Ikaduhang Pag-anhi

The Second Coming [Ang Ikaduhang Pag-anhi], Ni Harry Anderson

Mayo 22–28

Joseph Smith—Mateo 1; Mateo 24–25; Marcos 12–13; Lucas 21

“Inig Abot sa Anak sa Tawo”

Hinumdomi ang pagsugod sa imong pagpangandam sa pagtudlo pinaagi sa mainampoong pagbasa sa Joseph Smith—Mateo 1; Mateo 24–25; Marcos 12–13; ug Lucas 21. Pagtinguha og inspirasyon nga ikaw ra, ug dayon rebyoha kining latid alang sa dugang nga mga ideya.

pagpaambit nga icon

Dapita ang Pagpaambit

Paghimo og lista diha sa pisara bahin sa mga sambingay sa Manluluwas nga makita niining basahonon karong semanaha, sama sa kahoy nga igira, ang maayong tawo ug ang tulisan, ang matinud-anon ug daotang mga ulipon, ang napulo ka birhen, ang mga talanton, ug ang mga karnero ug mga kanding. Hangyoa ang mga sakop sa klase sa pagpakigbahin og mga kamatuoran nga ilang nakat-onan gikan niining mga sambingay nga makatabang kanila sa pagpangandam alang sa Ikaduhang Pag-anhi sa Ginoo. Unsa ang ilang gibuhat aron magamit kining mga kamatuoran ngadto sa ilang kinabuhi?

icon sa pagtudlo

Itudlo ang Doktrina

Joseph Smith—Mateo 1:21–37

Ang mga panagna mahitungod sa Ikaduhang Pag-anhi sa Manluluwas makatabang kanato sa pag-atubang sa umaabot uban sa hugot nga pagtuo.

• Ang mga timailhan sa Ikaduhang Pag-anhi sa Manluluwas mahimong lisod masabtan alang sa ubang mga sakop sa klase. Mahimong makatabang kanila ang pagtrabaho diha sa mga grupo ug sa pagtino sa mga timailhan nga ilang makit-an diha sa Joseph Smith—Mateo 1:21–37. Mahimong makatabang usab kini kanila nga mas masabtan ang kaimportante niining mga timailhan kon itandi nila kini ngadto sa mga timailhan sa karsada [road signs]. Nganong importante man ang mga timailhan sa karsada? Sa unsang paagi ang mga timailhan sa Ikaduhang Pag-anhi sama sa mga timailhan sa karsada? Sa unsang paagi kini managlahi? Mahimo pa gani nimong hatagan ang matag grupo og mga piraso nga papel nga giporma og mga timailhan sa karsada ug dapita sila sa pagsulat diha sa matag papel og usa ka timailhan nga mag-una sa Ikaduhang Pag-anhi. Tugoti sila nga mopakigbahin sa unsay ilang nakit-an, ug dapita ang klase sa paghisgot og ebidensya niining mga timailhan sa kalibotan karon.

Joseph Smith—Mateo 1:26–27, 38–55; Mateo 25:1–13

Kinahanglang andam gayod kita kanunay alang sa Ikaduhang Pag-anhi sa Manluluwas.

• Ang mga sambingay diha sa Joseph Smith—Mateo 1:26–27, 38–55 ug Mateo 25:1–13 makatabang sa mga sakop sa klase nga mahibalo sa kaimportante sa pagkahimong andam alang sa Ikaduhang Pag-anhi. Tingali ang mga sakop sa klase mahimong mosiksik niining mga bersikulo ug mopaambit kon unsay ilang gibati nga gipasabot niining mga pulong. Si Elder David A. Bednar mihatag og usa ka interpretasyon sa sambingay nga mahimong makatabang (tan-awa sa “Dugang nga Kapanguhaan”). Nganong kinahanglan man gayod nga ang matag usa kanato makasinati og pagkakabig alang sa atong kaugalingon? Unsaon nato sa pagbuhat niini? Unsa ang gikadugang sa Doktrina ug mga Pakigsaad 45:56–57 sa atong panabot bahin niining sambingay?

• Samtang magkat-on kamo mahitungod sa pagbalik sa Manluluwas, mahimo kamong magdungan sa pagbasa ug manganta og himno mahitungod sa Ikaduhang Pag-anhi (tan-awa sa “Jesus Christ—Second Coming” diha sa topical index sa luyo sa himno).

