keda o Koya ka sa ‘lomani keda sara’ [Vunau kei na Veiyalayalati 121:4]” (“O Koya mo Dou Qai Vinaka Sara—Ni sa Yaco mai na Gauna,” Liaona, Nove. 2017, 41).

Vakatorocaketaki ni Noda Veivakavulici

Muria na iVakaraitaki ni iVakabula Ni ko wilika na itukutuku ni veivakavulici ni iVakabula ena Veiyalayalati Vou, vakasaqara na lesoni ena Nona ivakaraitaki ena rawa me vukea mo qasenivuli vinaka cake. Me vakataka, na Luke 10:25–37, na cava a cakava o Jisu me vakavulica kina na loya me rawata kina na bula tawamudu?