“Meei 15–21. Mataio 21–23; Mareko 11; Ruka 19–20; Ioane 12: ‘Nooria, E Roko Am Uea,’” Nakomai, Iriirai—Ibukin te Reirei n Tabati: Te Nu Tetemanti 2023 (2022)
“Meei 15–21. Mataio 21–23; Mareko 11; Ruka 19–20; Ioane 12,” Nakomai, Iriirai—Ibukin te Reirei n Tabati: 2023
Takaio i mwaangan te Tikumorea, iroun James Tissot
Meei 15–21
Mataio 21–23; Mareko 11; Ruka 19–20; Ioane 12
“Nooria, E Roko Am Uea”
Ngkai ko wareka Mataio 21–23; Mareko 11; Ruka 19–20; ao Ioane 12, taratarai reirei ake ana buoka kainnanoia aomata ake ko reireiniia. Te Tamnei ae Raoiroi e na kaungako n ataia bwa kona kanga ni buokiia kain am kiraati ni kunei reirei akanne.
Kaunga te Tibwatibwa
Tabeua te bong imwain te kiraati, kaoia tabeman kain te kiraati bwa a na roko n tauraoi n tibwa te taneiai are a tia ni karekea ngkai a kamatebwaia mwakoro ake a katauaki ibukin te wiiki aei. Tuangiia bwa a na karakini kakabwaia ake a reke irouia ngkai a kamatebwai inanon te wiiki.
Reirei te Reirei
Te Tia Kamaiu e kinaira n tatabemaniira.
-
Kain am kiraati a bae n tia n namakina ae aki tabeakinaki ke a mwanuokinaki n taai tabetai inanon maiuia. Rongorongon Takaio e kona ni buokiia n ataia bwa Tamara are i Karawa ao Iesu Kristo a kinaia ao a tabeanga ibukiia. NI buokiia kain te kiraati bwa a na kauaea te karaki aei ma maiuia, kaoia bwa a na iangoia ae angkoa ngaiia Takaio. Tera n am iango ae e reiakinna ibukin te Tia Kamaiu man ana taneiai? Tera ae ti kona n reiakinna man ana mwakuri Takaio ibukin ukoukoran te Tia Kamaiu?
Mataio 21:1–11; Mareko 11:1–11; Ruka 19:29–44; Ioane 12:12–16
Iesu Kristo bon ara Uea.
-
Te waaki ni kakukurei ae beebete e kona ni kaoa te maroro iaon tokanikain te Tia Kamaiu n rin i Ierutarem: Tabeman kain te kiraati a kona ni koreia iaon te burakibooti tabeua bwaai ake a irekereke ma te uea, n aron te bau n uea ke te kaintokanuea, ngkai tabeman a keetina te bwai are a korea tamneina. Ngkanne kain te kiraati ake tabeman a kona ni korea tamnein te aoti mwaane ao te mwaanga ni kai. Tera rekereken bwaai aikai ma te uea? Ko kona ngkanne ni kaota tamnein rinin te Tia Kamaiu n tokanikai i Ierutarem man bwaai aika a kakaawaki n te wiiki aei n Nakomai, Iriirai—Ibukiia Aomata n Tatabemaniia ao Utu ao kaoia kain te kiraati bwa a na wareka Mareko 11:1–11. A kanga aomata aikai ni kina Iesu bwa aia Uea? Tina kanga n neboa Iesu Kristo bwa ara Uea rinanon ara taeka ma ara mwakuri?
Tua aika uoua aika korakora bwa tina tangira te Atua ao n tangiriia tabmena n aron tangirara ibon iroura.
