“Meei 22–28. Iotebwa Timiti—Mataio 1; Mataio 24–25; Mareko 12–13; Ruka 21: ‘E Nako Mai Natin te Aomata,’” Nakomai, Iriirai—Ibukin te Reirei n Tabati: Te Nu Tetemanti 2023 (2022)
“Meei 22–28. Iotebwa Timiti—Mataio 1; Mataio 24–25; Mareko 12–13; Ruka 21,” Nakomai, Iriirai—Ibukin te Reirei n Tabati 2023
Te Kauaoki, iroun Harry Anderson
Meei 22–28
Iotebwa Timiti—Mataio 1; Mataio 24–25; Mareko 12–13; Ruka 21
“E Nako Mai Natin te Aomata”
Uringnga ni moana am katauraoi n anga reirei n tataro mwaaka ni wareka Iotebwa Timiti—Mataio 1; Mataio 24–25; Mareko 12–13; ao Ruka 21. Ukoukora te kairi mai ieta bon iroum, ao imwiina rinanon te kamataata aei ibukin iango riki tabeua.
Kaunga te Tibwatibwa
Koroi ni karinani iaon te burakibooti ana taeka ni kaikonaki te Tia Kamaiu aika kuneaki inanon te wareware n te wiiki aei, n aron te kai te biku, te aomata ae raoiroi ao te tia iraa, tooro aika onimaki ao aika buakaaka, kibono ake tebwina, ake iai aia tarena, ao tiibu ao kooti. Tuangiia kaain te kiraati bwa a na tibwauai koaua aika a reiakin man taeka ni kaikonaki aikai are e na buokiia ni katauraoia ibukin Kauaokin te Uea. Tera ae a karaoia ni kamwakuri koaua aikai inanon maiuia?
Reirei te Reirei
Taeka ni burabeti ibukin Kauaokin te Tia Kamaiu e kona ni buokai ni kaitarai taai aika a na roko ma te onimaki.
-
Kanikina ni Kauaokin te Tia Kamaiu e kona ni kangaanga bwa a na ota iai tabeman kaain te kiraati. E kona ni buokiia ni mwakuri inanon kurubu ao ni kinai kanikina aika kunei inanon Iotebwa Timiti—Mataio 1:21–37. E kona naba ni buokiia n ataa raoi kakawakin kanikina ngkana a kabotaui ma kanikina n te kawai. Bukin tera a kawawaki kanikina n te kawai? A kanga kanikina n te Kauaoki n ti tebo ma kanikina n te kawai? Tera ae a kaokoro iai? Ko na bae n anganiia kurubu n tatabeua nako mwakoro ni beeba n aron tein kanikina n te kawai ao ni kaoia bwa a na koroi iaon beeba n tatabeua nako te kanikina are e na uotiia nakon te Kauaoki. Anganiia aia tai bwa a na tibwaua te bwai ae a kunea, ao kaoia kaain te kiraati bwa a na maroroakin bwaai ni kakoaua n taian kanikina aikai n te aonaaba n te bong aei.
Iotebwa Timiti—Mataio 1:26–27, 38–55; Mataio 25:1–13
Ti riai n tauraoi n tainako ibukin Kauaokin te Tia Kamaiu.
-
Taetae ni kaikonaki inanon Iotebwa Timiti—Mataio 1:26–27, 38–55 ao Mataio 25:1–13 e kona ni buokiia kaain te kiraati n ataa kakawakin te katauraoi ibukin te Kauaoki. Tuangiia kaain te kiraati bwa a na ukeri kiibu aikai ao n tibwaua te bwai ae a namakinna n te bwai ae kaoira iai te Tia Kamaiu bwa ti na karaoia. Unimwaane David A. Bednar e anga teuana te kabwarabwara n aia taeka ni kaikonaki kibono ake tebwina ae a na kona n ibuobuoki (taraa “Bwaai n Ibuobuoki Riki Tabeua”). Bukin tera ngaira n tatabemaniira nako ti riai n rinanon te rairaki bon ibukira? Ti na kanga ni karaoa aei? Tera reirei man Reirei ao Berita aika Tabu 45:56–57 aika a na karaka riki otara n te taetae ni kaikonaki aei?
