Risamaria eo em̧m̧an

Risamaria eo Em̧m̧an, jān Dan Burr

Eprōļ 17–23

Matu 18; Luk 10

“Ta Men Eo I Naaj Kōm̧m̧an Bwe In Bōk Aō Jolōt Mour Indeeo?”

Riiti Matu 18 im Luk 10, im je im̧weo ko am̧ ilo jetōb. Ilo am̧ bōk im̧weo ko, kwomaron̄ kajjitōk, āinwōt an Elder Richard G. Scott ekar elmakote, “Elōn̄ ke bar men ko Ij aikuj in jeļā?” (“To Acquire Spiritual Guidance,” Liahona, Nob. 2009, 8).

pija ej bōk jikin kwaļo̧k

Kajjitōk bwe ren Kwaļo̧k

Jepta kein repād ie elōn̄ waanjon̄ak ko an katak ko an gospel eo me rej oktak jān ta eo laļ in ej katakin kōj. Bōlen ro uwaan kūlaaj eo remaron̄ kwaļo̧k jet waanjon̄ak ko rej loi ilo aer riit ilo wiik in. Ekōjkan an Irooj kōjeraam̧m̧an kōj n̄e jej kōjerbal katak ko An?

pija eo ej bōk jikin katakin

Katakin Katak eo

Matu 18:21–35

Jej aikuj jeorļo̧k an ro jet bōd eļan̄n̄e jej tōn bōk jeorļo̧k bōd jān Irooj.

• Ekōjkan am̧ maron̄ kōjerbal būrabōļ eo kōn rijerbal eo ejjeļo̧k an tūriam̧o kake n̄an im̧we ro uwaan kūlaaj eo n̄an kōļapļo̧k aer jeorļo̧k bōd? Bōlen kwomaron̄ je kajjitōk ko āinwōt kein ioon boot eo im kajjitōk ippān ro uwaan kūlaaj eo n̄an kejekļo̧kjeņ kaki ilo an juon armej bar ba būrabōļ eo: Wōn eo ej bōk jikin kiin̄ eo? Wōn rijerbal eo ejjeļo̧k an tūriam̧o kake ej bōk jikin? Wōn eo rijierbal eo m̧ōttan ej bōk jikin? Ta eo m̧uri eo ej bōk jikin? Kajjitōk ippān ro uwaan kūlaaj eo n̄an kwaļo̧k ta ennaan ko ewōr ilo būrabōļ in n̄an er make. (Lale barāinwōt “Kein Jipan̄ ko Jet.”)

• Kwomaron̄ kajjitōk ippān kūlaaj eo n̄an kōm̧m̧ane juon oktak kōn būrabōļ eo kōn rijerbal eo ejjeļo̧k an tūriam̧o kake me ej katak in ejja katak ko wōt kōn jeorļo̧k bōd kōjerbal jekjek ko raan kein im meļeļe ko. (Ļōmņak in kōm̧m̧an bwe rej jerbale ilo kumi ko.) Ekōnono kōn ekōjkan an būrabōļ eo kar uwaake kajjitōk eo an Piter kōn ewi lōn̄ in an aikuj jeorļo̧k bōd.

jāān dekā in etto ko.

Jisōs ekar kōnono kōn jāān im m̧uri n̄an katakin kōn jeorļo̧k bōd.

Luk 10:25–37

N̄an bōk mour indeeo, jej aikuj iakwe Anij im ro rūturūd.

• En̄in ej juon ļōmņak me emaron̄ leļo̧k n̄an ro uwaan kūlaaj eo juon kalimjōk ekāāl kōn būrabōļ eo kōn Risamaria eo em̧m̧an: Kajjitōk ippāer n̄an etan ke rej etale juon case in kakkure ak ko̧o̧t ilo iaļ eo ikōtaan Jericho im Jerusalem. Kajjitōk ippān jejjo ro uwaan kūlaaj eo n̄an pojaktok n̄an kwaļo̧k oktak eo ikōtaan armej ro ilo būrabōļ eo im kōnono kōn aer bōk koņaer ilo case eo. N̄an waanjon̄ak, ta eo emaron̄ in jet un ko pris eo im Rilevi eo raar jab bōjrak n̄an jipan̄ em̧m̧aan eo ekinejnej? Etke Risamaria eo ekar bōjrak? Ta ļōmņak ko rilale inn eo emaron̄ kobaiktok? Ekōjkan an em̧m̧aan eo ekinejnej maron̄ in kar en̄jake kōn ro jet? Kanooj lale bwe iien ekōnono eo ej im̧we ro uwaan kūlaaj eo bwe ren āinwōt Risamaria eo em̧m̧an im rilale inn eo im joļo̧k āinwōt pris eo im Rilivai eo.

