O Jisu kei na marama sa lutu ena qele

Au Sega Talega ni Vakacacani Iko, mai vei Eva Koleva Timothy

24–30 ni Epereli

Joni 7–10

“Oi Au na iVakatawa Vinaka”

Ena yaco vei iko kei na lewe ni kalasi na veivakararamataki ni dou wilika na Joni 7–10 ena macawa oqo. Nanuma tiko ni vakasama ena ituvatuva oqo me sema ka sega ni sosomitaka na veivakauqeti ni ko vulica na ivolanikalou.

ivakatakilakila ni veiwasei

Sureta na Veiwasei

Vakananumi ira na lewe ni kalasi na bibi ni cakava na nodra itikotiko me vanua ni vuli kosipeli. Kerei ira me ra wasea na veika e vakavulica vei ira na Yalo Tabu ni ra vulica na Joni 7–10 e vale, vakatamata yadua se kei na nodra matavuvale.

ivakatakilakila ni veivakavulici

Vakavulica na iVunau

Joni 7–10

Sai Jisu Karisito na iVakabula kei vuravura.

• Ena loma ni Joni 7–10, a veivakaroti raraba kina vakavica na iVakabula ka na vukea na lewe ni kalasi mera kila vinaka na Nona ilesilesi ka toro voleka Vua. Mo sureta na lewe ni kalasi mera wilika na veitikini ivolanikalou oqo ka wasea na ka era sa vakavulica baleta na ilesilesi vakalou ni iVakabula. E cakava vakacava na Karisito na ilesilesi oqo ki na noda bula?

  • Joni 7:37–39: Na ivurevure ni “wai bula”

  • Joni 8:129:4–5Na rarama kei vuravura”

  • Joni 9:8–10, 35–38: “Na Luve ni Kalou”

  • Joni 10:7–9: “Na katuba”

  • Joni 10:11–14: “Na ivakatawa vinaka”

Jisu Karisito

Na Rarama kei Vuravura, mai vei Howard Lyon

Joni 7:14–17

Ni da bulataka tiko na veivakavulici i Jisu Karisito, eda na yaco meda na kila ni sa dina.

• Ena so na sala, na rawati ni ivakadinadina e vaka na vulici ni dua na kila matau—e gadrevi ruarua kina na vakatovotovo kei na kilaka. Me vakaraitaki oqo, sa rawa mo sureti ira na lewe ni kalasi e tiko e dua na nodra maqosa, me vaka na veiciqo se vakatagitaki e dua na iyaya ni vakatagi, me ra vakamacalataka na sala era a tara cake kina na nodra kila. Cava na vuna e sega ni rauta kina me wiliki ga na kila maqosa se sarava e dua tale me cakava? Veivosakitaka vakalasi, na sala cava erau tautauvata kina na vakatovotovotaki ni dua na maqosa ki na ivakarau vakayalo e vakamacalataki ena Joni 7:14–17 E duidui vakacava?

• Sa rawa ki na lewe ni kalasi mera wasea na gauna a vukei ira kina me ra rawata e dua na ivakadinadina ni dua na dina vakosipeli era na nodra a bulataka. Solia na gauna vei ira na lewe ni kalasi mera vakasamataka e dua na ivakavuvuli ni kosipeli era na vinakata me ra rawata e dua na kena ivakadinadina qaqaco cake, oti qai vakayaloqaqataki ira me ra vakadavora na lalawa eso me ra bulataka vakavinaka cake na ivakavuvuli oya.

Joni 8:1–11

Sa yaco na loloma veivueti ni iVakabula vei ira kece sa veivutuni.

• Kivei ira era vakila ni ra cudruvi baleta nodra ivalavala ca, na itukutuku ni iVakabula ni solia na loloma veivueti kei na veivutuni vua na yalewa dautagane sa rawa me ivurevure ni veivakayaloqaqataki. Se, ra temaki na lewe ni kalasi mera cudruva e dua ni ra sa valavala ca, na italanoa oqo sa rawa me ivakaro. Sa rawa mo sureti ira na lewe ni kalasi me ra wilika na Joni 8:1–11, ka kunea na isau ni taro me vakaoqo: Na cava e vakavulica na italanoa oqo baleta na loloma veivueti ni iVakabula? Ena vukei keda vakacava na Nona loloma veivueti ni da caka cala ni da temaki meda vakalewai ira na tamata? (raica na Alama 29:9–10).

• Ni gadrevi mera kunea na lewe ni kalasi na itukutuku e baleti ira yadua ena Joni 8:1–11mo wasea na kalasi ki na tolu na ilawalawa—e dua me raica na nodra vosa kei na itovo na Farisi, e dua tale me raica na vosa kei na itovo ni iVakabula, ka dua tale me raica na vosa kei na itovo nei yalewa. E rawa ni ra cakava oqo ni ra wilika tiko na itukutuku se ni saravi tiko na vidio “Go and Sin No More” (ChurchofJesusChrist.org). Sureta na ilawalawa yadua mera vola na dina vakayalo eso era vulica ni ra wilika na tiki yadua ni itukutuku.

• Eso na gauna eda sega tu ni kila na sala eda sa vakalewa kina eso. Oqo e dua na itaviqaravi me vukea na lewe ni kalasi mera uabaleta na ivakarau oqo: Kerea na kalasi mera vukei iko me volai na sala eda vakalewai ira kina na tamata (na kedra irairai, nodra itovo, kedra irogorogo, kei na so tale). Solia veiira na lewe ni kalasi na tiki ni pepa e kotivi tu ena ibulibuli ni dua na vatu, ka kerea mera digitaka e dua na sala era na vakalelewa kina era vakila ni ra sa cala kina ka vola ena vatu pepa. Na cava eda vulica mai na vosa ni iVakabula kivei ira na Farisi ena Joni 8:1–11? Sureta na kalasi mera vola ena yasa kadua ni vatu pepa na ka ena vakavotuya vei ira mera kakua ni vakalelewa (na malanivosa beka mai na Joni 8).

Joni 8:18–19, 26–29

Ni sa yaco meda kilai Jisu Karisito, eda na kila kina na Tamana.

• Na cava e vakavulica na vosa ni iVakabula ena Joni 8:18–19, 26–29 baleta na kena isema o Koya kei na Tamana? Ni wiliki ka veivosakitaki oti na veitikina oqo, sa rawa mera vola na lewe ni kalasi ena vava ni volavola na veika a cakava, cavuta, se vakavulica o Jisu. Na cava eda sa vulica baleta na Kalou na Tamada mai na veika oqo?

Vakatorocaketaki ni Noda Veivakavulici

Mo bula kilikili ki na veidusimaki ni Yalo. Ni ko bulataka tiko na kosipeli, sa kilikili kina me nomu itokani na Yalo, o koya na qasenivuli vinaka duadua. Ni ko vakasaqara na Nona veidusimaki, ena soli vakasama kei na vakanananu vei iko o Koya ena sala mo sotava kina na nodra gagadre o vakavulica. (Raica na Veivakavulici ena iVakarau ni iVakabula,5.)