-
Ngkai ko reiakina okin te Tia Kamaiu, kam na bae ni bootaki ni wareka ke n anenea te kuna n te Kauaoki (taraa “Jesus Christ—Second Coming” n te topical intekiti itinanikun te boki n anene).
N te Kabanea ni Moti, ti na angan te Uea taekan maiura.
-
Te taetae ni kaikonaki ibukin tarena ao te taetae ni kaikonaki ibukin te tiibu ao kooti e kona ni kaungaira bwa ti na iangoi maiura aika ti na angan te Uea n te Kabanea ni Moti. Kam na botaki ni wareki taetae ni kaikonaki ao kaoia kaain te kiraati n tatabemaniia bwa a na tibwaua te titiraki teuana ae na kona n titiraki iaona te Tia Kamaiu ibukin maiura ngkana a motikaki taekara. Karekea aia tai kaain te kiraati bwa a na bairei kawai aika a na karaoi iaon kamataata aika a tia ni karekei n tain te marooro.
Tamneitiibu ao kootiE kabonanganai tiibu ao kooti Kristo n reirei taekan te Kabanea ni Moti (taraa Mataio 25:31–33).
-
Ni kaunga te marooro iaon Mataio 25:34–40, ko kona ni kaoia kaain te kiraati bwa a na tibwauai aia katooto iaoia aomata ake a kaota te nanoanga aika a kabwarabwaraaki inanon kiibu aikai. Anganiia aia tai n iangoia aika a na kainnanoi aia ibuobuoki. Tera kawai tabeua aika ti kona iai ni kamwarakeia aika akea kanaia, kunnikainiia aika akea karabaia, ao ni kawariia aika aoraki?
Bwaai n Ibuobuoki Riki Tabeua
Bwaan te rairaki.
Unimwaane David A. Bednar e kaota rairan te taetae ni kaikonaki aei ibukiia kibono ake tengaun:
“Iangoa te bwaa bwa te bwaa ibukn te rairaki [taraa Mataio 25:4–9]. …
“Bon kibono aika niman aika wanawana ao n aki tangiria n tibwauaia, ke are a taekinna ma te koaua ae bwaan te rairaki e aki kona n tangoaki? E kona te korakora n tamnei are e riki man teimatoara ni karinei tuua n anganaki te aomata temanna? E kona te atatai are karekeaki rinanon te kamatebwai ao kamatebwaiakan koroboki aika a tabu n anganaki temanna ae bon kainnanoia? E kona te rau are e uotia te euangkerio nakoia Aika Itiaki ni Boong aika Kaitira aika kakaonimaki ni kaibibitaki nakon temanna ae e rinanon te kakaitara ke te kakaewenako ae korakora? Te kaeka ae itiaki nakon titiraki aikai n tatabeua nako e bon aki.
“N aron are e katuruturua ni kamataata te kibono ae wanawana, ngaira n tatabemanira ti riai ni ‘kabooi bon ibukira.’ Aine aika kairaki iroun te tamnei aikai aki kabwarabwara kawain te bitineti; ma, a katuruturua tabera n tatabemaniira nako ni kateimatoa ara taura n te koaua bwa e na ura ao ni karekea mwaitin te bwa ae tau n te rairaki. Te bwa ae kakawaki aei e tangira teuana te tim n te taina—‘teutana imwiin teutana [ao] te reirei teuana i mwiin teuana’ (2 Nibwaai 28:30), n te taotaonakinnano ao te teimatoa” (“Converted unto the Lord,” Liahona, Nob. 2012, 109).
Kanakoraoan Ara Anga reirei
Kakoaua bwa ko anga reirei iaon te reirei ae koaua. “Teimatoa n titirakiniko, ‘E na kanga te bwai ae I anga reirei iaona n ibuobuoki nakoia kain au kiraati ni karikirakei aia onimaki iroun Kristo, te rairannano, karaoan ao kawakinan berita aika tabu ma te Atua, ao ni karekea te Tamnei ae Raoiroi?’” (Anga Reirei n Ana Kawai te Tia Kamaiu, 20).