• Ekōjkan an būrabōļ eo kōn Risamari eo em̧m̧an uwaake kajjitōk ko kar kajjitōk ippān Jisōs kaki Luk 10:25–29? Kajjitōk ippān ro uwaan kūlaaj eo n̄an kōnono kōn iien ko raar en̄jake āinwōt “juon armej” (eoon 30) eo ekar lukkuun aikuj jipan̄. Ekōjkan an jipan̄ kar itok? Ekōjkan ad āinwōt ro uwaan ward eo jerbal ippān doon n̄an jipan̄ ro jet, āinwōt Risamaria eo em̧m̧an im rilale inn eo kar kōm̧m̧an?

Luk 10:38–42

Jej kāālet “ājinkōj eo em̧m̧an” jān kōm̧m̧ani kāālet ko raan otemjej me rej tōlļo̧k n̄an mour indeeo.

• Ālkin riiti Luk 10:38–42 āinwōt juon kūlaaj, kwomaron̄ kajjitōk ippān ro uwaan kūlaaj eo ekōjkan aer maron̄ kar uwaake kapilōk eo an Rilo̧mo̧o̧r eo eļan̄n̄e ren kar pād ilo ijo jikin Martha. Ekōjkan an en̄jake in maron̄ wōr kilaan ilo kāālet ko aer ilju im jekļaj? Ekōjkan ad maron̄ jeļā ta men ko ilo mour ko ad make rej aikuji eļapļo̧k iien im wujilepļo̧k? Ro uwaan kūlaaj eo remaron̄ etale ennaan eo an Būreejtōn Dallin H. Oaks “Good, Better, Best” (Liahona, Nov. 2007, 104–8) n̄an pukōt kapilōk eo me emaron̄ jipan̄ er.

pija ej bōk jikin kein jipan̄ ko

Kein Jipan̄ ko jet

M̧uri ko ilo būrabōļ eo kōn rijerbal eo ejjeļo̧k an tūriam̧o kake.

Kōnono kōn m̧uri ko an ilo būrabōļ eo kōn rijerbal eo ejjeļo̧k an tūriam̧o kake, Jeffrey R. Holland ekar ba:

“Ewōr jidik oktak ilo kōļmenļo̧kjeņ ilubwiljin rimāletlet ro kōn jon̄an aorōk in—n̄an letok jāān in U.S—ak n̄an kapidodoik bōnbōn, n̄e edik, n̄an eo eaar jab jeo̧rļo̧k bōd kōn 100 sillin̄ eo kar m̧uri jen e, jen ba, $100 ilo tōre in ad, ak eo me kar m̧uri jene 10,000 tōļan eo em̧urie kar jeorļo̧k an bōd emaron̄ kar dettan in $1 bilien—ak ļapļo̧k!

“Āinwōt juon rikam̧uriri, en̄in ej jon̄an nōm̧ba eo—jon̄an in ellā jen ad maron̄ keidi. (Ejjeļo̧k remaron̄ kaikujkuj jon̄an in!) Ekwe, kōn jibadbad eo an būrabōļ in, ekar menin aikuj n̄an jab keidi; ekar menin aikuj n̄an meļeļe eo ad, bwe ejjab ad eddo n̄an bar kōļļāiki. En̄in bwe bwebwenato in ejjab kōn ruo rikarejer ro rej iakweleel ilo Kallim̧ur Ekāāl. Ej juon bwebwenato in kōj, baam̧le ko rej likab—m̧uri, ilo bōd, im aolep rikalbuuj. Jej aolep rim̧uri, im kālet eo eaar liaakeļo̧k kajjojo iaad. Im jaar aolep pād ijo ejjab kōn jouj eo an ad kiin̄ eo eaar pidodo an kanōmkwoj kōj im kōnke Ej iakwe kōj im eaar ’ em̧akūt kōn triamo eo an n̄an kōj’ [Katak im Bujen Ko 121:4]” (“Em̧ool—Kom̧ Naaj Weeppān,” Liaona, Nob. 2017, 41).

Kōkm̧anm̧anļo̧k Ad Katakin

Ļoor waanjon̄ak eo an Rilo̧mo̧o̧r Ilo am̧ riiti bwebwenato kōn an Rilo̧mo̧o̧r eo katakin ilo Kallim̧ur Ekāāl, kappukōt katak ko ilo waanjon̄ak eo An me remaron̄ jipan̄ eok juon rūkaki em̧m̧an. N̄an waanjon̄ak, ilo Luk 10:25–37, ta eo Jisōs ekar kōm̧m̧ane n̄an katakin ļoāār eo kōn ekōjkan bōk mour indeeo?