Mateo 25:14–46

Atol sa Kataposang Paghukom, mohatag kita sa Ginoo og usa ka subay bahin sa atong kinabuhi.

• Ang sambingay sa mga talanton ug ang sambingay sa mga karnero ug mga kanding makapadasig kanato sa paghunahuna mahitungod sa subay bahin sa atong kinabuhi nga atong ihatag sa Ginoo atol sa Kataposang Paghukom. Mahimong magbasa kamo og dungan sa mga sambingay ug dapita ang matag sakop sa klase sa pagpakigbahin og usa ka pangutana nga mahimong ipangutana sa Manluluwas mahitungod sa atong kinabuhi kon kita pagahukman na. Hatagi og panahon ang mga sakop sa klase sa pagplano og mga paagi nga ilang buhaton ang mga impresyon nga ilang nadawat atol sa panaghisgotan.

  mga karnero ug mga kanding

  Gigamit ni Kristo ang mga karnero ug mga kanding sa pagtudlo mahitungod sa Kataposang Paghukom (tan-awa sa Mateo 25:31–33).

• Aron sa pagdasig og usa ka panaghisgotan mahitungod sa Mateo 25:34–40, mahimo nimong dapiton ang mga sakop sa klase sa pagpakigbahin og mga ehemplo sa mga tawo nga nagpakita sa kalooy nga gihulagway niining mga bersikulo. Hatagi sila og panahon sa pagpamalandong kon kinsa ang mahimong magkinahanglan sa ilang pagserbisyo. Unsa ang praktikal nga mga paagi nga atong mapakaon ang gigutom, masininaan ang hubo, ug mabisitahan ang masakiton?

mga kapanguhaan nga icon

Dugang nga mga Kapanguhaan

Ang lana sa pagkakabig.

Si Elder David A. Bednar misugyot niining posible nga interpretasyon sa sambingay sa napulo ka birhen:

“Ikonsiderar ang lana nga gihulagway nga mao ang lana sa pagkakabig [tan-awa sa Mateo 25:4–9]. …

“Ang lima ba ka [buotan] nga mga birhen hakog ug dili ganahang mopaambit, o nagpasab[o]t sila og sakto nga ang lana sa pagkakabig dili mahulaman? Ang espirit[u]wal nga kalig-on ba nga miresulta sa padayon nga pagsunod sa mga sugo mahatag sa laing tawo? Ang kahibalo ba nga naangkon pinaagi sa makugihong pagtuon ug pamalandong sa kasulatan mahatag sa tawo nga nanginahanglan? Ang kalinaw ba nga mahatag sa ebanghelyo sa matinud-anong Santos sa Ulahing mga Adlaw mapasa sa indibidwal nga nakasinati og kalisdanan o dakong hagit? Ang klaro nga tubag sa kada usa niining mga pangutana mao ang dili.

“Sama sa gipasab[o]t og maayo sa [buotan] nga mga birhen, kada usa nato kinahanglan ‘mamalit alang kanato.’ Kining dinasig nga mga babaye wala maghulagway og transaksyon sa negosyo; hinoon, gipasabot nila og maayo ang atong indibidwal nga responsibilidad sa pagpabilin sa atong lamparahan sa pagpamatuod nga magsiga ug magbaton og igong suplay sa lana sa pagkakabig. Kining bililhong lana makuha usa ka tolo kada higayon—‘pagtulun-an human sa usa ka pagtulun-an [ug] lagda human sa usa ka lagda’ (2 Nephi 28:30), nga mapailubon ug makanunayon” (“Nakabig ngadto sa Ginoo,” Liahona, Nob. 2012, 109).

Pagpalambo sa Atong Pagtudlo

Siguroa nga nagtudlo ka sa tinuod nga doktrina. “Pangutan-a ang imong kaugalingon kanunay, ‘Sa unsang paagi ang akong gitudlo makatabang sa mga sakop sa akong klase nga makapalambo og hugot nga pagtuo diha kang Kristo, maghinulsol, maghimo ug motuman og mga pakigsaad uban sa Dios, ug modawat sa Espiritu Santo?’” (Pagtudlo sumala sa Pamaagi sa Manluluwas, 20).