-
Tina kanga ni buokiia kain te kiraati ni matata bwa “n tua aika uoua aikai”—n tangira te Atua ao n tangiriia ake irarikira—“a katine ni kabane tua ao burabeti iaona”? (Mataio 22:40). Imwiin warekan Mataio 22:34–40 n ikotaki, ko kona ni korea Tangira te Atua ao Tangiriia kain irarikim iaon te burakibooti. Katoaia kain te kiraati ma te mwakoro ni beebwa ma tua aika koreaki iaona. Kaoia tabeman mai ibuakoia bwa a na wareka aia tua ao ni maroroakina bwa e kanga aia tua ni buokiira n ongeaba n teuana ke n tua aika uoua aikai. Imwiin maroroakinan aia tua, a kona ni katuka aia beeba iaon te burakibooti. Bukin tera e kakaawaki bwa tina uringnga bwa tuua ni kabane a irekereke ma tua aika korakoar aika uoua? (taraa “Bwaai ni Ibuobuoki riki Tabeua”).
Tina katanaki ngkai ti totokoa irirakiia taan kairiiri aika mataki.
-
A na reke tibwangaia kain te kiraati man maroroakinan te taeka “taan kairiiri aika mataki,” are e kabongana te Tia Kamaiu ni kabwarabwaraia Bwaritaio ao taan koroboki aika mataki? (Mataio 23:16). Kona bae n iangoa te kawai ni kabwarabwara bwa ana aekakira aron temanna n iriira te aomata ae aki nooraba. Ke kain te kiraati a kona ni karinani iaon te burakibooti anuan te tia kairiiri ae mataki, n aron are e kabwarabwaraaki n Mataio 23:13–33. N ikotia ma te rinanan, iangoia n taratarai raon koroboki aika a tabu are e reirei taekan te mataki n te maiu n tamnei, n aron 2 I-Korinto 4:3–4; 2 Nibwaai 9:28–32; ao Iakobwa 4:14. Tina kanga ni kinaia ao totokoia taan kairiiri aika mataki?
Te Tia Kamaiu e araniia Bwaretaio bwa taan mwamwana te aba ao taan kairiiri aika mataki.
Bwaai n Ibuobuoki Riki Tabeua
Tangiran te Atua ao tangiraia kain rarikira bon aan ni kabane bwaai ake ti karaoi.
Ni kaineti nakon tuua aika uoua aika korakora ake a reke n Mataio 22:37–39, e reirei Beretitenti M. Russell Ballard:
“Te ongeaba nakon tuua aika uoua aikai e karekea te kawai nakon te rau ao te kukurei. Ngkana ti tangiria ao ni beku ibukin te Uea ao n tangiria ao ni beku ibukiia raora, ti na bon namakina riki te kukurei are roko nakoira n te kawai ae tamaroa riki.
“Tangiran te Atua ao tangiraia raora bon aan reirein te mwakuri ni ibuobuoki; ni boboto-n te mweenga, te Ekaretia-boutokaa reiakinana; bongin-te Tabati taromauri n te tamnei; ao te mwakuri ni kamaiu ni uoua iteran te roki ni boutokaaki n taian Bootaki n Aine ao aia kooram unimwane. Bwaai ni kabane aikai a boboto iaon tuua aika mimitong n tangira te Atua ao n tangiriia raora. E na iai riki te bwai ae na kona ni bebete, ae rangi ni kakawaki, ae bebete riki nakon anne?” (“The True, Pure, and Simple Gospel of Jesus Christ,” Riaona, Meei 2019, 29).
Kanakoraoan Ara Anga reirei
Ko aki kainnanoia bwa kona taekini bwaai ni kabane. “E mwaiti te bwai ae e na maroroakinaki n te reirei, ma e aki riai bwa ti karaoi bwaai ni kabane n teuana te kiraati bwa ti aonga n riing nanoia tabeman—n taainako teuana ke uoua iango aika a kakawaki a bon tau. Ngkai ko iangoi kainnanoia taan reiakinaki, te Tamnei e na buokiko ni kinai bwa reirei, karaki, ke koroboki raa aika a na rang boongana riki nakoia” (Teaching in the Savior’s Way, 7).