iBulubulu ena Were

3–9 ni Epereli

Siganimate

“Ko Iko Bulubulu, Sa Evei na Nomu Gumatua?”

Ni ko vakavakarau mo veivakavulici ena macawa oqo, mo raica na sala me tara cake kina na veivosaki ni kalasi ni Siga Tabu ni Mate ena vakabauti Jisu Karisito kei na Nona Veisorovaki.

ivakatakilakila ni veiwasei

Sureta na Veiwasei

Tarogi ira na lewe ni kalasi era na sauma vakacava na taro vakaoqo “Na cava na Veisorovaki i Jisu Karisito?” ka vakakina “Meu na ciqoma vakacava na veivakalougatataki ni Veisorovaki i Karisito?” Sureti ira me ra wasea e dua na ivolanikalou era wilika ena macawa oqo ka na vukea me saumi na veitaro oqo.

ivakatakilakila ni veivakavulici

Vakavulica na iVunau

Sa sereki keda ko Jisu Karisito mai na ivalavala ca kei na mate, vaqaqacotaki keda ni da malumalumu, ka vakacegui keda ni da vakatovolei.

• Era sa kila vinaka tiko beka na nomu lewe ni kalasi ni sa vakacegui keda o Jisu ena noda vakatovolei ka vaqaqacotaki keda ena noda malumalumu, vakakina ni sereki keda mai na ivalavala ca kei na mate? Dua na sala mera vukei kine mera kunea na ivakavuvuli oqo o ya me volai toka na veivosa oqo ena vava ni volavola: iValavala ca, Mate, Valatovolei, Malumalumu. Kerei ira na lewe ni kalasi yadua mera wilika e dua na tiki ni ivolanikalou e tiko ena “iKuri ni iVurevure” ka vakasamataka vakatitobu na sala ena vukei keda kina na iVakabula meda uabaleta se vosota na veika oqo. Mera vola toka na lewe ni kalasi na ka era sa vulica mai na ivolanikalou oqo ena kena ulutaga yadua ka wasea nodra ivakadinadina me baleta na iVakabula kei na Nona Veisorovaki.

  O Karisito ena kauveilatai

  Vakoti ena Kauveilatai,, mai vei Louise Parker

• E rawa ni veivuke e dua na lesoni me ivakaraitaki ni duidui na savasava mai na ivalavala ca kei na vakataucokotaki na bula me uasivi sara: Mo vola ena vava ni volavola na imatai ni vica na iyatuvosa mai na Moronai 10: 32ia mo laiva me volai cala tu na sipeli se qarama cala. Mo qai sureta e dua ena lewe ni kalasi me bokoca (kua ni vakadodonutaka) na veitikina e volai cala. E wali beka kina na leqa? Na lesoni cava eda sa vulica mai na ivolanikalou oqo kei na lesoni ivakaraitaki oqo me baleta na mana ni nona Veisorovaki na iVakabula vei keda? Ena veivuke talega na itukutuku oqo nei Peresitedi Dieter F. Uchtdorf: “Kevaka e ibalebale walega ni vakabulai me bokoci ga kina noda cala kei na ivalavala ca, ia na vakabulai—ena kena totoka taucoko—ena sega sara ni se yacova rawa na ka a nakita kina o Tamada me baleti keda. E cecere cake na Nona inaki: E vinakati ira na luvena tagane kei na luvena yalewa mera vakataki Koya” (Na iSolisoli ni Loloma Soliwale,” Liaona, Me 2015,108).

• Ena rawa me vukei keda na italanoa kei na vakatautauvata meda kila vinaka kina na Veisorovaki i Karisito. Sa rawa mo wasea e dua na italanoa se vosa vakatautauvata mai na dua na itukutuku ni koniferedi raraba ena “iKuri ni iVurevure.” Se mo ni sarava vata na “Handel’s Mesaia: Valeniveivesu nei Koya e Dinau” (vidio), ChurchofJesusChrist.org, ka veivosakitaka na kena sereki keda na Veisorovaki i Jisu Karisito mai na noda vesuki tu. Me ra qai wasea na lewe ni kalasi e dua na vakasama se nanuma e tiko vei ira me baleta na iVakabula kei na Nona Veisorovaki kivei keda.

Maciu 28:1–10; Luke 24:13–35; Joni 20:19–29; 1 Koronica 15:1–8,55

Era vakadinadinataka na Daunivakadinadina ena Veiyalayalati Vou ni sa qaqa o Jisu Karisito vei mate.

• Sa rawa me talevi na itukutuku vakaivolanikalou ni imatai ni Siga ni Mate—na Tucaketale i Jisu Karisito. Mo sureta e dua ena lewe ni kalasi me tokaruataka na italanoa ena nona vosa ga (raica na Joni 20:1–17). Sa rawa mo vakaraitaka talega e dua na vidio ena iVola Tabu me vakataka na “Sa Tucaketale o Koya” (ChurchofJesusChrist.org)

• Era na rairai kila vakatitobu sara na kalasi na kedra bibi o ira na ivakadinadina ni nona Tucaketale ko Jisu Karisito kevaka mera raitayalotaka ni ra loya se dauvolaitukutuku mera vakadikeva tiko na itukutuku ni sa tucake tale na Karisito. Sureta mera vakasaqara eso ena tiki ni ivolanikalou era rawa ni ivakadinadina (raica na Maciu 28:1–10; Luke 24:13–35; Joni 20:19–29; 1 Korinica 15:3–8, 55–58). Mera vola e dua na ivakalekaleka ni veika era na rawa ni kaya o ira oqo kevaka era na soli ivakadinadina e na vale ni veilewai se vakatarogi me soli itukutuku.

• Dua na sala me titobu kina na noda vakavinavinakataka na Tucaketale ni iVakabula o ya meda na vakamacalataka vakacava na noda vakabauta vei ira na tamata. Era na wasea vakacava na lewe ni kalasi na nodra ivakadinadina me baleti Jisu Karisito ena ituvaki vakaoqo: sa laurai vua e dua na lewe ni matavuvale e dua na mate bibi; e dua na itokani sa mate e dua na nona daulomani; e taroga e dua na neiba na vuna o marautaka kina na Siga ni Mate. Vakayaloqaqataka mera raica na ivolanikalou (me vaka ena “iKuri ni iVurevure”) ni ra tuvanaka nodra isaunitaro. Kerea e vica na lewe ni kalasi me ra wasea na nodra nanuma.

ivakatakilakila ni ivurevure

iKuri ni iVurevure

Na Veiivolanikalou baleta na Veisorovaki ni iVakabula kei na Tucaketale.

• Aisea 25:8; 53:3–6

• Joni 2:11–17

• Roma 8:31-39.

• 2 Nifai 9:5–12

• Mosaia 3:5–10

• Alama 7:10–14; 11:42–44

• 3 Nifai 11:8–17; 27:13–20

• Moronai 7:41

• Vunau kei na Veiyalayalati 19:15–19

Na itukutuku me baleta na Veisorovaki ni iVakabula kei na Tucaketale.

• Dale G. Renlund, “Vakasamataka na Vinaka kei na Cecere ni Kalou,” Liaona,Me 2020, 41–44

• Gerrit W. Gong, “iVakatawaVinaka, Lami niKalou,” Liaona, Me 2019, 97–100

• Sharon Eubank, “Karisito: Na Rarama Sa Cilava na Butobuto,” Liaona, Me 2019, 73–76.

• Cristina B. Franco, “Na Kaukauwa ni Veivakabulai i Jisu Karisito,” Liaona, Nove. 2020, 60–62

Vakatorocaketaki ni Noda Veivakavulici

Mo iyaya ni cakacaka ni Yalotabu. “Na nomu inaki vaka-qasenivuli e sega ni kena caka tu e dua na veivakavulici vakasakiti ia na nodra vukei ga eso tale mera ciqoma na veivakayarayarataki ni Yalo Tabu, o koya na qasenivuli dina sara. (Veivakavulici ena iVakarau ni iVakabula,,10).